Tag Archives: Македонија

Македонија

На австриската амбасада и пукна филмот ! Фирма од Австрија не може да си наплати 4,5 милиони евра долг од зетот на Заеви

Австриската амбасада ги повикува коморите да им ги одземат лиценците на извршителите и нотарите кои учествуваат во ова беззаконие, а медиумите ги повикува на јавно наддавање на кое должникот го распродава имотот над кој има судска забрана.

Фирма од Австрија, која има побарување од 4,5 милиони евра од македонска фирма, и времена мерка за забрана за отуѓување на нејзиниот имот, реагира на тоа што и покрај судската забраната, фирмата ја отуѓува својата сопственост, оставајќи мали или никакви шанси доверителот, австриската компанија АММА, да си го наплати долгот. Според австриската амбасада, станува збор за злоупотреба од страна на нотари, извршители и судски функционери, кои се под влијание на фирмата должник. Австрискиот амбасадор бара надлежните судски органи, обвинителството и стручните комори да реагираат и да го спречат криминалот. Една од фирмите, преку која се испумпува имотот на фирмата должник, е во сопственост на Емилија Заева Костова, братучетка на Зоран Заев и сопруга на самиот должник Атанас Костов од Валандово – наведува амбасадата на Австрија.

Во отвореното писмо до медиумите од Амбасадата на Австрија во Македонија се опишува проблемот:

„Основниот граѓански суд во Скопје на 7 јуни годинава издаде времена мерка во корист на компанијата AMMA Import Export GmbH (AMMA), со седиште во Хоенемс, Австрија, високо ценет индустриски снабдувач на зеленчук во регионот на Југоисточна Европа, првенствено ангажиран во трговија на големо и дистрибуција на земјоделски производи. Со забраната се замрзнува недвижниот имот на фирмата ДЕНА ПРОДУКТ Увоз Експорт Велес (ДЕНА) во сопственост и управуван од г-дин Атанас Костов од Валандово до признавање и извршување на арбитражна одлука во износ од приближно 4,5 милиони евра дадени на 3 јануари 2023 година во фер и транспарентен процес од реномиран меѓународен арбитер, во корист на АММА. Не е изненадувачки што мерката е обжалена.

Испаѓа дека патот до извршување на меѓународна арбитражна одлука во Северна Македонија е тежок и комплициран, и ги загрозува инвестициите преземени од австрискиот инвеститор. Во случајов времето е значителен фактор, со оглед на тоа што ДЕНА уште од почетокот, со поддршка на сродни компании, извршители и нотари, презема разни активности за да ги избегне и спречи легитимните побарувања од АММА, и тоа на следниве начини:

– најголемиот дел од својот имот го префрли на ГЛОБАЛ ТРЕЈД ДММ ДООЕЛ Валандово, (ГЛОБАЛ), поврзана компанија која е во сопственост на г-ѓа Емилија Заева Костова, сопруга на г-дин Атанас Костов, и братучетка на поранешниот премиер Зоран Заев,

– помогнала во спроведување на две извршни решенија против сопствените стакленици и имот во Валандово, при што има јасни докази дека официјалниот јавен катастар е изманипулиран како поддршка на овие акции, и трето,

– спровела јавно наддавање на сопствена стаклена градина во Богданцина на 10 јули 2023 година, иако е во тек граѓанска постапка и кривична истрага.

Со последното закажување на јавното наддавање на 10 јули 2023 година, во корист на компанија поврзана со ДЕНА, АММА речиси сигурно нема да може да си го наплати отштетниот износ од 4,5 милиони евра.

Зошто австриски инвеститор мора да ангажира три адвокатски канцеларии и да поднесе повеќе од десет тужби за признавање на арбитражна одлука во Северна Македонија? Како е можно да се манипулира со информациите од Централен катастар, официјалниот јавен регистар? Како може да продолжат извршни постапки, кога во исто време против некоја фирма се изречени привремени судски мерки, а против неа се води истрага? Зошто надлежните институции во државата, најважно, се Советот на јавни обвинители, Државниот јавен обвинител, Вишото јавно обвинителство – Скопје, се целосно неактивни и воопшто не го истражуваат случајот?

Дали ДЕНА и ГЛОБАЛ ги заробија судството и службениците (извршителите и нотарите)?

Како последица на тоа, австрискиот амбасадор Георг Вуцас побара од Судскиот совет и Советот на обвинители во неодамнешното писмо итно да ги отстранат сите неспособни или пристрасни судии и обвинителите во овие случаи. Секој притисок и влијание се некомпатибилни со независноста на судството и мора да се пријават за понатамошно постапување. Покрај тоа, амбасадорот Георг Вуцас ги повикува надлежните Комори на извршители и Комора на нотари да ги укинат лиценците на нотарите и извршителите кои ја злоупотребиле својата службена положба и овластување во конкретниот случај.

Австриската амбасада будно ќе ги следи понатамошните случувања во оваа работа, вклучително и сите нерешени правни барања до судовите и до јавното обвинителство. Ние ги изразуваме нашите големи надежи и очекувања дека правосудниот систем во Северна Македонија ќе дејствува самостојно и правично и ќе дозволи владеењето на правото да преовладува во разумна временска рамка.

Австриската амбасадата ги повикува сите одговорни медиуми во Северна Македонија да бидат сведоци на јавната аукција во просториите на извршителот Ангел Костадиновски во Кавадарци, на 10 јули во 12:00 часот. На аукцијата ќе присуствува и амбасадорот Георг Вуцас, а тој ги повикува сите одговорни граѓани кои се залагаат за владеење на правото, особено државниот јавен обвинител, да му се придружат. Ако заложбите за борбата против корупцијата и организираниот криминал се искрени, сега е време да се обрне внимание, а не да се гледа настрана!“ – се вели во писмото од амбасадата на Република Австрија во Македонија.

Македонија

150 илјади луѓе за 5 години ја напуштиле Македонија – вели Груевски

Во последните шест години, по еден цел град луѓе, како бројка заминуваат од Македонија

Во третиот квартал (јули-септември) 2017 година во Македонија имало 954.814 работо-способни и активни лица, додека во третиот квартал (јули-септеври) во минатата 2022 година таа бројка се намалила на 808.328 лица, или поточно кажано, речиси 150.000 лица ја напуштиле Македонија (при отприлика ист број на пензионери). Во овие бројки не се сметаат иселените деца и пензионери, па заедно со нив бројот е сигурно многу поголем.

Македонија секогаш имала иселување, но ова сега е рамно на погром. Годишно заминува по еден цел поголем град, ако добро се анализираат бројките.

Запрепастувачка е оваа информација од државниот завод за статистика чии податоци го покажуваат резултатот на работењето на владата предводена од СДСМ кои покажуваат една споредбена анализа од која произлегува дека за периодот на третиот квартал 2017 година, кога само што беше устоличена актуелната власт, и третиот квартал (јули-септември) 2022 година, намален е бројот на активно население за околу 150.000 граѓани, што значи дека населението од Македонија забрзано се иселува.

Тоа значи дека во тие пет години просечно за 30 илјади луѓе се намалувал бројот на работно способно население, од кои веројатно е дека најголем дел се иселени, веројатно над 90 проценти, а помал процент се однесува на наталитетот, односно на разликата во поголемиот број на луѓе кои исполниле услов за пензија и помалиот број на оние млади луѓе чии години достигнале број да влезат во групата на работоспособни.

30.000 работо-способни заедно со веројатно уште 5.000-10.000 заминати а кои не се работо-способни (деца и пензионери), тоа е она што напишав: цел еден поголем град од Македонија.

Ова е податок од пред една година. Ако тој тренд продолжил, а нема ништо што во последните 12 месеци оди во правец тој тренд да е запрен или забавен, тоа значи дека бројката на работно способни граѓани на Македонија во овој трет квартал (јули-септември) во 2023 година веројатно повторно ќе се намали за нови околу 30.000 лица, или севкупно од инсталирањето на власт на Заев и СДСМ во 2017 година, бројот би бил за околу 180.000 работоспособни луѓе помалку во Макеоднија. Бројка во која над 90% се иселени.

Ако ова не се запре со нови политики кои ќе ги задржат луѓето во Македонија, за 20 години Македонија ќе брои околу 1,2 до 1,3 милиони жители од околу 2 милиони колку што беше кога под налетот на политичкиот прогон бев принуден да заминам од Макеоднија и да побарам политички азил.

Овој тренд ќе има многу последици, политички, економски, демографски, социолошки итн.

Секако дека влезот во ЕУ ќе отвори нови фондови кои ќе помогнат многу луѓе да добијат добри можности и да останат во земјата, а за самиот влез ќе треба да се обезбедат повисоки стандарди што оди во правец на забавување на иселувањето.
Но, со вакво водење на земјата, и со вакви неправди, негрижа, корупција, непотизам, немање еднакви можности за сите, немање економска визија, проекти, перспективи, исправни економски политики и успеси, разочарувања од аспект на предавства на националните интереси, неодговорност на секој чекор и на секое ниво, тоа ќе компензира во обратен правец, и нема многу да ги промени трендовите, особено кога ќе се земе во предвид дека зачленувањето ќе значи и целосна либерализација на движењето на трудот, односно секој граѓанин ќе може без никаква административна пречка да работи во сите земји членки на ЕУ, што како и во дел од другите источни земји, особено по влегувањето во ЕУ, многумина го користат.

Јасно е и дека повеќето земји на ЕУ со години водат тивки политики на привлекување на работна сила од земји со не многу различна култура, како балканските земји, Украина, кавказките држави и слично.

Тие за да обезбедат непречен економски развој во економскиот натпревар со САД и Кина, а во услови на многу лоша демографија кај нив, мораат да ги пополнат потребите за работници и секако ако не ги пополнат од овој “базен” на расположливи човечки ресурси, ќе мораат да ги пополнуваат од друг базен, од типот на африканските земји, Авганистан и слични, чија култура е многу различна, кои многу потешко се вклопуваат во нивната култура и средина, живеат гетоизирани и кои им создаваат големи главоболки, како на пример што Шведска веќе има доста предизвици на планот на безбедност на граѓаните особено во некои места заради зголемен криминал.

САД на пример главно “пополнува” од средна и латинска Америка.

Кина до скоро немаше таков проблем, но предолгото водење на политика на “едно дете” ја втурна во демографска рецесија која ќе потрае, иако веќе политиките се променија на тој план, што може да создаде ситуација во иднина и ним да им се потребни повеќе луѓе, кои веројатно би ги привлекле од азискиот континент.

Затоа некои европски држави ги олеснуваат условите за добивање на работна виза за работници од балканските земји, затоа некои ЕУ земји ги финансираат трошоците на многу училишта за изучување на нивниот јазик со кои подготвуваат луѓе за преселување кај нив по десетина или петнаесет години, итн.

Дури и во 2024 година да дојде влада која ќе биде супер способна, а прашање е дали ќе дојде, после овој погром во овие шест години, сигурно ќе и требаат барем три до пет години да се почуствуваат резултатите од нејзините добри политики, да ја врати државата во еден нормален тек и да ги убеди луѓето или поголем дел од нив, дека може да имаат подобар живот во Македонија.

Одтука, најмалку, односно во најдобар случај, во случај идната влада да е многукратно поспособна од сегашната, уште 3-4 години овој иселенички погром што се случува во минатите шест години и денес, ќе продолжи со речиси ист интезитет и Македонија ќе продолжи забрзано да се празни.

Ова значи, независно на плановите, желбите и надежите за влез во ЕУ, на Македонија и треба способна влада, способни луѓе на чело на земјата, со визија и капацитет за да ги задржи или барем делумно да ги задржи оние кои незапирливо заминуваат, овозможувајќи им подобар живот и можности во Македонија.

Во спротивно, цела Македонија се помасовно ќе се празни.

Галичник некогаш беше синоним за иселено село во многу живописен крај. Сега ги има многу “галичници” а и градовите забрзано се празнат.

Наместо губење време на неработење и “вадење на очите меѓу себе”, треба да се спречи цела Македонија да заличи на Галичник.

https://www.facebook.com/plugins/post.php?href=https%3A%2F%2Fwww.facebook.com%2FNGruevski%2Fposts%2Fpfbid0wF5eiH7PXf8SoJhHFG12MkAibzPBXAXD9EEKgrGg17wq2jCZWfU9P16QRHV2CwBHl&show_text=true&width=500

Македонија

(ВИДЕО) Заев: Да гласаме гордо и достоинствено за Рамиз Мерко!

Video

Среде правот што го крена Стејт департментот за ставањето на градоначалникот на Струга, Рамиз Мерко, на проширената „црна листа“ на САД, твитерџијата Македонец #Бојкотира потсетува како поранешниот лидер на СДСМ и експремиер Зоран Заев повикуваше „гордо и достоинствено“ да се гласа токму за високиот функционер на ДУИ посочен од официјален Вашингтон за „вмешаност во голема корупција“.

Спорт

Овој Прилепчанец ја погодил Македонија-Англија и си лапна добра паричка (Фото)

Не сите беа незадоволни поради рекордниот пораз на македонската фудбалска репрезентација од 7:0, на гостувањето на “Олд Трафорд” во Англија.

Особено овој прилепчанец, кој си уплатил илјадарче на точен резултат и коефициент 51, па си заработи одлична добика од 43.500денари во “Спорт Лајф” – објави “Спорт Манија”

Aлал вера мајсторе и создравје да си ги трошиш!

Македонија

Директорот на Канал 5 бара Европскиот парламент да ја провери менталната состојба на бугарски пратеник

Директорот на националната телевизија Канал 5 бара Европскиот парламент да ја провери менталната состојба на европратеникот Александар Јорданов кој се ситеше на поразот на Македонија во мечот со Украина кој украинците го добија со три спрема два иако Македонија водеше со два спрема нула на полувреме.

Според европратникот и екс амбасадор на Бугарија во Македонија, Елмас и другарите загубиле од Украина затоа што биле антибугари.

„Добра вест. Украина ја победи Македонија во фудбал! Среде Скопје. Сè додека се антибугари, така ќе биде“, коментира на Фејсбук дипломатот Јорданов.

,,Какво битие треба да бидеш, да мислиш на ова и да го кажеш јавно?
Се прашувам Европски парламент, дали барем еднаш годишно ја проверувате здравствената состојба на секој од пратениците на ЕУ?


Лажно да се обвинува цела македонска нација, дека мрази бугарска нација не е нормална изјава, коментира Мирчевски по изјавата на Јорданов упатувајќи барање до Европарламентот да поведе сметка за менталната состојба на своите пратеници.

Поранешниот амбасадор на Бугарија во Македонија предходно се „прослави“ со тешките навреди за Македонците по одбележувањето на годишнината од раѓањето на Гоце Делчев во февруари.

Спорт

„Ова е најголемото зло што некогаш постоело во македонскиот фудбал!“(ФОТО)

Gallery

Иконата на македонскиот фудбал, Горан Пандев преку социјалните мрежи го кажа своето мислење за актуелната состојба во репрезентацијата по дебаклот од Англија.

Откако беше повикан на инстаграм стори да даде свое мислење, Горан Пандев одговори на слика на која се посочени личности меѓу кои претседателот на ФФМ, Муамед Сејдини и селекторот, Боби Милевски. 

„Најголемото зло што некогаш постоело во македонскиот фудбал, нека ни е чест на сите“, напиша Пандев.

Горан Пандев уште пред историскиот настап на Европското првенство влезе во жестока битка со раководството на ФФМ застанувајќи во одбрана на селекторот Игор Ангеловски кој беше сменет и покрај одличните резултати со селекцијата.

Македонија

Стрелајте кучиња, но нашата идеја нема да умре!

На денешен ден, 16 јуни 1943 година, пред 76 години, беше извршен Ваташкиот масакр, најголемиот злочин ( заедно со Дабничкото клање) во времето на Втората светска војна во Македонија. Со намера да го спречи големиот подем на народно-ослободителното движење во Македонија, а се во рамките на Јунската непријателска офанзива, бугарскиот фашистички окупатор во месноста “Моклиште“ стрела 12 младинци од селото Ваташа на возраст од 15 до 27 години.

Во пролетта 1943 година, по повеќе акции на партизанските одреди на Третата оперативна зона, три полка бугарска војска и одреди полиција, под команда на полковникот Апостолов, од 7 до 16 јуни 1943 година, презема офанзива за уништување на партизаните и се нафрла и на мирното население. Кулминација на прогоните над цивилното население е масовното стрелање во Ваташа, на 16 јуни 1943 година, кога на роденденот на бугарскиот престолонаследник Симеон ІІ се убиени 12 младинци. Уште вечерта на 15 јуни низ Ваташа се разнесла веста дека утредента никој не треба да оди на работа, зашто е роденден на престолонаследникот и во Кавадарци ќе се одржува парада. Кога се разденило на 16 јуни, селото било блокирано од војска и полиција. Никој не можел да излезе, а оние што тргнувале на работа ги враќале назад.

Во раните утрински часови во селската кафеана во Ваташа биле приведени и сослушани неколкумина младинци и девојки. Тие биле скоевци, кои кришум им помагале на партизаните, но биле предадени. Според Стева Илиева од Кавадарци: „Кметот не’ собираше од куќите со готов список, сите нѐ имаше по име и презиме.“ Во кафеана тие се испрашувани и тепани, а потоа се терани да признаат дека биле сите заедно со партизаните на 1 мај во месноста Моклиште и дека биле нивни помошници. На крајот на полицискиот распит се ослободени еден младинец и една девојка.

Потоа сите во колона по еден во придружба со силно воено обезбедување се однесени во месноста “Моклиште“, каде девојчињата се издвоени, а врз момчињата е отворен оган од митролези и пушки.
Најмладиот од стреланите имал само 15 години. Еден од стреланите пред да умре, успеал да изусти “Стрелајте кучиња, но нашата идеја нема да умре!”.

За масакрот во Ваташа пишува во “Билтенот“ на ГШ на НОВ и ПОМ од септември 1943 година каде стои: “Младинците се изрешетани од куршуми од митролези, па се после избодени со бајонети, на некој им се исечени рацете и извадени очите, а притоа сите биле опљачкани“. Поручникот Борис Костов кој раководел со овој злочин, со шмајзер во рацете од кој сѐ уште се чадела цевката им се обратил на преплашените девојки со зборовите: “ Гледајте, гледајте и вас ќе ве најде истото“. Откако му реферирале за извршениот масакр за успешно извршената акција полковникот Љубен Апостолов восхитено рекол: “Тоа е тоа, страшни момчиња имам“.

Судење

По две години, Народниот суд во НР Македонија ги осудил на смрт главните раководители и учесници во оваа акција: полковник Љубен Апостолов, капетан Борис Жеглов, поручник Костов и подофицер Петко Опреков. Пред тоа, сите тие се предадени од новата влада на Бугарија на југословенските власти за судење како фашисти.

Стрелачкиот вод кој учествувал во злочинот една година подоцна на 13 јули 1944 година, бил целосно уништен од страна на два баталјона на Втората МУБ кај село Страмашево.

Одбележување

Во спомен на настанот, изградена е спомен костурница на стреланите 12 младинци од Ваташа, која е откриена на 11 октомври 1961 година. На јужниот ѕид на споменикот е запишано: „Смртта стана немоќна пред нашата младост исправена, пред очите наши загледани, уште тоа утро во иднината“. На местото на стрелањето подигнат е спомен-парк со површина од 7 хектари, а во него се посадени 12 јавори како симбол на стреланите младинци.

Македонија

Официјално промовирана „Оган да го гори“ во изведба на Ламбе Алабаковски

Video

Со песната „Оган да го гори“ во нова изведба на Ламбе Алабаковски официјално стартува голмиот музичко-патриотски проект „Македонијо, во срце те носиме“. 

Инаку оваа песна е оригинално изведена од Гоце Николовски.

Музиката за песната на Ламбе е на Војо Стојаноски, текстот на Гоце Николовски, а аранжманот на Никола Мицевски.

Звуците на зурла, кавал и гајда се во изведба на Гоце Димовски, а на тапан на Трајче Ристов.

Иницијаторка и идеен творец на овој проект кој привлече големо внимание во јавноста е нашата позната пејачка Бојана Скендеровски.

Станува збор за обработка на 12 патриотски песни во ново руво, кои ќе бидат испеани од популарни музичари, а најавен е и музички караван низ земјава, со цел да заживеат патриотските песни помеѓу помладите генерации.

Дел од ,„Македонијо, во срце те носиме” ќе бидат и Миле Кузмановски, Зуица Лазова, Сузана Спасовска, Наум Петрески, Александар Тарабунов, Мина Блажев и други.

Македонија, Приказни

Трајко Тарцан, легендарниот првоборец – осудуван 5 пати на смрт од бугарските воени фашистички судови за Македонија!

На денешен ден, на 12 јуни во 1918 година во селото Голем Радобил, Прилепско, е роден легендарниот првоборец и национален деец за слободата на Македонија Трајко Бошкоски – Тарцан. На 8 јануари 1943, откако во една колиба ќе биде опколен од бугарските фашисти и ќе ја потроши целата муниција во борбата со нив, со последниот куршум се самоубива и ќе ја положи својата младост на олтарот на слободата на својот поробен македонски народ и во темелите на идната македонска држава.

Основно училиште и прв клас гимназија завршил во Прилеп. На 14 годишна возраст, од 1932 почнува да работи како дрводелец. Кон крајот на летото 1937 година заминува за Белград. Се вклучил во тамошното студентско-работничко движење и почнува да се дружи со напредните Македонци, кои студирале во Белград во тоа време. На 26 ноември 1938 година станува член на КП.

Во 1940 година Трајко Бошкоски – Тарцан се вратил во Прилеп. На 2 август 1940 година Тарцан ќе биде учесник во Илинденските демонстрации,  одржани во Скопје, Прилеп и Охрид, кои биле организирани од Методија Андонов Ченто, Орце Николов и Кузман Јосифовски Питу. Со Илинденските демонстрации Македонците барале реформи и поголеми права за Македонците во тогашното кралство Југославија (претходно познато како кралство СХС), а едно од главните барања било македонските деца да учат на македонски јазик, не на српски, на кој што дотогаш учеле.

Тарцан ќе одржи два забележителни говори на демонстрациите, по што ќе биде уапсен од тогашната српска власт. Во декември 1940 година е осуден на шест месеци затвор. Ослободен е пролетта 1941. По фашистичката окупација на Македонија, српскиот режим бил заменет со бугарски фашизам.

Трајко Бошкоски – Тарцан е меѓу првите борци против бугарските окупатори и еден од седумте први прилепски партизани, кои на 12 септември 1941година во месноста Будимаш на Селечка Планина ја формираат првата партизанска чета во Вардарскиот дел на Македонија. Тој е избран како политички комесар на четата. Подоцна бил политички комесар и на Првиот прилепски партизански одред „Гоце Делчев“.

На 8 октомври 1941 година Тарцан е опколен во една куќа во Прилеп, но успева да се пробие низ непријателскиот обрач, при што убива еден бугарски полицаец. Тој е еден од организаторите и водачите на нападот врз бугарскиот полициски участок во Прилеп на 11 октомври 1941 година, со што започнало востанието на македонскиот народ против бугарскиот фашистички окупатор на Македонија.

Кон крајот на 1941 работи активно на теренот на Скопје, каде пропагира и ја јакне организираноста на македонскиот народ за борба против окупаторот. Од скопскиот терен, тој се префрлил во Тетовско-Дебарскиот регион каде исто така успешно работел на оформување на нови партизански одреди. Бил член и инструктор на Покраинскиот комитет на КПЈ за Македонија од декември 1941 и политички комесар на Покраинскиот оперативен штаб од април 1942.

Бугарските воени фашистички судови 5 пати ќе го осудат на смрт Трајко Бошкоски – Тарцан. Почнала потрага по него и под дрво и под камен. По формирањето на Велешкиот одред „Димитар Влахов“ во септември 1942 година Тарцан бил избран како негов политички комесар. При една организирана потера на окупаторот тој е тешко ранет на Божик 1943. Соборците го оставиле во една колиба кај селото Сливник, Велешко, мислејќи дека тука ќе биде на сигурно додека дојде помош, затоа што не можел да се движи. Но бил предаден.

На 8 јануари 1943 бугарските фашисти ја опколиле колибата, но Тарцан почнал да пука и не им дозволувал на напаѓачите да се приближат. Во нерамна борба ги испукал сите куршуми освен последниот. Со него Трајко Бошкоски Тарцан се самоубива и ги положува своите 25 години на олтарот на слободата на тогаш поробената Македонија.

Извор. Експрес.мк

Македонија

КОЦАРЕВ: Со надеж за влез во ЕУ дозволивме бришење на Македонците во Егејска и Пиринска Македонија и дивеења на владејачката елита

Посочувајќи дека излезот од оваа состојба е да се каже решително „НЕ“ на планираните и предложени уставни измени, им порачувам на Македонците да ги „чуваат тапиите од лозјата и од нивите“, нагласи академик Љупчо Коцарев, претседателот на МАНУ во својата реч при претставувањето на автобиографската трилогија на академик Божин Павловски вчера, објави весникот Нова Македонија.

– „Трилогијата на вознесот“, дваесет и четирите романи, расказите, трите тома записи и колумни и делото „Македонците отаде екваторот“ сведочат за непокорот, за спротивставувањето на разнебитувањето на Македонија и на исчезнувањето на Македонците. Македонија треба да чекори по европскиот пат – тој пат нуди сигурност, економски напредок, благосостојба и извесност за сите нас и за државата, но, на тој пат, ние треба да чекориме само како Македонци. Никогаш порано во историјата на Македонија за дел од центрите на политичка моќ надежта за полноправно членство во ЕУ не била поголема, но никогаш таа не направила толку многу штета како денес, вели Коцарев.

Никогаш не научивме, додава академик Коцарев, како да се откажеме од надежта, па затоа денес згаснуваат, изумираат македонскиот јазик, идентитетот, државата.

Целиот текст може да го прочитате ТУКА.