Tag Archives: Русковска

Македонија

Пред да биде суспендирана РУСКОВСКА планирала да АПСИ МИНИСТЕР од Влада ?

Пред да биде суспендирана од позицијата шефица на одделот за гонење организиран криминал во јавното обвинителство Вилма Русковска планирала да апси моќен министер во владата на СДСМ и ДУИ.

Извори во Јавното обвинителство кои го знаат предметот тврдат дека се завршени сите потребни предистражна постапки за случајот во кој е инволвиран министерот и прибавени се сите неопходни докази за прекршување една законот.

Планот според изворите во ЈО бил Русковска да го уапси министерот и тој да оди во притвор со цел да не влијае на сведоци, да не може да го повтори делото и да не може да избега во странство.

Во моментов министерот за кој е веќе утврдено од страна на ЈО за организиран криминал корупција дека го прекршил законот со што се направени услови за голема трагедија, може да го повтори делото, да ја напушти Македонија и да влијае на сведоци во постапката.

Изворите во ЈО за expres.mk тврдат дека прибраните докази јасно и недвосмислено укажуваат на прекршување на постапката за која е одговорен лично министерот.

Изворите на expres.mk тврдат дека министерот може да купи време и со назначување на обвинителката Лиле Стефанова како замена на Русковска, да се спаси привремено од прогон но дека делото кое го сторил не застарува брзо и тој еден ден сигурно ќе се најде на листата на ЈО како осомничен.

Упатени во случајот тврдат дека документите кои се клучни за случајот против министерот не можат да се скријат или уништат и прашање на време е кога тие ќе бидат употребени во обвинение против него.

Обвинителката Русковска пред три дена најави дека идната недела планирала да почне распит на сведоци за случајот Станица за Технички преглед во кој се вршела регистрација на автобусите на Беса транс но не откри детали за апсење.

Според изворите на expres.mk моќниот министер кој бил цел на апсење на Русковска дознал за планот на обвинителката по што со политички притисок врз државниот обвинител Љубомир Јовески е издејствувана суспензија за Русковска.

Обвинителот Јовески кој предходно имал најмалку две причини за суспензија на двајца други обвинители сега ја суспендира Русковска иако знае дека нема основа за таквиот чекор кон неа со што според изворите и самиот прави кривично дело.

И министерот кој треба да се апси и Јовески се надеваат дека Русковска нема да оддава службена тајна и дека работата ќе се среди без скандал но забораваат дека материјалите кои го докажуваат криминалот на министерот и поведението на Јовески може да се веќе доставени до странски амбасади и медиуми преку свиркачи.

Извор: Експрес.мк

Македонија

Што е со денов? Торнадо во Неготино, Русковска е суспендирана, а падна и Арафат…

Јовески ја суспендираше Рускоска, а Муареми се повлече од директор во финансиска полиција.

Случајот „Претреси во Управата за финансиска полиција“ добива нов расплет.

Русковска суспендирана од работа, Муареми си поднесе оставка од директорската функција- случајот со претресот кој се случи пред еден месец во финансиската полиција сега добива нова димензија. Шефицата на обвинителството за организиран криминал и корупција Вилма Русковска за Канал 5 потврди дека е времено отстранета од работното место, но повеќе од тоа вели дека не сака да коментира.

Државниот јавен обвинител Љубомир Јовески пак објаснува дека освен суспензијата има поднесено и предлози за дисциплински постапки за неа и за две други обвинителки.

„Денеска поднесов предлог до дисциплинската комисија заради тешка дисциплинска повреда во вршење на јавнообвинителска функција за тројца јавни обвинители. Една обвинителка со решение е оддалечена од вршење на јавнообвинителската функција за да се избегнат штетните последици за постапувањето по кривичните предмети и во раководењето со обвинителството. Оддалечувањето од извршувањето на функцијата е донесено откако се утврдени фактите и основите за носење на такво решение.– вели за Канал 5 државниот обвинител Јовески.

Другите две дисциплински постапки се за обвинителките Елизабета Јосифовска и Ивана Трајчева. Токму Трајчева е заменик на Русковска во обвинителството, која според решението за суспенција за шефицата, треба да ги преземе сите нејзини предмети.

Експресно по информацијата дека Русковска доби суспензија и дисциплинска, се огласи и директорот на Управата за финансиска полиција Арафат Муареми, кој вели дека по своја волја се повлекува од позицијата, како што писмено образложува, со цел да нема сомнеж за какво било влијание врз предметот кој се води во Обвинителстото.

„Ваквата одлука ја носам со цел во јавноста да не постои ни најмал сомнеж во интегритетот, непристрасноста и независноста на постапката која што и понатаму останува да се води во Основното јавно обвинителство за гонење на организиран криминал и корупција, денешната одлука на Јавниот обвинител на Македонија дава јасна порака дека законите мора сите да ги почитуваат и дека злоупотребите на функциите за лични цели се недозволиви. – се вели во соопштението од Муареми.

Претходно Муареми поднесе кривични пријави против трите обвинителки инволвирани во претресот во финансиска, за делата злоупотреба на функцијата, фалсификување и соизвршителство. Инаку, неофицијално при претресот обвинителството ги барало сите предмети поврзани со финансиски криминал што ги работела Финансиската полиција од 2018 година досега. Од обвинителството не открија повеќе детали, освен дека постапувале по пријава на група граѓани.

Македонија

Запленети МЕРИОТ И ОФИЦEРСКИОТ ДОМ на ПЛОШТАД во истрагата за случајот „ИМПЕРИЈА“

Јавното обвинителство вчера соопшти дека поради основано сомневање дека имотот потекнува од кривично дело, побара од судот да ги замрзне уделите, акциите и недвижностите што се поврзуваат со Мијалков и Груевски во случајот Империја. Судот донесе позитивна одлука на ова барање.

„Судијата на претходна постапка ги прифати барањата и со решение определи привремени мерки со кои се забранува располагање, заложување и отуѓување на имотот по каков било правен основ. Привремените мерки согласно закон може да траат најдолго до завршување на кривичната постапка пред првостепениот суд или да бидат укинати по службена должност. Запленувањето не е конечно“, соопштија од Обвинителството.

Замрзнат е уделот од 67,5 % на Александар Ивановски во Дивелоп груп, поради индиции дека овој имот е поврзан со Никола Груевски и Сашо Мијалков. По истрагата постојат сомневања дека во овој удел учество имаат и Мијалков и Груевски.

Замрзнат е и уделот на фирмата Бест веј инвестмент на Јордан Мијалков, синот на Сашо Мијалков, поради сомневања дека имотот потекнува од кривично дело. Бест веј е и сопственик (32,5%) на Дивелоп груп и основач на Гранд М. Оваа фирма, Гранд М, преку Дивелоп го поседува луксузниот хотел Мериот во центарот на Скопје.

Замрзнат е и имотот на СИС инвест груп, фирма која го поседува поранешниот Офицерски дом на плоштадот во центарот на Скопје. Сопственик на оваа фирма е рускиот бизнисмен Сергеј Самсоненко.

Акциите (7.213) на офшор компанијата Ексико во Стопанска Банка – Битола се исто така дел од ова судско решение. Номиналната вредност на овие акции е 21.639.000 денари.

Македонија

Русковска: Во Македонија има многу корупција!

Шефицата на Обвинителството за гонење организиран криминал и висока корупција, Вилма Русковска во гостувањето во ТВ 24 вели дека во Македонија има многу корупција.

Според неа не се почитуваат законите и често се злоупотребуваат функциите.

На прашањето како државата се носи со копрупцијата, Русковска рече дека давале се од себе.

„Во државава има многу корупција. Интензивно работиме и даваме се од себе. Добиваме информации од секаде, МВР, Антикорупциска, Финансиска полиција, а отвораме предмети и по допрен глас“, рече Русковска.