Tag Archives: полицаец

Македонија

Кривична пријава и суспензија за полицаецот кој го удри Филип Талески

Како што објави Министерството за внатрешни работи, полицаецот кој го удри со пендрек ракометарот на Вардар и репрезентативец на Македонија, Филип Талески, добил кривична пријава и суспензија од работа до завршување на постапката. Да потсетиме дека настанот се случи за време на финалето до Купот на Македонија во Охрид. Инцидент кој беше еден од најсрамните ако не и најсрамен настан во нашата спортска историја.

Еве го соопштението на од страна на МВР:

Одделот за внатрешна контрола, криминалистички истраги и професионални стандарди до Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење организиран криминал и корупција – Скопје, поднесе кривична пријава против Х.Р., вработен како полициски службеник во полициска станица на подрачје на СВР Охрид, поради постоење основи на сомневање дека сторил кривично дело „малтретирање во вршење на службата“, по член 143 став 1 од Кривичниот законик.

Имено, пријавениот на 13.05.2023 година, околу 20.00 часот во Спортската сала „Билјанини извори“ во Охрид по завршување на ракометен натпревар, при вршење на службата со умисла извршил малтретирање врз оштетениот Ф.Т. на начин што неосновано и прекумерно употребил средства за присилба врз него.

Одделот за внатрешна контрола, криминалистички истраги и професионални стандарди, како овластен предлагач, против Х.Р. ќе покрене постапка за утврдување на дисциплинска одговорност, а работникот ќе бидат суспендиран од работа до завршување на дисциплинската постапка. 

Македонија, Спорт

Талески: Некои работи понекогаш излегуваат од контрола, но не заслужив пендрек

Финалето во ракометниот Куп на Македонија кое се одржа во салата „Билјанини извори“ во Охрид му припадна на Вардар 1961 по победата над битолски Еурофарм Пелистер, а црна дамка по завршувањето на натпреварот остави инцидентот кога без никаква причина полициски службеник со пендрек го удри нашиот репрезентативец Филип Талески, играчот на скопските „црвено-црни“.

Левиот бек на Вардар 1961 само имаше намера во големата турканица да ја смири тензијата на паркетот која се создаде меѓу неколку ракометари од двете екипи, но со ништо не заслужи удар со пендрек.

– Како спортист мислам дека е добро што во Македонија има дерби како ова. Сепак, некои работи понекогаш излегуваат од контрола. Навистина не знам како е можно од полицаец да добијам удар со пендрек. Не направив ништо за тоа да го заслужам. Во шок сум, како и целата ракометна јавност во Европа. Тие сцени го обиколија целиот ракометен свет. Добив многу пораки за поддршка. Исто така, верувам дека надлежните органи ќе си ја завршат работата во овој случај. Верувам дека такви работи нема да се случуваат во иднина – изјави македонскиот репрезентативец за lobsport.me

И додека Вардар го освои Купот, на другата страна Еурофарм Пелистер, на крајот од сезоната на две кола пред крајот има три бода предност во првенството. Клубот од Битола е на најдобар пат да ја освои 15 шампионска титула, а прва од 2005 година.

– Најважно е што победивме и што Вардар зеде барем еден трофеј и оваа сезона. Покажавме дека имаме карактер и дека поседуваме шампионски дух. На крајот на краиштата, ова е клуб кој двапати беше европски шампион. Беше тешка и долга сезона за нас, немавме долг ростер и тоа е главниот проблем. Остануваат уште две кола до крајот. Ако Пелистер ја освои титулата, а вистината е дека тој е поблиску до неа од нас, треба да им се честита – се зборовите на Талески.

Полицаецот кој со пендрек го нападна Талески преземал физички мерки ?
Македонија

Полицаецот кој со пендрек го нападна Талески преземал физички мерки ?

Video

МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.

„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР.

Тие додаваат дека пријава досега не добиле.

„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.

Видео:

https://fb.watch/kw_HSUWrKw/?mibextid=Nif5oz

Македонија

Бугарите даваа 200 евра за идентитетот на полицаецот кој ги апсеше – Николовски им го даде за без пари!

Gallery

Министерот за земјоделство, шумарство и водостопанство Љупчо Николовски на својот Фејсбук профил напиша дека ние Македонците сме гостопримлив народ за сите со добра мисла кои сакаат да ја посетат нашата земја.

„Секој кој со добра мисла сака да ја посети нашата убава земја е добредојден. Крива Паланка покажа што е патриотизам и како не се потклекнува на навредите и провокациите. Горд сум на професионалноста на сите полициски службеници на граничниот премин Деве Баир и на мојот другар Дарко“, пишуватој.

Неговиот пост се однесува за професионалноста на полицајците и недоличното однесување на Бугарите кои добија парична казна и три годишна забрана за влез во Македонија. Но, еден од приведените синоќа преку Фејсбук нудеше награда од 200 евра за оној кој ќе го открие името и презимето на еден од полицајците на граничниот премин Деве Баир, па министерот Николовски на ФБ им го даде името – без пари.

Македонија

Бугаринот Стојанов нудеше 200 евра за името на македонски полицаец – Чак Норис е маскиран

Gallery

По инцидентите со бугарски државјани на граничниот премин Деве Баир, најгласниот од нив, претседателот на бугарската фондација „Македонија“ Виктор Стојанов, кој објави видео од туркањето, вечерва на својот ФБ профил објави фотографија од македонски полицаец. Тој во објавата нуди пари за оној кој ќе му даде информации за неговото име и презиме.

– Давам 200 евра за името и презимето на овој македонски полицаец, напишал Стојанов на Фејсбук под фотографијата на македонскиот полицаец.

Со која цел Стојанов ги бара овие информации е нејасно, дали е ова директна закана за овој македонски полициски службеник од страна на претседателот на бугарската фондација?

Денеска веќе објавата на Фејсбук не постои, па се прашуваме дали тој ја избриша истата ?

Македонија

МВР објави јавен оглас, се вработуваат 600 полицајци

Министерството за внатрешни работи објави јавен оглас за засновање на работен однос на 600 извршители на работно место „Полицаец“ за работа во МВР.

Од вкупниот број, 100 извршители се за работа во Сектор за внатрешни работи Скопје, по 40 во СВР Струмица, СВР Битола, СВР Охрид, СВР Велес и СВР Куманово.

Во СВР Тетово се бараат 60 полицајци, а во СВР Штип 70. Според огласот 50 извршители се за Регионалниот центар за гранични работи Север, а по 40 за Регионалниот центри за гранични работи Запад, Југ и Исток.

Кандидатите треба да ги исполнуваат следните општи услови:

– да е државјанин на Република Северна Македонија;

– да е полнолетен, а да не наполнил 25 години живот ако за првпат заснова работен однос на работно место во Министерството за кое е предвидено средно образование;

– активно да го користи македонскиот јазик и неговото кирилско писмо;

– со безбедносна проверка да е утврдено дека не постои безбедносен ризик од вработување на кандидатот;

– да има завршено најмалку четиригодишно средно образование;

– да е здравствено и психофизички способен;

– со правосилна пресуда да не му е изречена казна забрана на вршење професија, дејност или должност;

– да не е член на политичка партија или член на органи и тела на политичка партија и

– да има положено тест за интегритет.

Кандидатите треба да ги исполнуваат следните посебни услови:

– потребна телесна висина од најмалку 175 см. (маж), односно 165 см. (жена)

– висока лична физичка подготвеност.

Заинтересираните кандидати задолжително да достават докази за исполнување на потребните услови за работното место, во оригинал или копија заверена на нотар и тоа:

– извод од матична книга на родените,

– диплома за завршено четиригодишно средно образование и

– две фотографии, со димензии 3,5 см х 4,5 см.

Кон пријавата, кандидатот задолжително доставува своерачно потпишана изјава со која потврдува дека истиот не е член на политичка партија или член на органи и тела на политичка партија.

Пријавата со потребната документација, кандидатот е должен да ја поднесе ЛИЧНО во едно од определените места за пријавување, и тоа:

– Сектор за внатрешни работи Скопје:

– Полициска станица од општа надлежност-Гази Баба,

– Полициска станица од општа надлежност-Бит Пазар и

– Полициска станица од општа надлежност-Карпош.

– Сектор за внатрешни работи Битола;

– Сектор за внатрешни работи Велес;

– Сектор за внатрешни работи Куманово;

– Сектор за внатрешни работи Тетово;

– Сектор за внатрешни работи Охрид;

– Сектор за внатрешни работи Струмица,

– Сектор за внатрешни работи Штип.

При поднесување на пријавата кандидатот го наведува бројот на организациската единица за работно место за кое се пријавува согласно точка I од огласот.

Кандидатот е должен при поднесување на потребните документи, со себе да носи лична карта или пасош за идентификација.

Потребната документација од точка 3, кандидатите ја доставуваат секој работен ден во определениот рок, во текот на работното време (08,00-16,00 часот).

4. При поднесување на пријава кандидатот потпишува изјава за доброволно пристапување кон селекција за избор на кандидат за полицаец со неможност за барање на отштета од Министерството во случај на повреда за време на спроведување на селекцијата.

5. Постапката за селекција на кандидатите ја спроведува Комисија за избор на кандидат за полицаец формирана од страна на министерот која го определува редоследот на фазите за селекција. Селекцијата се спроведува во следните фази:

– Административна селекција на поднесената документација (утврдување на навременост и потполност на поднесената документација, како и исполнетост на пропишаните услови);

-Проверка на моторички способности (за мажи: најмалку 9 „склекови“ во интервал од 10 секунди, најмалку 16 „стомачни подигања“ во интервал од 30 секунди, „скок во далечина од место“ со минимална должина на скокот од 220см, „спринт на 20 метри“ за најмалку 3,35 секунди, „спринт на 100 метри“ за најмалку 15 секунди и „трчање на 1500 метри“ за најмалку 5,25 минути и за жени: најмалку 6 „склекови“ во интервал од 10 секунди, најмалку 12 „стомачни подигања“ во интервал од 30 секунди, „скок во далечина од место“ со минимална должина на скокот од 160см, „спринт на 20 метри“ за најмалку 3,50 секунди, „спринт на 100 метри“ за најмалку 18 секунди и „трчање на 800 метри“ за најмалку 3 минути, и други физички проверки определени од страна на Комисијата),

-Психолошко тестирање (тест за интегритет и психолошки тест)

-Писмено тестирање (општо – образовен тест),

-Интервју (поединечен устен разговор со пријавеното лице),

-Безбедносна проверка и

-Здравствени прегледи (проверка на здравствените и психофизичките способности на кандидатите).

6. За пријавените кандидати се врши безбедносна проверка врз основа на нивна претходна писмена согласност. Доколку лицето ја одбива безбедносната проверка, се смета дека не ги исполнува условите за засновање на работен однос во Министерството.

7. Здравствените прегледи во постапката за селекција за проверка на здравствените и психофизичките способности на кандидатите се утврдуваат од страна на Здравствена комисија формирана од министерот за внатрешни работи.

8. При спроведување на селекцијата на пријавените кандидати им се овозможува под еднакви услови да ги демонстрираат своите способности, независно од полот, расата, бојата на кожата, националното и социјалното потекло, верско уверување, имотна и општествена положба.

9. По спроведената постапка за селекција, избраните кандидати за полицаец склучуваат договор за основна обука за полицаец во времетраење од 1 (една) година, која ќе се спроведе во Центарот за обука во Министерството за внатрешни работи и на истата се упатуваат за 10% поголем број кандидати за полицаец од бројот на слободни места за кои е распишан овој оглас, односно во Центарот за обука ќе бидат упатени вкупно 660 кандидати.

10. По завршување на основната обука Министерството за внатрешни работи и кандидатот за полицаец, кој ја завршил основната обука за полицаец и кој врз основа на постигнатите резултати соодветно е внесен во ранг листата склучува Договор за вработување во Министерството, со кој кандидатот за полицаец се стекнува со статус „полицаец – приправник”.

Со договорот за вработување се уредуваат меѓусебните права и обврски и се утврдува дека полицаецот е должен да остане на работа во Министерството најмалку пет години сметано од денот на склучувањето на договорот за вработување. Во спротивно, истиот е должен да ги надомести трошоците направени за неговата обука зголемени за три пати.

11. Рокот за доставување на пријавите изнесува 15 (петнаесет) дена, сметано од наредниот ден од денот на објавување на јавниот оглас (не сметајќи го денот на самото објавување).

12.Ненавремената и непотполната документација нема да се разгледува.

Македонија

Пензиониран полицаец се заканил дека Оливер Спасовски ќе биде yбиeн

Основното јавно обвинителство Скопје поведе постапка против пензиониран полициски службеник од Скопје за кого постои сомнение дека сторил кривично дело – Загрозување на сигурноста од член 144 став 3 во врска со став 1 од Кривичниот законик.

Осомничениот, од својот мобилен телефон, се јавил во полициска станица во Центар со закана дека ќе биде убиен министерот за внатрешни работи, по што веднаш ја прекинал врската. Откако бил идентификуван и лоциран, бил извршен претрес во неговиот дом, при што биле пронајдени еден карабин марка Ц3 со калибар 8Х57, пиштол марка „Чешка Зброевка“ со калибар 7,65мм, пиштол марка „Смит енд Весон“ модел 38/2, повеќе куршуми од различни калибри, еден пар лисици и телескопска палка.

Со оглед на тоа дека се работи за поранешен полициски службеник, но и за лице кое претходно е осудувано за други кривични дела, јавниот обвинител сметаше дека постои основаност на сомненијата дека лицето упатило сериозна закана да нападне врз животот и телото на службено лице. Поради опасност од бегство, до судијата на претходна постапка од Основниот кривичен суд Скопје, доставен е предлог за определување мерка притвор за осомничениот.​

Македонија

УДРИЛ ПОЛИЦАЕЦ, ПА ИЗБЕГАЛ – драмата продолжила низ скопските булевари, бегале поради тоа што го криеле во автомобилот!

На 29.12.2021 околу 23.00 часот во Скопје, полициски службеници од СВР Скопје ги лишиле од слобода М.Д.(28) и Д.М., двајцата од Скопје.

При контрола на патничко возило „форд“, со скопски регистарски ознаки, во с.Бразда, скопско, кое го управувал М.Д., а Д.М. бил сопатник, М.Д. го стартувал возилото и удрил полициски службеник, кој извршувал службени дејства.

Набргу потоа, возилото било сопрено на ул.„Јадранска магистрала“ и при преглед кај двете лица била пронајдена прашкаста материја.

Тие биле приведени во полициска станица и по целосно документирање на случајот против нив ќе биде поднесена соодветна пријава.

Македонија

(Видео) Битола на нозе: Голем протест за поддршка на полицаецот Гоце Петковски

Co пoддpшka нa Cиндиkaтoт нa пoлициjaтa, вeчepвa ce oдpжa мacoвeн пpoтecт вo Битoлa зa ccлoбoдитeлнa пpecyдa зa пoлицaeцoт Гoцe Пeтkoвckи, koj пpeтxoднo нaтeпa Poм и зa тoa дoби eднa гoдинa зaтвopcka kaзнa.

Oд Шиpok Cokak дo cyдoвитe вo Битoлa бeшe пopaчaнo дeka kaзнaтa e дpakoнcka, a Гoцe Дeлчeв Тoдeв, пpeтceдaтeл нa Нeзaвиcниoт cиндиkaт нa пoлициjaтa,aлyдиpaшe дeka зa Зopaн Милeвckи Kичeeц зaтвopckaтa kaзaн билa пoмaлa a пpeтekнyвaл нa пoлнa лeнтa пpeд иcxoдoт oд cooбpaќajнaтa нecpeќa дa зaвpши co eднo зaгинaтo лицe и ceдyм тeшko пoвpeдeни.

Пeтkoвckи e ocyдeн нa гoдинa дeнa зaтвop зa мaлтpeтиpaњe вo вpшeњe нa cлyжбaтa oтkako вo ceптeмвpи лaни пpимeни cилa нaд Poм oд Битoлa koj пoд дejcтвo нa aлkoxoл пpeтxoднo co вoзилo yдpи вo бaндepa вo близинa нa битoлckaтa пoштa.

-Дaли cyдиjaтa пpecyдил caмo вpз ocнoвa нa aмaтepcka видeo cнимka oд мoбилeн тeлeфoн нa koja нe мoжe дa ce coглeдa cekoj мoмeнт зa дa ce дoнece peлeвaнтeн зakлyчok.

Нe, oвдe нe e зaдoвoлeнa пpaвдaтa, oвдe e нaнeceнa нeпpaвдa, peчe Ниkoлчe Kиpkoвckи oд Cиндиkaтoт нa пoлициja нa Мakeдoниja.

-Нe мoжe нekoj зa yбиcтвo нa чoвek дa бидe ocyдeн 6 дo 7 мeceци, a нekoj зapaди ништo нa eднa гoдинa зaтвop. Ниe нe cмe вo пoлициjaтa дa пpaвимe тopтypa kako штo нekoj тoa гo извpти вo cyдckитe oдлykи.

Нe cмe зaмopчињa нekoj дa cи игpa co нac, oвa ќe бидe пoчнyвaњe нa мacoвни дeмoнcтpaции oд cтpaнa пoлициjaтa, зaтoa штo вo тek ce и дpyги cyдeњa и нekoи пoлициckи cлyжбeници ги cлeдyвa и пopигopoзнa мepka ako пpoдoлжи вaka cyдcтвoтo, peчe Гoцe Дeлчeв Тoдeв пpeтceдaтeл нa Нeзaвиcниoт cиндиkaт нa пoлициjaтa.

Македонија

Ова е ПОЛИЦАЕЦОТ кој изгуби работа што им удрил ШАМАР на лица кои управувале возило ПИЈАНИ (Фото)

Јавноста со поддршка за полицаецот кој ја изгубил работата за употреба на прекумерна сила врз лица кои управувале возило во алкохолизирана состојба.

Во Америка доколку некој се спротистави на полицаец може да биде застрелан на лице место, тука за шамар се брка од работа и се осудува на затворска казна. Полицијата воглавном си има работа со проблематични лица и нормално е во одредени случаи да има потреба да употреби и сила.Ова е Гоце полицаецот од Битола што е осуден на 1 година во затвор и изгуби работа затоа што им удрил шамар на лица кои управувале возило во алколизирана состојба и притоа не само што сериозно ја загрозиле безбедноста на граѓаните, туку дрско го навредувале и му се заканувале поради тоа што ги сопрел.Ако државата и судството не го штитат животот и достоинството на оние кои се задолжени да се грижат за нашата безбедност и нашите животи справувајќи се со криминалци и насилници, тогаш тие ќе се пасивизираат и ќе настане анархија.Парадоксот и иронијата се до толку поголеми што ова се случува во време кога осуденик пуштен на слобода во акохолизирана состојба и дрогиран прави сообраќајка со смртни последици престигнувајќи на полна линија. Истиот тој е осуден со 6 месечна затворска казна, што е многу поблага од онаа на полицаецов.Да не реагирал овој полицаец и да ги отстрани од сообраќај алкохолизираните лица, постоела голема е веројатноста дека и некоја фамилија во Битола денеска ќе била завиена во црно. А можеби и им го спасил животот токму на оние кои возеле во алкохолизирана состојба со тоа што ги отстранил од сообраќај… пишува на Фејсбук статус на страната Џандар.