Tag Archives: Македонија

Инфо +

Сменија имиња на држава, патишта, музеи, улици и ништо: Нека не не лажат со Бугарија, Хрватска, Романија, ЕУ не сака да се пpoширува

Претседателот на Србија Александар Вучиќ, вечерва рече дека влегувањето во Европската унија веќе не зависи само од Србија и дека е очигледно дека во овој момент нема желба во рамките на ЕУ за проширување.

„Направивме голем напредок, бевме конструктивни во дијалогот со Приштина и не сторивме ништо затоа што има политичка сатурација со проширувањето на ЕУ“, рече Вучиќ за Еуроњуз Србија. Вучиќ додаде дека С Македонија стори сé што зависеше од неа, а не отвори ниту едно поглавје.

„Зависеше од нив да го сменат името во С Македонија, да го сменат името на аеродромот, патиштата, спомениците, музеите, улиците и она што не им дозволија“, рече тој, наведувајќи дека сега нема желба за проширување во ЕУ и го повика Брисел да го забрза европски пат не само кон Србија, туку и кон Албанија и С Македонија. „Тие приказни за Бугарија, Хрватска или Романија закачете ги ѝ на опашката на мачката. Очигледно, во овој момент нема желба Унијата да се прошири“.

Говорејќи за иницијативата „Мал Шенген“, Вучиќ рече дека вчера со премиерите на Албанија и Северна Македонија, Еди Рама и Зоран Заев било договорено таа да добие ново име на самитот во Скопје на кон крајот на јули.

Забава

Цеца доаѓа во Македонија: Пејачката најави концерти во овие македонски градови

Балканската ѕвезда Светлана Цеца Ражнатовиќ најави два концерта во Македонија.

Таа летово ќе пее за македонската публика во Охрид и Пробиштип.

По долгата пауза од настапи поради пандемијата, пејачката се враќа на сцената. Во својата агенда на настапи Цеца најави дека летово ќе ја гледаме во Охрид на 14 август и во Пробиштип на 21 август, за време на Денот на рударите.

-Се радувам на дружењето, напиша Ражнатовиќ, која и во минатото беше честа гостинка кај нас.

Инфо +

Јазикот на Македонија БИЛ ДЕЛ ОД БУГАРСКИОТ ЈАЗИК, рече португалската министерка за Европа!

Португалската државна секретарка за европски прашања Ана Паула Закаријаш денеска во Лисабон кажа дека „јазикот на Северна Македонија некогаш бил дел од бугарскиот јазик“, одговарајќи на новинарско прашање на Бугарското национално радио.

Португалија уште утре претседава со ЕУ, а од 1 јули претседателството го презема Словенија. Во врска со спорот меѓу Македонија и Бугарија, за Словенија Закаријаш има порака дека позицијата на Бугарија мора да се почитува и дека не треба да се внесуваат несогласувања во ЕУ.

„Ова е многу тешка дебата, особено за Бугарија, поврзана со историјата, културниот идентитет на двете земји, како и со идната соработка. Во моментов тие работат на нешто како патоказ, кој ќе им помогне да работат на тоа Бугарија да добие гаранции дека кога Северна Македонија ќе влезе во ЕУ работите ќе се одвиваат непречено. Северна Македонија помина низ тешки преговори со Грција – сетете се дека земјата си го смени името. Но, многу е тешко, бидејќи ова е поврзано и со Бугарија како култура и јазик. Очигледно е поврзано со јазикот на Северна Македонија, кој некогаш бил дел од бугарскиот јазик и културните димензии на двете земји. Во Бугарија ќе има нови избори на 11 јули и мислам дека бугарските власти ги чекаат резултатите од нив пред да одлучат како да постапат“, вели Закаријаш.

Португалското претседателство учествуваше во преговорите да се отстрани бугарското вето за почеток на пристапните преговори на ЕУ со Македонија пред состанокот на Европскиот совет на 24-25 јуни, а имаше и португалски предлог за надминување на спорот, кој за Македонија беше добар, но за Бугарија беше неприфатлив.

„Не беше моментот погоден. На Бугарија ѝ требаше повеќе време да ги реши овие прашања со Северна Македонија“, вели таа.

Инфо +

Радев: Нема да кажеме „ДА“ се додека Македонија ја краде бугарската историја

„Бугарија се спротивстави на ’неверојатниот притисок’ од европските партнери да се одобри почетокот на преговорите за членство на Северна Македонија во ЕУ“, изјави бугарскиот претседател Румен Радев пред новинарите во Брисел, откако пред неколку дена земјата повторно ги блокираше македонските обиди за влез во Унијата. По пристигнувањето на дводневниот Европски совет во Брисел, бугарскиот претседател рече дека Бугарија успеала во инсистирањето прашањето за започнување преговори со Скопје и Тирана да се отстрани од денешната агенда на шефовите на држави и влади на земјите од ЕУ.

„Време е сите да разберат дека забрзувањето на европската перспектива за нашата најблиска земја зависи само од ангажманот и резултатите од дијалогот со Бугарија“, порача Радев, Додавајќи дека темата за започнување преговори меѓу Скопје и ЕУ биле отфрлени од европските лидери на бугарско инсистирање.

Како што пренесува бугарски „Медиапул“, Радев се пожалил дека последните месец и половина, Бугарија била под огромен притисок од европските партнери на денешниот Европски совет да се започнат преговори за членство на РСМ. „Притисокот ќе продолжи, но ние докажавме овој месец и половина дека можеме да бидеме отворени за конструктивен дијалог и да го иницираме дијалогот на највисоко ниво. Нема да дозволиме да ни ги свиткаат рацете со лобирање, ниту пак со медиумски и политички притисок“, додаде Радев.

Тој рече дека на самитот на ЕУ во мај Бугарија била во изолација, соочена со прст на обвинувања за блокирањето на преговорите со РСМ и со Албанија. „Привремената влада вложи големи напори за да ги надополни сите години во кои нашите партнери никогаш не биле во можност да слушнат значајна, аргументирана бугарска позиција на високо ниво. Затоа одржав многу лични состаноци и разговори со лидерите на европските институции“, рече тој. Оваа порака на Радев индиректно е упатена кон поранешниот премиер Бојко Борисов кој пред една недела го обвини шефот на државата и привремената влада дека „ги лажат Македонците дека сакаат нивна евроинтеграција“ – пренесува Слободен печат.

Инфо +

Ахмети и Заев ќе ги менуваат знамето, грбот и химната на Македонија?

Претседателот на ДУИ Али Ахмети вчера во емисијата „Клан дебата“ откри дека со лидерот на СДСМ и коалиционен партнер Зоран Заев на маса веќе ги ставиле знамето и грбот на Македонија, а нова химна е само прашање на време.

– Се разговарало и за химната и за грбот и за знамето. Овие се прашања за кои е потребен консензус, но ова повеќе ќе зависи од договор помеѓу Македонците. Што се однесува на химната, се разговарало и нема којзнае какво противење и тоа е повеќе прашање на време и мислам дека може да се разговара без резерви, рече Ахмети.

Во однос на спорот со Бугарија, пак, Ахмети посочи дека не се решава ниту со прес-конференции, ниту со лидерски средби.

– Треба да се седне и да се превземе одговорност, а јас гледам подготвеност кај Зоран Заев да земе одговорност, вели Ахмети.

Смета дека ако отвориме графа во Уставот и за Бугарите како што има за Турците, Србите итн, според него многу ќе го амортизира прашањето со Бугарија.

Ахмети откри и дека планираат соработка со СДСМ на локално ниво за изборите, зошто тоа е во интерес и на двете партии.

– Сме соработувале и за да се избери и градоначалникот на Град Скопје и таа комуникација и соработка испадна добра. Актуелниот градоначалник на Скопје комуницираше и соработуваше и со албанските општини и не правеше селективни политики, рече Ахмети.

Зборувајќи за ребрендирањето на партијата и зелената агенда, Ахмети посочи дека големите сили излегле со иста агенда, полагајќи многу внимание на животната средина.

– Ова ребрендирање нè приближува до НАТО затоа што и НАТО излезе со зелена агенда. Исто така по нас и Г7 се ребрендира, а и Еди Рама по нас излезе со таква агенда. Тоа значи дека ние се мериме со нив, не се мериме со СДСМ и со ВМРО- ДПМНЕ. Зачувувањето на животната средина нема идеолошка дефиниција, лево или десно, рече Ахмети.

Текст на Лидер мк

Спорт

Ангеловски: Среќен сум што испишавме историја и ја однесовме Македонија на Европското првенство

Селекторот на македонската фудбалска репрезентација Игор Ангеловски, вечерва на прес-конференција по поразот од Холандија (0:3) ги искажа своите впечатоци за дебитантското учество на едно Европско првенство.

– Можам да кажам дека беше огромно задоволство да се води Македонија на едно Европско првенство. Воопшто не треба да бидеме разочарани. Ова беше наш дебитантски настап. Би сакал да им се заблагодарам на фудбалерите предводени од капитенот Горан Пандев за сè што направија на ЕВРО 2020. Среќен сум што испишавме историја и ја однесовме Македонија на Европското првенство, изјави Ангеловски.

Според најавите, и Ангеловски го имаше последниот натпревар како селектор, бидејќи, како што рече тој самиот, договорот со Фудбалската федерација на Македонија му истекува на 31 јули.

Инфо +, Спорт

ПАНДЕВ ЕДВАЈ ГИ ДОДРЖА СОЛЗИТЕ: Расплакани фанови од трибините и дрес од Холанѓаните (Фото+Видео)

Штотуку започна натпреварот помеѓу Македонија и Холандија, а за време на пеењето на македонската химна Горан Пандев едвај се воздржа да не заплака.

Нашиот капитен кој денеска го игра последниот меч за репрезентацијата со солзи во очите и еден тон емоции ја пееше нашата химна.

Додека Пандев се воздржа, фановите на трибините веќе плачеа, а и му порачаа „Горан Пандев фала ти.

Холанѓаните му подарија дрес.За време на ракувањето на капитените, Вајландум му подари дрес на Пандев од Холандија со број 122, колку уште има настапи за репрезентација!

Браво за овој гест!

Спорт

Македонија дeнec ќe гo имa пocлeдниoт нacтaп нa ЕП вo фyдбaл – пocлeдeн мeч и зa Горан Пандев во нaциoнaлниoт дpec!

Фудбалската репрезентацијата на Македонија денес во 18.часот во Амстердам го игра својот последен натпревар на ЕУРО 2020 против репрезентацијата на Холандија.

Ова беше историски прв настап за нашата репрезентација на Европско првенство, и иако резултатски во првите два натпревари потфрливме, тоа секако не треба да се доживее како разочарување, со оглед на фактот што дебитиравме на едно големо натпреварување како самостојна држава.

Овие момци , не направија горди во секаква смисла на зборот, и за прв  пат ја осетивме фудбалската еуфорија на едно големо натпреварување. Македонија ги загуби двата натпревари од Австрија 3-1 и од Украина 2-1 и останува да се одигра само мечот со Холандија за крај на ЕУРО 2020 за престиж и да се одигра за капитенот Горан Пандев кој за последен пат ќе го носи националниот дрес, Горан Пандев дебитираше во 2001 година а досега за Македонија настапи на  113. натпревари и постигна 34 погодоци.

Без разлика на крајниот резултат , Македонските фудбалери се најголемите херои кои ја сплотија македонската нација и повторно ја вратија вербата во репрезентативниот фудбал.

ЕВРО 2020 ќе биде запишано со златни букви  во Македонскиот репрезентативен фудбал и без разлика на се што ќе се случи во иднина, така и ќе остане.

Секоја чест за момците кои не направија горди во секоја смисла на зборот, направија Македонија да се пробие на Европската фудбалска карта и го направија горд секој Македонец каде и да живее.

Капа доле за се дечки и уште еднаш благодарност што ни овозможивте да уживаме во ЕВРО 2020 со Македонија.

COVID 19, Инфо +

Потврден е уште еден случај на индискиот сој на коронавирусот во земјава

Потврден е уште еден случај на индискиот сој на коронавирусот во земјава, се работи за уште еден наш граѓанин кој дојде од Ирак, а се лекувал во една од приватните болници, потврди денеска министерот за здравство Венко Филипче по посетата на реновираниот Здравствен дом во Битола. Филипче нагласува дека е важно да се вакцинираат граѓаните бидејќи вакцините штитат од тешка форма на болеста и од смрт дури и кога се работи за индиската варијанта на вирусот.

Станува збор за колега на првиот пациент од Ирак кај кого беше регистриран индискиот сој, рече Филипче и додаде дека вториот заболен симптимите ги пројавил подоцна од првиот регистриран на 7 јуни. Двајцата биле на работа во Ирак, а со истиот авионски лет се вратиле во земјата.

Пациентот не е во ризик. Нема ризик ниту од ширење на болеста, според направените епидемиолошки анкети.

Министерот вели дека сите вакцини штитат и од индискиот и од другите форми на мутации од смртен исход и од тешки компликации на болеста.

Филипче очекува кон крајот на месецот да пристигнат поголеми количини на вакцини во земјава, 100 илјади фајзерови и 500 илјади на Синовак и во текот на летото да се изврши имунизација на населението до степен на колективен имунитет.

Спорт

Столе Димитриевски e прогласен за најдобар голман на Еуро2020👏