Tag Archives: срце

Свет

ЃОКОВИЌ НЕМА ДА БИДЕ КАЗНЕТ ЗА НАПИШАНОТО ЗА КОСОВО: „Тоа е срцето на Србија, таму се случи најголемата битка…“

Новак Ѓоковиќ најверојатно нема да се соочи со казна за неговата порака за Косово што ја објави на Отвореното првенство на Франција, изјавија официјалните лица на турнирот. Тениската ѕвезда по победата во првото коло на една до камерите на настанот напиша „Косово е срцето на Србија, стоп за насилството“ по неговата победа.

Во изјавата цитирана од британски Мирор, претставниците на Ролан Гарос рекоа дека „нема официјални грен слем правила за тоа што играчите можат или не можат да кажат“.

Организаторите додадоа дека „Француската тениска федерација (ФФТ) нема да дава никаква изјава или да зазема став по ова прашање“.

Ѓоковиќ призна дека неговата порака од камерата предизвика критики на интернет, но инсистираше дека „ќе го направи тоа повторно“, каква и да биде казнатa за тоа.

– Како Србин, ме боли тоа што се случува на Косово. Нашите луѓе се избркани од општините. Ја чувствувам одговорноста како јавна личност да покажам поддршка, а особено ја чувствувам како син на човек кој е роден во Косово. Ова е најмалку што можам да направам – им рече Ѓоковиќ на новинарите.

– Косово е нашето срце, упориште, центар на најважните настани, таму се случи најголемата битка, најмногу манастири. Има многу причини зошто го напишав ова – објасни тој.

Коментарите на Ѓоковиќ дојдоа откако во понеделникот избувна насилството во неколку градови на северот на Косово, додека локалните Срби протестираа против новопоставените албански градоначалници.

Во одбрана на Ѓоковиќ неодамна застана и српскиот играч Миомир Кечмановиќ. На прашање од британски новинарда го коментира тоа што Ѓоковиќ „се истрчал“ да напише дека Косово е срцето на Србија.

– Новак е херој на нацијата во Србија, тоа не е ништо сензационално. Насилството е непотребно никаде во ова време, особено во татковината, тој направи нешто нормално, реагираше, нормално е да се напише нешто такво. Не треба да навлегувате политика и да зборувате за тоа, а луѓето со одреден статус, нивниот глас треба да се слушне, луѓето се свртуваат кон нив и ги слушаат нивните херои и луѓето што ги сакаат. Јас немам семејство и пријатели во таа област (во политиката) но без разлика, работите не се ништо помалку лоши (и во мојот случај) – рече Кечмановиќ за својот сонародник.

Здравје

,,Механичко срце” спасува живот на пациенти на ,,Клиника Жан Митрев”

Во Клиника Жан Митрев успешно опериран 31-от пациент со вградена механичка циркулаторна потпора на срцето, зафат познат како ,,Механичко срце”.

Докторскиот тим предводен од д-р Жан Митрев успешно го спроведоа оперативниот зафат познат и како ,,механичко срце“ за решавање на левокоморна хронична срцева слабост. Кај пациентот со терминална коронарна болест каде заради долгогодишно лекување имаше голема слабост на срцевиот мускул беше вградено таканаречено „механичко срце“, при што беше ставена специјална пумпа што останува во организмот на пациентот и ја заменува работата на срцето. Пациентот после ваквиот оперативен зафат се чувствува добро и следи постоперативно заздравување.

„Оваа операција е потребна за пациентите кои се соочуваат со срцева слабост што е долгoтрајна состојба која се влошува со текот на времето. Настанува кога срцевиот мускул е ослабен и не е во состојба да испумпа доволна количина крв потребна да ги задоволи барањата на телото за нормално функционирање. Честа е и кај помлади пациенти, но со овој метод и овој оперативен зафат тие може да продолжат да живеат. Заради зачестеноста на ова заболување, оперативниот зафат со вградена механичка циркулаторна потпора на срцето е често практикуван метод и засега е единствено долгорочно решение што овозможува продолжување на животот за тешко болните пациенти“, истакна д-р Митрев.

Овој оперативен зафат е еден од покомплексните. Во Клиниката Жан Митрев се спроведува веќе 6 години, при што досега се направени 31 вакви интервенции.

Срцевата слабост може да биде акутно настаната и таа вообичаено се повлекува после адекватен и навремен третман, но може да помине во хронична или пак да заврши фатално. Доколку срцевата слабост не се препознае, дијагностицира и третира адекватно, води кон трајно оштетување на срцето, лош квалитет на живот и чести болнички лекувања.

Здравје

Уште една успешна трансплантација на срце во Македонија ❤️

Македонските кардиохирурзи и тимот лекари кои денеска ја извршија шестата трансплантација на срце испишаа уште една успешна страница во македонската историја на медицината. 

Министерот за здравство Венко Филипче, извести декаво тек е и трансплантацијата на бубрег.

„Неколку часа траеше трансплантацијата на срце кај 53 годишниот пациент, кој имаше тешка срцева аномалија. Сега следи критичен период на опоравување.  Пациентот останува под надзор на стручниот лекарски тим на Клиниката за кардиохирургија. На клиниката за Урологија хирурзите полека ја завршуваат и трансплантацијата на бубрег кај дваесет годишната пациентка која подолг период беше на дијализа. На пациентите им посакуваме што побрзо опоравување и многу здравје. На колегите кои беа дел од овие експлантации и трансплантации на срце и бубрег, им честитам за уште еден успех. Вие пишувате историја! Изразувам незимерна благодарност за храброста, добродушноста и хуманоста на семејството на донорот“, напиша тој.

Македонија, Хуманост

Емилија Динева доби „Срце за вечноста“ во Дојран ❤️

Скулпурата „Срце за вечноста“ е дело на младиот академски скулптор Андреј Миневски која е водена од идејата да се овековечи дарувањето на органи како  еден од највисоките чинови на човековата хуманост и можност кога еден живот згаснува друг да се распламти односно како што најчесто и бива да започне одново.

Вo знак на хуманоста и човечноста на семејството на Емилија Динева, првиот донор на срце и органи во Македонија денеска во Градскиот парк во Стар Дојран беше поставена спомен скулптурата/урбана инсталација  „Срце за вечноста”.

– Идејата на оваа акција е уште еднаш да се одаде почит на Емилија Динева и нејзиното семејство за овој несебичен и херојски чин и преку јазикот на уметноста да се поттикне органо дарителството како врв на хуманост и можност за спасување на стотици животи – рекоа носителите на иницијативата.

Скулпурата „Срце за вечноста“ е дело на младиот академски скулптор Андреј Миневски која е водена од идејата да се овековечи дарувањето на органи како  еден од највисоките чинови на човековата хуманост и можност кога еден живот згаснува друг да се распламти односно како што најчесто и бива да започне одново. Токму затоа и тематиката на скулптурата но и нејзината визуелност ја третира и темата на бесконечноста и начините со кои човекот може да се поврзе со бесконечноста преку постојната размена на енергии и материи. На овој начин авторот го овековечува херојството на Динева односно нејзиното семејство отворајќи и го патот до бесконечноста и незаборавот.

Самата скулптура е работена во техника која опфаќа спој на различни материјали како мермерно брашно, епоксид, метал изработени во стандарден скулпторски опус и доведени до совршенство од вештата рака на авторот.

Реализацијата на проектот е на Центарот за современи уметности – Скопје и Општина Дојран со финансиска поддршка од Фондацијата отворено општество – Македонија.

Инфо +, Хуманост

Успешно извршена уште една трансплантација на срце 💕

„Рано утрово срцето на 44 годишната пациентка чие семејство несебично ги донираше органите, почна повторно да чука. Следните денови се критични да се надеваме дека телото ќе го прифати новиот орган“, објави утрово на социјалните мрежи министерот за здравство Венко Филипче.

Се работи за пациент кој неколку години боледува од тешка кардиоваскуларна болест и со трансплантацијата добива шанса за нов живот.
„Во изминативе 24 часа околу 100 тина лекари, медицински сестри и болничари работеа заедно како тим и покажаа како беспрекорно функционира здравственитот ситем. Повеќе детали за трансплантацијата во текот на денот“.

Здравје, Инфо +

Успешна трета трансплантација на срце во Македонија❤️ 40 годишна скопјанка е третиот донор на срце

-Утрово во 6:33 часот започна процесот за третата трансплантација на срце во историјата на нашата земја. На двајца пациенти ќе им се трансплантираат бубрези. Доцна синоќа заедно со моите колеги Националната координаторка за трансплантација доц. д-р Маја Мојсова Мијовска тимот кардиохирурзи проф. д-р Сашко Јовев, академик Жан Митрев, д-р Марјан Шокаровски, д-р Васил Папестиев, д-р Тања Анѓушева ги направивме подготовките за трансплантација на срце и бубрези од мртов донор чие семејство даде согласност да се донираат органите на пациентот. На тимовите лекари кои ќе ги вршат трансплантациите им посакувам многу успех. Да им држиме среќа, напиша Филипче во својот статус на Фејсбук.

По околу пет часа, успешно е завршена третата срцева трансплантација во Македонија. Срцето на 40 годишната почината жена донор сега чука во градите на 32 годишна жена.

-Кога е човечки живот во прашање не е важно дали е ден или ноќ, викенд или работен ден. Согласно претходно извршените подготовки, рано утрово околу 6:30 часот тимот кардиохирурзи го почна оперативниот зафат со цел трансплантација на срце од починат донор. Во просториите на државната кардиохирургија Академик д-р Жан Митрев заедно со д-р Никола Христов и проф. д-р Сашко Јовев од државната кардиохирургија придружени од анестезиолозите, како и тим на перфузонисти, инструментари, медицински сестри ја изведоа оваа операција која траеше околу 5 часа со што и официјално успешно беше извршена третата трансплантација направена во нашата земја. Станува збор за 40 годишна жена чие семејство даде согласност, нејзиното срце да продолжи да чука во градите на 32 годишна жена, објавија на Фејсбук од Жан Митрев.

Во текот на денешниот ден се очекуваат уште две бурежни транспланатации.

Донорот е жена од Скопје на возраст од 40 години. Таа добила спонтано крварење во мозокот и случајот бил иноперабилен.

Хуманост

Семејството на Емилија Динева, првата дарителка на срце е во тешка финансиска состојба

Се слушаме речиси секојдневно, наскоро го очекуваме Иван во посета кај нас. Вака ни раскажа 19 годишниот Влатко Динев, син на Емилија Динева, првата дарителка на срце во државата за нивната врска со семејството на Иван Огненовски, човекот кому му беше пресадено нејзиното срце, објавува телевизија Телма.

Изминатите единаесет месеци двете семејства се зближија. Големата загуба, а потоа неописливиот чин на хуманост и надеж, создадоа силна врска помеѓу двете семејства.

Одлуката да се даруват органите на Емилија за Диневи била многу тешка, иако знаеле дека е правилна. Влатко вели дека надежта дел од неа да остане да живее била пресудна да се согласат.

Влатко е се уште средношколец, но работи и во општината со договор на дело. Тешката финансиска ситуација по несреќата во која се нашле Диневи, ги принудило и синот да бара работа. Општината понудила момчето да го ангажира, а ги контактирале и од министерството за здравство.

Во близина на домот на Емилија, се подготвува терен за изградба на парк со игралиште. Покренувач на идејата е градоначалникот Анго Ангов, кој им е сосед. Целиот зафат ќе го финансираат соседите, со сопствени средства и донации.

Општина Дојран вели дека се планира и поставување на спомен плоча во чест на Емилија Динева во паркот, но и една во централниот дел на Стар Дојран.

Инфо +, Хуманост

Сочувство и голема благодарност до фамилијата, срцето на Верица донесе живот за мојот син

Цветко Стрезовски од Брвеница, татко на Иле Стрезовски, лицето на кое му беше извршена трансплантација, истакна голема благодарност до сите што на неговиот син му беше продолжен животот. Тој изрази сочуство до фамилијата на Верица, која даде дозвола нејзините органи да бидат донирани.

„Сега сум среќен. Прво да изразам сочуство до фамилијата на Верица за загубениот живот. Нејзиното срце му донесе живот на мојот син. Од 6-7 јануари му беше дијагностицирано слабо срце. Се бараше донор, и ете фала му на Бога се најде донор. Се чувствувам добро. Разговарав со синот, добро се чувствува, се е супер. Голема благодарност до целиот лекарски тим кои учествуваше во оваа операција“, рече Стрезовски.

„Трансплантацијата е извршена со сите ресурси врз младиот пациент кој се наоѓаше во исклучително тешка состојба. Операцијата беше извршена успешно. Во услови кога сме соочени со пандемија, еве се виде дека не ги забораваме и другите пациенти и очекувам и други пациенти кои се на листи на чекање дека ќе добијат шанса за живот“, рече доктор Жан Митрев.

Семејството на Иле изрази благодарност до семејството на 20-годишната Верче Беловска и до лекарите кои го спасија неговиот живот.

Инфо +

Зачука ново срце кај 27 -годишно момче, направена и втората трансплантација на срце во Македонија

Во 3 часот и 33 минути утринава кај 27-годишно момче зачука ново, донирано срце! Ова е втора извршена трансплантација на срце во историјата на државата, на Клиниката за кардиохирургија.

Малку после полноќ, министерот за здравство Венко Филипче објави дека на Клиника во тек се подготовките за трансплантацијата.

„Петок на полноќ се прави подготовка за втора трансплантација на срце во историјата на нашата земја. Ова се дел од колегите на Кардиохирургија кои се дежурни вечерва, им посакувам многу успех на сите, да им држиме среќа“, напиша министерот.

Операцијата на трансплантација завршила во 4 часот утрово.

Министерот вчера ја објави веста дека се бара пациент кој би можел да го добие срцето на несреќната девојка на која не можел да ѝ се спаси животот и рече дека ќе бидат трансплантирани и нејзините бубрези.

Во мај минатата година беше извршена првата успешна трансплантација на срце од донор. Срцето на починатата Емилија Динева продолжи да чука во 53 годишниот Иван Огненовски, кој долго време чекаше донор.

Таа трансплантацијата беше извршена од тим на тројца кардиохирурзи под водство на Сашко Јовев од државната кардиохирургија, Жан Митрев од „Жан Митрев Клиника”, и Александар Николиќ од болницата „Аџибадем Систина”.

Еден од докторите кој беше вклучен во трансплантацијата која заврши во 4 часот утринаца за „А1он“ раскажува:

Ноќеска згасна еден 20-годишен живот и во исто време најмалку десетина нови добија шанса за нов и подобар живот. Ноќеска едно семејство го изгуби најмилото и во исто време го даде најскапоценото. Ноќеска еден голем тим на лекари покрај грижата за ковид центрите направија трансплантација на неколку ограни и покажаа дека надеж постои и хуманост во сите нас.