Tag Archives: млади

Балкан

Србија им дава на младите по 10.000 евра и 1.2 милиони динари за да почнат живот на село

Досега Република Србија даде субвенции со кои се изградија  над  2.000 куќи во селата низ државата . Во меѓувреме, државата одлучи на сите оние  кои земаа субвенции,  да аплицираат за дополнителна помош, од 1.200.000 динари, за започнување бизнис во околината.

Државата дава околу 10.000 евра за купување на селска куќа и уште 1,2 милиони динари за започнување бизнис. Условите за аплицирање се јасни, а податоците покажуваат дека меѓу апликантите досега имало многу млади луѓе.

Министерот Милан Кркобабиќ истакна дека е исклучително важно основната карактеристика на паровите или поединците кои аплицирале за селска куќа е тие да бидат на возраст под 30 години.

Македонија

650 МЛАДИ ЛУЃЕ ВО ЕДЕН ДЕН ЗАМИНАЛЕ на работа во Хрватска

Работата во Хрватска по туристичките места во текот на летните месеци стана атрактивна за младите луѓе од земјава. Само во неделата 13 автобуси полни со лица на возраст од 18 до 30 години заминале на работа по хрватското крајбрежје, пишува Слободен печат.

Келнери, рецепционери, салатери, но и собарки и хигиеничари се само дел од работните места кои се пополнети со македонски граѓани. Платите се движат од 800 евра за собарки, до 2.000 за готвачи. За помошници на готвачите платите се пониски и тие се движат до 1.200 евра на месечно ниво. Од агенциите велат дека најмасовно заминување има од градовите во централниот и источниот дел од Македонија.

И дел од студентите одат да работат во Хрватска. Чекаат да заврши јунската сесија и тие со работа ќе почнат малку подоцна од 20 јуни или први јули во зависност од договорите.

За сите кандидати од Македонија, компанијата обезбедува сместување, два или три бесплатни оброци, а работодавачот ги покрива трошоците и посредува при добивање на работната дозвола.

– Компанијата во која ќе се вработите дава и надоместок на патните трошоци од работното место до сместувањето, а ја плаќа и автобуската карта од местото на живеење до градот во кој што ќе рботат младите луѓе. Исто така за сите кои сакаат да работат и се покажат на работното место следуваат бонуси покрај редовната плата- велат од агенциите.

Студентите објаснуваат дека примамливи се понудите за летна работа. Двајца од нив кои минатата година во текот на летото работеле во Америка, годинава одат за Хрватска. Објаснуваат дека условите кои ги добиле од хрватските хотели се добри, иако платите се помали.

– Близината на Хрватска беше пресудна годинава. Се работи можеби повеќе, но се добива за тоа плус надомест. Имавме пријатели кои лани работеа и велат дека се што се нуди се исполнува поради недостигот на работна сила која ја имаат во текот на летниоте месеци- вели Дејан, студент на УКИМ.

Според неофицијални податоци од источните градови на Македонија масовно се оди во Хрватска. Неофицијалните податоци велат дека од Виница заминуваат околу 80 луѓе, од Берово стотина, а од Неготино имало дури 800 апликации.

Сѐ што се бара од кандидатите е волја за работа на Јадранското крајбрежје и апликација за работа. Македонците кои одат ќе работат како рецепционери, готвачи, собарки, хигиеничари, бармени, но и слаткари и куќни помошници за лустранци кои изнајмуваат викендици во Јадранското крајбрежје.

На хрватските сајтови стои дека платиоте кои се нудат зависат од квалификациите. Така келнери и шанкери добиваат по 900 евра плус бакшиш, помошници 800 евра плус бакшиш, готвачи 1.100-2.000 евра, помошници готвачи 950 – 1150 евра, пица мајстори 1.100- 1.400 евра, а собарки 750 евра.

Хрватска очекува да сруши рекорди претстојнава туристичка сезона. Меѓутоа, истовремено се соочува и со рекорден недостиг на работна сила. За навреме да се пронајдат работници, Здружението на трговци во Дубровник и Трговската комора на Дубровничко-неретванската жупанија уште во јануари годинава започнаа иницијатива на македонскиот пазар.

Македонија

Овие млади македонски математичари го надминаа и тимскиот рекорд по освоени поени на Балканската математичка олимпијада

Младите македонски математичари кои деновиве постигнаа голем успех освојувајќи рекордни шест медали на Балканската математичка олимпијада, поставија и нов тимски рекорд кога се работи за вкупно освоените поени.

– За прв пат се освоени шест медали меѓу кои еден златен, еден сребрен и четири бронзени медали. Бројот на освоени тимски поени кој само во 2022 г. беше 118 е уште еднаш надминат, и оваа година изнесува 157 поени, што ја пласира Македонија на 5-тото место во официјалната конкуренција. Македонија е една од трите држави со златен медал, соопшти Сојузот на математичарите на Македонија.

Златниот медал е освоен од Никола Спировски, сребрениот е од Дамјан Давков, а бронзените од Јан Стојановски, Алексиј Тасиќ, Никола Цветаноски и Алек Танаскоски.

Се додава и тоа дека што една од задачите кои сите учесници на Олимпијадата ја решаваа беше македонски предлог (задача 1), во авторство на лидерот на македонскиот тим Никола Велов.

Македонија

,,Одбивам да ја предадам државата ЗА 6 ЕВРА во McDonald’s во Германија”

Фејсбук статус на млада Македонска стана вирален! Имено, Адриана Поповиќ дава свое видување зошто не се сели од земјава, иако има многу причини за тоа. 

Нејзиниот фејсбук став ви го пренесуваме во целост: 

-Сите ме прашуваат зошто не се селам од Македонија. Епа дојде моментот да разјасниме.

Ужасна политика? Да. Сиромаштија? Да. Неправда? Многу.

Ова е нашето секојдневие и факт е дека е катастрофално. Исто така мора да се соочиме со фактот дека оваа реалност нема да се промени сама од себе. Нема да се разбудиме едно утро во праведна држава со вистински вредности и слога меѓу народот. Бруталната вистина со која што мора да се соочиме е дека мора да излеземе од mindset-от “што се замараш”, “не зависи од нас” и слично, зашто на крајот од денот буквално зависи од нас.

Предолго интелектуалците се фокусираа на хедонизам и ја оставија политиката и одлуките на гладните и жедни мршојадци, време е да се разбудиме.

Македонија е преубава ако знаеш да го уклучиш мозокот и не се плашиш од предизвик.

Одбивам да ја предадам државата за 6 евра во McDonald’s во Германија само затоа што не сме биле доволно гласни. Тие ладни улици нема да ја заменат прегратката на баба ми, липите во април и мирисот на дом. 

Македонија

МАКЕДОНИЈА СЕ ПРАЗНИ: ЗА ПЕТ МЕСЕЦИ ИСЕЛЕНИ 4.000 ДЕЦА !

„Во Македонија секогаш имало печалбарство, имало заминување во 60-тите, 80-тите години. Но, ваков егзодус каков што има сега, вакво иселување кое што има сега, никогаш немало. Не зборуваме сега само за помалите места еве Скопје се празни, си заминуваат граѓани и од поголемите градови па и од главниот град“, истакна Владимир Ѓорчев, член на ИК на ВМРО-ДПМНЕ во гостување во утринската емисија на радио „Лидер“.

Ѓорчев додаде дека се повеќе си заминуваат граѓани од Македонија, и тоа граѓани кои што имаат добри работни места, кои се добро економски ситуирани.

„А, тоа значи дека имаме целосен крах на економската приказна во Македонија. Граѓаните во Македонија се повеќе не се чувствуваат сигурни за да останат тука. А, зошто е тоа така? Затоа што како што реков имаме анонимуси кои што се министри, имаме секој ден скандали, имаме држава која што е жестоко опљачкана, и на крајот на краиштата нема никакви нови инвестиции“, заклучи Ѓорчев.

„Нека ми каже некој во последниве пет – шест па и седум години која е некоја сериозна инвестиција која што е дојдена во државата освен фарми за марихуана на една фамилија од Струмица“, нагласи тој.

Ѓорчев нагласи дека во државата откако СДСМ е на власт инвестиции нема.

„За иселувањето на граѓаните од државата што се случува, никој од Владата со прст не мрда. Значи минатата недела излегов со податок дека само од 5 градови имаме во едно полугодие 700-тини иселени деца. Ги набројав Прилеп, Тетово, Штип, Кочани и Куманово. Значи пет градови од кои што имаме 700-тини иселени деца во едно полугодие. А, од власта нема никаква реакција за тоа“, рече Ѓорчев.

Тој додаде дека ако во пет градови има 700-тини иселени деца тоа на ниво на Македонија се 4.000 деца. Ако се тоа 4.000 деца тоа значи дека се 4.000 мајки и татковци. Само по таа основа во едно полугодие од Македонија се иселени 12.000 луѓе. А, плус ако се додадат луѓето кои што се млади, кои што имаат околу 20-тина до 30 години тогаш има уште повеќе иселени. И се доаѓа до заклучок дека за една година од Македонија се иселиле околу 35-36.000 граѓани.

„Имаме претседател на државата, Стево Пендаровски кој што е тотално бескорисен. Значи на кој што државата му пука по сите шевови, која што се распаѓа, која што исчезнува и ја снемува, а тој ништо не прави, тој вегетира“, укажа тој.

Ако се потсетиме дека претседателот Пендаровски во една прилика рече дека доколку тој не бил бил претседател веројатно и тој ќе се отселел, па по тоа ги разбирал младите, ќе заклучиме дека на никој не му гајле што Македонија се празни.

Македонија

ТАЖНО ! Од прилепските училишта во првото полугодие СЕ ИСПИШАЛЕ околу 130 УЧЕНИЦИ

За само првото полугодие, од прилепските училишта се испишале околу 130 ученици и со нивните родители заминале во странство. Ова се бројки кои загрижуваат и трендот се зголемува, вели Гоце Бумбароски, одделенски наставник и советник за млади во општина Прилеп.

-Во последниве шест месеци од десет основни и пет средни училишта се испишани околу 130 ученици. Ако ги земеме предвид последните години, овие бројки само се зголемуваат. Ова, навистина е состојба која треба да не замисли сите нас возрасните, заштно ние сме тие кои ги создаваме политиките и ги креираме условите во кои нашите деца и ученици треба да растат и да живеат и да се образоваат, вели Бумбароски.

За Ахил Јаков, директор на прилепското основно училиште „Климент Охридски“, ситуацијата е поразителна. Во првото полугодие, поради иселување, се испишале 22 ученици. Трендот кој е во последните четири години, стана и секојдневен. Бројките се поголеми зашто станува збор за цели семејства.

-Од почетокот на оваа учебна година, од септември досега, според статистичките податоци имаме поразителна бројка. Од септември се испишани 22 ученика од нашето училиште и со родителите се заминати во странство. Податоците за последните четири години ја потврдуваат тенденцијата на заминување на учениците со родителите во странство. Лани заминале 14 ученици, а во учебната 2020/21 година заминале 13 ученици. Тенденцијата на заминување почнува од учебната 218/19 кога заминаа 37 ученици, а наредната 2019/20 учебна година заминаа 27 деца. Досега вкупно 113 ученици се испишале за четири години. Овие бројки значат многу повеќе зашто секој ученик поврзува цело семејство. Конкретно, денеска примив родители кои испишаа 5 ученика, а за неполна недела се веќе 7 испишани ученици поради преселување во странство, вели Јаков.

Советникот за млади во општина Прилеп, Гоце Бумбароски смета дека мора да нсе најде алтернатива на оваа „безизлезна ситуација“.

-Бидејќи и ние наставиците сме родители и секако дека ова е една безизлезна ситуација. Се намалуваат паралелките, а со тоа се намалуваат и можностите да напредуваме како училишта и да создаваме ученици кои во иднина да бидат жители во Македонија и да создаваат вредности заедно со нас, вели Бумбароски.

Македонија

Младите ЌЕ ПРЕСТАНАТ да се иселуваат затоа што ГИ ПОЧНАВМЕ преговорите со ЕУ, вели претседателот на СДММ

Како млади треба да сме пооптимисти од останатите, рече претседателот на СДММ, Марко Михаилоски во гостување на „ТВ24“. Тој оцени дека 2023-тата е надежна за младите, а вратата што Европската унија ја држела долго затворена, сега се подотворила.

Со тоа почнавме како млади да го гледаме светлото на европскиот просперитет. Лани почнаа многу прашања за младинските политики да се покренуваат. Постои дискусија која што ја поттикнуваат сите заради младинските прашања и токму заради тоа фронтот за подобар живот на младите тука ќе биде секогаш отворен, рече Михаилоски.

Според него, младите можат и мораат да придонесат уште повеќе за да ги донесат европските вредности дома.

-Отпочнувањето преговори значи неиселување на младите, со нив имаме проекти за мобилност и размена на студенти. Тоа значи подобри можности и повисок стандард за нас младите, што доведува и до подобро образование. ЕУ е процес, во кој сите треба да се вклучат за да може процесот да функционира, рече Михаилоски.

Европа

Макрон најави бесплатни кондоми за младите од 18-25 години

Францускиот претседател Емануел Макрон за време на територијалната седница на Националниот совет за обнова, посветена на здравство во Фонтен-ле-Конт, во близина на Поатје, објави дека пристапот до кондоми ќе биде бесплатен во аптеките за млади на возраст од 18 до 25 години од 1 јануари 2023 година, јави дописникот на МИА.

„Во аптеките кондомот ќе биде бесплатен за 18/25 години. Одлуката ќе почне да се применува на 1 јануари и претставува мала превентивна револуција “, рече претседателот Макрон за време на седницата на Националниот совет за обнова посветена на здравјето на млади те луѓе.

Македонија

Од 10 млади, секој 9-ти сака ДА СЕ ИСЕЛИ ОД МАКЕДОНИЈА, секој 4-ти млад човек е невработен или сиромашен

Деведесет отсто од младите во земјава сакаат да се иселат, а еден од факторите кој го поттикнува иселувањето е корупцијата, покажа истражувањето на Институтот за добро управување и евроатлантски перспективи (ИДУЕП), во рамки на европскиот проект „Што сакаат младите – Професиите на иднината бараат знаења и вештини денес“, а во соработка и со Министерството за труд и социјална политика (МТСП) и Дирекцијата за Технолошки индустриски развојни зони (ТИРЗ).

Како што пренесува СДК.мк, младинската невработеност била 28,3 проценти, но бил висок и процентот на сиромаштијата кај младите луѓе – 27,3 проценти или секој четврт млад човек во земјава се соочува со сиромаштија.

„Најважно е да работиме на квалитет. Една третина од корисниците на социјална помош се млади. Немаме акциски план за тоа како да се гради квалитетен живот на младите луѓе во нашето општество. Ние можеме да обезбедиме супер вештини за идните професии за младите луѓе, меѓутоа, што ако младите луѓе немаат квалитетен живот. Сите ние како општество треба да си ставиме младите во фокусот, да работиме со младите заедно за младите, да ги слушаме младите и така ќе ги задржиме младите дома“, вели Билјана Стојческа од Младинскиот сојуз и истражувач на истражувањето за младинска невработеност.

Балкан

ЌЕ ПОЧИВААТ ЗАЕДНО, ЗА ДА НЕ СЕ РАЗДВОЈАТ НИТУ НА ОНОЈ СВЕТ – потресни зборови на таткото на Борис кој загина со мотор со својата девојка

Борис Мајорски (18) од Стара Пазова и неговата девојка Дејана Нералиќ (17) од Голубинац загинаа вчера попладне на патот Нови Сад – Инѓа кај Бешка, кога со мотор се движеле кон Врдничка Кула!

Да потсетиме, двајцата биле на мотор кога со „мерцедес“ ги покосил Слободан Б.(83) од Крчедин. Борис го управувал моторот, а Дејана била сопатничката. Владимир Мајорски, таткото на жртвата Борис, вели дека тој и Дејана многу се сакале.

-Тие отидоа на тоа патување, во етничко село кај Нови Сад, а автомобилот излетал на кружниот тек, удрил во нив, а тие останале мртви на лице место. Борис возел мотор две-три години, не му било прв пат зад воланот – рекол расплаканиот татко Владимир и продолжил:

– Никогаш не сум видел таква љубов, тие многу се сакаа, тоа беше нешто неверојатно. Заедно ќе ги погребаме во петок во 14 часот на гробиштата на Старата гарда. Заедно ќе почиваат, за да не се разделат ниту на следниот свет – изјави за Курир Мајорски, инаку сопственик на погребалното претпријатие.

Да потсетиме, несреќата се случила во вторникот околу 17 часот и 20 минути кога, како што се сомнева, автомобилот Мерцедес не отстапил првенство на минување на мотор со две млади лица.

 Притвор до 48 часа доби осомничениот возач на автомобил Слободан Б. Иако се појавија информации дека возел со истечена возачка дозвола, се покажа дека е невистинита. Имено, Слободан Б. со себе имал странска возачка дозвола, која важи и која важи и во Србија, па бил редовен учесник во сообраќајот – објаснува изворот на Курир.

Извор: Курир.рс