Tag Archives: насилство

Балкан

Во Дубровник претепан сезонски работник од Македонија од петмина Хрвати

Петмина млади мамчиња од Дубровник се обвинети дека со дрско однесување на јавно место ставиле четворица мажи во понижувачка положба преку насилство, злоупотреба и напад.

Поради основано сомнение дека сториле кривично дело насилничко однесување врз четворица мажи, еден Хрват, двајца државјани на БиХ и еден државјанин на Северна Македонија, истражниот судија на Кантонскиот суд во Дубровник им одреди едномесечен притвор.

Како што соопшти судот во Дубровник, притворот е одреден со оглед на начинот и околностите на извршување на кривичното дело насилничко однесување, бидејќи при физичкиот напад врз сезонските работници покажале крајна агресивност, несовесност и бруталност, како и поради опасност од повторување на кривичното дело.

Притворот е одреден за 22 годишно момче од Водоваѓа, двајца од селото Груде како и двајца со по 18 години од Дубровник.

Полицијата веќе извести дека четворица сезонски работници од синџирот хотели „Валамар Ривиера“ биле брутално претепани по ноќно излегување и вербален конфликт во Пила.

Наводно било околу 5 часот пред ноќниот бар „Еликс“, кога сезонските работници за да избегнат понатамошен конфликт со такси го напуштиле местото и отишле во нивниот сместувачки објект во месноста Бабин кук.

Но, група осомничени ги следела и откако работниците се симнале, физички ги нападнале и на тројцата им нанеле полесни физички повреди.

Валидна истрага во Истражниот центар на Жупанискиот суд во Дубровник утврдила дека петмината насилници ангажирале такси за да го следат другото такси во кое биле сезонските работници.

Врз основа на снимките од надзорните камери, било утврдено дека ги мавале со тупаница во пределот на главата и задниот дел од главата, шрво со раце, а откако паднале на подот ги мавале и со нозе.

Додека физички се изживувале, осомничените ги навредувале на национална основа, со што според судот кај жртвите се создавало чувство на страв, понижување и нарушено достоинство.

Младите насилници се уапсени и предадени на надзорникот на дубровничко-неретванската полициска управа, по што се изведени пред дежурен истражен судија, кој им одредил мерка притвор, пишува Слободна Далмација.

Македонија

(Видео) Потресно сведоштво на мајка: Деца вршеле сексуално насилство врз соученичка ПРВООДДЕЛЕНКА, насилно ја допирале – Никој не реагирал!

Мајка на првоодделенка во едно скопско училиште пред камерата на „Слободен печат“ низ солзи тврди дека нејзината ќерка на училиште доживува сексуален булинг од пет момчиња-соученици, кои насилно ја допирале по гениталиите, а претходно во изолиран случај ја влечеле за облеката, од што девојчето имало црвени траги околу вратот, кои подоцна помодреле.

Мајката тврди дека на училиште кај нејзината ќерка владее постојано премолчување, минимизирање и туркање под тепих на проблемите со секаков вид на насилство, а основната пречка е во тоа што кога ќе се пријави никој не презема ништо. Таквата ситуација прави мајката да се чувствува револтирано, неразбрано од училиштето, но и да ја шокира инертноста и незаинтересираноста да се постапи итно за ваква сензитивна материја.

Откако мајката го пријавила случајот во училиштето, наставничките се потпишале на изјава дека такво нешто не постои, односно дека насилство во училиштето немало.

Единствената причина поради која „Слободен печат“ не го објавува идентитетот на мајката и името на училиштето, е тоа што на таков начин поблиску ќе биде идентификувана жртвата, која е малолетна и на таков начин би се создала опасност двојно да биде виктимизирана.

Родителката е шокирана што од училишната управа уште не свикале ни вонредна родителска средба за овој скандалозен настан, во екот на декларативните заложби за спречување на насилството во училиштата.

Иако најтранспарентно го пријавила случајот, разговарала со сите во училиштето во крикот за помош и едукација на соучениците кои ја изложуваат првоодделенката на булинг, наишла на ѕид и туркање на предметот под тепих.

Декаденцијата во педагошките вредности и неефикасноста на стручниот кадар во ова училиште, кулминирале, кога една од наставничките во комуникација со друга родителка и кажала дека „и нивните девојчиња не се цвеќе за мирисање“, дека се „понапредни и провоцираат“ со својот изглед. Станува збор за девојчиња на возраст од шест години.

Македонија

Пендаровски до Милков: ТРАДИЦИЈА НА НАСИЛСТВО ВО МАКЕДОНИЈА ИМАЛО ОД 1941-44, НЕКА ОДИ ВО ВАТАША ДА ЈА ВИДИ

Изјавата на бугарскиот технички министер Николај Милков, дека во Македонија се враќаат црни традиции на палење, стрелање и насилство, единствено може да биде точна ако мисли на периодот 1941-44, рече претседателот Стево Пендаровски на новинарско прашање за коментар по денешната седница на Советот за безбедност.

„Таа изјава е прилично грозна. Единствено таа изјава може да биде точна ако мисли на периодот 1941-44, и кога ќе има слободно време бугарскиот технички министер може да прошета до Ваташа, да види дел од таа традиција“, рече Пендаровски, спомнувајќи го селото Ваташа каде на 16 јуни 1943 бугарската фашистичка окупаторска војска стрелаше 12 младинци од ова село.

Вчера во Софија, Милков заедно со министерот Бујар Османи во болница го посетија секретарот на бугарскиот клуб „Цар Борис Трети“ во Охрид, кој беше нападнат и повреден на 19 јануари, а потоа со бугарски владин авион пренесен на лекување во бугарскиот главен град. По посетата, стоејќи покрај Османи, Милков изјави:

„Момчето настрада заради своите идеи. Еден маж со кауза која што ја застапува. Ситуацијата не треба да продолжи на овој начин. Треба да се стави крај на атмосферата на неказнивост која што раѓа и ново насилство. Тука сум да кажам ‘не’ на враќањето на тие црни традиции кои што се врзуваат историски за Македонија, на палење, на стрелање, на насилство врз луѓе. За такво нешто нема место во Европа“.

Османи не рече ништо за ваквите обвинувања од бугарскиот колега и кажа дека во Македонија ќе има нула толеранција за насилство и зборуваше за позитивна агенда на двете влади

Македонија

Статус на млада мајка кој ја крена јавноста: Јас молчев со надеж дека моето дете никогаш нема да дознае што сум проживеала, треба ли да те убие за да добие забрана за пристап !?

Gallery

Јавноста згрозена од Фејсбук статусот на една млада мајка, која вели дека доживува физичко насилство од својот сопруг.

Пишува Теа Николовска:

Нас жените константно не наговараат да МОЛЧИМЕ.Јас молчев со надеж дека моето дете никогаш нема да дознае што сум проживеала. Но за жал, за доброто на мојата ќерка јас денес ќе зборувам. Само за да не биде со мене, таткото на моето дете е спремен својата ќерка да ја прати да расте во дом без родители со единствена цел да ми наштети мене. КАКВА Е ОВАА ДРЖАВА?!
Треба ли човек да те убие за да добие забрана за пристап?
Поради тоа што молев дочекав нападите во самоодбрана да ме направат насилник и не соодветен родител. Колку кошта еден детски живот? Колку пари платил за да не ми дозволуваат да го пријавам? Каде е правдата? Ако ова не е семејно насилство тогаш што е? Дали човекот што го направил ова е посоодветен родител од мене? Дали е соодветен родител човекот што крева рака на бремена жена, мајката на неговото дете? Ова го пишувам со надеж дека постов ќе биде посилен од неговите пари,врски во полиција и ќе допре до некој што ќе може да ми помогне да се изборам против сето ова за моето дете да расте нормално со мајката што го сака повеќе од се на светот❤️

Линк до објавата: https://m.facebook.com/story.php?story_fbid=pfbid0a9wD8JjchMeNv4D5SYP38Ub7hEbS1hy5YS9Ch9yyFjav9K5jJh79EtDvtF9DdBSsl&id=100004996535159&mibextid=Nif5oz

Скопје

Наставник кој физички нападна ученик во основно училиште во Бутел ќе оди на дисциплинска комисија

Овој случај е пријавен во полицијата.

На видеото кое е објавено на социјалната мрежа „ТикТок“ се гледа како возрасен човек тепа дете во училница. Прво му удира две шлаканици по лицето, на двата образи, одеднаш, а потоа го зграпчува и го крева во воздух и го спушта на земја.

Директорката на училиштето за „Слободен печат“ потврди дека случајот го пријавила во полиција. Наставникот повеќе години предавал во тоа училиште.

Не дозволувам насилство во моето училиште. Разговарав и со наставникот. Нема што да признава или да не признава, има видео. Мојата работа ја завршив најодговорно и пријавив во МВР. Родителите на детето се обидов да ги добијам, но биле на пат и не ми одговорија на повикот. Ќе следува дисциплинска комисија. Ученикот е во 7 одделение, а наставникот е по англиски јазик, изјави директорката.

Македонија

Со каиш ја тепал сопругата, замавнал со нож кон ќерката, гостиварец вршел семејно насилство

43-годишен гостиварец е обвинет за семејно насилство информираа надлежните.

Основното јавно обвинителство Гостивар поднесе Обвинителен предлог против 43 – годишен гостиварец за кривичните дела – Телесна повреда од член 130 став 2 во врска со став 1 и Загрозување на сигурноста од член 144 став 2 во врска со став 1 од Кривичниот законик.

Обвинетиот на 15 октомври, при вршење семејно насилство во домот во кој живеел во заедница со оштетените, започнал расправија по што ги нападнал оштетените и нанел телесни повреди. Тој побарал парични средства, но откако сопругата му кажала дека нема, започнал да ја удира со шлаканици. Потоа побарал пари и од ќерката, но откако не му биле дадени се упатил да го земе нејзиниот мобилен телефон за да го продаде. Кога ќерката се обидела да повика полиција, осомничениот зел нож од кујната и замавнал кон неа, во што бил спречен од сопругата. Тој продолжил со намерата, удирајќи ја сопругата со каиш во пределот на грбот и левата натколеница нанесувајќи и телесни повреди.

Кривичното дело загрозување на сигурноста обвинетиот го сторил на штета на неговата ќерка. Тој неколкупати праќал пораки на нејзиниот мобилен телефон со закани кон неа и нејзината мајка.

Јавниот обвинител до Основниот суд Гостивар поднесе и предлог за продолжување на претходно определената мерка притвор за обвинетиот.