Над градот Бурса во Турција вчера бил забележан огромен облак налик на НЛО, кој ги изненади граѓаните кои со своите телефони го снимија реткиот феномен.
Речиси кружен облак, кој се појави на изгрејсонце со голема дупка во средината, остана неподвижен на небото речиси еден час.
Тоа е природен феномен наречен леќест облак, познат по својот заоблен изглед како чинија и обично се наоѓа на надморска височина помеѓу 2.000 и 5.000 метри над земјата.
Богојавление Водици е еден од најголемите и најтешки христијански празници. Според Библијата, на овој ден, се отворило небото и се слушнал божјиот глас.
Според верувањата и обичаите, сите немажени девојки на големиот празник, на 19 јануари треба да стават огледалце под перницата, и ќе го сонуваат мажот со кој ќе се омажат.
Исто така, се верува дека сите девојки треба да направат тесто и да одвојат четири топчиња од него. Во три се става име на симпатијата, а едно топче останува празно.
Топчињата се ставаат во врела вода, а она кое прво ќе излезе горе ја кажува судбината.
Во вторник – 8 ноември, ќе можете да видите спектакуларна глетка на небото – целосно затемнување на Месечината.
Затемнувањето ќе биде видливо во северна и источна Европа, Азија, Африка, Австралија, Северна Америка, поголемиот дел од Јужна Америка, над Тихиот и Атлантскиот Океан, над Индискиот Океан и над Антарктикот, се вели на страницата Time and Date.
NBC News известува дека следното затемнување, познато како крвава месечина, нема да биде до 13-14 март 2025 година (во зависност од тоа каде сте).
Затемнувањето на небесните тела се случуваат кога еден објект затскрива друг. Во случај на целосно затемнување на Месечината, Земјата зазема позиција помеѓу Сонцето и Месечината.
Целосно затемнување на Месечината се случува кога Земјата ќе мине меѓу Сонцето и нашиот природен сателит, фрлајќи ја својата сенка врз него. Додека директната сончева светлина е целосно блокирана, атмосферата на Земјата е доволно „проѕирна“ да дозволи малку светлина да дојде до Месечината.
Утрешното затемнување на Месечината ќе трае час и 25 минути, а ќе биде видливо од поголемиот дел од светот. Вo Скопје, зенитот ќе биде постигнат во 12:02 часот попладне.
На небото ќе можете да забележите глетка која ќе ви донесе романтично чувство како милион ѕвезди да паѓаат одеднаш.
Ориноидите се сјајни метеори чиј дожд го прави небото романтично, а можат да се забележат од различни делови во светот. Тие поттекнуваат од констелацијата Орион, па затоа и го добиле името и се најактивни во периодот на октомври, особено околу 20/21. Се движат со брзина од 67 километри во секунда и создаваат неверојатна глетка на небото.
Иако можат да се забележат од најразлични делови од светот, сепак, најдобро е да се гледа во небото подалеку од градското осветлување и загадување, па затоа во нашата околина ви ги препорачуваме Водно или Козјак.
Кое е значењето на метеорскиот дожд?
Во духовна смисла, се верува дека метеорскиот дожд претставува будење на енергијата, среќата и уживањето во магичните моменти. Кога ја држите за рака својата сакана личност и гледате во небото, чувството кога ќе замислите желба е непроценлив.
Ова е многу поволно време за позитивна енергија, па затоа се препорачува да бидете активни, да работите на своите соништа и да минете време со оние кои ви значат. Оваа ноќ е поволна и за нови познанства и романса. Насочете ја својата енергија во насоката во која сакате да се движи вашиот живот. Бидете искрени кон себеси.
Скопје попланево е зафатено од силно невреме со силен дожд и зголемено електрично празнење. Од Управата за хидрометеоролошки работи информираат за нестабилност на времето викендов.
Скопје го зафати силно, но краткотрајно невреме со силен дожд и зголемено електрично празнење.
Дел од граѓаните загрижено бараа информации што се случува, затоа што громови имаше на секоја секунда.
Мистериозна светлосна спирала на ноќното небо која била забележана кај Нов Зеланд, предизвикала интересирање во пошироката јавност и иницирала расправа на интернет.
Многумина се запрашале за што всушност станува збор, пренесува „National Geographic“.
Причината за оваа необична појава, според тврдењето на експертите, не се вонземјани ниту игра на светлината, туку Space X ракета во „умирање“, како што пренесува „Daily Mail“.
Спиралниот облак на плин којшто светнал на небото над градот Нелсон во вечерните часови, бил воочлив во должина од 750 километри.
Експертите сугерирале дека ова најверојатно е последица на проектот „Space X“, кој само неколку часа претходно ја лансирал ракетата „Falcon 9“ со сателитот „Globalstar DM15“.
А, во моментот кога ракетата го ослободувала својот товар, жителите на планетата Земја можеле да воочат траг од пареа кој рефлектирал светлина од Сонцето и зад себе оставил мистериозна, сина трага.
Како што наведува Астрономското друштво „New Plymouth“, причина за спиралите кои привлекле внимание е издувниот облак од лансираната ракета.
