Во моментов најголемата термоцентрала во Република Македонија воопшто не произведува електрична енергија.
И првиот блок кој беше единствениот во функција од утринава не работи поради нова хаварија во термоцентралата.
Во медиумите се шпекулира дека рано утринава пукнале неколку цевки на бојлерот од првиот блок на електраната со што во моментов истиот е надвор од функција.
Причината за новонастанатата хаварија е тоа што нема доволно јаглен, односно и јаглен што го има е со низок квалитет и содржи големо количество на земја.
Температурата во котлите е над 1200 степени температура, температура на која земјата и остатоците од камен се претвараат во песок кој буквало ги пескари котлите и цевките, а со тоа ги оштетува и доведува до вакви хаварии.
Во саботата се запали трансформаторот на третиот блок со што истиот е вон употреба. Најоптимистичкото сценарио вели дека третиот блок може да се пушти во употреба дури за 6 месеци бидејќи истиот користи специјален трансформатор од 15 киловолти кој ја трансформира струјата во 440 киловолти.
Истиот не може државата да го купи на лагер бидејќи се прави по спецификација специјално за потребите на РЕК Битола. Компанија која е најблиску и би можела да го произведе е Кончар, но не за временски период пократок од 6 месеци.
Одговорноста на раководството на РЕК Битола и лично Васко Ковачевски е фактот што пред 6 месеци во термоцентралата имаше хавараија на истиот трансформатор кој во саботата се запали, но наместо да биде саниран, променет тој принудно бил ставен во функција во саботата за да се задоволат енергетските потреби на државата со што е направена уште поголема штета и пожар во кој за среќа немаше повредени и загинати.
Раководството на РЕК е и одговорно што навремено не ги набавило потребните количини на јаглен и сега се принудени да користат неквалитетн јаглен кој придонесе за денешната хаварија.
Доколку РЕК не произведува струја, Македонија презема електрична енергија од преносната мрежа за што веќе доби неколку опомени од Европската енергетска заедница, за што должиме 15 милони евра како казна.
Експертите предвидуваат дека доколку ова продолжи Македонија нема да има доволно струја ќе има чести прекини, а тааа што ќе се набави од надвор ќе биде многу поскапа.