Tag Archives: Османи

Европа

Oсмани и се „развика“ на Русија: Итно да се повлечете од територијата на Украина!

На една година од руската инвазија врз Украина, министерот за надворешни работи Бујар Османи се обрати пред Советот за безбедност на Обединетите нации на отворената дебата за Украина на тема „Зајакнување на одговорноста и правдата за прекршување на меѓународното право“.

Оваа отворена дебата доаѓа по вчерашната 11-та Специјална итна седница на Генералното собрание на ОН, каде Претседавачот Османи исто така имаше свое обраќање. На седницата на ОН беше усвоена Резолуцијата за праведен и траен мир во Украина. Во тој контекст, пред Советот за безбедност Османи истакна дека Северна Македонија ја поддржува оваа резолуција и е меѓу нејзините главни ко-спонзори. За зачувување на мирот и безбедноста, рече тој, потребна е максимална акција за придржување кон меѓународното право и меѓународното хуманитарно право.

Тој во своето обраќање уште еднаш се осврна на нашата поддршка за суверенитетот, независноста и територијалниот интегритет на Украина, во нејзините меѓународно признати граници. Ја обвини Русија за постојаните напади во урбаните области, оставајќи ги цивилите и градовите без пристап до основни човечки потреби.

„Досегашните истраги во повеќето нападнати градови во Украина водат до заклучок дека се извршени воени злосторства и злосторства против човештвото“, рече Османи, споменувајќи и извршена сексуална злоупотреба и насилство врз жени и девојчиња, што е сериозно кршење на меѓународните човекови права и меѓународното хуманитарно право.

„Сторителите на овие злосторства мора да одговараат и да бидат изведени пред лицето на правдата“, потенцираше Османи. Тој нагласи дека како Претседавач со ОБСЕ сака да стави акцент на Московскиот механизам на ОБСЕ како важен извор, со цел да се утврдат фактите за можните воени злосторства и злосторствата против човештвото. Ова е, рече Османи, со цел извршените злосторства да се презентираат пред релевантните механизми за одговорност, како и пред меѓународните судови или трибунали.

„Го делиме ставот дека Меѓународниот кривичен суд е составен дел од мултилатералната архитектура која го поддржува владеењето на правото. Таа е централна институција во борбата против неказнивоста и потрагата по правда“, рече Османи во своето обраќање.

Тој додаде дека целосно ја поддржува истрагата што ја започна Обвинителот на Меѓународниот кривичен суд и ги поздрави и привремените мерки на Меѓународниот суд на правдата со кои ѝ се наложува на Русија веднаш да ги прекине воените операции.

Османи повика и на целосно искористување на постоечките механизми за човекови права како клучни за поддршка на процесите на одговорност, зборувајќи тука за Советот за човекови права. Овој Совет, согласно своите специјални процедури, треба да ги истражи повредите и злоупотребите на човековите права и поврзаните злосторства во контекст на руската војна против Украина.

На крајот на своето обраќање, Османи ја повика Руската Федерација да ја прекине војната и го повтори барањето за итен прекин на воената агресија врз Украина, како и за целосно и итно повлекување на нејзините сили од територијата на Украина.

„Мора да го вратиме мирот и мора да надвладее одговорноста! Тие што направиле злосторства мора да бидат изведени пред лицето на правдата“, заклучи Османи.

Македонија

Османи: Мајката на Пендиков е многу навредена што јавноста го нарекува нејзиниот син дилер

Јас разговарав со мајката на оштетениот, која што беше многу навредена заради тоа што медиуми и јавноста го квалификуваа синот со квалификации од типот на наркоман и дилер. Сепак се работи за државјанин на Македонија кој може да има поинакво размислување од нас, но тоа не значи дека имаме право да даваме јавни квалификации, навредување, да спориме некое размислување по однос на тоа како се чувствува или да пристапиме кон насилство, рече министерот за надворешни работи Бујар Османи за тепањето на секретарот на бугарскиот клуб во Охрид, Христијан Пендиков.

Османи истакна дека како министер има улога да не дозволи случаи кои што се во надлежност на други институции, да добијат карактер на влошени меѓудржавни односи со Бугарија.

-Емоциите се асиметрични кај секој од нас и се субјективни. Јас сум министер одговорен за иднината на државата и граѓаните, а тоа не се решава со емоции, туку со рационална и паметна политика која гледа долгорочно напред, кажа Османи во емисијата „Студио 10“.

Министерот откри за што разговарал со Пендиков во болницата во Софија.about:blank

-Ми кажа дека се чувствува исплашен како ќе се врати во Скопје бидејќи постојано добивал закани по социјалните мрежи. Тој е наш државјанин. Државата мора да создаде атмосфера на нула толеранција за говор на омраза бидејќи тоа ќе нема крај, рече Османи.

Македонија

ОСМАНИ КАЈ ПЕНДИКОВ ВО СОФИЈА: Бугарите се и ќе бидат почитувана заедница и во РСМ ќе ги имаат сите права и привилегии

Мора да го прекинеме овој циклус на провокации и насилство од двете страни, и да ја наметнеме нашата позитивна агенда која двете влади се обидуваме макотрпно да ја изградиме. Нема да доволиме да бидеме жртва на киднапери на овој наратив којшто сакаме да го изградиме од двете страни, порача денеска шефот на дипломатијата Бујар Османи од Софија.

Османи, кој заедно со неговиот бугарски колега Николај Милков, го посети повредениот македонски државјанин Христијан Пендиков, кој беше физички нападнат во четврток во Охрид, уште еднаш го осуди нападот врз Пендиков.

-Таквиот чин на насилство не ги одразува вредностите на граѓаните на РС Македонија, на нашето мултиетничко општество и С. Македонија ќе се погрижи да има нула толеранција за насилство како одговор на било кој проблем, а најмалку на меѓуетничкиот соживот што е нешто свето што го градиме во последните 30 години во С. Македонија и државата ќе се погрижи да се создаде таква атмосфера на нула толеранција на насилство како одговор на било кој проблем, а најмалку на меѓуетничкиот соживот, рече Османи.

Тој порача дека најважната порака што сака да ја упати е дека нема да нема да дозволиме како две влади провокатори и насилници да ни ја киднапираат таа агенда.

-Затоа сум дојден тука, да ја испратам таа порака – дека ние градиме добри односи со Бугарија, ја гледаме иднината во блиска соработка и партнерство со Бугарија, и било кој провокатор, дали е тоа политичар од Бугарија или од С. Македонија, дали е тоа насилникот од Охрид или од било каде, нема да дозволиме тие да ни ја диктираат агендата. Бугарската заедница е и ќе биде почитувана заедница во РС Македонија, ќе ги имаат сите права, слободи, и привилегии како и секој друг граѓанин и секоја друга заедница, и заедно со другите ќе живеат подеднакво слободни, рече Османи.

Тој исто така упати и порака дека нема да се дозволи и негирање на македонскиот народ.

-И затоа сакам и да упатам порака дека и тие провокации треба да престанат и да укажам дека секое доаѓање во С. Македонија, со цел навреди кон македонскиот народ, негирање на македонскиот народ, ќе мораме сериозно да го адресираме и тоа да биде последно доаѓање во С. Македонија. Значи и двете прашања ќе мора подеднакво.  Фокусот денеска е на ова насилство врз Христијан коешто мора да го осудиме, и мора да создадеме атмосфера на нула толеранција, но исто така и провокација од политичари кои доаѓаат во С. Македонија среде Скопје, го негираат македонскиот народ, го навредуваат македонскиот народ, тоа мора да го пркеинеме и тој вициозен циклус во којшто сме влезени мора да престане, дециден е Османи.

Затоа, додаде тој, упатувањето е дека тоа веројатно ќе биде последно доаѓање во Македонија на секој кој ќе ги навреди Македонците, македонскиот народ или било која друга заедница, како што ние нема да дозволиме никој да ги навреди бугарската заедница, или пак најмалку да покаже насилство кон било кој припадник на бугарската заедница во С Македонија и државата тоа ќе го гарантира.

В.д. бугарскиот министер за надворешни работи Милков, рече дека Бугарија нема да отстапи од заштитата на правата на бугарската заедница во Македонија.

– Бугарија цврсто инсистира сторителите на овој чин и други слични дела да бидат казнети со строгост на законот, за да се стави крај на оваа атмосфера на неказнивост што раѓа ново и ново насилство, рече Милков, по посетата на Пендиков на ВМА.

Тој додаде дека сака да каже „не“ за заживување на „црните традиции“ кои историски се поврзуваат со Македонија – палење, пукање и насилство врз луѓето.

-За такви работи воопшто нема место во Европа и ние сме крајно загрижени поради тоа, додаде Милков. Според министерот, Пендиков продолжува да добива закани на Интернет.

Македонија

Кој ќе го НЕГИРА И НАВРЕДИ МАКЕДОНСКИОТ НАРОД СРЕДЕ СКОПЈЕ, тоа ќе му биде ПОСЛЕДНО ДОАЃАЊЕ – рече Османи во Софија

Провокација од политичари кои доаѓаат во Македонија и сред Скопје го негираат македонскиот народ, или го навредуваат македонскиот народ, тоа мора да го прекинеме, кажа министерот за надворешни работи Бујар Османи по посетата во софиската болница денеска на повредениот Х.П., кому во четвртокот му беше скршена вилицата во тепачка, во Охрид.

„Такво едно доаѓање на лица што го навредуваат и негираат македонскиот народ или припадниците на друга заедница, ќе биде негово последно доаѓање. Како што, и ние нема да дозволиме никој да ја вреѓа бугарската заедница и најмалку пак да покаже насилство. Овие провокации мора да прекинат – денеска!“, кажа Османи, кој беше заедно со колегата Николај Милков.

Османи уште еднаш силно го осуди нападот, како што рече, на нашиот сограѓанин, на нашиот сограѓанин. Според Османи, таквиот чин на насилство не ги одразува вредностите на граѓаните Македонија, на нашето мултиетничко општество. Пред бројните бугарски новинари неколку пати кажа дека нашата држава ќе се погрижи да има нулта толеранција за насилство за кој било проблем, а особено за меѓуетничкиот соживот кој е нешто свето, што го градиме, рече, 30 години.

„Мора ние да го прекинеме овој циклус на провокации и насилство од двете страни и да ја наметнеме нашата агенда која еве двете влади се обидуваме макотрпно да ја изградиме. Значи бугарската заедница е, и ќе биде почитувана заедница во Македонија, ќе ги имаат сите права и привилегии како и секој друг граѓанин од заедниците и секој Македонец, Бугарин, Албанец, Србин…ќе живеат слободно“, кажа Османи.

„Но исто така, сакам да упатам и порака дека провокациите кон другите заедници (прво ние нема да дозволиме негирање на  бугарската заедница во Македонија, како што нема да дозволиме негирање и на македонскиот народ.  Затоа сакам да упатам порака дека и тие провокации треба да престанат и да укажам дека секое доаѓање во Република Северна Македонија со цел навреди кон македонскиот народ, негирање на македонскиот народ, ќе мораме сериозно да го адресираме и тоа да биде последно доаѓање во Македонија. Значи двете прашања подеднакво мора да ги третираме“, беше дециден Османи.

Минатата недела, на 14 јануари, бугарскиот европратеник Ангел Џамбаски на одбележување на 95 години од смртта на Мара Бунева на Кеј во Скопје, ја нарече актуелната власт србоманска.

„Тука сме собрани да им кажеме јасно на владејачките србомански политичари дека нема да ги оставиме да ја продолжуваат политиката на геноцид кон Бугарите наложена од Коминтерната и спроведена од Македонија од 7 јануари 1945 година“, кажа Џамбаски од бугарската партија ВМРО-БНД на мегафон, пред стотина Бугари.

Додаде дека нема да дозволи „продолжување денационализација на Бугарите во Македонија“.

Македонија

Крмов до Османи – УЧК УБИВАШЕ ЦИВИЛИ И ЕДЕН ЦЕЛ ГРАД ОСТАВИ БЕЗ ВОДА, АМА КОГА Е ВРЗ МАКЕДОНЦИ ОПРАВДАНО Е?

УЧК убиваше цивили и цел еден град го остави без вода, ама кога е врз Македонци можеше и беше оправдано, така Bujar Osmani?

Македонија доби неиспровоцирана агресија од Косово, како благодарност за згрижувањето на илјадници бегалци, ама тогаш не беше кршење на меѓународното право.

Вашите крокодилски солзи не лажат никого.

Фејсбук статус на пратеникот Борислав Крмов:

Македонија

Османи ЗА 100.000 ЕВРА ангажира ПИ-АР АГЕНЦИЈА ЗА ДА ГО ПРОМОВИРА ПРЕТСЕДАВАЊЕТО СО ОБСЕ

Министерството за надворешни работи (МНР) ќе потроши околу 100.000 евра за пиар активности за претседавањето на Македонија со Организација за безбедност и соработка на Европа (ОБСЕ). Македонија од 1 јануари го започна претседавањето со ОБСЕ, најголемата светска регионална безбедносна организација која опфаќа 57 држави учеснички од Европа, Северна Америка и Азија. За таа цел склучен е договор со Друштвото за менаџмент и консултантски активности агенција „Рејтинг СП-М“ ДООЕЛ за 6.100.000 денари . Во тендерот стои дека се потребни услуги за стратешки комуникации во пресрет на претседавањето со ОБСЕ, пишува СДК.МК.

МНР троши народни пари на пиар агенција и покрај тоа што Министерството има своја служба за односи со јавност, а исто така и во Владата се вработени и ангажирани лица за пиар, фотографи и сниматели.

Според Електронксиот систем за јавни набавки, тендерот е објавен на 29 септември 2022, јавното отворање на понудите било на 1 ноември, а одлуката за избраниот победник на тендерот е донесена на 12 декември.

Од Министерството за надворешни работи велат дека покривањето на голем број работи во врска со претседавањето со ОБСЕ подразбира значително зголемени комуникациски потреби и заради тоа низ транспарентна тендерска постапка ангажирале посебен економски оператор.

„Покрај политичко-меѓународната улога, претседавањето со ОБСЕ претставува и посебна можност за севкупна општествена, политичка, културна, па и туристичка промоција на земјата. Соодветно, секоја земја-претседавач досега се соочила со предизвикот за соодветно брендирање на самото претседавање, а со цел промоција на земјата и нејзините посебности во рамките на меѓународната политичка сцена и севкупната меѓународна јавност. Соодветно на Агендата на самото претседавање, поголемиот дел од активностите ќе бидат насочени кон надвор, со посебен фокус кон земјите во рамките на ОБСЕ регионот. Под слоганот ‘За луѓето се работи’, целта на активностите ќе биде да се потенцира улогата на земјава во промоција на политиката на дијалог; создавање и обезбедување поддршка околу политичкиот наратив за улогата на ОБСЕ во решавањето на конфликтите и обезбедувањето долгорочна стабилност; поддршка за проширување на бројот, но и продлабочување на улогата на теренските мисии во креирањето на општата стабилност; значењето на политичко-дипломатските активности од аспект на состојбата на луѓето“, велат од МНР, пишува СДК.МК.

Македонија

НЕМА ДА ЧЕКААТ НА аеродром – 69 македонски државјани од дијаспората добиле МКарта

Министерот за надворешни работи Бујар Османи денеска официјално ја претстави можноста носителите на МКарта да можат да користат fast-track на аеродромите во Скопје и во Охрид, при влегување во земјава.

Проектот МКарта беше претставен во мај 2021 година, како признание и потврда за истакнати личности или поединци од земјава кои живеат во странство, а кои со својата работа и професионалност покажале истакнат успех, а со тоа и промоција на Северна Македонија во странство.

– Проектот МКарта претставува мрежа на наши квалитетни поединци во дијаспората, кои со својата стручност и нагласен ангажман се истакнуваат во новата средина во која живеат, што ги чини вистински амбасадори кои на најдобар можен начин ја претставуваат Северна Македонија. Забрзаниот премин на нашите аеродроми што се реализира во соработка со Министерството за внатрешни работи, претставува симболично препознавање на нивниот труд и квалитет и благодарност на нашите институции и држава – рече Османи

Македонија

Ајде да видиме кој најмногу трошел народни пари – Османи и Груби јаделе и шетале повеќе од Маричиќ….

Владата конечно ја „одглави“ алатката за службени трошоци на владините функционери, по која може да се види дека сите владини функционери заедно во 2021,без последниот месец декември како неевидентиран, потрошиле 16,5 милиони денари за службени трошоци.

Тоа, како што објави Фактор, е повеќе во однос на една година претходно кога трошоците не биле ниту полни 15 милиони денари. Сумата од 2021 е речиси иста како предпандемиската 2019 година.

Бојан Маричиќ, актуелниот вицепремиер за евроинтеграции, направил убедливо најголеми трошоци од сите останати владини функционери со потрошени 816.000 денари за 11 месеци во 2021 како тогашен министер за правда.

На сметка на буџетот, потрошил 213.000 денари за авионски патувања. На аеродромите користел и вип-салон за 7.500 денари. Нарачал оброци за 163.000 денари во приватните угостителски објекти, а во државните, кои знаеме дека се многу поевтини за функционерите, пријавил 92.000 денари. Ручеците во странство Маричиќ ги платил 69.000 денари.

Сепак ако се гледа посебно само службените сметки во рестораните во земјата, убедливо пред Маричиќ е Бујар Османи со 336.000, Артан Груби со 272.000 и Никола Димитров со 185.000 потрошени до декември 2021. Тука некаде во оваа категорија со Маричиќ е и Насер Нуредини.

Барабар со Маричиќ е и Насер Нуредини како министер за животна средина со 873.000 денари, многу повеќе од една година претходно на истата функција. Она што е забележително за него е што добил убедливо најмногу од сите други членови на Владата за дневници, 55.000 денари, а за хотелско сместување во странство му биле потребни дури 311 илјади. Не му биле евтини ниту угостителските услуги во приватните ресторани каде поарчил 117.000 денари.

Министерот за надворешни работи, Бујар Османи, во однос на претходните години најмногу потрошил за авиобилети во 2021 (976 милиони) и 472 милиони за хотелски сместувања, но природата на неговата функција е таква што неговите трошоци може да се каже дека се пооправдани. Убедливо најмногу потрошил вицепремиерот за економски прашања Фатмир Битиќи, над 1,2 милиони денари.

Следен по трошоци е министерот за земјоделие Љупчо Николовски со 757.000 денари како вицепремиер за борба против корупцијата, а половина од тие пари се потрошени за настаните во државните мензи и бифеа.

Петти е Крешник Бектеши со 610.000 денари, што може да се каже дека 2021 е една од неговите поскромни години како министер за економија. Но, ланската година се истакнал по тоа што многу сакал да се гости по вип-салоните на аеродромите каде што потрошил 76.000 денари.

На шестото место е Јетон Шаќири, министерот за образование, кој како министер за информатичко општество и администрација потрошил 415.000 денари, од кои поголемиот дел за закуп на стан.

Премиерот Димитар Ковачевски потрошил 70.000 денари како заменик-министер за финансии во текот на 2021 и тоа за трошоци за мобилен телефон и за услугите на државните мензи и бифеа.

Првиот вицепремиер Артан Груби се мезел во надворешни ресторани за 272.000 денари, речиси за двојно повеќе од една година претходно, а при тоа во 2021 треба да се знае дека недостасува последниот месец од евиденцијата. Вкупните трошоци му се 376.000 денари.

Целата статија на Фактор може да ја прочитате ТУКА.

Македонија

Османи за американскиот тим за санкции – „Ние побаравме да ни помогнат против корупцијата“

Video

Македонија

Османи за американскиот тим за санкции – „Ние побаравме да ни помогнат против корупцијата“

Автор:Валмира Зендели07/12/2022 18:40

Министерот за надворешни работи, Бујар Османи вели дека самата Македонија побарала САД да ни помогне во борбата против корупцијата. Ако не ги почнеме преговорите со ЕУ, стравував дека ќе останеме дека мониторинг, затоа побарав од САД да ни помогнат во однос на корупцијата, изјави шефот на дипломатијата. Меѓутоа, во однос на изјавата на Агелер во која вели „поагресивен поглед на минатите и сегашните корумпирани актери“, Османи додава дека станува збор за сеопфатен поглед на корупцијата во земјава и дека поддржуваат бескомпромисна борба на сите нивоа.

Американската амбасадорка, Анџела Агелер, вчера преку „Твитер“ соопшти дека во земјава пристигнал американски тим за санкции со цел да утврди како стои работата со гонењето на корумпираните лица. Агелер во интервју за „Сител“ рече дека корупцијата е најголемиот предизвик со кој се соочува Македонија.

„Како што патувам низ земјава и зборувам со обичните луѓе, тие зборуваат за корупција секогаш кога треба да посетат лекар, секогаш кога бараат работа, секогаш кога детето им аплицира за одредено училиште. Искрено, корупцијата доведе до она што јас мислам дека е вистинска катастрофа за оваа земја и што толку голем број млади луѓе не сакаат да останат тука“, вели Анџела Агелер.

И министерот за внатрешни работи, Спасовски ја коментираше изјавата на Агелер, велејќи дека МВР стои на располагање за секаков вид активност за борба против корупцијата.

Амбасадорката на САД, Агелер, заклучи дека корупцијата ги „брка“ младите од земјава и дека тоа е најголемата загуба за Македонија.

Македонија

Османи повикува да се здружиме и да кажеме стоп на корупцијата!

Наредните години се години на расчистување конечно со корупцијата на сите можни нивоа. Не се амбицирам, затоа што нема општество исчистено во целост од ова зло. Но, Македонија мора и тој дел да го помине за навистина да биде пример држава не само во регионот, туку и пошироко. Сега ни е шансата за тоа, сега ни е фокусот таму, сега и нашите пријатели се фокусирани во тој дел, ајде да се здружиме сите и да кажеме стоп на корупцијата.

Ова е повикот од министерот за надворешни работи Бујар Османи од денешниот брифинг со новинарите, кои прашуваа на повеќе теми, но главно во  фокусот беа прашањата за борбата против корупцијата.

– Наредните години, ќе бидат години на антикорупциска политка за државата станува уникатен модел. Тоа што го созддадовме  во делот на мултиетничката демократија, како култура на односи, на дијалог, на решавање на конфликти и прашања, создадовме сериозен модел на оваа држава во регионот. Уште ни треба да имеме сериозна демократија и сериозни институции во борбата против корупцијата и ние ќе бидеме така што треба да бидеме, како што очекуваат нашите пријатели и како што очекуваат нашите граѓани, рече Османи.

Според шефот на дипломатијата, државата ги реши егзистенцијалните прашања, внатрешно се консолидираше во однос на функционална мултиетничка демократија и меѓуетнички односи, си ги среди односите со соседите, рече тој, се етаблирараше меѓународно. Ова е, нагласи Османи, позитивен развој на државта и општеството, кога останатите прашања веќе се решени.

– Ова е заедничка определба помеѓу нас и САД за засилена антикорупциска борба. Државата и ние апсолутно ги поддржуваме тие ставови на САД и очекуваме сериозна поддршка. Еден од мотивите за почнување на стратешкито дијалог со САД беше нивно вклучување во атикорпциските полтики и овде. Сега веќе имаме два големи инструменти за следење на антикорупциските политики. Еден е скринингот и преговорите со ЕУ и САД преку стратешкиот дијалог и нивните инструменти, дали се тоа механизмите на внесување во црни листи или други јавни именувања или други начини на поддршка, појаснуваше министерот Османи.

На новинарско прашање каква конкретна помош очекуваат од САД во борбата против корупцијата, Османи повтори дека во рамки на стратешкиот дијалог САД досега дале 4,2 милиони евра само за поддршка антикорупциските политики. Очекуваат поддршка и во обука, но и искористување на конкретните механизми што ги имаат на располагање САД.

– Република Северна Македонија има сериозен проблем со корупцијата на сите нивоа, не само на политичко. На сите можни нивоа, во сите можни општествени сектори каде граѓаните бараат услуги од државата на било кое ниво. Овој фокус што го ставаме заеднички со нашите партнери САД и со ЕУ, е и резултат што големите прашања ги надминавме, кои не дефокусираа од оваа политика на борба против корупцијата, дециден е министерот за надворешни работи Бујар Османи.