Tag Archives: пресуда

Македонија

НА ДЕНЕШЕН ДЕН по излегување од затвор почина истакнатиот артист Ристо Шишков, кој беше осуден за македонски национализам

Ги издржа неправдата што му ја нанесоа кодошите, пресудата од комунистичкиот режим и затворскиот живот во Идризово, но немоќен беше пред болеста: пред 34 години во Скопје почина истакнатиот македонски артист Ристо Шишков.

Роден е во 1940 година во селото Мрсна, Серско, во Егејска Македонија, во ситуирано трговско семејство. Татко му Васил и најстариот вујко минале 4 години затвор на Крит, а во 1942 година Ристо ја доживува трагичната судбина на децата-бегалци од Егејска Македонија. Преку Бугарија во 1945 година неговото семејство доаѓа во Струмица, каде тој го минал детството и се школувал.

(Ристо Шишков со синот Васил)

Шишков имал намера да студира атомска физика, но се премислил, па во 1962 година дипломирал на Театарската академија во Белград, на отсекот за глума.

По двегодишната работа во Југословенскиот драмски театар во Белград, Шишков доаѓа во Скопје и од 1 октомври 1964 година станува член на Драмата на Македонскиот народен театар.

Во својата кариера играл во 54 театарски претстави, снимил 11 филма (во дванаесеттиот, „Води“, неговата ролја е преснимена), пет телевизиски драми и три телевизиски серии, како и повеќе радиодрами. Добитник е на театарската награда на МТФ „Војдан Чернодрински“ во Прилеп (1977 година) за улогата во претставата „Крчма под зеленото дрво“.

Во 1979 година, накодошен, бил обвинет од тогашните власти за навреда на ликот и делото на Јосип Броз Тито и осуден како македонски националист, сепаратист и хегемонист, а на 15 јануари 1980 бил однесен во затворот.

По излегувањето од затворот, по кратко боледување умира на 17 јули 1986 година во Скопје.

Во негова чест, по осамостојувањето на Република Македонија, од 1992 година во Струмица се одржува Фестивалот на камерен театар „Ристо Шишков“.

Артистот Шишков зад себе остави многу брилијантни театарски и филмски улоги, за кои освои голем број награда. Еве некои од нив:

Во 1967 на ФФАО во Ниш, Специјална награда за улогата во „Планината на гневот“, а на истиот фестивал во 1976 година е добитник на Повелба за машка улога во „Најдолгиот пат“.

Шишков оствари и многу улоги во филмската продукција на Македонија:     1966: „До победата и по неа“ (главна улога); 1967: „Каде по дождот“ (споредна улога); 1967: „Македонска крвава свадба“ (главна улога); 1968: „Планината на гневот“ (главна улога); 1969: „Републиката во пламен“ (главна улога); 1971: „Црно семе“ (главна улога); 1972: „Истрел“ (главна улога); 1975: „Јад“  (споредна улога); 1976: „Најдолгиот пат“ (главна улога); 1981: „Црвениот коњ“ (главна улога); 1984: „Нели ти реков“ (главна улога).

На театарската сцената го наследи неговиот син Васил Шишков кој, исто така, почина прерано.

…………………

Во 1992-ра почина македонскиот композитор Стефан Гајдов

На 17 јуни 1992 година во Скопје почина македонскиот композитор Стефан Гајдов, кој е еден од зачетниците на организираниот музички живот во Македонија.

Гајдов е роден на 26 мај 1905 година во Велес. Уште во времето на српската окупација на Македонија бил активен во организирањето на музичкиот живот во Велес и пошироко, со особено внимание кон македонскиот фолклор.

Тој е еден од организаторите на музичкиот живот во Македонија и по ослободувањето од бугарската окупација и периодот по 1945 година. Особено е заслужен е за ширењето на хорскиот аматеризам, а како композитор, покрај другото, е познат по обработката и стилизацијата на повеќе македонски народни песни и автор на петнаесетина учебници за музичко образование.

Денешен поопширно за Гајдов пишуваше на 26 мај годинава, по повод денот на раѓањето, а текстот може да го прочитате ТУКА.

Македонија

Осум години затвор за перење пари, местење тендери за Рашковски

Кривичниот суд изрече пресудата за предметот „Софтвери“ во кој првообвинет е поранешниот генерален секретар на Владата, Драги Рашковски, а кој се однесува за набавката на софтвер за контрола на сообраќајот во период кога со Генералниот секретаријат раководеше токму Рашковски.

Случајот го води судијката Фанка Јанчулева Михаиловска, а застапник на обвинението е обвинителката Ивана Трајчева.

Обвинетите се прогласени за виновни.  Рашковски за кривичните дела „злоупотреба на службена положба и овластување” и „перење пари и други приноси од казниво дело”, а лицата Ивица Димитровски, Игор Христов, Даниел Станчев, Ирена Ивановска, Игор Ивановски и Маја Силјаноска се обвинети за „злоупотреба на службената положба и овластување”.

Драги Рашковски доби казна затвор 7 години и 1 год и 6 месеци за перење пари – вкупно треба да отслужи 8 години. Ивица Димитровски доби пет години затворска казна. Игор Христов пет и пол години, Даниел Станчев четири, Ирена Ивановска 3 и пол години и Игор Ивановски и Маја Силјановска по три години.

Дел од обвинетите, треба и да ја надоместат штетата на буџетот во износ од околу 11милиони денари. Судот изрече и забрана за децата на Рашковски да ги отуѓат имотите кои се на нивно име.

„Софтвери“ е предмет отворен по допрен глас од обвинителката Ивана Трајчева. Обвинението е за набавка на два софтвера и исплата на хонорари. Првиот софтвер е за сообраќајни прекршоци и биометриска идентификација, кој, според обвинителката, никој не ги користел, а Генералниот секретаријат со кој управуваше Рашковски ги набавил иако немал надлежност за тоа. Дополнително, обвинителката докажуваше дека тендерите биле наместени.

Вториот дел од обвинението е за хонорарите. Тој склучувал авторски договори со физички лица што не ги извршувале работните обврски, односно биле фиктивни. Според обвинението, тие подигнувале дел од парите и му ги враќале на Рашковски. Со тоа е направена штета на буџетот од 1.320.000 денари или во вкупен износ штета на буџетот за целиот случај, од над 18 милиони денари.

Судот утврдил дека дел од обвинетите имале префрлање пари меѓу себе и тоа поголеми суми во неколку наврати. Префрлување пари за купување автомобил и мотор, но и префрлување пари како позајмици.И фирми префрлувале пари на обвинетите по основ на позајмици на физичко лице еден пример е префрлувањето кон Ирена Ивановска, пари кои таа потоа префрлила кон Даниел Станчев. а фирмата и „Тоникс“ префрлила пари и на Маја Силјановска, над 2 милиони денари, кои таа ги подигнала од сметката Сето ова за судот е доказ дека сите обвинети комуницирале меѓу себе и си префрлувале пари помеѓу себе.

И електронската комуникација помеѓу обвинетите се поклопува со неспорните факти и докази и докажуваат комуникација на обвинетите меѓу себе во која се гледа дека разговарале и за спорниот тендер. Дека си разменувале телефони од инволвираните фирми и договарале средби со нив. како и правеле договор да задржат дел од парите за хонорари за себе, а дел да му ги дадат на Рашковски, и според судот тој се товари и за перење пари, односно пуштил во оптек 680 000 денари кој не потекнуваат од легални извори туку од злоупотреба на службената положба.

Според обвинението, првообвинетиот Драги Рашковски, не ги извршил службените должности при спроведување на четири постапки за јавна набавка за систем за биометриска идентификација, јавна набавка на софтвер за определување на просечна брзина на возила во сообраќајот и изрекување на казни, набавка на АНПР камери за препознавање на регистарски таблички за возила и јавна набавка на метални кабини за потребите на системот на биометриска идентификација и систем за автоматско препознавање на регистарски таблици.

А1 он

Македонија

Дали ова е правда за жртвите од модуларната болница во Тетово? – Бесими не се осеќал виновен

Прашан како се чувствува и дали ова е правда за жртвите, Бесими посочи: „Жалам за трагичниот настан, не се осеќам виновен. Не сум потписник, не сум бил надзор. Останува да ја барам правдата со цел сите жртви, семејствата, да ја знаат вистината. Највеќе заинтересиран за ова сум јас“.

Бесими денеска беше осуден на условна казна затвор.

Директорот на тетовската болница доби УСЛОВНА КАЗНА ЗАТВОР: Не ја разбирам пресудата
Македонија

Директорот на тетовската болница доби УСЛОВНА КАЗНА ЗАТВОР: Не ја разбирам пресудата

Осудениот ексдиректор на болницата во Тетово, Флорин Бесими, посочи дека не ја разбира пресудата со која доби условна казна за пожарот во модуларната болница односно за непревенирањето. Тој кажа дека не е потписник, ниту има некаква поврзаност со објектот. Најави жалба до Апелација.

„Не ја разбирам пресудата. Не ми е јасно како ме поврзуваат со модуларната болница кога самите бевте присутни и од самите докази се гледа дека не сум изведувач, не сум бил надзор, ниту сум ја примил, што постои во документите. Не сум потписник. Само знам дека се обвинувам за ПП-апарати – дали имало или немало, тоа во текот на судскиот процес го кажаа сведоците. Мене ми останува да се спротивставам на пресудата и да го барам правото во повисоките судски институции“, рече Бесими.

Прашан како се чувствува и дали ова е правда за жртвите, Бесими посочи: „Жалам за трагичниот настан, не се осеќам виновен. Не сум потписник, не сум бил надзор. Останува да ја барам правдата со цел сите жртви, семејствата, да ја знаат вистината. Највеќе заинтересиран за ова сум јас“.

Бесими беше осуден на условна казна затвор.

Македонија

Браво! Слободата на докторот од Тетово поздравена со овации и аплауз

Со громогласен аплауз беше поздравена ослободителната пресуда за тетовскиот доктор Бобан Вучевски, обвинет за пожарот во тетовската модуларна болница. Според него, ова е праведно. Посочи дека сега ќе биде уште повеќе со граѓаните и пациентите.

„Ослободителна пресуда за мене. Голема благодарност за сите пријатели кои не дозволија да останам сам. Благодарност до адвокатскиот тим кој ме поддржуваше и ми даде сила да го спроведеме овој процес како што треба. Благодарност за правдата што излезе дека јас како доктор сум бил со вас, а сега уште повеќе ќе бидам со вас“, рече Бобан Вучевски.

Докторот Бобан Вучевски се суди бидејќи дозволил влез на роднини во болничките соби, иако тоа било забрането. Претходно, судијата Јордан Велковски го ослободи од вина.

Македонија

Бошковски одлежа НЕВИН: Можеби сум единствениот човек кој помина 11 години во затвор и излезе како победник

„По голгота од 20 години, денес конечно сум слободен човек и сум можеби единствениот човек на балканските простори кој помина 11 години, што по домашните, што по меѓународните затвори“, изјави по денешната ослободителна пресуда за случајот „Кампања“, лидерот на Обединети за Македонија и советник во Владата, Љубе Бошкоски. Тој помина во затвор 5 години за овој случај кој се однесуваше на незаконско финансирање на изборна кампања, а од најголемиот затвор во државава излезе во 2016 година. Денес за предметот за кој беше во затвор доби ослободителна пресуда. 

„Сведоци бевте на уште една од низата ослободителни пресуди кои се донесоа, благодарам за поддршката во целиот период на мојата голгота од 20 години. Ова ми е седма ослободителна пресуда, почнувајќи од двете хашки. Во меѓувреме имавме неколку осудителни пресуди кои потоа станаа ослободителни, и од денес, па се надевам натака во мојот живот, сум можеби единствениот човек на балканските простори кој помина 11 години што во домашните, што во меѓународните затвори. Од секаде излегов како победник верувајќи во правдата и вистината”, изјави Бошкоски по изрекување на пресудата.

За тоа дали би се вратил во политиката Бошкоски вели дека еден период ќе се повлече од приватни причини. 

„Сега во овој период ќе се повлечам од политиката од приватни причини. Политиката е тука, јас во политиката. Сè уште сум претседател на Обединети за Македонија, политичка партија која овој период беше изложена на медиумски линч. Се надевам дека можам уште да придонесам за Македонија, посебно кога знам дека зад мене немам никаков товар што може да нè оптоварува мене и мојата политичка партија”, одговори Бошкоски. 

За тоа дали сега ќе бара отштета од државата, вели, тоа не му е примарно сега бидејќи времето поминато во затвор никој не може да му го врати.

„Тоа е сега не е примарно, времето не може никој да го врати. Тоа е минато време, но ги охрабрувам македонските судови и судии при одлучувањето да ги земаат предвид сите докази, а не да влегува политиката во судниците. Како што велеше мојот професор по кривично право Марјановиќ: ‘Таму каде што низ вратата влегуваше политиката, низ прозорецот бегаше правдата’. Но, еве, денеска бевме сведоци дека сиот овој период бев изложен на полициско-политичко монтирани процеси кои завршија на крајот со победа на правдата и така ја доживувам оваа победа”, вели Бошкоски.

Основниот кривичен суд Скопје во повторената постапка врз основа на пресуда на Европскиот суд за човекови права, денеска донесе ослободителна пресуда за Љубе Бошкоски, во врска со случајот „Кампања“. 

Македонија

Еве ЗОШТО Е ДЕНЕС ПРИВЕДЕН Драган Даравелски

Откако е објавена информацијата за приведувањето на Драган Даравелски, Фактор потсетува на досие кое сме го објавиле за некогашниот директор на Царината, кој жареше и палеше на македонската сцена пред многу години, во време кога државата премиер беше Љубчо Георгиевски.

На поранешниот функционер и бегалец од правдата Драган Даравелски, денеска беше уапсен на граничниот премин Табановце при влез во Македонија, му застареле делата и најверојатно брзо ќе биде ослободен од затвор, велат за Плусинфо доброупатени извори.

Еве што напиша Вечер.мк во далечната 2012 година, текст кој измамува многу читателски посети.

„Кумановецот Драган Даравелски е еден од ретките функционери во независна Македонија осуден со правосилна судска пресуда дека проневерил 2,5 милиони евра, додека беше директор на Царинската управа во периодот 1999-2002 година.

Истрагите против него започнаа веднаш по промената на власта во 2002 година. Набргу потоа му беа поднесени неколку кривични пријави за злоупотреба на службената должност и овластувања по разни основи, а меѓу нив најтешката е за неуплатување на приходите од царините во Буџетот на државата и за отуѓување возила, сопственост на Царината, на други институции.

По ваквите обвинувања и по почнувањето истражна постапка против него, тој се одметна од државава. По неколку години се дозна дека неговото ново живеалиште е Белград, Србија.

По заедничка акција на македонската и српската полиција тој во во 2006 година беше уапсен, но додека чекаше во екстрадиционен притвор да биде донесен во земјава, која го бараше со потерница, успеа на мистериозно брз начин да се стекне со српски пасош и со тоа да си го продолжи животот на слободата.

Осуден во отсуство

Сепак, и во негово отсуство започна судскиот процес и финишираше пролетта 2007 година. Даравелски беше осуден на 7 години затвор и беше наредена конфискација на негов имот во вредност на штетата што ја направил на државата. Откако завршија сите жалбени процедури и отсранети сите правни пречки, во 2010 година државата започна да го запленува имотот што успеваше да го детектира.

Меѓу нив се и луксузниот стан во Скопје и дуќанот во Куманово, вредни околу 200.000 евра, за кои владата донесе одлука да ги продаде. Освен имот на негово име, беше запленет и имот зад кој формално стојат други лица, но државата успеа да ги доведе во корелација со Даравелски.

Најважниот од нив е црногорецот Миодраг Марковиќ, чија вила на Водно вредна 1,4 милиони евра исто така се планираше да биде дадена на продажба. Тој е осуден и одлежуваше затворска казна во Идризово за перење пари во висина од 8 милиони евра. За да си наплати дел од овие пари, државата во 2010 година ги конфискуваше сите акции од неговата фирма „Скотиха“, вредни 2 милиони евра.

Највредни акции од компаниите поврзани со Даравелски се конфискувани од скопска „Југоопрема“ – 690.000 евра и од кумановската фабрика за тули „КИК“- 653.000 евра. Уште три компании останале без неговиот удел, „Козјак“, „Трготекстил“ од Скопје и ЗИК „Скачковце“ од Куманово. Најзначајните запленети акции беа во две банки. Околу половина милион евра акции или речиси 7,5 отсто од вредноста на тогашните ИК банка и 2,5 проценти од акциите во СТАТЕР банка од Куманово, вредни 250.000 евра.

За Даравелски и Марковиќ во тек беше и постапката за имотот на „Бисерка Куманово“, фирма која поседува два хотела, три ресторана и фабрика за минерална вода. Полицијата во 2010 година им поднесе кривична пријава под сомнение дека на криминален начин ја приватизирале фирмата, а проневерата на Даравелски во случајот е проценета на 20 милиони евра.

И покрај конфискациите и кривичниот прогон, упатените тогаш ни изјавија дека Даравелски се уште е многу богат човек, а многу од неговите далавери не се откриени и веројатно никогаш нема ни да бидат.

Колку имот има во Србија каде што претстојува веќе цела деценија никој не знае, но затоа се уште се доведува во корелација со многу фирми во земјава.

Во 2011 година, под притисок на Европската унија, Македонија и Србија потпишаа спогодба за ектрадиција на осомничени за тешки кривични дела, а многумина во него препознаа создавање на терен за враќање на Даравелски во Македонија. Таквата можност ја најави уште тогаш српскиот амбасадор во земјава.

Тогаш сме напишале и дека доколку биде есктрадиран, за Даравелски веројатно ќе има ново судење, бидејќи во првото е осуден во отсуство.

Македонија

Вкупно 52 ГОДИНИ ЗАТВОР за обвинетите за убиство на Денис Тот

Основниот кривичен суд во Скопје ги прогласи тројцата обвинети за виновни за убиството на хрватскиот ракометар Денис Тот:

Со првостепената пресуда обвинетите Анџело Ѓоргиевски и Клементина Левковска осудени се на по 18 години затвор, а Андреј Костовски (19) – 16 години затвор.

Странките имаат право на жалба до повисокиот Апелациски суд Скопје.

Анџело и Клементина, рече судијката Елена Илиевска-Јосифовиќ, имале поголем придонес во извршувањето на дело. За Анџело наведе дека и прв ги задал удрите кон Тот, а Клементина, која најмногу го удира, судијката ја опиша како „крајно упорна во ударите“.

Покрај затворската казна, судот определи и надомест на штета за семејството на убиениот ракометар, и тоа по 9 милиони денари (околу 145 000 евра) за мајката и таткото и 8 милиони денари (околу 130 000 евра) за братот на Денис Тот.

Солидарната надомест треба да се исплати во рок од шест месеци откако пресудата ќе стане правосилна.

Свет

ВИСТИНСКИ УЖАС ВО САД: Човекојадец убил, распарчил и изел момче (Видео)

Судот во Мичиген го прогласи виновен Марк Дејвид Латунски, кој призна дека го убил и распарчил 25-годишниот Кевин Бејкон, за убиство од прв степен.

„Судот смета дека се работи за пресметано и планирано кривично дело“, рече судијата. Латунски (53) го признал убиството и осакатувањето на телото.

Латунски на распитот на полицијата им рекол дека размислувал да купи дехидратор за обработка на мускулите на Бекон и дека планирал да направи брашно од коските на неговата жртва.

Мери Шартие, адвокатката на Латунски, тврдела дека нејзиниот клиент не го планирал убиството на Бејкон. Во последните зборови, таа спомнала дека Латунски, кога полицијата му тропнала на вратата, ги поканил да влезат, иако знаел дека во подрумот виси тело.

Законската дефиниција за убиство со умисла бара сторителот да ги разбере последиците од кривичното дело. Но Латунски отишол на божиќна забава откако го убил Бејкон без да ја измие крвта од себе, што, тврди адвокатот, покажува дека не бил свесен за последиците од убиството, објавија американските медиуми.

„Полицијата пронашла тело на маж обесен во неговиот подрум, кого признал дека го убил и дека мислел дека дошло до „големо недоразбирање“. Тој целосно не бил свесен за последиците“, рекла Шартие.

Откако полицајците ја напуштиле просторијата за испрашување, камерата го фатила Латунски како си зборува. Тој рекол: „Не го планирав тоа“.

На 28 декември 2019 година, полицијата го пронашла Бејкон обесен за глуждовите во подрумот на домот на Латунски во градот Бенингтон.

Бејкон бил прободен со нож, му го пресекол грлото и му биле изедени делови од телото, изјавиле сведоците на судењето. Меѓу нив бил и полицаецот кој прв го пронашол телото на Бејкон во подрумот.

Полицаецот Еван Заполски изјацвил дека форензичарите на мобилниот телефон на убиецот откриле дека во деновите пред убиството, тој барал ножеви на Интернет повеќе од 50 пати, додека полицискиот наредник Џејмс Мур, кој ја водел истрагата, рече дека Латунски пребарувал неколку теми поврзани со канибали на интернет.. Тој додаде дека Латунски го купил ножот неколку часа пред да се сретне со Бејкон.

На распитот Латунски рече и дека по убиството го обесил телото за глуждовите со помош на систем за макара. Изрекувањето на пресудата е закажано за 15 декември.

Македонија

Габриел Бајрам осуден на 3 месеци затвор за тепање келнер и фрлање шишиња

Габриел Бајрам, син на починатиот пратеник Амди Бајрам, признал вина за насилството сторено во скопски ресторан, објави А1он.

Кривичниот суд му изрече три месеци затвор за фрлањето шишиња и чаши кон келнер. Осуден е и неговиот син, кој доби условна казна. Габриел Бајрам е пуштен од истражниот затвор „Скопје“ во Шуто Оризари во домашен притвор, се до правосилноста на пресудата.

Кривичната пријава за Бајрам беше поднесена откако на семејна веселба во угостителски објект во Скопје, заедно со неговиот син, повредил еден од вработените и го кршел инвентарот во објектот.

Неговиот син доби условна казна затвор од три месеци која нема да се реализира доколку во рок од една година не стори ново кривично дело.

Бајрам, кој веќе помина еден месец во притвор во затворот во Шутка, правосилноста на одлуката ќе ја чека во домашен притвор.

Во казната му се засметува и времето поминато во притвор и куќен притвор.