Tag Archives: пандемија

COVID 19

Прва тужба во Германија поради последици од вакцината на Фајзер против ковид

Фармацевтската компанија Бајонтек утре ќе се појави на суд во Хамбург по тужбата во која Германка бара отштета поради тешки последици од нивната вакцина против ковид-19. Ова е првата во низа можни тужби во Германија поради нуспојави од вакцината.

Жената го тужи германскиот произведувач за најмалку 150.000 евра за нанесување телесни повреди и надомест за неодредена материјална штета, се наведува во барањето за отштета кое го решава општинскиот суд во Хамбург.

Тужителката тврди дека поради вакцината имала болки во горниот дел од телото, отечени нозе и раце и нарушено спиење. Нејзиниот адвокат Тобијас Улбрих кажа дека планира да ја оспори проценката на германскиот регулатор и Европската агенција за лекови (ЕМА) дека вакцината на Бајонтек има позитивен сооднос на корист и штета.

Според германскиот закон, произведувачите на вакцини и лекови се подложни на тужби и отштетни барања ако „медицинската наука“ покаже дека нивните производи предизвикуваат несразмерна штета или ако упатствата за лекот се погрешни.

Бајонтек, кој вакцината ја разви во соработка со американски Фајзер, ја смета тужбата за неоснована. Таа вакцина, истакна компанијата, ја примиле 1,5 милијарди луѓе низ светот, вклучувајќи над 64 милиони Германци.

ЕМА тврди дека вакцината е безбедна и дека во првата година од пандемијата помогнала во светот да се спасат речиси 20 милиони животи. ЕМА, меѓутоа, признава дека по вакцинирањето постои мал ризик од развој на миокардитис и перикардитис, два вида на воспаленија на срцето и дека во голема мера ги погаѓаат младите мажи.

Агенцијата досега примила околу 1.7 милиони жалби за нуспојави кои се развиле по примањето вакцина против ковид-19. Станува збор за 0,2 случаи на 100 примени дози.

Во Европската економска зона (ЕЕА) се примени 768 милиони дози вакцини против ковид-19. Најчестите и вообичаени нуспојави се главоболка, треска, замор и болка во мускулите.

Македонија

„За време на пандемијата работеше 24/7 – наместо да го наградат, го влечат по судници“

Неколкумина лекари и медицински персонал денеска дојдоа пред тетовскиот суд каде повторно се одржа мирен јавен протест со цел поддршка за д-р Бобан Вучевски, еден од обвинетите во судскиот процес за пожарот во модуларната болница.

Медицинските лица истакнаа дека нивниот колега за време на пандемијата бил меѓу тие кои постојано биле на работа и за тоа го жртвувале приватниот живот.https://miseryclevernessusage.com/watch.814684247797?key=44a53a9a3b9cf7cff7980c7467a278e6&kw=%5B%22%D0%BA%D0%BE%D0%BB%D0%B5%D0%B3%D0%B8%D1%82%D0%B5%22%2C%22%D0%BD%D0%B0%22%2C%22%D0%BF%D1%80%D0%BE%D1%82%D0%B5%D1%81%D1%82%22%2C%22%D0%B4%D0%BE%D0%B4%D0%B5%D0%BA%D0%B0%22%2C%22%D0%BC%D1%83%22%2C%22%D1%81%D0%B5%22%2C%22%D1%81%D1%83%D0%B4%D0%B8%22%2C%22%D0%BD%D0%B0%22%2C%22%D0%B4%D0%BE%D0%BA%D1%82%D0%BE%D1%80%22%2C%22%D0%B2%D1%83%D1%87%D0%B5%D0%B2%D1%81%D0%BA%D0%B8%22%2C%22%E2%80%9E%D0%B7%D0%B0%22%2C%22%D0%B2%D1%80%D0%B5%D0%BC%D0%B5%22%2C%22%D0%BD%D0%B0%22%2C%22%D0%BF%D0%B0%D0%BD%D0%B4%D0%B5%D0%BC%D0%B8%D1%98%D0%B0%D1%82%D0%B0%22%2C%22%D1%80%D0%B0%D0%B1%D0%BE%D1%82%D0%B5%D1%88%D0%B5%22%2C%2224%22%2C%227%22%2C%22%E2%80%93%22%2C%22%D0%BD%D0%B0%D0%BC%D0%B5%D1%81%D1%82%D0%BE%22%2C%22%D0%B4%D0%B0%22%2C%22%D0%B3%D0%BE%22%2C%22%D0%BD%D0%B0%D0%B3%D1%80%D0%B0%D0%B4%D0%B0%D1%82%22%2C%22%D0%B3%D0%BE%22%2C%22%D0%B2%D0%BB%D0%B5%D1%87%D0%B0%D1%82%22%2C%22%D0%BF%D0%BE%22%2C%22%D1%81%D1%83%D0%B4%D0%BD%D0%B8%D1%86%D0%B8%E2%80%9C%22%2C%22%E2%80%93%22%2C%22kurir%22%2C%22mk%22%5D&refer=https%3A%2F%2Fkurir.mk%2Fmakedonija%2Fvesti%2Fkolegite-na-protest-dodeka-mu-se-sudi-na-doktor-vuchevski-za-vreme-na-pandemijata-raboteshe-24-7-namesto-da-go-nagradat-go-vlechat-po-sudnitsi%2F&tz=2&dev=r&res=12.31&uuid=0ea1795d-d46b-45d2-b277-39c519a210bd%3A2%3A1

-Дојдени сме да му дадеме поддршка на нашиот најхуман колега доктор Бобан. Кој што за жал поради системот кој не ни функционира, па наместо како добри, вредни и хумани доктори да се наградуваат, тие се влечат по судници. На жалост, таков е нашиот систем. Наместо толку мал број, сега требаше цело Тетово требаше да биде тука. Затоа што д-р Боби е еден од најхуманите луѓе-додека владееше пандемијата 24 часа седум дена беше на работа. Зарем овој наш колега немаше семејство, немаше свои деца, целиот свој живот го посвети на пациентите. Кај се сега сите тие пациенти, кај се и нашите колеги. Не само да се зборува по социјални мрежи тука треба сите да го поддржиме нашиот колега. Нашите добри стручњаци и добри колеги хумани и вредни на овој начин се навредуваат. Колегата не беше крив за тоа што имаше посета, кривицата е што болницата нема доволно медицински персонал, изјави една од докторките, присутни на протестот.

Граѓаните кои редовно доаѓаат на овие протести кога се одржува судскиот процес потенцираат дека докторот е тој што совесно ја извршувал својата работа и на многу луѓе им помогнал да ја пребродат болеста за време на пандемијата со Ковид-19.

-Тука сум за поддршка на доктор Боби. Мислам дека не е ферски, ова што му го направија на него. Нема смисла обвиненијата со тоа што се случи. Сега му одземаат време, наместо да спасува животи, тој не може да работи сега како што треба.

За пожарот во модуларната болница поранешните директори, Флорин Бесими и Артан Етеми се товараат за кривично дело „тешки дела против општата сигурност“, додека докторот Бобан Вучевски за „непостапување според здравствени прописи за време на епидемија“.

Клиничката болница како правно лице се товари за две кривични дела, прво за „предизвикување општа опасност“ и за „непостапување според здравствени прописи за време на епидемија“. (МИА)

COVID 19, Свет

СКАНДАЛОЗНО ТВРДЕЊЕ – Шефот на ФБИ вели дека коронавирусот веројатно потекнува од лабораторија во Вухан

Во интервјуто за Фокс њуз, шефот на ФБИ, Кристофер Вреј, рече дека Кина „дава сè од себе за да се обиде да ги спречи и замати“ напорите за идентификување на изворот на глобалната пандемија. Како одговор на наодите на ФБИ, Пекинг го обвини Вашингтон за политичка манипулација.

Директорот на Федералното биро за истраги (ФБИ), Кристофер Вреј, изјави дека бирото проценило оти ковид-19 најверојатно потекнува од лабораторија во Вухан – градот од каде што вирусот започна да се шири кон крајот на 2019 година, по што прерасна во глобална пандемија, јави Би-би-си.

„ФБИ веќе подолго време проценува дека потеклото на пандемијата е најверојатно потенцијален лабораториски инцидент“,

изјави Вреј.

Во интервјуто за Фокс њуз шефот на ФБИ рече дека Кина „дава сè од себе за да се обиде да ги спречи и замати“ напорите за идентификување на изворот на глобалната пандемија.

Коментарите на Вреј доаѓаат еден ден откако американскиот амбасадор во Кина ја повика земјата да биде поискрена околу потеклото на коронавирусот.

Претходно и американското Министерство за енергетика изјави дека пандемијата на коронавирусот е предизвикана од кинеска лабораторија. Други американски владини агенции донесоа различни заклучоци со различен степен на доверба за наодите на ФБИ. Некои од нив со ниско ниво на сигурност рекоа дека вирусот не започнал во лабораторија, туку бил пренесен од животни на луѓе.

Портпаролот на Белата куќа Џон Кирби во понеделникот рече дека американската влада не постигнала конечен заклучок и консензус за потеклото на пандемијата.

Како одговор на наодите на ФБИ, Пекинг го обвини Вашингтон за политичка манипулација.

„Кина остро се спротивставува на сите обиди за политичка манипулација под превезот на потрага по потеклото на коронавирусот. Бараме САД да ја почитуваат науката и фактите и да престанат да го политизираат прашањето за потеклото на коронавирусот“,

рече портпаролката на кинеското Министерство за надворешни работи Мао Нинг.

Тензиите во билатералните врски меѓу САД и Кина се зголемија по неодамнешната сага за кинескиот балон кој се појави над САД.

Покрај ова, Соединетите Американски Држави директно ја предупредија Кина дека ќе ги таргетираат и ќе воведат санкции за нејзините фирми или луѓе вклучени во какви било напори за испраќање воена помош за Русија, односно за руските војници кои се вклучени во инвазијата на Украина.

Свет

Бил Гејтс предупредува: Короната слабее, но светот го чека нова пандемија

Мултимилионерот Бил Гејтс на конференцијата во Минхен предупреди дека светот чека нова пандемија по коронавирусот.

Како што напомена, таа епидемија ќе биде предизвикана од патоген од семејството на коронавирус. Гејтс смета дека ризикот од коронавирус е драстично намален поради фактот што голем број луѓе се имуни и поради тоа што се појавил сојот омикрон, чии симптоми на инфекција се поблаги.

Гејтс процени дека со напредокот на медицинската технологија, светот може полесно да се бори со пандемијата. За да се случи тоа, тој повика на повеќе инвестиции во медицинските истражувања.

Тој додаде дека луѓето во голем број земји стекнале имунитет по природен пат, а не со вакцинација, и заклучи дека во случај на следната пандемија, вакцините ќе треба да се дистрибуираат за шест месеци, а не за две години.

Целта на Светската здравствена организација (СЗО) до средината на оваа година да вакцинира 70 отсто од светското население не е постигната.

Македонија

Официјално 16.000 луѓе добиле отказ поради пандемијата

Агенцијата за вработување денеска соопшти дека 16.000 граѓани во земјава добиле отказ поради пандемијата на коронавирусот, која ги погодила нивните работодавачи и тие повеќе не можеле да им обезбедат плати. Според бизнис-заедницата, оваа бројка е многу поголема и изнесува околу 40.000 луѓе.

Во моментов во Агенцијата се пријавени 185 илјади невработени, од кои 131 илјада се активни баратели, а 54 илјади се пасивни баратели на работа и се пријавуваат на секои шест месеци.

Денеска надлежните ги претставија резултатите од Оперативниот план со кој се ублажуваа последиците од коронавирусот во економскиот сектор. Бројките покажуваат дека активните мерки и програми за вработување минатата година опфатиле 11.292 лица, а планот бил реализиран со високи 96,4 отсто.

Преку овој оперативен план како помош се реализирани 1 милијарда и 495 милиони денари, (околу 24 милиони евра), од кои 593 милиони (околу 9,5 милиони евра) биле наменети за директно создавање нови работни места.

Мерката за младински додаток наменета за лицата до 23 години и подобрување на нивната конкруетност на пазарот ја искориустиле речиси 3.800 луѓе, иако на почетокот биле предвидени 2.500. Висока искористеност и исполнетост од над 90 отсто имаат програмите за обука за дигитална писменост, како и практикантство за млади и невработени.

Оперативниот план за 2022 година тежи 29 милиони евра кои се наменети за отварање на нови работни места и зелени инвестиции.

Свет

Бев бoлeн од мистepиозна болecт: Два месеци подоцна СЗО разбра зa Кoвид 19, клyчно cвeдоштво на канадски вojник за потеклото на пaндемиjaта од нултата точка

Канадски воен офицер кој претпоставува дека бил во контакт со нултата точка на Ковид два месеци пред Кина официјално да го признае постењето на вирусот, побара истрага за сомнителната појава на болеста таму, пренесува Дејли маил.

Долгогодишниот офицер, кој бара да остане анонимен бидејќи се уште е во служба, бил меѓу многуте спортисти кои се разболеле од тешка болест откако присуствуваа на Светските воени игри во Вухан во октомври 2019 година.

Тој рече дека странските конкуренти наишле во градот со 11 милиони луѓе „како град на духови“ и толку многу случаи на мистериозен вирус го погодиле канадскиот тим што бил спроведен карантински дел на нивниот воен лет назад дома.

Офицерот, кој сè уште страда од последиците од неговата болест и покрај претходните високи нивоа на фитнес, вел дека лекар назначен од војската подоцна рекол дека речиси сигурно фатил Ковид.

Неговите откритија поттикнуваат загриженост дека кинеската влада го прикрила избувнувањето – со катастрофални последици. Режимот во Пекинг вели дека првиот потврден случај бил на 8 декември, три недели пред Светската здравствена организација да биде известена од извори во Тајван.

Неколку европски спортисти кои присуствуваа на Игрите, кои привлекоа повеќе од 9.000 натпреварувачи од 100 земји, рекоа дека развиле симптоми слични на Ковид во Вухан. Извештаите, исто така, сугерираат дека иранските учесници починале веднаш по враќањето дома.

„100 отсто сум убеден дека вирусот беше присутен во Вухан кога бевме таму“, рече канадскиот офицер. „Товарот на докажување е на научната заедница и експертите за разузнавање – не за спортистите.

„Прифаќам дека не сум научник и можеби не е Ковид, но зошто сите изгледаат толку неволно да го истражат ова правилно?

„Се чувствуваме како да бевме присутни на нултата точка на оваа пандемија која имаше такво влијание врз животот на сите, со милиони смртни случаи и затворени економии, па зошто да не спроведеме должна анализа. Дали фактите се престрашни за јавноста?“

Тврдењата што кружеа низ тимот за присуство на вирусот за време на Игрите беа брзо демантирани од врвниот лекар во вооружените сили на Канада. Сепак, еден добро поврзан канадски извор ми рече дека нивните експерти за разузнавање се сомневаат дека пандемијата може да биде лоцирана во лабораториски инцидент во Вухан, каде што се наоѓаат неколку истражувачки центри кои ги проучуваат коронавирусот кај лилјаците.

Еве што вели кинески дисидент на темата:

Здравје

Даниловски: Во 2022 ќе се ЗБОГУВАМЕ со пандемијата

„Со многу висока веројатност во 2022 година во Македонија би требало да се збогуваме со пандемијата. На 28 ноември предупредив дека додека осознаеме како Омикрон се распространува на терен, излезе дека се стабилизира дека е четирипати позаразен од делта. Реков да ставиме карантини на границите за да добиеме на време.

Прашање на време беше кога и кај нас ќе дојде овој сој. Ме охрабрува тоа што кога ќе се регистрира една појава, таа порано почнала – ние имаме и понатаму опаѓање на инциденцата, има само 347 хоспитализирани.

Се укажува на една поволна епидимиолошка слика, но не треба да се опуштаме. Дојдоа и уште доаѓаат наши луѓе од дијаспората, неверојатно е некој да не го донесе Омикрон дополнително. По сите логики може да се очекува зголемува зголемување на бројката“ – вели Драган Даниловски, универзитетски професор во Студио 10 на ТВ24.

Здравје

Дaнилoвски пpeдвидyвa кpaј нa пaндeмиjaтa нa пpoлeт

Поради студеното време и затворените простории ќе има зголемување на бројот на заразени, но епидемиолошката крива нема да има „остри врвови“, вели епидемиологот проф. д-р Драган Даниловски.

Според него, крајот на пандемијата ќе дојде со пролетта, но со грипот секоја година ќе има и сезона на корона.

– Крајот на епидемиолошката приказна ќе дојде со пролетта. Вирусот ќе ја загуби силата, но секоја година ќе има сезона на корона.

Наставата со физичко присуство не претставува ризик со висок епидемиски потенцијал – изјави за ТВ Канал 5 Даниловски.

Здравје

Д-p Мехмедовиќ: Нѐ очекува тешka есен и зима, нема надежи за крај за пандемијата

Намалувањето на дневните температурите и собирите на затвoрено ќе влијаат негативно врз епидемиолошката состојба, вели лекарот Злате Мехмедовиќ во изјава на ТВ21. Како што вели, нѐ очекува тешка есен и зима кога станува збор за коронавирус, бидејќи, како што објаснува, делта сојот е попренослив и повирулентен.

Со песимизам, Мехмедовиќ констатира дека без да се постигне колективен имунитет, нема да има спас од новите соеви на вирусот кои би можеле да пристигнат во нашата земја. Тој нема големи надежи дека наскоро би можеле да означиме крај на пандемијата.

За влошување на состојбата ќе влијаат и митинзите кои се одржуваат поради предизборната кампања, смета Мехмедовиќ.

COVID 19, Инфо +

Бил Гејтс: Изгубени се милијарди, но до крајот на 2022 целиот свет ќе се врати на нормала

Но, 65-годишникот е загрижен дека светот нема да ги научи лекциите од пандемијата на ковид-19 и да се подготви за идните глобални епидемии.

Тој исто така го критикуваше намалувањето на алокациите за помош од британскиот буџет од 0,7 проценти од бруто националниот доход на 0,5 проценти. На прашањето на Џејн Секер од Скај дали се надева дека светот ќе се врати во нормала до крајот на 2022 година, Гејтс одговори да.

„Сè уште има некои прашања во врска со степенот до кој ќе се користи вакцината Џонсон и Џонсон. Би било добро да се прифати, но и без тоа, некои побогати земји, вклучувајќи ги САД и Велика Британија, ќе достигнат високи нивоа на вакцинација со летото. Вакцините ќе се дистрибуираат низ целиот свет до крајот на 2021 година и во текот на 2022 година. Ние нема да ја искорениме оваа болест, но до крајот на 2022 година ќе ја намалиме на многу мал број “, рече Гејтс, кој заработи милијарди со технолошката компанија Мајкрософт. Сепак, тој нагласи дека постои нееднаквост во стапките на вакцинација низ целиот свет.

„Не постои светска влада што ги игнорира парите за истражување и развој на САД или парите за истражување и развој во Велика Британија. Постарите луѓе во моментот се вакцинираат во богатите земји, бидејќи тие земји поминаа полошо во пандемијата од повеќето земји во развој и тоа беше факт дека сега вакцинираме 30 годишни лица во Велика Британија и САД ,а нема вакцини за сите 60-годишници во Бразил и Јужна Африка што не е фер, но за три или четири месеци вакцината ќе биде достапна за сите земји кои имаат многу сериозна епидемија “, објасни американскиот претприемач.

“До крајот на годината, САД, Велика Британија и другите ќе можат да обезбедат снабдување со вакцини во земјите во развој. И покрај ретките сериозни несакани ефекти, сите вакцини се ефикасни и наскоро ќе бидат дадени на сите земји. Другата добра вест е дека стапката на смртност во најсиромашните земји во следните неколку месеци ќе опаѓа.Приоритет ќе биде вакцинирање на населението над 60 години во Бразил и Јужна Африка. САД ќе имаат вишок вакцини и ќе го користат за да ја зголемат вакцинацијата колку што е можно “, додаде тој.

Говорејќи за своите грижи за иднината, Гејтс рече дека се грижи дека светот ќе заборави на ковид-19 и нема да го искористи за да биде поподготвен во идните пандемии. Но, тој верува дека оваа генерација сè уште ќе се сеќава што се случило, бидејќи се изгубени милијарди долари и дека во иднина ќе бара глобален одговор на слична криза.

Минатата недела британскиот министер за надворешни работи Доминик Рааб потврди дека владата има намера да ја намали странската помош на 0,5 проценти од буџетот. Овој потег е критикуван од хуманитарните организации.

„Колку побрзо Обединетото Кралство се врати на ниво на помош до 0,7 проценти, толку подобро. Потребите за британска помош се драматични и гласачите треба да бидат многу горди на ефектот што го има помошта. Благодарение на таа помош, имаме вакцини и ја искоренивме детската парализа. Поради намалувањето, нема да можеме да сториме тоа “, изјави Гејтс за„ Скај њуз “.

“Обично треба да поминат десет години вакцината да дојде од побогатите во посиромашните земји. Благодарение на меѓународната соработка и хуманитарните организации во оваа пандемија, работите се одвиваат многу побрзо. Се надевам дека ќе го имаме предвид сето ова и ќе бидеме подготвени за следната пандемија “, заклучил тој.

Министерот Рааб рече дека Велика Британија ќе се врати во вложување на 0,7 проценти од бруто националниот доход во официјалната развојна помош кога фискалната состојба тоа ќе го дозволи.