Tag Archives: попис

Македонија

Резултатите од пописот се тоалетна хартија, со пописот започна процесот на демакедонизација и дехристиjaнизација

Пописните резултати се безвредни и немаат никаква фактична или правна вредност, рече пратеникот и лидер на Левица, Димитар Апасиев, во синоќешното гостување во емисијата „Јади бурек“.

Тој наведе низа спорни податоци, кои, според него, го прават пописот невалиден.

– Прво, направен е упад во базата на податоци и промена на бројките од пописот. Второ, Општина Аеродром како најгусто населена општина со пописот има зголемување само за 3.000 жители. па само во мојата зграда и во околните нови соседни згради има 3.000 жители. Од 2015 до 2019 година бројот на нови станови во Аеродром е 5.000 или грубо околу 20.000 нови жители на населбата. Трето, статистичка грешка за пописот не може да биде проценка, туку фактичка ситуација. Светски стандард е плус или минус 2,5 проценти можност за грешка. Сето она што е над 2,5 проценти го прави пописот за неважечки. Кај нас грешката е 7.2 проценти, додека заедно со дијаспората е 21.5 проценти. Тоа значи дека непопишани се околу 405.000 луѓе од дијаспората и 132.000 кај нас – рече Апасиев.

Тој потсети дека дијаспората се попишувала 7 месеци наместо 40 дена.

– До септември се попишале 204.805 нерезиденти во странство. Во март имавме 260.606 попишани, односно околу плус 60.000 попишани во дијаспората. Никаде во светот не постои попис на дијаспора, а кај нас преку Скајп ги попишуваа само за да се крене процентот на Албанците – истакна Апасиев.

Лидерот на Левица обвини дека со пописот е започнат процесот на демакедонизација и дехристиjaнизација.

– Бројот на македонски државјанства се 54%, Албанци 16,9% издадени, со што се обидуваат Македонците да се сведат на етничка заедница. Започнат е процесот на дехристиjaнизација. Односно, минимум 250.000 православни ги збуниле со зборот христијани, па така за прв пат бројот на православните е паднат на толку ниско ниво. И тоа делува на психа – рече Апасиев.

Македонија

Попис 2022: Направена грешка во податоците за религиозна припадност

Државниот завод за статистика на својата веб-страница соопшти дека е направена техничка грешка во Пописот при внесувањето на податоците за религиозната припадност на граѓаните.

-Во соопштението Попис на населението, домаќинствата и становите во Република Македонија, 2021 – прв сет на податоци, објавено на 30 март 2022 година, во Табела 9 – Вкупно резидентно население во Република Македонија според изјаснувањето за религиската припадност, по пол – Попис 2021, направена е техничка грешка со тоа што во редовите „Не е верник (атеист)“ и „Евангелско протестантски христијани“ е направена пермутација на податоците, соопштија од ДЗС.

Од тие причини, како што посочуваат, е направена корекција во табелата, а воедно сите појави под 500 не се прикажани во табелата поради ограничениот простор.

-Се извинуваме за направената грешка, соопштија од Државниот Завод за Статистика.

(МИА)

Македонија

Владиката Тимотеј за пописот: “Мижи асан да ти баам, не’ убедуваат дека 240.000 луѓе не знаеле дaли се православни”

Мижи Асан да ти баам. Со цел памет нѐ убедуваат дека 240.000 луѓе не знаеле дали се православни, римокатолици или протестанти, па затоа биле внесени во општата графа „христијани“ на пописот. А јас тврдам дека од тие 240.000 попишани, дури 238.000 се православни, ама некому така му одговарало.

Ова во разговор за Плусинфо го тврди митрополитот дебарско-кичевски и портпарол на Синодот на Македонската православна црква (МПЦ-ОА), г. Тимотеј, откако во резултатите од Пописот 2021 година, освен графите „православни“, „католици“, „адвентисти“, „протестанти“, вметната е и графата „христијани“ која брои над 240.000 луѓе.

-Кога мене ме попишуваа, никој не ме праша дали сум православен. Јас морав да инсистирам да ме попишат како православен. Ако не инсистирав, ќе ме внесеа во графата „христијани“, па сега ќе излезеше дека и јас не си ја знам верата, вели Владика Тимотеј.

– Сакате да кажете дека 240.000 луѓе не знаеле од која вера се, небаре биле пијани? Може да не знаеле двајца, тројца, петмина или десетмина, ама смешно е да се каже дека 240.000 луѓе не знаеле на која вера припаѓаат. Ние не можеме да тврдиме дека сите тие луѓе се православни, но дека најголемиот дел од нив се православни, тоа е апсолутно така. Ние многу добро знаеме колку има католици и колку има протестанти во Македонија, не е тоа тајна. Ако 240.000 луѓе се попишани како христијани, тоа значи дека најмалку 238.000 од нив се православни. Вчера ја прочитав изјавата на директорот на Државниот завод за статистика, Апостол Симовски, кој рече дека не биле виновни попишувачите, туку дека луѓето не ја потенцирале точно својата вера. Таквата изјава е потценувачка и срамотна – изјави владиката Тимотеј.

Целиот текст прочитајте го ТУКА

Македонија

Пописот е фарса во режија на парадржава – Против Македонецот се води уникатна и немилосрдна хибридна војна

Оваа фарса од попис на населението во режија на парадржавата “Северна Македонија” е политички, национален, законски и морален криминал без преседан во европската историја.

Овој Попис е уште еден показател, дека се наоѓаме во завршна, терминална фаза од изумирањето на Македонската национална држава и делегитимацијата на Македонската нација.

Ова е хаотичен, трагикомичен, противзаконски чин!

Онеправдани се Македонците како народ, но и македонските Турци, Срби, Бошњаци, Власи, Роми…

Ако се следи “патот на парите“ (т.е. патот на моќта и надмоќта), лесно е да се утврдат мотивите и кеаторите на оваа фарса. Оние кои располагаат со резултатите од пописот од 2011 нека ги обелоденат јавно, па ќе се види, низ споредба, како е режиран овој варварски Попис.

Фактите од непризнатиот и осуетен попис од пред 10 години ќе го демистифицираат и овој криминал, ќе покажат зошто се дава легитимитет на нелегитимните политики, зошто се навестува меѓународна поддршка на нешто што треба да биде предмет на жестока критика и осуда.

Под преттекст на европски вредности, во Македонија се спроведуваат неевропски политики.

НЕ ГО ПРИЗНАВАМ ОВОЈ ЛАЖИРАН ПОПИС!

Тој е само уште еден доказ, дека во Македонија се води уникатна и немилосрдна хибридна војна.

Пишува академик Катица ЌУЛАВКОВА

Македонија

Апасиев до МПЦ: Ќе бекнете ли за вештачкото спуштање на православните под еден милион?

Претседателот на Левица, Димитар Апасиев на својот Фејсбук се огласи по однос на резултатите од пописот истакнувајќи го вештачкото намалување на православното население во Македонија под еден милион жители.

Тој запраша дали МПЦ планира да се огласи по однос на овој проблем или со корупција се замолчени.

-А МПЦ ќе бекне ли за 20-те подвидови “христијани”, со цел православните да ги спуштат вештачки под еден милион!?

Или, со зградуријата кај “Холидеј Ин” им го затнаа устичето. Дедо Стефане, се слушаме?

#ТешкоВамФарисеи

#ПородиЗмиини, пишува на Фејсбук Апасиев.

Балкан

Ковачев: Ќе ги откриеме сите што имаат бугарско државјанство

Сите знаеја кои се веќе „официјалните“ резултати од пописот во РМ. 3.504 граѓани се дрзнаа да се запишат како Бугари, вака бугарскиот европратеник Андреј Ковачев ги коментира официјалните резултати од пописот во Македонија.

Тој напоменува дека повеќепати инсистирал на промена на Законот за бугарско државјанство.

– Добивањето бугарско државјанство по потекло не може да биде таен чин. Сите оние кои добиле бугарско државјанство по потекло мора да бидат објавени. Вака се објавуваат во САД, Канада, Германија или Франција – додаде Ковачев и нагласи дека да си доброволно бугарски државјанин откако ќе докажеш бугарско потекло и ќе потпишеш декларација дека се чувствуваш Бугарин не е тајна или срамна работа.

Според бугарскиот европратеник, при добивањето државјанство „потребна е церемонија или барем фотографија пред грбот и знамето“.

– Колку долго ќе чека (бугарското) Народно собрание? – праша Ковачев, објавија бугарските медиуми.

Балкан

Захариева за пописот: Требало да се бројат и Бугарите надвор од Македонија

Поранешната министерка за надворешни работи на Бугарија и пратеничка на ГЕРБ, Екатерина Захариева преку „Фејсбук“ реагира на резултатите од пописот, потенцирајќи дека резаговарала со организациите на Бугарите во Македонија и тие и посочиле оти сметаат дека податоците се фалсификувани.

Податоците според кои во Македонија има само 3.504 Бугари се фалсификувани и здруженијата на Бугарите во земјава наскоро ќе излезат со официјален став. Најчудно е што не се бројат Бугарите кои се надвор од државата, за разлика од другите етнички групи. Не треба да заборавиме дека во последните 15 години 86.566 граѓани добиле бугарско државјанство, изјавувајќи пред нашите власти дека се идентификуваат како Бугари. За жал, уште еднаш сме сведоци на старата државна политика – дискриминација на Македонците со бугарска самосвест и обид за нивно маргинализирање, вели Захариева.

Таа понатаму вели дека ваквото мешање во правото на самоопределување е апсолутно неприфатливо и е во спротивност со вредностите на Европската Унија и дека крајно време е „да сфатат дека Бугарите во Македонија не се закана, туку мост меѓу нашите две земји“.

Македонија

Левица не го признава пописот

Левица не го признава овој попис и за сите кои учествувале во овој фингиран процес ќе има кривични пријави, рече на денешната прес-конференција пратеникот Борислав Крмов, нагласувајќи дека пописот е фалсификат и фингиран.

Овој процес не беше ништо, освен една политичка операција изведена под палката на ДУИ, а одобрена од СДСМ. Имавме многу говори и гостувања по емисии каде образложувавме зошто е проблематичен Законот за попис.

Прво Законот го шверцуваа со европско знаменце, што не е случај во ниту една држава. Потоа имавме попис на дијаспора, што не е случај во ниту една држава, имавме попишување со само давање на матичен број, што ги крши сите меѓународни стандарди.
Имавме ситуација да може трети лица да даваат лични податоци, што е забрането со меѓународни конвенции. Имаме ситуација документи за идентификација да бидат насловени во законот како ‘соодветни документи’, значи намерно не се прецизирани за да може да имаме манипулации. И на крај, врзаниот потпис на заменик директорот на ДУИ, за да може да ги добиеме овие, би ги нарекол, буквално фалсификувани и штелувани резултати кои што ги добивме.


Апостол Симовски призна дека 132.000 луѓе внеле само од базите, што значи дефакто дека тие луѓе бојкотирале – што значи пописот е НЕВАЛИДЕН! Ние гледавме како Груби, Османи и Бектеши агитираа во дијаспората на државен трошок само една етничка заедница да се потпишува, дури и странски државници како Курти и Рама лобираа. Според државјанствата издадени од МВР, се заклучува дека 300.000 лица не се попишани!
Овој процес, кога ќе се надоврзи на сите штетни договори, значи ние одиме на разнебитување на државата и државотворниот статус на македонскиот народ. Партијата СДСМ е претворено во тендерашко друштво, без никакво национално или државничко чувство. Тука ќе ја спомнам и улогата на ВМРО-ДПМНЕ. Иако нивните пратениците немаа ниту еден позитивен збор за потписот, сепак на крај партијата го поддржа пописот и му даде легитимитет. Останува да видиме дали ќе покажат политичка кичма и дали нема да го признаат пописот.
Левица НЕ ГО ПРИЗНАВА овој попис и за сите кои учествувале во овој фингиран процес ќе има кривични пријави, порача Крмов.

Македонија

Имало угнетени Бугари – Трифонов тврди дека преку 100.000 Бугари се плашат да се декларираат

Ако Македонија сака да биде дел од Европската Унија, нејзините граѓани мора слободно да се дефинираат, напиша лидерот на „Има таков народ“ Слави Трифонов на својот Фејсбук профил.

Тој реагира на официјалните информации на Државниот завод за статистика за пописот во земјава, според кои како Бугари во земјата се декларираат само 3.504 лица.

При објавувањето на резултатите Бугарите воопшто не беа споменати, а директорот на службата изјави дека тие ги претставуваат само етничките заедници кои се дел од македонскиот устав. При пописот во Македонија само 3.504 граѓани се изјасниле како Бугари, т.е. Бугари скоро и да нема. Сепак, повеќе од 100.000 бугарски пасоши се издадени на граѓани на Македонија. Само во последните две години, кога светот беше затворен од пандемијата, бугарски пасоши добија 16.692 граѓани на Македонија. А, според законите во Бугарија, државјанин на Македонија за да добие бугарски пасош, мора да го докаже бугарскиот корен. Така, над 100.000 граѓани на Македонија ги докажуваат своите бугарски корени во Бугарија, а во Македонија се плашат да се нарекуваат „Бугари“, пишува Трифонов.

Тој прашува зошто во една нормална, европска земја, како што тврди Македонија, човек би се плашел да каже што е тоа?

Затоа што ова не е нормална, европска земја. Зборувам само по логика – ако Македонија сака да биде нормална, европска земја, т.е. за да бидат дел од Европската Унија, нејзините граѓани мора да можат слободно да се самоопределуваат и нивните права не смеат да бидат прекршени. Така што моето мислење е дека додека тоа не се случи, Македонија едноставно ќе биде дел од Западен Балкан, вели Трифонов.

Македонија

Македонците ги снема-Резултати од пописот 2021

Државниот завод за статистика ги објави резултатите од пописот.
На церемонијата одржава во Македонската филхармонија присуствуваше целиот државен врв.

– Ја изразувам својата огромна благодарност за огромниот труд на сите вработени во Државниот завод за статистика, Комисиите за пописните реони и до сите реонски инструктори и попишувачи, до медиумите, донаторите, државните институции, невладините организации, агенцијата за медиумска промоција на Пописот, но, пред сè, огромна благодарност до сите граѓани кои ја препознаа важноста на Пописот, ја остварија својата законска обврска и со попишувањето дадоа придонес за својата иднина и за иднината на своите поколенија. Затоа што, всушност, Пописот зависи од сите нас и е за сите нас. – рече директорот на Државниот завод за статистика.

И сега за податоците што ги прибравме во текот на попишувањето:

Со Пописот во земјата се попишани вкупно 1 832 696 лица, 568 175 домаќинства и 837 255 станови.

Со примената на комбинираниот пописен метод и со користењето на новите техничко-технолошки алатки, се овозможи ефикасно следење на попишувањето и опфатот на единиците на попис на терен.

Изразено во бројки, тоа значи дека:

Од опфатените објекти за живеење, 91 % беа предмет на попис;
9 % се објекти кои не беа предмет на попис;
Сите објекти кои беа предмет на попис беа посетени по неколку пати. Онаму каде што по неколкукратните обиди не се оствари контакт со граѓаните, тие беа повикани да се попишат во седиштата на општините. Оние кои и тоа не успеаја да го направат, сепак ќе бидат дел од Пописот бидејќи се очекува да ги има во некоја од базите кои ќе се користат при обработката на податоците, така што со сигурност знаеме дека целосно и успешно го опфативме населението кое во овој момент живее во државата.

Овие показатели укажуваат на фактот дека целата активност е спроведена во рамките на очекуваното особено со оглед на тоа дека 20 години немаме пописни податоци и немавме точна претстава со што ќе се соочиме на терен.

Во однос на попишувањето на дијаспората, вкупно се самопопишаа 204 805 македонски државјани и тоа најмногу од западноевропските земји, а многу помал број од прекуокеанските земји.
Вкупно резидентно население според изјаснувањето за етничка припадност.

Македонци 58, 44%

Албанци 24,30% – соошти Симовски.