Додека траат преговорите меѓу руската и украинската страна, Владимир Путин се обрати пред рускиот Совет за национална безбедност.
„Никогаш нема да се откажам од тврдењето дека Украинците и Русите се ист народ, но ние се бориме против неонацистите кои имаат затвореници дури и од Блискиот Исток. Тие користат цивили и странци како жив штит“, рече Путин, додавајќи дека руските трупи за време на украинската операција делуваат храбро „како вистински херои“.
Путин најави поддршка за семејствата на загинатите и ранетите за време на специјална операција во Украина:
“На сите членови на семејствата на загинатите војници во специјалната воена акција ќе им биде обезбедено осигурување и еднократна отштета предвидена со закон – 7 милиони 421 илјади рубли. На секој член од семејството на починатиот ќе му се исплаќа месечен надоместок. Покрај тоа, сметам дека е неопходно да се воспостави дополнителни исплата на секое семејство на војник од Министерството за одбрана, службениците и вработените во други агенции за спроведување на законот вклучени во операцијата во износ од 5 милиони рубли. Сите војници повредени во операцијата, исто така, ќе добијат соодветни исплати.“
„АПУ и националистите држат заложници и поставуваат опрема во станбените населби“, рече Путин на состанокот на Советот за безбедност.
„Националистичките и неонацистичките групи, вклучително и странските платеници, вклучително и оние од Блискиот Исток, ги покриваат цивили како жив штит. Има апсолутно објективни податоци, фотографии од нив како ставаат тешка воена опрема во урбаните станбени населби. Тие, исто така, зедоа заложници странски државјани , вклучително и илјадници студенти кои студираа во Украина. 3.179 индиски државјани беа задржани на железничката станица во Харков повеќе од еден ден“, рече тој.
„Нашите војници обезбедија коридори во сите области на конфликт без исклучок, обезбедија транспорт за цивилите, странските државјани да имаат можност да одат на безбедно. Би сакал повторно да нагласам дека националистите не дозволуваат тоа да се случи“, рече рускиот претседател.
„Покрај тоа, тие сега упатуваат странските граѓани да се пријават кај нивните власти, а тие за возврат ќе треба да се пријават во Министерството за надворешни работи на Украина. Всушност, луѓето се фрлени во оган“, рече тој.
