Tag Archives: професорка

Свет

Ученик ја згазил од брутално тепање професорка која му го земала Нинтендото (Видео)

Video

На вознемирувачкото видео се гледа 17-годишно момче како трча кон професорката која се врти кон него пред тој насилно да ја собори на подот.

Ученикот, за кој Њујорк пост пишува дека тежи 113 килограми, продолжил да ја удира со нозете веќе онесвестената професорка во средното училиште Матанзас во Палм Коуст.

Уште неколку вработени, кои биле сведоци на овој брутален напад, истрчале да го одвојат ученикот од професорката, која веднаш била пренесена во локалната болница.

„Ученикот тврди дека жртвата го изнервирала кога го земала неговото Нинтендо за време на часовите“, се вели во соопштението на полицијата.

Во извештајот за апсење се вели дека полицајците ја нашле професорката облеана во крв и онесвестена на местото на настанот.

Разбеснетиот ученик кој живее во колективно сместување и викал на полицијата дека ќе ја „убие“ кога ќе се врати на училиште.

Македонија

СКАНДАЛ ВО ВЕЛЕС: Професорка нападната од ученик (Видео)

Video

Настанот се случил во Октомври 2019 год, нападнатата професорка е со иницијали Б.С. , а директорка во тоа време била лицето О.К., која според изворот,не преземала соодветни мерки!

Канал 5 ТВ како општествено одговорна компанија , бара од МВР уште вечерва да почне да го разрешува случајот , за кое добивме и видео, и за кое добивме и одредени податоци, од кои се гледa и се слуша дека ученикот кој снима зборува на албански јазик ( што е тотално ирелевантно за настанов, можел да зборува и кинески ако сакал ), а податоците кои ни се доставени и кои ќе бидат анонимни засекогаш за јавноста се следниве:

– Малтретираната професорка е со иницијали Б. С. од ОСУ „Јовче Тесличков“

– идентитетот на учениците кои ја малтретираат не е познат

– Настанот/булингот се случува во економското училиште во Велес – “Јовче Тесличков”

– Тогашната директорка на училиштето била лицето со иницијали О. К. а сегашен директор на истото училиште е лице со иницијали В. Т.

Уште еднаш ја потенцираме важноста на одговорните институции, обинителството и судовите дека толеранција за вакви настани не смее да постои, и бараме од МВР ургентно да почне да го разрешува овој срамен за професорската фела, но и за нашата држава , чин.

Лицето кое ни ги достави овие информации и самото видео, ќе остане анонимно, но познато само за редакцијата на Канал 5 ТВ и за надлежните институции.

Македонија

Ристова: Mоже да се утврди кога синот на Џафери дипломирал, а кога положил правосуден испит

Лесно може да се открие дали синот на собранискиот спикер Талат Џафери, Барлет, дипломирал или не пред да се запише во Академијата на судии и обвинители, смета универзитетската професорка Мимоза Ристова.

„И шо ако ги нема докуметите во Министерството за да се види дали малиот на спикерот Џафери се запишал на Академијата за судии и обвинители пред да дипломира! Зарем доказите нема да ги најдете

1. На соодветниот фалултет/универзитет во книгата на дипломирани.

2. Во Академијата во евиденцијата за пријавени Конкурсот за пријавување, потоа запишани. За ова треба да постојан дестеина релевантни пишани траги.

И доста ви е ова за да се докаже евентуалниот криминал, и да се побара одговорност за СЕРИОЗНИ ЗЛОУПОТРЕБИ“, пишува Ристова.

Ристова реагира на ставот на Антикорупциска според која не може да се отвори предмет за случајот Барлет Џафери, бидејќи, како што наведоа, Министерството за правда не ја чувало документацијата. 

Од Правда, соопштија дека досегашната пракса била документите на кандидатите односно барањата и другата пропратна  документација на кандидатите за полагање правосуден испит да се чуваат една година“,

„Во врска со случајот со Барлет Џафери кој го водеше Државната комисија за спречување на корупција Ве информираме дека согласно евиденционата тетратка за положени кандидати што се води во Министерството за правда и е од трајна вредност, лицето Барлет Џафери има положено правосуден испит на 05.02.2015 година…

Потписот за положен правосуден испит го ставил Аднан Јашари кој ја извршувал функцијата министер во 2015 година.

Но, Аднан Јашари, вчера негираше такво нешто.

Јашари одговорил дека не положил додека тој бил министер, туку пред него. На прашањето дека според Министерството за правда потписот за положен правосуден испит го ставил тој, Јашари додаде дека (Барлет) положил шест месеци пред да стане министер.

Балкан

Исмевање врз професорка: Ученици снимале како ја малтретираат професорката (Видео)

Video

Тоа се случи на час, каде што немаме безбедносни камери. Ги презедовме сите законски мерки. Писмено ги известивме родителите и сите засегнати институции, управата на училиштето и поведов воспитно-дисциплинска постапка. Кога ќе се утврдат сите факти, учениците ќе бидат казнети со одредена дисциплинска мерка, изјавил директорот на училиштето.

Во Техничкото училиште во Трстеник се случил инцидент во кој учествувале тројца ученици и еден наставник. На социјалните мрежи е објавено видео од непримерниот настан, а многумина го осудуваат однесувањето на учениците, јавуваат српските медиуми.

Тие ја снимиле професорката додека ја малтретирале. На видеото може да се види дека ученикот се расправа со наставничката додека друг 1 приоѓа одзади и ѝ го трга столчето на кое седи.

Професорката паѓа на подот, а учениците се смеат.

Сето тоа го снимиле и потоа го објавиле на интернет со очигледна цел да ја исмеваат наставничката, но наместо пофалби од врсниците, добиле осуда, а училиштето покренало дисциплинска постапка против нив.

Тој вели и дека истата вечер околу 23 часот ја видел снимката од детското насилство врз наставничката и дека „во најмала рака бил шокиран“.

Учениците кои учествувале во инцидентот не биле познати по големи прекршоци во училиштето. Се случувало, вели директорот, да бегаат од час пред писмена задача или испрашување, поради што добиваат неоправдани изостаноци.

Македонија

Почина професорката Тања Петрушевска

На 55 години почина д-р Татјана Петрушевска – универзитетски професор, правник.

Д-р Татјана Петрушевска беше редовен професор на Правниот факултет „Јустинијан Први” при Универзитетот „Св. Кирил и Методиј“ во Скопје, по меѓународно јавно право, право на меѓународните организации, право на меѓународните трибунали, дипломатско и конзуларно право, мултилатерална дипломатија, мултилатерална дипломатија и Организацијата на обединетите нации, право на Европската унија, заедничка надворешна и безбедносна политика на Европската унија и надворешна политика на Европската унија и на Соединетите американски држави.

Има објавено повеќе од 250 научни и стручни трудови во домашни и странски стручни списанија на теми од областа на меѓународното јавно право и правото на Европската унија.

Колегите од правниот факултет се збогуваат со професорката.

Забава

Илина замина во Америка да работи како професорка

Video

Познатата алпинистка Илина Арсова од неодамна престојува во Тенеси, Америка, а сега ја објави и причината за тоа.

Во видео на Инстаграм соопшти дека започнала да работи како професорка на Универзитетот Тенеси, од каде добила и стипендија за докторски студии.

-За сите пријатели и фанови праќам мал поздрав од Ноксвил, Тенеси. До сега не стигнав официјално да споделам дека добив престижна стипендија за докторски студии и инструкторска позиција на Универзитетот од Тенеси.

Оваа одлука не беше лесна во поглед на љубовта и фамилијата која ми недостига во секој миг, сепак овој мој нов Монт Еверест, долго беше на листата па еве му дојде редот. Искрено им благодарам на најблиските и мојот драг Игор Џамбазов за целата поддршка во овој момент, новите почетоците никогаш не се лесни. Знаењето е нашето најголемо богатство, па никогаш не престанувајте да учите, порача Илина.

https://www.instagram.com/reel/CjNqnebOQcD/?igshid=YmMyMTA2M2Y=

Македонија, Скопје

Професорка од Правен се дерела и ги навредувала полицајците, ја привеле на скопскиот аеродром

Рано утринава се случувала вистинска драма на скопскиот меѓународен аеродром.

Како што информира Министерството за внатрешни работи, во 02:30 часот полициски службеници ја лишиле од слобода К.Р.А.(50) од Скопје, затоа што го нарушила јавниот ред и мир со викање.

Според полицијата, таа непристојно и дрско се однесувала и ги навредувала полициските службеници кои извршувале службени дејствија.

Неофицијално, станува збор за професорка на скопскиот правен факултет, која всушност направила инцидент кога и била побарана потврда за вакцинација.

Нејзе и бил изготвен записник за констатиран прекршок по член 4 и член 12 став 2 од Законот за прекршоците против јавниот ред и мир.

Инфо +

Претставник сум на оние “без лице”, во крв, мочки и го*на заглавени – А можев и да си глумам голема професорка

“Подобро болни но слободни” напишала во еден коментар универзитетска професорка која предава на Фи-фи (тоа се оние филозофија, филологија факултети).

Драга универзитетска професорке, да ви каже нешто друга универзитетска професорка која во април 2020 согласно тогашните препораки го загреваше серумот (дел од крвта) на +56 степени за да го деактивира вирусот за да може да работи. И кога ќе ми се лизнеше епруветата, се потев под скафандерот и визирот до гаќи дали ќе се скрши истата и дали дома ќе си го заразам семејството.

Зашто некогаш кога ќе ми влезеше пот во очите а немав слободна рака да се избришам ми се плачеше додека надвор во име на слободата си го сркаа кафето. А баш не морав ни јас да работам. Јас сум претставник на оние “без лице”, во крв, мочки и го*на заглавени. А можев и да си глумам голема професорка. Со пенкалото и глувчето. Ќе се одморев поштено цела година.

Сега ми е смешно, ама тогаш не.

“Подобро болни а слободни” кажете му на секој стоматолог, анестезиолог, ОРЛ-ог, сите доктори од ИМП, инфектолог, офталмолог и уште некоја експонирана специјалност.

Сите тие, и ние помалку експонираните, сакаме да сме слободни а здрави за да ја работиме работата за која сме се едуцирале. А не во време на пандемија да полемизираме чии човекови права се нарушени.

Тоа може на козметичарката и фризерката да и го кажете. И на студентите, да пофилозофирате малку.

Запрепастувачки е ставот “за тоа сте учеле”.

Па не (сме) учеле за да умираат од некои кои си го тераат ќефот во име на слободата.

Зошто животот на еден здравствен работник е помалку вреден од слободата на некој кој во животот само филозофира?

Каква порака праќате на сите оние кои кога ќе ги зачеша нешто во било кое време од денот и ноќта вртат на viber и messenger на сите можни доктори, а сега се демонстрира максимално непочитување на советите, апелите и прогнозите на здравствените работници?

За нарушено ментално здравје има соодветни специјалности и институции.

Убаво е со книгата во рака и лаптопот на колена да филозофираш.

Одете во ординацијата на било кој стоматолог да подишите малку под скафандерот и визирот. Баш сега, на +40.

Па ќе дискутираме тогаш за слободата. За живот.

Фејсбук статус на Katerina Tosheska.