Tag Archives: Македонија

Македонија

На Бугаринот Виктор Стојанов изречена му е доживотна забрана за влез во Македонија

„На претседателот на бугарската фондација „Македонија“, Виктор Стојанов, изречена му е доживотна забрана за влез во Македонија, Ова го потврди тој за порталот „Лупа.бг“. Тој веќе имаше забрана од една година и 3 месеци. Кога му завршила се упатил кон Скопје, но бил вратен назад на граница бидејќи забраната му била продолжена на неодредено време.

„Добив доживотна забрана за влез во Македонија. Нема причина да не ми биде дозволен влез во земјата. Немам ни казна за непрописно паркирање таму, но непожелен сум. Во РСМ имам спроведено над 500 хуманитарни иницијативи, се обидов да му помогнам на Скопје побрзо да влезе во ЕУ, како и да ги зближам двата народа. Наместо благодарност, добив забрана. Ќе ја запознаам со ова Европската комисија против расизам и нетолеранција (ЕКРИ) на Советот на Европа. На овој начин работите нема да останат незабележани“, рече Стојанов.

Тој потсети дека поради омраза кон бугарскиот народ, влезот на Северна Македонија во ЕУ беше одложен. Оваа одлука беше донесена на Самитот на Берлинскиот процес во понеделникот во Тирана. Зелено светло на патот кон евроинтеграциите добива само Албанија, за која во јануари следната година се отвора преговарачко поглавје.

„Некои опозициски партии се виновни за заостанатоста на Северна Македонија, како и претседателот Стево Пендаровски. Наместо да гради мостови меѓу двете земји, тој постојано ги уништуваше“, истакна Виктор Стојанов.

Според него, Албанија целосно заслужува да го продолжи својот пат кон европската интеграција. Има многу добро законодавство за малцинските права. Во земјата живеат 100.000 Бугари, а во Тирана 12.000. Од Бугарите таму има советници на министри, Бугарите се и директори на претпријатија.

Фондацијата „Македонија“ е активна и во Албанија. Обезбедуваме учебници, алатки, таблети. Таму сме добредојдени и не чекаат“, истакнува Стојанов.

Забава, Македонија

Анастасија ја претставува Македонија пред светот на најубавиот можен начин (ВИДЕО)

Video

Анастасија Анастасова со своето семејство живее во Хамбург, Германија. Но, Македонија живее во нејзиното срце.Loading…

Ова девојче, кое следниот месец ќе наполни 11 години, имаше прекрасна идеја, за чија реализација се вложи максимално и затоа со гордост може да каже дека успеа.

Нејзина мотивација се љубовта кон родната земја и убавините кои Македонија ги поседува. Не мислеше дека е доволно за тие убавини да знае само таа, па сакаше да ги сподели со светот.

https://youtu.be/qBPj51IJx-M?feature=shared

Бесценето е да ги погледнете македонските богатства низ детските очи бидејќи нема нешто поискрено од детските емоции. Токму тоа стана успехот на Анастасија.

Оваа Македонка има свој канал на Јутјуб, кој го води на два јазика – германски и македонски. За да допре до срцата на сите, видеата имаат и англиски превод.

Семејството е нејзина најголема поддршка, па тие заедно работат снимање и монтажа, вложуваат свои средства, но пред сè – многу љубов.

Скопје, Прилеп, Струмица, Кавадарци, Кратово, Охрид се само дел од локациите каде Анастасија направи свои мини документарци. Пред снимање се подготвува со информации кои од срце им ги пренесува на сите што ја гледаат. Снима интервјуа со славни личности од Македонија, кои наидуваат на голем интерес од страна на публиката

https://youtu.be/_Ms9ztkcYrQ

Цел текст: https://kurir.mk/magazin/mladi-talenti/poglednete-gi-makedonskite-ubavini-niz-detskite-ochi-anastasija-ja-pretstavuva-makedonija-pred-svetot-na-najubaviot-mozhen-nachin-video/

Истражување

Македонците наведени како посебен народ во Царска Русија: Објавени документи од 18 век

Соседните држави очигледно погрешно пресметаа кога мислеа дека со газење и негирање на Македонците ќе успеат да ги асимилираат.

„Оти Македонија не е само држава. Ако беше Македонија само обична држава, денеска немаше да има ниедна прашинка од неа. Туку Македонија е икона на Балканот, Македонија е црква на Европа, Македонија е манастир на светот!“, велеше великанот Петре Мито Андреевски и вистина. Колку повеќе го газиш, Македонецот толку повеќе пушта корења, се зацврстува, па излегува на површина уште посилен.

Негирањето од страна на соседите и мекотелоста на властите во Македонија ги натераа Македонците сами да се потрудат и да најдат историски факти за посебноста на Македонскиот народ.

Еден таков податок ви пренесуваме во продолжение, каде “Полјакот од Македонија” споделува извештаи од 18 век, во кои Македонците се препознаени како засебен народ во царска Русија.

– ВЕК Во извештаи на Царска Русија од 1764-1765 г,во Елисаветската Губернија (Украина) наброени се доселениците од земјите на Балканот. Македонците се наведени како посебна нација*, покрај Бугари, Срби, Турци, Власи итн… – пишува во објавата на Твитер.

Македонија

Извикуваа “Македонија, Македонија…” и делеа знаменца, дечињата од прилепските градинки како никој досега го одбележаа Денот на независноста (Фото галерија)

Gallery

Вистинстинска позитива како никогаш досега ја огреа прилепската Стара чаршија денеска. Во пресрет на Денот на независноста – 8-ми Септември, малите ангелчиња од градинките “Наша иднина”, заедно со нивните воспитувачки, покажаа дека и тоа како си ја сакаат државата во која живеат.

Насмеаните дечиња ја украсија со македонски знамиња камената бина во центарот на градот, а потоа извикувајќи: “Македонија, Македонија…”, прошетаа низ чаршијата, а на случајните минувачи, дуќанџиите и на оние кои одмараа на клупите, им делеа македонски знаменца.

Една искрена, весела и среќна дружина која ни го разубави денот, и воспитувачки кои заслужуваат награда. Ако најмалите ги воспитуваме вака, од мали нозе да си ја сакаат Македонија, тогаш се уште можеме да ја исправиме иднината.

Браво за дечињата од Прилеп

Маркукуле.мк

Македонија

Училиште во Турција го доби името “Македонија” – како знак на благодарност за помошта дадена за справување со последиците од земјотресот (ФОТО)

Во знак на благодарност за помошта и солидарноста по катастрофалниот земјотрес во Турција, училиште во турскиот град Малатја доби име “Македонија”, а 32-те училници ќе ги носат имињата на македонските градови.

Интересно е тоа што училиштето го носи само името МАКЕДОНИЈА, без “северна”.

Македонија

Шокантен текст на албанските медиуми: Извесен Шеху нѐ нарече славомакедонски хиени, Македонија била албанска

Извесен Еуген Шеху, ги нарече Македонците славомакедонски хиени, а посетата на Курти била посета на “албанска Македонија”. Поединци како споменатиот Шеху често ги разгоруваат ситуациите како неодамнешната случка во Тетово, додавајќи бензин на огнот, но зачудува потребата на извесни медиуми неговите ставови да ги пренесат и тоа афирмативно.

Конкретно, ставот на Шеху дека Македонија е албанска ја пренесува медиумот Ина Онлајн.

Во продолжение преводот на објавата на Шеху:

Посетата на премиерот на Република Косово, г-дин Албин Курти, на албанска Македонија, очигледно во овие години ја раздвижи заспаната албанофобија од македонска страна со сервилна политичка класа од албански јазик која им даваше утеха на славо-македонските власти во замена за некои индивидуални привилегии на некои политички функционери кои зборуваат албански,а кои никогаш во овие 22 години не ги допреа главните теми болни за Албанците но витални за иднината.

Посетата на господинот Албин Курти уште еднаш покажа дека антиалбанскиот сојуз на словенската православна линија Белград-Скопје е функционален, но не отворен, донекаде камуфлиран под капата на наводниот „европеизам“. За оваа нивна погодност, несомнено има свои „заслуги“ и премиерот на „ренесансата“ кој или наивно, или од глупост или мегаломанија им остави простор за нивното агресивно, понижувачко однесување и во Косово и во минатото на другите Албанци. .

Реакцијата во хор на криминалците од Белград и од Скопје, опишувајќи ја како злонамерна посета, го докажува стравот од пролизгување на досегашната сервилна политика на албански јазик.
Новите албански партии во опозиција ќе треба на вашите Албанци да им ја покажат досега скриената реалност.

  • Дали е решено прашањето за дискриминаторските „20%“ (во Уставот на Република Македонија, се однесува на употребата на јазикот и останати погодности)?
    -Дали Албанците се државотворни во Уставот?, не, дали се во Уставот, тоа прави разлика!
  • Дали застапеноста на вработените во институциите е сразмерна со бројот на албанското население?
  • Дали е фер распределбата на буџетот на општините и развојот на индустријата и инвестициите?
  • Дали децентрализацијата е решена? кога се знае дека Македонија е најцентрализираната Република во регионот!
  • Дали албанскиот јазик се користи во сите државни институции на централно и локално ниво?
  • Дали се решени судските предмети и предметите монтирани против Албанци?
    -Дали се решени случаите со загадочни убиства и оние на Харун Али и случајот на Куманово итн итн.

Конечно, премиерот на Република Косово г-дин Албин Курти ги посети своите албански територии и би бил пречекан не само од тамошните опозициски партии туку и во секоја дарежлива и патриотска куќа на Албанците насекаде, да отиде во Гостивар , Дебар и Струга кои се албански територии, а Ковачевски, Вучиќ и Пендаровски немаат право и можност да одат против волјата на албанскиот народ, пишува Шеху.

Ваквиот испад не му е прв на Шеху, пронајдовме и други текстови и ставови во кои тој ги навредува и Македонците и Србите, а територии од двете земји ги нарекува албански територии.

Истиот Шеху пишува и дека источна Албанија или албанска Македонија ја ослободил баталјонот „Луботени“…

Македонија

СТОЈАНОВ: За прв пат во Македонија ќе има бугарски фудбалски клуб

Виктор Стојанов, претседател на фондацијата „Македонија“ во интервју за бугарски Ритнитоп,  рече дека за прв пат во Македонија ќе има бугарски фудбалски клуб.

„Процесот е тежок бидејќи не можам да одам во Македонија, испраќам луѓе кои ги водат преговорите, го фотографираат стадионот, се среќаваат со играчите, управата и тренерот. Имаме уште една средба следната недела. Законски, следната недела во тимското здружение ќе има наш претставник кој ќе биде директор, а досегашниот директор ќе стане заменик директор. Работите и чисто законски доцнат, бидејќи екипата е регистрирана како здружение, а не како компанија“, вели Стојанов.

Тој во интервјуто не го открива името на клубот, но вели дека е од третата лига, а седиштето на тимот е блиску до бугарската граница. Додава дека клубот ќе се преименува во „Јунак“.

„Надоместокот за учество во Третата лига е 1.000 евра, околу 1.000 евра се гостински трошоци и од 13 до 15.000 евра за плати и бонуси на играчите. Тимот ќе го финансираме со донациите на активистите на фондацијата „Македонија“. Наскоро ќе разговараме со разни спонзори од Бугарија, бидејќи ова е прв бугарски тим  по 80 години, а ќе бараме спонзори за кои е емотивно важно да има бугарски тим во земјата. Привлековме силни фудбалери и во фаза сме на привлекување уште многу силни фудбалери, чие ниво е Втора и Прва лига. Еден од овие фудбалери е државјанин на Македонија и има одиграно над 200 натпревари“, вели тој.

Очекува универзално обединување и во Бугарија и во Македонија.

„Да не беа постапките на фондацијата „Македонија“ тимот ќе банкротираше бидејќи е во тешка финансиска состојба. На пример, претходната година целиот буџет на тимот беше околу 7.000 евра“, додаде Стојанов.

Претходно бугарската „Фондација Македонија“, имаше неуспешни преговори за купување со најтрофејниот тим Вардар.

Балкан

Бугарин го симнал грчкото и го закачил бугарското знаме, и викал: „Ова е бугарска територија“

Во градот Кавала бил уапсен 35-годишен странски државјанин кој на јужната страна од пристаништето, го симнал грчкото знаме од јарболот, го фрлил и подигнал знаме на друга држава, соопштија од Крајбрежната служба на Грција, додека пак според медиумите станува збор за Бугарин, кој грчкото, го заменил со бугарско знаме, јави дописничката на МИА од Атина.

Според соопштението од Крајбрежната служба, веднаш откако ги сменил знамињата, 35-годишниот побегнал, не ги почитувал наредбите на пристанишните власти, давајќи силен отпор при апсењето и навредувајќи ги надлежните.

Грчката новинска агенција АНА-МПА пишува дека освен што ги навредувал надлежните извикувал дека конкретните области ѝ припаѓаат на Бугарија, а според информациите на агенцијата, ова е втор сличен инцидент за уапсениот, кој најверојатно е член на „екстремистичка организација која смета дека Кавала и грчкиот регион источна Македонија ѝ припаѓаат на Бугарија, а не на Грција“.

Балкан

Невреме доаѓа во Македонија (ДЕТАЛИ)

Силното невреме кое ја погоди Словенија патува низ целиот Балкан, а доаѓа и во Македонија.

По Словенија предупредувања и црвен метео аларм и во Хрватска и Србија. Прво ќе биде погоден Јадранот, Босна и Херцеговина, Црна Гора, соседна Србија.

Во Македонија се очекува од утре попладне па се до вечерните часови студен фронт од север кој ќе предизвика силно невреме.

Буквално целиот регион ќе биде погоден од ова силно невреме, повторно постои опасност од појава на торнадо, па и од суперќелиско невреме кое би можело да направи многу штети, предупредуваат балканските метереолози.

Локално исто така постои опасност од појава на поројни поплави и лизгање на земјиштето.

Во поголем дел од Македоија се очекуваат поројни врнежи од дожд, силен ветер, силни и чести електрични празнења, како и појава на град.

Како што информира Управата за хидрометеоролошки работи (УХМР), в сабота ќе биде многу топло и ќе дува засилен јужен ветер.

Под влијание на атмосферски фронт в сабота во попладневните и во ноќните часови ќе биде нестабилно со пороен дожд и грмежи. На некои места можно е невреме со интензивен дожд за кратко време (над 20 литри на метар квадратен за шест часа), силен ветер, поинтензивни електрични празнења и услови за појава на град.

Од недела следува посвежо време со умерен, повремено засилен ветер од западен и северозападен правец, а температурите позначително ќе се намалат.

Метеоролозите овој бран на невреме го нарекоа “Убиец на летото”

Во целиот регион се очекуваат интензивни врнежи од дожд, поројни поплави, силни грмежи, бурен ветер, како и појава на град, кој локално би можел да биде и крупен.

„ Невреме со суперќелии е нешто ново што ни се случи. Сега имаме упад на студен воздух кој најмногу доаѓа на крајот на август и почетокот на септември. Се формира силен циклон. Дождот и грмежите веќе почнаа во Словенија, а бурните, грмежи облаци ќе дојдат во Србија утре околу 14 часот. “, изјави метереологот Ристиќ за српските медиуми.

Цела Србија ќе биде под тој олуен облак и ќе врне многу дожд со бурен ветер, а ќе има и град. Не можеме да се заштитиме од градот. Противградни проектили нема да ни помогнат. Ќе наврнат околу 50 мм дожд, а граѓаните да се предупредат бидејќи кога количината ќе надмине 20 мм ќе има поројни поплави, па итната помош утре ќе има полни раце работа. Летото е во пауза и ќе имаме три до четири дена со максимална температура до 20 степени“ вели Ристиќ.

Инаку опасноста од поплави и од чести врнежи, како и од временски непогоди ќе ја има се до крајот на ова лето, но и во есенските месеци. Можни се нови Суперќелиски облаци и временски непогоди, предупредуваат метереолозите.

Македонија

Коцарев: Насушно ни треба трет Илинден!

Македонската државност почива на темелите на Илинденската револуција. Почива на двата Илиндена, а македонскиот народ има своја историја и содржина во двете востанија – 1903-тата и 1944-тата. Секој обид за минимизирање, е негирање на македонството, беше истакнато на денешната прва научна конференција организирана од Матицата на иселениците од Македонија во Крушево, во пресрет на големиот празник Илинден. Научната конференција е насловена „120 години од Илинденското востание“.

– Се знае, македонската државност почива на темелите на Илинденското востание, на Илинденската револуција, и ако сакате прецизно-на двата Илиндена, од 1903-тата и од 1944-тата година. Конференцијата е во чест на 120 години национална меморија за Илинденското востание и ние им се оддолжуваме на сите оние кои нас не задолжија ние да имаме слободна држава. Темелот е, буквално овде, во Крушево. Илинденското востание и АСНОМ-ските решенија на идните генерации им го даваат чувството на припадност и ние им пркосиме на сите кои сакаат тоа да го избришат. Македонија не е и нема да биде држава за поткусурување, изјави Катерина Тодороска, научен советник во Институтот за национална историја од Скопје.

Илинденското востание има свое значење во сите периоди: и во 1903-тата, во 1944-тата и во поново време кога ја оствариме македонската државност.-Востанието е темелот на македонската државност. Ако ги анализираме Илинден 1903-тата и Илинден 1944-тата кога на АСНОМ се донесени државотворните акти, тоа значи дека македонскиот народ има своја историја, своја содржина во двете востанија, во двата Илиндена. Тоа е врвен чин, не само на слободарските пориви на македонскиот народ, бидејќи Вапцаров е прв кој вели дека со Илинденското востание внесовме народна содржина, со крвта на народот. Тоа значи дека македонскиот народ создава своја историја кога е дел од македонската колективна меморија. Обидот да не се прослават или одбележат овие два моменти, значајни од македонската историја, да се негираат научноста или македонската меморија, одат во насока да се опонира или избрише македонството. Македонскиот народ создаваше своја историја. Народот ја создаде целокупната меморија за двата Илиндена, рече Наташа Котлар Трајкова, научен советник во Институтот за национална историја од Скопје.

Претседателот на МАНУ, Љупчо Коцарев смета дека е потребен трет Илинден.

Македонија е повторно поробена земја, вазал, банана држава, неоколонијален феуд. А за тоа се исклучиво виновни дел од македонските политичари кои во изминативе 30 години поддржувајќи лукративни, сервилни и недостоинствени форми на владеење, поточно би рекол дивеење, ја трансформираа Македонија од слободна во поробена земја. Идентитетството не смее да се доведе во прашање. Нам насушно ни треба трет Илинден. Нам ни треба, јас сум длабоко уверен, расчистување со лажните државотворци, рече Коцарев.

Македонското малцинство во Бугарија ги продолжува своите настојувања за признавање

– Ние бараме поддршка од македонската влада да застане зад нас и во Бугарија да нè признаат како Македонци. И покрај сите одговори од Судот за човекови права од Стразбур, ништо не е променето, вели Стојан Герасимов, Македонец од Бугарија.

Илинденско Крушево сака да ги зацврсти врските со дијаспората, но и да го реши најголемиот проблем на денешното време – иселувањето.

– Општина Крушево како општествено одговорна институција, а и јас, како претседател на Научно културните средби „10 дена Крушевска република“, се грижиме за своите иселеници. Ги негуваме традицијата, историјата, културата. Токму Крушево е град на традиција, историја и на култура. Сме во насока на унапредување на врските со дијаспората. Општина Крушево секогаш е отворена за соработка и да ги засилиме врските со дијаспората и татковината. А во ова време, да ја запреме најголемата болка, иселувањето, рече крушевскиот градоначалник Томе Христоски.

На конференцијата е промовиран и зборникот на трудови на 11 еминентни научници и историчари за прашањето за значењето на Илинденското востание. Поддржувачи на научната конференција за Илинден се општините на Крушево, Карпош, Куманово, Прилеп и Битола.