Tag Archives: Омикрон

Здравје

Mexмедовиќ за Фокус обвинyвa за заговop дека некој намepно ги тepa луѓето да се зapaзуваат со Омикpoн

Доктор Злате Мехмедовиќ од ковид центарот на интерните клиники вели дека во моментот неконтролираното ширење на новата варијанта омикрон значи исклучително многу можности за мутација на вирусот и создавање на нови варијанти, пренесува Фокус.

„Се уште постои емпириска можност за функционално „унапредување“ на САРС-Ков2 и никој не може со сигурност да каже дека тоа нема да се случи, односно дека омикрон ќе биде последната варијанта со која ќе заврши пандемијата.

Мислам дека сериозен проблем преставува промовирањето на тезата за намерна експозиција на оваа условно кажано „лесна-блага“ варијанта на вирусот со цел да се создаде суперимунитет, па дури се промовира и да не се носат маски на затворено, да нема затворање на рестораните и кафаните, како и да не се користат ковид сертификати“, објаснува доктор Мехмедовиќ за „Фокус“.

Според него, повеќето луѓе ги поминале последните две години борејќи се да го избегнат ковид 19, а сега некој ги потикнува да го направат спротивното.

„Таквата девијантна логика е налик на логиката со која родителите намерно ги изложуваат своите деца во средина каде има сипаници за да создадат имунитет, што е апсолутно погрешно. Кажавме дека омикрон е неверојатно високо пренослив и многу луѓе, прележани, вакцинирани и невакцинирани ќе се заразат за време на овој бран“, додава доктор Мехмедовиќ.

Извор: ФокусShare on F

COVID 19

Потврден првиот случај со OMИKPOH во Струга

Струга, 30 декември 2021 (МИА) – Потврден е првиот случај со омикрон, новиот сој на Ковид – 19 во Струга, информира за МИА епидемиологот од Центарот за јавно здравје Јованка Струлакова – Коровешоска.

Се работи за асимптоматски случај кај повозрасно лице, вакцинирано со две дози „Фајзер“.

-Лицето во моментот е во изолација. ПЦР тест правеше пред една недела заради патување во странство. Во текот на скринингот излезе дека е позитивен на Ковид – 19, а денеска добивме потврда дека се работи за новиот сој омикрон, изјави Струлакова – Коровешоска.

Според анкетниот лист, посочи дека лицето не знае од каде се заразило, а како контакти ги навел членовите од потесното семејство

Здравје

Даниловски: Во 2022 ќе се ЗБОГУВАМЕ со пандемијата

„Со многу висока веројатност во 2022 година во Македонија би требало да се збогуваме со пандемијата. На 28 ноември предупредив дека додека осознаеме како Омикрон се распространува на терен, излезе дека се стабилизира дека е четирипати позаразен од делта. Реков да ставиме карантини на границите за да добиеме на време.

Прашање на време беше кога и кај нас ќе дојде овој сој. Ме охрабрува тоа што кога ќе се регистрира една појава, таа порано почнала – ние имаме и понатаму опаѓање на инциденцата, има само 347 хоспитализирани.

Се укажува на една поволна епидимиолошка слика, но не треба да се опуштаме. Дојдоа и уште доаѓаат наши луѓе од дијаспората, неверојатно е некој да не го донесе Омикрон дополнително. По сите логики може да се очекува зголемува зголемување на бројката“ – вели Драган Даниловски, универзитетски професор во Студио 10 на ТВ24.

Македонија

Над 50.000 патници влегле во Македонија само викендов, мерки за Oмикpoн нема

Присуството на Омикрон во земјава не ги предомисли здравствените власти. Нема да има дополнителни ограничувања за Новогодишните и Божиќните празници. Според министерството за здравство сегашните мерки биле доволни, а вакцинацијата останува главен адут во битката со пандемијата, иако половина од населението се уште не е имунизирано. За да се заштитат граѓаните од новиот Ковид сој професорот Никола Пановски препорачува да се избегнуваат непотребни собири во затворено.

-Може да се собереме на отворено, веројатно и пред црква. Во затворен простор носете маска, избегнувајте се што е непотребно кога има многу луѓе, вели професорот по микробиологија Никола Пановски.

Не се планираат ниту дополнителни рестрикции на границите. Остануваат сегашните мерки за влез и излез од земјава вакцинален сертификат, негативен ПЦР или антигенски тест до 48 часа како и потврда за прележаност не постара од 45 дена. Инаку викендот поради празниците во западноевропските земји на граничните премини во земјава регистрирана е зголемена фреквенција на возила. Од петокот до денеска на полноќ во државата влегле 56.441 патник, најголем дел преку преминот Табановце.

За разлика од кај нас многу држави ги заоструваат мерките. Австрија за влез бара и бустер доза или негативен ПЦР, ограничувања за невакцинираните има во Германија и Италија. Грција ги откажа сите јавни настани, Нова Година на отворено нема да се слави ниту во Црна Гора.

Традиционалните огномети и годинава поради пандемијата се откажани во Париз, Лондон, Берлин…

Прослави на плоштадите освен во Скопје ќе има и во Загреб и Белград иако лекарите во српскиот кризен штаб бараат да се воведат рестриктивни мерки поради Омикрон, а ковид пропусницата во објектите да важи 24 часа, а не само навечер. Новата мутација на Ковид на Балканот засега не е регистрирана само во Босна и Херцеговина.

Здравје

Пaндемиjaтa на кopoнaвируcoт ќе заврши во април, а Oмикpoн е позаразен, но и побезопасен сој на вируcoт

Епидемијата на коронавирусот ќе заврши во април идната година, прогнозира епидемилогот проф. д-р Драган Даниловски, кој вечерва во вестите на ТВ Сител рече дека сојот омикрон  се шири четирипати полесно, но и дека не се точни претходните дезинформации околу овој сој.

– Кога се појави на крјаот на ноември, сите бевме на штрек. Се покажа дека има вкупно 6о мутации. Како дезинформации се покажаа вестите дека е 500 пати, или 70 пати позаразен.

Тој е четирипати позаразен е и помалку опасен. 80 пати е помала веројатноста да завршите во болница. Најчести симптоми се болки во грло, течење на носот и главоболка. Сепак имаме работа со поблаг вирус, рече д-р Даниловски.

Тој додава дека ваквите информации не значат дека сите треба да се опуштат. Постарите граѓани треба да бидат внимателни и да се вакцинираат со трета доза.

– Ќе бидам во право дека сигурно ќе имаме зголемен број на случаи, но ќе се лечат дома како изолирани. Нема да имаме како минатите бранови и преоптовареност на болничките капацитети.

Крајот на пандемијата кај нас ќе настапи со изнемоштеноста. Со резигнација граѓаните прифаќаат да живеат со вирусот, смета Даниловски.

Пандемијата, според него, би завршила на крајот на април.

– Вирусот не сака да го убие домаќинот, туку тој да го распрснува со заразување на други. Крајот на април ќе биде крајот на пандемијата, а ќе се вакцинираат само ризичните групи, заклучува Даниловски.

COVID 19

Детектиран ПPB CЛУЧAJ на OМИKРOH вo Мaкeдoниja

Во Македонија денеска е детектиран првиот случај на сојот омикрон, информира Министерството за здравство.

Секвенционирањето е направено во приватната болница „Жан Митрев“ во Скопје, кај маж кој во земјава допатувал од Велика Британија.

Станува збор за реинфекција, односно пациентот во јануари 2021 година ја имал прележано болеста и тогаш бил асимптоматски. По прележувањето на болеста, пациентот примил две дози од вакцината „фајзер“. По втор пат позитивен тест на Ковид-19 има од пред 2 дена, по што е потврдено дека е сојот омикрон.

Во моментот пациентот има лесна клиничка слика и се лекува во изолација во својот дом.

COVID 19

Омикрон најверојатно веќе е меѓу нас, да се бараат негативни ПЦР-тестови на границите

Микробиологот проф.-д-р Никола Пановски смета дека сојот омикрон најверојатно е веќе влезен во земјава.

-Сепак не треба да се ризикува, за да не дојде до експлозија во болниците и поставување на модуларни болници. Треба да се преземат мерки. На пример Грција од вчера воведе задолжителен ПЦР-тест за сите патници. Јас да сум некој фактор во државата, веднаш после нив би вовел и ПЦР тестови за сите граѓани што влегуваат. Прва мерка да ни биде наменета за границите и аеродромите и таа да важи 15 дена за почеток, а после тоа да се анализира. Нема бегање од сојот, ако велат дека се шири со таа брзина, вели Пановски во дневникот на ТВ Сител и додава дека Комисијата за заразни болести предложува „нелогични мерки“.

Според д-р Пановски, по седум дена коронавирусот го нема во телото на човекот.

-Во градите е може, но во носот го нема. ПЦР тест по седум дена не треба да се прави. Нереални се овие 300 новозаразени на ден. Што се однесува до учениците, доцна е за онлајн настава, но е е доцна за да се пуштат порано дома на распуст, поточно од следниот понеделник, вели д-р Пановски.

Здравје

„Ни трета ни четврта доза не треба ако првите две дози вакцини не даваат заштита од Oмикpoн“

Нови мерки ни требаат одма, ама не за Омикрон, туку за заштита од Сарс-КоВ 2 вирусот, затоа што сите досегашни мерки кои се носеа и се носат во најголемиот дел се погрешни, научно не издржани и неоправдани. Добро поставени општи превентивни мерки не треба да се менуваат при секоја најава или појава на мутација, вели во разговр за „Локално“, проф.др. Вело Марковски.

-Не сум сигурен дека епидемиолошката состојба со Ковид-19 во земјава е стабилна. Трендовите од 1 септември цело време одат нагоре со околу 38 000 новорегистрирани, и со во просек по околу 20 умрени. Сега во период од неколку дена има помалку новорегистрирани, но во инфектологијата и епидмеиологијата се анализираат подолги периоди за да знаеме дали навистина една епидмеија се повлекува. Од друга страна за добра проценка треба да се анализираат исти параметри, на пример секој ден се прават ист број на тестови (пример 3.000) па ако има отстапки се анализираат. Не може да се анализираат различни параметри, смета инфектологот.

Ако една вакцина не дала антитела тогаш таа вакцина не е добра

Според Марковски голем проблем е што по две години кај нас нема се уште солиден дијагностички протокол за лекување на вирусот.

-Воопшто не направивме систем на детектирање на останатите горнореспираторно инфекции кои можат да одат како епидмеија, пред се грипот, аденовирусите, респираторен синцицијален вирус, како и бактериските миколазма, кламидија, стрептококни инфекции, скарлатината… Вакцинираните против КОВИД-19 може да се разболат од некоја нова ваква инфекција, а да биде протолкувано како инфекција со некоја мутација кон која вакцината не дава заштита. И тоа е голем проблем. Затоа постојано инсистирам на вакцинираните да им се проверуваат антителата. Постои можност ако е некој вакциниран, да не создал антитела, и тој секако нема заштита кон корона вирусите, објаснува професорот.

Доколку во една сезона се очекуваат големи мутации, инфектологот смета дека потребно е да се бара вакцинален сој кој ќе штити и при појава на нови мутации.

-Не, чудна е лицитација со број на примени вакцини, најава дека ќе треба трета, четрвта…Производителот препорача две дози, и после тоа мора да има заштита од инфекција, а не полесна форма. Ако една вакцина не дала антитела, или тие антитела не штитат тогаш таа вакцина не е добра. Добра вакцина е таа што ќе има над 70-90% сероконверзија (човек што немал антитела по вакцинирањето има антитела), при тоа се анализира бенефитот, придобивките од вакцината и з а поединецот и во придонесот кон колективниот имунитет. Ако несаканите ефекти од вакцината ги надминуваат досегашните усвоени китериуми за степенот на дозволиливи несакани ефекти од една вакцина, вакцинацијата со одредената вакцина се прекинува и се бара нов решение. Од друга страна во иста сезона не треба да има голема мутација на вирус, и сегашните вакцини мора да ја фатат и да заштитат при мали мутации. Ако пак во тек на една сезона очекуваме големи мутации, тогаш треба да се бара вакцинален сој кој ќе штити и при мутации. Инаку една ваква голема, најголема досега вакцинална акција со над 8 милјарди вакцини во светот, е фрлена работа во ветар. Така да ни трета ни четврта доза не треба ако и првите две не даваат заштита од Омикрон, или друга нова мутација, објаснува Марковски.

Тој напоменува дека зимските месеци се најнеповолни за сите горнореспираторни инфекции, и секогаш постои реална опасност од појава на епидемии.

-Ги набројавме можните најчести причинители, јас мислам дека посебно треба да се штитиме од грип оваа сезона, бидејќи две години немавме грип, многу веројатно е дека зимава ќе имаме појава на сезонски грип во некоја од епидмеиолошките форми, вели професорот.

Заштитата на деца со маски или вакцини е непотребна

Инфектологот објаснува дека децата имаат многу малку рецептори за кои се врзува вирусот и според сите досегашни искуства од целиот свет децата не се разболуваат.

-Сето ова е потврдено во бројни научни списанија. И кога се разболуваат се разболуваат дома како последни во ланецот. Затоа, заштита на деца со маски или вакцини или со било што од КОВИД -19 е непотребна и остава многу простор за вознемиреност. Континуираното носење маски може да има штета и во психофизичкиот развој на детето, и да биде можност за аспирација и инфекција со сопствената флора. Но, маската штити и од други болести, па можеби треба да се анализир а колку во овој период има болни деца со варичела, скарлатина, и останати горно респираторни инфекции. Мој предлог е да ги заштитиме децата поради опасност од појава на грип и другите горнореспираторни инфекции. Не од корона, реков од КОВИД -19 децата не се разболуваат , а и ако се разболат поминуваат со многу лесн аклиничка слика. Мислам дека треба веднаш, додека е мирна состојбата со грипот и другите респираторни инфекции да се распуштат една недела пред Нова година, да бидат дома цел јануари, или до средината на февруари а потоа со комбинирана и поинтензивна настава да се исполнат наставните планови, вели тој.

Извор: Локално.мк

COVID 19

За заштита од Oмикрoн сојот можеби ќе биде потребна и четврта доза од вакцините

Две дози од оваа вакцината „Pfizer/BioNTеch“ не претставуваат силна заштита од новата омикрон варијантата на коронавирусот, па затоа се препорачува и засилувачка доза, а првите луѓе на американскиот фармацевтски гигатн „Pfizer“ соопштија дека можеби ќе биде потребна и четврта доза за заштита од овој сој.

Дополнителната ткн „бустер“ доза од вакцината би помогнала да се сконтролира сојот, иако и две дози даваат некаква заштита од сериозна форма на коронавируснта болест Covid-19 предизвикана од омикрон варијантата, покажале лабораториските тестови, пишува весникот The Washington Post.

Меѓутоа, Алберт Бурла, извршниот директор на „Pfizer“, за американските медиуми изјавил дека четвртата доза би можела да биде потребна 12 месеци по третата, а можеби и порано.

„Верувам дека третата доза ќе даде добра заштита, но мислам дека ќе ни биде потребна и четврта доза за заштита од омикрон. Со овој сој ништо не се знае, мораме да почекаме и да видиме што ќе се случува, бидејќи имаме многу малку информации. Можеби четвртата доза ќе треба да се прими и за помалку од 12 месеци по третата“, изјавил Бурла за телевизиската мрежа CNBC News.

Во САД досега се регистрирани 40 случаи на сојот омикрон, а повеќето од заболените се со поблаги симптоми. Откако првично беше идентификуван во земјите во јужна Африка, новата мутирана варијанта заочна забрзано да се шири и во европските земји, но и натаму претставува мистерија за научниците, бидејќи нема доволно информации за него.

COVID 19

СЗО предупреди – Омикрон нема да ги заобиколи ни прележаните

Сериозна закана или без потреба ширење на страв и паника кај населението. Последната анализа направена на терен од Африканскиот национален институт за заразни болести укажува дека од омикрон загрозени ќе бидат и оние со високо ниво на антитела. Според студијата, новиот сој може да го заобиколи имунитетот кај оние кои веќе ја прележале болеста. Но добро е што кај реинфекциите, клиничката слика е со слаби симптоми. И македонските експерти чекаат подетални информации, но велат, никако не смееме да се опуштаме.

-Во Америка од тројца евидентирани со Омикрон, двајца биле целосно имунизирани па дури имаат и бустер доза. Тоа укажува дека, секако не може да се раководиме од студијата бидејќи е нецелодна и на недоволен број испитаници, сепак, оваа нова мутација најверојатно ќе го заобиколува стекнатиот имунитет преку вакцинација и прележување, вели Д-р. Злате Мехмедовиќ, докторант по јавно здравје.

За 2,4 проценти е поголем ризикот од реинфекции кај новиот сој во споредба со оригиналната варијанта од Вухан. По регистрирањето на Омикрон во триесетина земји, од СЗО со предупредување државите да се подготват за ново големо ширење на коронавирусот.  

-Ќе видиме како ќе биде по новогодишните празници. Најважно е со мерки да не дозволиме брзо да се прошири новиот сој, вели Мехмедовиќ.

Некои држави ги прекинаа авионските врски со југот на Африка, а Израел и Јапонија целосно ги затворија своите граници за странци.