Пријателот (Владимир) Путин ни прати предбожикна честитка, објавуваат бугарските медиуми додавајќи дека „Русија јавно им заби нож во грб со документарниот филм „Една вера, еден јазик“.

Во филмот, како што пишуваат бугарските медиуми, се тврди дека Македонија е родното место на словенската азбука, а премиерата е во Скопје, во организација на Руската амбасада во Македонија. Браќата Кирил и Методиј немаат ништо заедничко со Бугарија која во тоа време не се јавувала како литературен и православен центар на Балканот, објавуваат медиумите во Бугарија.

Написите се полни со револт поради тоа што „во филмот Бугарија е целосно исклучена од научните словенски лингвистички процеси поврзани со светите Кирил и Методиј“.

Според филмот која ја искажува официјалната руска научна мисла Черноризец Храбар е словенски просветител кој нема никаква врска со Бугарија. Словенското писмо почнува од Охрид.

„И ако обидот за искривување на фактите и научните докази е нешто што пропагандата на Путин се обидува долго време, молкот во Софија е неразбирлив и болен. Премиерата на филмот во Скопје на Бадник. Пораките од Москва и Скопје се јасни и брутални. Во Бугарија медиумите и институциите молчат. Дали се занемени, депресивни или не е важно што Русија ни заби нож во грб? На крајот да споменеме дека на картата на која е обележан патот на светите браќа Кирил и Методиј, Бугарија воопшто не фигурира. Ја нема. Не постои. И во создавањето на кирилицата не постои. Пуф – заминавме. Пријателот Путин ни прати предбожиќна честитка”, објавуваат бугарските медиуми.

Видеото може да го отворите ТУКА.