Се уште не пробале лубеница ова лето, а ниту можат да им купат чоколадо на своите внуци, велат пензионерите на денешниот протест во Жена Парк на кој бараат покачување на минималната пензија со минималната плата и линеарно зголемување на сите пензии побараа пензионерите.
Според нив, моменталната висина на пензиите не е доволна за пристоен живот.
– Најмалку 25 илјади денари да биде минималната пензија. Струјата е покачена, парно, вода, телефон се е покачено. За храната да не зборувам. Уште немаме лубеница пробано, а да не зборувам за сирење и кашкавал. На внуците не можеме чоколадо да им купиме. Не може да се издржи месецот, ништо не останува од парите што ги добиваме, вели пензионерката Вера Стојановска која добива пензија од 12.000 денари.
На протестот беа прчитани барањата за покачување на минималните пензии, а беше упатена и критика кон власта, бидејќи, како што рекоа, функционерите покачувањата нанивните плати го направија брзо, а за пензиите бил долг патот.
– Првото барање е што поскоро да се покачи минималната пензија и да биде на висина на минималната плата. Покачувањата да бидат линеарни, а не процентуални, сите да добијат по 3.500 денари. Да нема разлика. Пензионер е пензионер, не допринесува повеќе и нема потреба да се прави категоризација на покачувањето. Па продавниците се исти за сите, здравствените услуги исти, цените за сите се исти, нема потреба од разлика. Досегашните пензии не задоволуваат ни за едно обично нормално живеење.
Гласот на пензионерите ќе се слушне уште повеќе, неиздржливо е и не може да се живее со толку малку пари. Не можат да си купат лекови, не можат да се прехранат а огромен луксуз е да се појде на одмор. Велат долг бил патот, а за да си изгласаат за нив 78 проценти патот беше краток. Како јапонски воз брзо изгласаа за нивните плати. Е не се издржува повеќе, чашата е прелеана – истакна пензионерите од Скопје и најавија заеднички протест на сите пензионери од Македонија на 14 август.
Револтирана група на жители на селото Оризари, бидејќи од вчера немаат струја, утрово насилно влегла во просториите на ЕВН во Куманово, велат извори од Електродистрибуција за Плусинфо.
Според информациите кои пристигнаа до нас во моментов жителите на Оризари бараат од Електродистрибуција веднаш да биде отстранет проблемот и тие да добијат електрична енергија, без разлика што дефектот поради кој ова село остана без струја е несовесното однесување на слупчанци, поради кое повеќе села од овој регион вчера беа напојување. Екипите на Електродистрибуција се спречени од жителите на Слупчане да влезат во селото и да го отстранат дефектот.
Од ЕВН нѐ информираа дека по вчерашниот упад на жителите на Слупчане во трафостаниците на ЕВН, селото но и Оризари се сѐ уште без напојување.
Оттаму додаваат дека екипите на Електродистрибуција работеа цела ноќ на санација на дефекти. Нормализирано е снабдувањето со електрична енергија на селата: Ваксинце, Алешевце, Руница, Извор и Белановце.
По вчерашната целосна блокада за да ги спречат повторно да работат екипите на Електродистрибуција, жителите на Слупчане ги уништија трафостаниците за снабдување со електрична енергија и направија дефект од највисок степен, поради што жителите од селото и пошироко останаа без струја.
– Се додека не се создадат нормални услови за работа и се загарантира сигурноста на вработените на Електродистрибуција, нема да работиме на санација на дефекти или извршуваме редовни работни активности во овие села – категорични се од ЕВН.
Инаку, вчера објавивме дека жителите на Слупчане имаат 13 барања кои компанијата ги достави до медиумите, во кои, тие бараат да им се простат досегашни долгови кои, како што наведуваат од компанијата изнесуваат по неколку илјади евра, да добијат бесплатни нови приклучоци, без разлика колку ќе потрошат во иднина да не им се фактурира повеќе од 3.000 денари, верските објекти да бидат ослободени од плаќање и слични други барања, кои додаваат од ЕВН, се спротивни на законските регулативи.
Секуларно општетство не значи и безбожно општетство, рече архиепископт охридски и македонски г.г. Стефан, во неговиот говор на собирот пред соборниот храм „Св. Климент Охридски“ во Скопје. Собирот е во организација на МПЦ-ОА под мотото „Имаме должност“ во знак на протест против законите за родова еднаквост и матични евиденции кои се во процедура на носење.
Поглаварот на МПЦ-ОА во својот говор рече дека не треба да веруваме во подобар свет ако во него нема место за Христос и дека измама е во новиот свет што се обидуваат да го изградат треба да ја наме црквата, свет кој ќе биде рај без бог и ќовекот ќе стане бог.
„И кога најдобронамерно ќе кажеме нешто се обидуваат да не замолчат со секуларниот карактер на државата. Секуларноста на државата секогаш толкувајќи ја спротивно на Уставот, во кој црквата и останатите верски заедници имаат свое место и загарантирани права. Секуларно општетство не значи и безбожно општество“, рече г.г. Стефан на собирот.
Тој појасни дека црквата нема ништо против секуларниот менталитет на секој човек, но според него тоа не значи дека црквата треба да се изопшти од општествениот живот.
„Свесни сме за намерите на некои организации кои влегова во државните институции и дека работат во подготовка на законите, како овие два во чие изготвување учствуваа. Тие не само што целат да ја секуларизираат Црквата, туку сакаат да ја присилат црквата да зборува на некој јазик кој им е туѓ на апостолите, на светите отци и на светото Евангелие. Самата црква е мајка која во болка ги раѓа свите чеда за живот вечен и царство небесно3, рече г.г. Стефан.
Тој во својот говор рече го разбираат стравот на родителите за нивните деца ако овие закони станат обврзувачки. Тој рече дека овие закони се дел од нова идеолошка пропаганда, со која се подметнува поимот Род, кој се изопачува од она што досега бил.
„Ќе ја познаете вистината и вистината ќе ве ослободи, рекол Христос. А Црквата низ вековите посведочила многу лажни вистини кои на луѓето им ветувале деќа ќе ги ослободат. Вистината секогаш ослободува. Никогаш не покорива и не заплашува. не мора да граби за морална супериорност“, рече г.г.Стефан.
Тој како дел од оваа пропагнада ја гледа и Истамбулската конвенција, за која рече дека под плаштот на заштита на жената ја загрозат токму жената која е столб на семејството и на општеството.
„Јасно и гласно да ја кажеме вистината наспроти професионалните експерти за замена на тези. Со векови во својот поглед кон жената Црквата стои со свештен трепет кон жената, која во кревките раце го држи смеоќниот бог. Пред таа сила треперат и ангелите и луѓето. Таа на своите гради го храни оној што дава храна на сите. Жената мајка ја дава надежта на светот, љубовта. Жената е икона на љубовта. Велат дека ќе ја ослободат жената од стегите на црквата а ја сведуваат на поткатегорија, изедначувајќи ја со мажи кои никогаш нема да бидат жени во вистинска смисла на зборот. На тој начин го искажуваат насилството врз жената“, рече г.г. Стефан во својот говор, и додаде дека верува дека жените не сакаат на тој начин и да бидат ослободени од црквата.
Тој додаде дека црквата е полна со смели, успешни и остварени жени, и дека многу од нив се дојдени и на денешниот собир.
„Во вас ја чуваме надежта за подобро утре, а секогаш кога било најтешко жените стоиеле и достојувале и во евангелието христово и во нашата мекдонска историја и кај сите богољубави народи“, рече г.г. Стефан.
Поглаварот на МПЦ во својот говор се осврна и на образоавнието каде треба да се воведе изучување на родовата еднаквост и сексуално образование. Според него без дозвола од родителите на децата во училиштата им биле делени наставни листови кои промовираат хомосексуалност и истполови бракови. Тој праша до кога содржините во учебниците во образованието ќе бидат диктирани од туѓи центри и туѓи држави, и додаде дека веронауката и црковните предаваќи со години се потценети.
Само од македонското образование е избркан господ, заклучи г.г. Стефан за реформите во образованието.
„Знаеме кој е нашиот господ и робови на луѓе нема да бидеме“, рече г.г.Стефан, поглаварот на МПЦ-ОА.
Академик Катица Ќулавкова вчера на протестот пред Соборниот храм рече дека трансродност е термин кој ги покажува противречностите. Вели дека симпатичната бајка за рамноправност на жените се трансформирала и форсира нешто друго. Академик Ќулавкова рече дека оваа приказна не е наивна. Додава дека се мешаат поимите пол и род.
Време е за сериозен дијалог, а не за примитивни иконографии, рече таа.
Новиот Предлог-закон за родова еднаквост се повикува на правата на жените, но суштински се фокусира на правата на трансродовите индивидуи, посочи академик Катица Ќулавкова во обраќањето на Сенародниот собир пред соборниот храм „Свети Климент Охридски“ во Скопје, во организација на МПЦ-ОА.
Се прави конфузија помеѓу поимите пол и род. И во самиот Закон за родова еднаквост се мешаат категориите пол и род, поради што законот не може да биде одржлив. Трансродовата концепција поттикнува променливост на идентитетот. Ги загрозува правата на жената. Конфликтна е и се служи со говор на омраза. Трансродната приказна ги релативира идентитетите, до тој степен што ги укинува, рече Ќулавкова.
Нагласи дека се соочуваме со гранични луѓе и додаде:
Се изопачуваат естетските вредности. И самиот предлог закон предвидува Владата да основа Секретаријат за родова еднаквост и цела една мрежа за спроведување на овој закон проследен со казни и други санкции – нагласи Ќулавкова.
Таа праша и зошто треба да се парадира со интимата. Децата, вели академик Ќулавкова, уште не научиле да се изразуваат, без изградена самосвест, веќе се предмет на едукативно моделирање на умот. Тие не се свесни за замките од промената на биолошкиот пол.
Таа рече дека веќе се чувствуваат последиците и оти е време за сериозен дијалог.
Неолибералниот наратив на виножитото требаше да ги симболизира нијансите на идентитетот, со цел да нема дискриминација, а за жал воведува нова дискриминација – рече Ќулавкова, додавајќи дека маргиналните појави стануваат авангардни.
Таа говореше и за вредностите на Западот, каде, како што рече, се случува позитивна дискриминација по трансродова основа.
Се доделуваат финансии на проекти што ги засегаат трансродовите лица, приоритети на ЕУ стануваат трансродовите инденти, а тоа се бара и од аспирантите за членство и земјите-членки, според Ќулавкова.
Приказната за женските права на опшстествена еднаквост со правата на мажите е тажна приказна, оцени таа, објаснувајќи дека кон крајот на 20-от век таа приказна се поткрепи академски и научно со феминистичките студии. Но овие студии за кратко време се претворија во родови студии, нудејќи нова приказна, маргинилизирајќи го основниот идентитет на жената и мажот. По родовите студии следи приказната на трансродовите идентитети, со што симпатичната бајка за рамноправност на жените се трансформираше, оцени академик Ќулавкова на денешниот собир.
Поглаварот на Македонската православна црква-Охридска архиепископија г.г. Стефан денеска во видео-обраќање побара поддршка околу протестот пред Соборниот храм во четврток на 29-ти јуни, против носењето на Законот за родова еднаквост и Законот за матична евиденција.
„Возљубени секој од нас и сите заедно имаме света должност – она што сме го примиле и наследиле од предците, да го продолжиме и да им го оставиме на поколенијата. Со тоа обезбедуваме иднина на својот народ, бранејќи и чувајќи ги тие придобивки и кон Бога и кон својот род“, рече меѓу другото поглаварот Стефан.about:blank
Македонската православна црква – Охридска архиепископија (МПЦ-ОА) го организира протестот, како што велат, за достоинство, слобода и заштита на основните верски права. Причината за протестот, е неприфаќањето на сугестиите во однос на предлог-законите за матична евиденција и родова еднаквост.
Синодот на МПЦ будно ги следат случувањата и активните притисоци за носењето на овие Закони и оценува дека во оваа ситуација мора да биде заштитено и одбрането семејството, а пред се децата.
„Повикуваме во оваа борба за достоинство, слобода и заштита на основните верски права да се придружи верниот народ, граѓанските здруженија, организации и сите поддржувачи заедно да ја заштитиме нашата вера и традиција од обидот за нејзино ‘искоренување’ спомнат во член 23 т.5 од предлог-законот, и да излезат на мирен протест пред Соборниот храм ‘Свети Климент Охридски’ во Скопје на 29 јуни 2023 година во 18 часот, против донесувањето на овие закони“, порачаа од МПЦ.
Македонската православна црква – Охридска архиепископија (МПЦ-ОА) ќе организира протест за достоинство, слобода и заштита на основните верски права. Причината за протестот, како што велат, е неприфаќањето на нивните сугестии во однос на предлог-Законите за матична евиденција и родова еднаквост.
-На денешната редовна седница, Светиот Синод на МПЦ-ОА изразува особено жалење и загриженост што релевантните институции го игнорирале Соопштението од сите верски заедници, кои претставуваат 95 отсто од населението, и не ги прифатиле сугестиите во однос на предлог законите за матична евиденција и за родова еднаквост. Напротив, продолжуваат со постапката во скратена форма за сите собраниски филтри, за целосно носење на овие Закони, за кои уште еднаш апелираме да се повлечат од процедура, бидејќи тие претставуваат сериозна закана за општеството особено за неговата основна клетка- семејството, стои во соопштението, нагласувајќи дека протестот ќе се случи на 29-ти јуни во Скопје.
Од МПЦ порачуваат дека будно ги следат случувањата и активните притисоци за носењето на овие Закони и оценува дека во ситуација мора да биде заштитено и одбрането семејството, а пред се децата.
-Повикуваме во оваа борба за достоинство, слобода и заштита на основните верски права да се придружи верниот народ, граѓанските здруженија, организации и сите поддржувачи заедно да ја заштитиме нашата вера и традиција од обидот за нејзино ‘искоренување’ спомнат во член 23 т.5 од предлог-законот, и да излезат на мирен протест пред Соборниот храм ‘Свети Климент Охридски’ во Скопје на 29 јуни 2023 година во 18 часот, против донесувањето на овие закони, заклучил Синодот на МПЦ-ОА.
Смена на министерот за внатрешни работи Братислав Гашиќ и на директорот на Безбедносно информативната агенција Александар Вулин беше побарана на протестниот марш „Србија против насилството“, што вечерва се одржува во Белград како реакција на неодамнешните масовни пукања, во кои беа убиени 17 луѓе, главно деца и млади.
Илјадници граѓани и претставници на опозицијата, која го организира маршот, прво се собраа пред зградата на парламентот, по што мирно продолжија кон владата. Најавено е дека протестот ќе помине без говори и обраќања од учесниците.
Истовремено се одржува протест и во Нови Сад и други градови низ земјата.
„Во оваа земја никој не се чувствува сигурно. Затоа и бараме оставки на Гашиќ и Вулин. По она што ни се случи, ова се малку луѓе“, изјави актерот и опозиционер Сергеј Трифуновиќ за „Н1“.
На почетокот на протестот беа прочитани барањата до владата, на која ѝ се дава рок до петок да ги исполни. Меѓу другото, се бара затворање на печатените медиуми кои промовираат омраза и насилство и во континуитет го кршат новинарскиот кодекс, како и одземање на националните фреквенции на телевизиите „Пинк“ и „Хепи“.
Почитувани сограѓани на ден 21.03.2023 (Вторник) со почеток од 09:00 часот пред Основниот суд во Тетово ќе се оддржи мирен граѓански протест во знак на поддршка за неправедно обвинетиот Д-р Бобан Вучески – пишува на настанот на Фејсбук кој го организира група граѓани за поддршка за доктор Бобан.
Докторот е обвинет дека дозволил влез на роднини во модуларната болница во која избувна пожар, а тоа не било дозволено и било спротивно на препораките за постапување во време на пандемија.
Предметот е во почетна фаза на судење, а со оглед дека низа рочишта се одложија поради отсуство на адвокати, обвинети, но и поради доказниот материјал, од кој се бараше копија за обвинетите.
Преку протестите што се организираат пред секое судење се бара докторот да биде ослободен од вина, односно да биде повлечено обвинението против него.
Со вакви пораки лекари, болничари, техничари, медицински сестри и административци во кругот на Клинички, за време на паузата протестираа барајќи реализација на договореното покачување на платите од лани, …ама и државна стратегија за да се стави крај на одливот на медицински кадар.
Од Синдикатот на Клинички тврдат дека за незадоволството говорат фактите, според кои во последните три до пет години, Македонија останала посиромашна за околу 8.000 здравствени работници од кои 2.200 лекари.
Освен Синдикатот на Клинички, во исто време и со слични барања пред државните болници излегоа и членовите на Самостојниот синдикат за здравство. Оттаму бараат средба со премиерот Ковачевски и порачаа дека надлежните мора брзо да делуваат, бидејќи со минималната плата во март годинава револтот дополнително ќе пораснел.
Синдикалните организации обвинуваат и дека им се крати правото на лекарите за подоцно пензионирање, со што во последниот период Клиниките останале без 180 искусни доктори што можеле да останат на работа уште три години.
Здравствените работници очекуваат уште неделава да се финализираат собраниските процедури за реконструкцијата на Владата, за со новиот министер Фатмир Меџити да можат да преговараат. Но, во меѓувреме, не исклучуваат радикализација на протестите и штрајк од наредната недела.
Незадоволни од доцнењето на платите во здравството поради хакираниот систем на ФЗОМ, денеска дел од вработените во ГОБ 8 Септември излегуваат на мирен протест.
Протестот утре ќе се одржи во дворот на болницата, за време на паузата од 13 до 13.30 часот.
Веќе две недели поминаат од хакирањето на базата на ФЗОМ, поради што не функционираат повеќе сегменти од системот, меѓу кои е и исплатата на платите на медицинскиот персонал, но и породилното и другите боледувања. Премиерот Димитар Ковачевски рече дека се работи за хакерски ренсомвер напад кој по дефиниција е врзан за давање откуп од страна на оштетената страна за враќање назад на енкриптираните податоци од хакерите.
Претходно, протест за во среда најавија здравствените работници од Клиничкиот центар „Мајка Тереза“ независно од тоа дали во понеделник ќе ја примат задоцнетата плата.
