Револтирана група на жители на селото Оризари, бидејќи од вчера немаат струја, утрово насилно влегла во просториите на ЕВН во Куманово, велат извори од Електродистрибуција за Плусинфо.
Според информациите кои пристигнаа до нас во моментов жителите на Оризари бараат од Електродистрибуција веднаш да биде отстранет проблемот и тие да добијат електрична енергија, без разлика што дефектот поради кој ова село остана без струја е несовесното однесување на слупчанци, поради кое повеќе села од овој регион вчера беа напојување. Екипите на Електродистрибуција се спречени од жителите на Слупчане да влезат во селото и да го отстранат дефектот.
Од ЕВН нѐ информираа дека по вчерашниот упад на жителите на Слупчане во трафостаниците на ЕВН, селото но и Оризари се сѐ уште без напојување.
Оттаму додаваат дека екипите на Електродистрибуција работеа цела ноќ на санација на дефекти. Нормализирано е снабдувањето со електрична енергија на селата: Ваксинце, Алешевце, Руница, Извор и Белановце.
По вчерашната целосна блокада за да ги спречат повторно да работат екипите на Електродистрибуција, жителите на Слупчане ги уништија трафостаниците за снабдување со електрична енергија и направија дефект од највисок степен, поради што жителите од селото и пошироко останаа без струја.
– Се додека не се создадат нормални услови за работа и се загарантира сигурноста на вработените на Електродистрибуција, нема да работиме на санација на дефекти или извршуваме редовни работни активности во овие села – категорични се од ЕВН.
Инаку, вчера објавивме дека жителите на Слупчане имаат 13 барања кои компанијата ги достави до медиумите, во кои, тие бараат да им се простат досегашни долгови кои, како што наведуваат од компанијата изнесуваат по неколку илјади евра, да добијат бесплатни нови приклучоци, без разлика колку ќе потрошат во иднина да не им се фактурира повеќе од 3.000 денари, верските објекти да бидат ослободени од плаќање и слични други барања, кои додаваат од ЕВН, се спротивни на законските регулативи.
Интервјуто на јутуберот Стефан Лазаров со новинарот Драган Павловски-Латас предизвика лавина реакции во македонската јавност.
Морничавите детали кои беа раскажани од страна на Латас за неговото прво сексуално искуство, како и реакцијата на водителот, наиде на низа осуди на социјалните мрежи:
-Се што треба Латас и Лазаров да направат за да сфатат колку е одвратно и болно нивното слатко смеење на шамарањето и реденката на девојката во фиќото е да замислат дека девојката е нивната ќерка или сестра.
Дека и таа вистинската девојка била нечија ќерка и сестра нели?
Ако и тогаш не им одвратна нивната реакција, под итно со приоритетен упад нека си закажат термин на Психијатрија … со задолжително болничко лекување.
Хелсиншкиот комитет за човекови права прв се огласи во врска со интервјуто.
„Неодамна објавеното интервју од јутјуберот Стефан Лазаров, каде неговиот гостин Латас споделува дека тој и неколку другари на 15-годишна возраст злоставувале и силувале девојка е колективен, општествен пораз и реален приказ за тоа како ги третираме жените жртви на насилство. Во видеото, кое веќе има над 50 илјади прегледи, за двајцата соговорници силувањето е извор на забава и смеа, со што тие директно праќаат порака кон огромната публика не само дека тоа е нешто нормално, туку и смешно. Ова интервју е само еден јавен и болен показател за тоа како во пракса излгеда нормализирање на културата на насилство и до каде може може да доведе непостапувањето на институциите и немањето јасни ставови и политики кои ги заштитуваат жртвите, наместо насилниците.
Таа култура, им дава ветер во грб на насилниците, кои не само што продолжуваат да живеат нормално, туку и да бидат славени како ‘вистински мажи’ и победници. Истата таа култура ги осудува жртвите, праќајќи им јасна порака дека системите на поддршка се речиси непостоечки. На оваа култура мора да ѝ се стави крај, јасно и гласно, ако јавната осуда е единствено оружје кое го имаме на располагање, соочени со систем кој очигледно не знае и не сака да се справи со родово базираното насилство“, велат од Хелсиншкиот комитет за човекови права.
Во хајката на социјалните мрежи се вклучија пратеник на СДСМ, Форумот на жени на СДСМ како и партискиот експретседател Зоран Заев. Латас одговори на изјавата на Зоран Заев за порталот Мактел на Саше Политоко.
Веднаш да го лоцираме изворот, главниот поддржувач на сорсоидите, негова платена војска кога ќе му затреба. А сега му треба дефокус од многу теми, како аферата во Фондот за здравство, на пример.
Станува збор за Зоран Заев, фронтменот на нивната шарена револуција, заштитникот на Катица Јанева и СЈО, со се што следи во и околу нив.
После сите ботови на нивните социјални мрежи, платени невладини и партиски функцинери од пратеници со женски форум на СДСМ, се јави и шефот. Главата на хајките – Зоран Заев.
Во негова изјава која ја објавува неговиот портал Мактел, партнерот и другарот на Марјан Доказ со години, Зоран Заев изјавува:
(Латас) Многу лош и злобен човек, му помогнав и нему и на неговиот син кој требаше да се лечи во Германија, дојде да ме моли и да плаче во кабинет кога станав премиер, јас простувам и не сум злопамтило особено помагам на оние кои се во невоља без разлика што направиле против мене и моето семејство… Нека му служи на чест што ниту е благодарен па дури и ја манипулира и лаже јавноста дека сум сакал да му наштетам и да му се одмаздам – изјави Заев за Мактел.мк
То е тоа, пријатели. Машина за лаги, спинови, пакувања истраги, прогони, патрон на судството и лидер на обвинителствто… Зоран Заев и неговите соросоиди.
Никогаш, никаде, ни приватно ни службено, ни на улица ни во канцеларија… никаде не сум се сретнал со Зоран Заев освен при неговото гостување во Сител.
Никогаш, ниту телефонски, не сум разговарал со него, и немам негов телефонски број. Заев лаже. Заев лаже. Заев лаже, ама тоа ви е на сите познато. Но, ни јас не сум верувал дека е гнаса до ова ниво.
Да изјави дека “сум плачел кај него во канцеларија за да молам помош да се лекува мојот син во Германија“ е најдолна можна манипулација со трагедија на едно семејство во таква ситуација и со судбина и состојба на, во тоа време, болен млад човек.
Бидејќи никогш не сум се ни сретнал ни слушнал со Зоран Заев ова е лага. И тоа пакувана со злоба и подлост.
Болен од карцином, мојот син се лекувал исклучиво со приватни пари за што постојат фактури, обезбедени со проджба на стан, за што е известено и СЈО за да знае која е целта и намерата за продажба на станот и парите од него.
А Зоран Заев вели „плачеше кај мене во кабинет да му помогнам…“. Па, просудете сами со кого имаме работа. Ова е веќе на граница на неговата ментална состојба, ако не и потаму.
Како би се чувствувал било кој од вас во оваа прилика? Патронот на хајките не издржа да не се појави и сега, и стави тонч на нивната хајка. Политичка. Партиска. Заевистичка, со ова потпишан лично од него, пишува Латас.
Се огласи и Стефан Лазаров, кој повика да се погледне подкастотм во кој Латас во ниту еден момент не кажа дека некоја девојка била силувана. Чувствувам морална одговорност да Ви се обратам на сите по скандалозните обвинувања дека сум подржувач на силување и на малтретирање на жени.
Од старт сакам да кажам и потсетам дека од првиот ден зборувам јавно за еднаквост, поддршка и љубов помеѓу мажите и жените и никогаш не сум дискриминирал ниту пак сум подржувал изживување врз женскиот род.
Многу од вас можеби слушате и првпат за мене денес, па си формирате своја слика на лажни обвинувања. Тие што ме следат постојано точно знаат каков човек сум и за што се залагам!Жално е што се дига лажна хајка и се оцрнува моето име и се она што го работам изминативе години. Не би сакал да навлагам во детали, но кога некој покренува иницијатива со вакви сериозни обвинувања, фер е да се изгледа видеото и да се види дека ситуацијата била сосема поинаква и не станува збор за силување. И јас имам и мајка, сестра, девојка, баба и многу пати пак , ќе повторам , сум зборувал за еднаквост!
Јасно ми е дека живееме во држава во која се чека момент да уништите некого и немам проблем со тоа, но да прифатам дека сум подржувач на силување нема никогаш, пишува Лазаров на ФБ.
Пратеник од СДСМ бара неодложно апсење на Латас, СДСМ бара укинување на Јутјуб каналот Лазаров и повлекување на спонзорите. По порталите се шири фотографија од Лазаров обвиткан со македонското знаме на протести против францускиот предлог за бугарското вето и се алудира на негова политичка припадност.
Мајката на Лазаров, член на СДСМ – ја искина партиската книшка и тоа го објави на Фејсбук:
Клипчето е гадно но важно е да го гледате ако имате дете кое е често на јутјуб.
Латас е Латас но посебен поздрав до мрмутов Стефан Лазаров кој се кези ко удрен кога зборат за шамарање девојки. Тој има многу поголемо влијание кај младите. pic.twitter.com/yqBvXJooNw
Колона на КСВ возила се движи кон “Минатори”, касарна во Митровица, велат неофицијални извори на српските медиуми кои споделија и видео од колоната возила.
Тензиите на севетот на Косово не стивнуваат, Србите остануваат на барикадите кои ги поставија пред 18 дена. Косовскиот премиер Албин Курти ги повика КФОР и ЕУЛЕКС да ги отстранат барикадите, бидејќи доколку тие не успеат косовската полиција ќе ги отстрани.
Од друга страна од Србија постојано доаѓаат изјави дека доколку Србите во Косово бидат загрозени, српската војска ќе реагира за заштита на населението.
Косовската полиција соопшти дека лицата што ги блокирале патиштата на северот на Косово од различни локации трипати пукале во полициските единици кај езерото Газиводе, односно на пат кон граничниот премин Брњак, објави Радио Слободна Европа.
„Полициските единици во самоодбрана беа принудени да одговорат со огнено оружје против криминални лица или групи, кои заминаа во непознат правец. Исто така, според информациите од полициските единици на терен, се слушнале истрели на повеќе различни локации“, се вели во полициското соопштение.
Во него се додава дека засега нема официјални информации за повредени или евентуална штета.
На северот на Косово, во општините Звечан, Лепосавиќ и Зубин Поток, каде што живее мнозинството од српското население, на 10 декември во попладневните часови беа поставени барикади на повеќе локации.
Според информациите на репортерот на Радио Слободна Европа кој е на терен, причина за блокадите е апсењето на поранешниот припадник на косовската полиција Дејан Пантиќ.
Косовската полиција претходно соопшти дека граничните премини Јариње и Брњак меѓу Косово и Србија се привремено затворени, поради полициски проценки и мерки на претпазливост. Оценето е дека поради блокирање на патишта на териториите на општините Лепосавиќ, Звечан и Зубин Поток е нарушена и спречена слободата на движење.
Полицијата ги повика граѓаните да користат други премини за влез или излез од Косово и побара од граѓаните да соработуваат со полицијата и да не „наседнуваат на можни провокации од криминални лица или групи“.
Претходните денови беа забележани голем број инциденти на северот на Косово, а косовската полиција го зголеми присуството. Српските претставници од ноември ги бојкотираат институциите на Косово.
Претходно српскиот претседател Александар Вучиќ најави дека Србија ќе испрати барање до командантот на КФОР да дозволи распоредување на српската војска и полиција на Косово. Ова го изјави Вучиќ во своето обраќање до јавноста, кога претставниците на Србите на северот на Косово поставија барикади, протестирајќи против апсењето на поранешниот косовски полицаец Дејан Пантиќ.
Претседателот на Прогресивната демократска партија Ненад Рашиќ денеска е именуван за министер за заедници и враќање во Владата на Косово. Одлуката за именувањето ја потпиша косовскиот премиер Албин Курти.
Поранешниот претседател на Уставниот суд на Косово, Енвер Хасани изјави дека со одлуката за именување на Ненад Рашиќ на функцијата министер за заедници и враќање е прекршен Уставот на Косово.
Портпаролот на високиот претставник на Европската унија за надворешна политика, Петер Стано рече дека е од витално значење Приштина да ги почитува сите неопходни чекори при назначувањето министри кои ја претставуваат немнозинската заедница.
Претседателот на Србија Александар Вучиќ истакна дека тоа е „беден антисрпски однос“ што го покажа ЕУ и дека она што го направи „терористичкото ѓубре Албин Курти“ заслужува осуда.
Претседателот Александар Вучиќ и се обрати на јавноста по одлуката на Албин Курти противуставно и против Бриселскиот договор да го именува Ненад Рашиќ за министер за заедници и како што рече, срамните реакции на Европската унија на тој потег.
Вучиќ истакна дека изјавата на Брисел е срамна и дека тоа е најблагиот збор што може да се употреби.
– Изборот на Рашиќ, човек кој освои помалку од 1 процент, како и на Рада Трајковиќ, која беше на неговата листа, покажува дека тие сакаат прогон, протерување и исчезнување на Србите на Косово и Метохија. А сега да кажам неколку работи пред официјалното обраќање и средба со еврокомесарот (Оливер) Вархеји, ако воопшто дојде до тоа – рече Вучиќ.
Претседателот на Србија истакна дека тоа е „беден антисрпски однос“ што го покажа ЕУ и дека она што го направи „терористичкото ѓубре Албин Курти“ заслужува осуда.
-Молчев со месеци и години трпејќи глупости од сите во регионот и светот. Тоа терористичко ѓубре требаше да ја добие заслужената осуда од Европската Унија. Се разбира, не ја доби. Доби нешто што можеби никој не може да го разбере. И така постојано се однесуваат, не само што ги прекршуваа нормите на Бриселскиот договор, меѓународното јавно право и сите демократски норми – рече претседателот.
Вучиќ посочи дека е „во согласност со интересите на една европска сила“ некој да го спроведе против Србите.
– Ги избраа најлошите српски ѓубриња, од дното на кофата, Рашиќ и Рада Трајковиќ, нема полоши, кои немаат доверба од никого во Србија, но имаат доверба од Албин Курти и западните агентури. Мислат дека ќе не исплашат. Нема проблем. Можете да го уништите претседателот на Србија, да организирате протести во Србија, да ме убиете. Но, за мене Косово и Метохија се најголемото српско светилиште. За мене Србија е светост. Подобро е да ме нема, отколку да ви го предадам, а јас нема да ви го предадам. И затоа никој од Србија нема да биде во Тирана, а вие убаво дојдете, патувате со авион, зборувате глупости и лупетајте, сите вие од Европа и од Западен Балкан – рече тој.
Претседателот рече дека можат „да трескаат дека Србија е виновна“, но дека тоа не го интересира.
– Па да видиме што ќе направите и како ќе го направите. Тогаш следниот пат кога ќе и се обратите на Србија, грижете се за тоа што е усвоено во Брисел, грижете се за граѓаните на Србија, бидејќи тие не се деветта дупка во ничие свирало и нема да дозволам да ги понижувате. Србија е сама на себе. Имаме проблеми во енергетиката, за што ќе им кажам на граѓаните во сабота – рече Вучиќ, и им испрати порака на Курти и Брисел.
– А до терористичките ѓубриња: погрижете се да не повредите ниту еден Србин, заедно со овие квислинзи што ги избравте. Оти Србите ќе знаат да ви одговорат. А вие од Европа, срам да ви е, а тоа е ситница во споредба со она што сакам да ви го кажам – заклучи претседателот и најави дека во сабота ќе и се обрати на јавноста.
Курти го назначи Ненад Рашиќ за министер за заедници и враќање
Претседателот на Прогресивната демократска партија Ненад Рашиќ денеска е именуван за министер за заедници и враќање во Владата на Косово, јавува Медиа центар Чаглавица.
Одлуката за именувањето ја потпиша косовскиот премиер Албин Курти.
Местото министер за заедници и враќање е испразнето речиси еден месец, откако поранешниот министер од Српската листа, Горан Ракиќ поднесе оставка, во моментот кога политичките претставници на Србите ги напуштија косовските институции, како и Србите од северот на Косово, поради одлуката на косовската влада за регистерските таблички.
Листата на Рашиќ Граѓанска иницијатива Слобода, правда и опстанок на последните парламентарни избори, според резултатите што ги објави Централната изборна комисија, освоила 1.508 гласови или 0,173 отсто на цело Косово.
На истите избори Српска листа имаше 44.407 гласови. На листата на Рашиќ на тие избори се најде и претседателката на Европското движење на Србите од Косово и Метохија, Рада Трајковиќ.
Во 2020 година, за време на првото свикување на владата на Албин Курти, Рашиќ беше назначен за советник на премиерот во Канцеларијата за заедници. Тој поднесе оставка во април истата година, откако против него беше покренато обвинение.
Курти потоа се појави заедно со Рашиќ на прес-конференцијата.
“Секогаш го ценев и го ценам за неговата коректност и одлучност, убеден сум дека и тој придонесе за Косово и граѓаните на Србија“, изјави тогаш Курти.
Тој тогаш изјави и дека е убеден дека Рашиќ не е виновен за она за што е обвинет.
„Верувам во невиноста на Ненад Рашиќ. Станува збор за старите процеси на власта во Косово. А станува збор за обвиненија кога не се обвинети лидери, туку луѓе кои се таму во третиот и четвртиот круг и секогаш се избегнува суштината на проблемот, господинот Рашиќ денеска ми поднесе оставка, со жалење ја прифатив неговата оставка“, изјави тогаш Курти.
Во меѓувреме, Рашиќ изјави дека му е жал што тоа се случило и се изјасни за невин.
Во обвинението покренато против Рашиќ и другите се обвинети за злоупотреба на положбата во врска со четири хидроцентрали за време на приватизацијата на дистрибуцијата на КЕК.
Основниот суд во Приштина пред неколку дена одлучи да ги ослободи четворицата поранешни владини министри, Мимоза Кусари-Љиља, Ненад Рашиќ, Бесим Беќај, Дардан Гаши, како и Фљанза Хоџа и Арбен Џука.
Хасани за именувањето на Рашиќ: Нарушен е Уставот на Косово
Поранешниот претседател на Уставниот суд на Косово, Енвер Хасани изјави дека со одлуката за именување на Ненад Рашиќ на функцијата министер за заедници и враќање е прекршен Уставот на Косово.
Хасани за Косово онлајн изјави дека со оваа постапка е прекршен членот 96 точка 5 од Уставот на Косово, кој е експлицитен и вели дека секое повторно именување на нов министер од заедница која не е мнозинство во Косово бара консултација со политичките сили кои ги претставуваат таа малцинска заедница.
„Се уште се работи за човек кој воопшто не е пратеник во косовскиот парламент, Уставот јасно кажува дека, кога се работи за министер кој не е пратеник, мнозинството пратеници на таа малцинска заедница т.е. 50 отсто плус 1 мора да го кажат своето мислење за ова прашање“, рече Хасани.
Хасани е сигурен дека Уставниот суд ќе ја укине одлуката за именување на Ненад Рашиќ за министер за заедници и враќање.
“Не сакам да верувам дека Уставниот суд ќе поддржи таква одлука“, заклучи Хасани.
Бараљиу за именувањето на Рашиќ за министер: Уставниот суд ќе го има последниот збор
Професорот по уставно право Мазлум Бараљиу, во врска со назначувањето на Ненад Рашиќ за министер за заедници и враќање, рече дека косовскиот премиер Аљбин Курти има право да назначи поединец кој не е дел од косовскиот парламент доколку нема коалиција со малцинските партии.
Бараљиу за Косово онлајн изјави дека Српска листа секако има право на жалба и дека Владата на Косово и премиерот прво треба внимателно да ја анализираат таа одлука.
„Во Уставот постои основа за таква одлука, бидејќи во него стои дека, доколку нема коалиција со малцинските партии, тогаш дури и од општеството, на министерската позиција може да се постави секој човек кој се смета за угледен и авторитетен. Српска листа реши да се откаже од своето право. Правото не е обврска,туку опција. Ако еднаш се пропушти тогаш може да се избере друга опција според принципите на толкување на законот бидејќи се работи за истото претставување од истата заедница“, смета Бараљиу.
Тој додава дека Српската листа никогаш не требало да се откаже од своите права како малцинска партија.
„Српската листа требаше порано да се сети дека треба да го искористи своето право. Но, таа не беше во коалиција со владата на Курти, дури и министерот Ракиќ постојано зборуваше јасно и гласно против косовската влада и нејзините постапки. Тие доброволно се откажаа од уживањето на неговите права. ” додаде тој.
Според него, последниот збор ќе го има Уставниот суд, кој, како што наведе, не е константен и постои во своите одлуки.
Стано: Белград и Приштина итно работат на враќање на Србите во институциите
Портпаролот на високиот претставник на Европската унија за надворешна политика, Петер Стано, денеска ги повика Белград и Приштина да работат во согласност со обврзувачките договори за дијалог, како и на итно враќање на косовските Срби во сите приштински институции, јавува РТС.
Како одговор на назначувањето на Ненад Рашиќ за министер за заедници и враќање за Танјуг, Стано рече дека е од витално значење Приштина да ги почитува сите неопходни чекори при назначувањето министри кои ја претставуваат немнозинската заедница.
„Од витално значење е сите министерски назначувања да бидат во согласност со Уставот на Косово и во овој конкретен случај го повикуваме Косово да се погрижи да се следат сите неопходни процедурални чекори при назначувањето министри кои ја претставуваат немнозинската заедница“, изјави Стано за Танјуг.
Во име на Европската унија, Стано ги повика двете страни да работат во согласност со обврзувачките договори за дијалог.
„Ги повикуваме двете страни итно да работат на враќање на косовските Срби во сите косовски институции, во согласност со обврзувачките договори за дијалог, а сите заинтересирани страни да се воздржат од каква било акција што би довело до зголемување на тензиите во и онака кревката безбедносна состојба“, нагласи тој.
Рашиќ: Именувањето е законско
Новиот министер во скосовската влада за заедници Ненад Рашиќ, за Нова С изјави дека неговото именување е легално, бидејќи тие се дел од косовскиот парламент. Тој наведува дека би требало согласност од Српската листа од 6 од 9 преставници во Парламентот, ако се во Парламентот, но тие веќе не се во Парламентот и затоа не е потребна нивна согласност.
-Во изминатите 10 години цело време не тераат на интеграција, а сега одеднаш се бара дезинтеграција Тоа не е патот по кој ќе се решаваат прашањата на заедниците во Косово, посочи Рашиќ.
Рада Трајковиќ: “Почеток да се охрабрат луѓето да ја сменат власта во Белград“
Рада Трајковиќ, советник на новоименуваниот косовски министер за заедници и враќање, Ненад Рашиќ, изјави за KoSSev дека политиката на Вучиќ, како и на Милан Радоичиќ, нема да има влијание врз неа и работата на Рашиќ и дека еден од нејзините приоритети ќе биде „рушење на монополот на Српската листа со ментално промовирање на Србите“.
Во изјава за KoSSev по нејзиното назначување, Трајковиќ, кога станува збор за нејзините идни активности во советувањето на новиот министер, вели дека нејзините интереси се насочени на три области: еднаква поддршка и внимание на Србите кои живеат јужно и северно од Ибар, како и како оние кои се протерани, а сакаат да се вратат, потоа транспарентност во дијалогот, а трет приоритет е „рушење на монополот на Српската листа над националната промоција на Србите“.
Зборувајќи конкретно за работата на поранешниот министер, т.е. за претходникот на Рашиќ, Трајковиќ вели дека, што се однесува до неа лично, работата на Горан Ракиќ била „дело на Милан Радоичиќ“.
„Радоичиќ повеќе нема да има никакво влијание врз она што се прави. Тоа е најважно, да ги исклучиме криминогените елементи од нашата работа“, оцени Трајковиќ.
Трајковиќ истовремено наведува дека отсега нема да има влијание на политиката на српскиот претседател.
„Сепак, преку господинот Рашиќ и какви и да се моите механизми на влијание врз него, политиката на Вучиќ нема да има никакво влијание врз нас. Дел од влијанието му беше одземено, тоа е голема работа за мене“, тврди Трајковиќ.
Таа, исто така, ја гледа оваа ситуација како почеток или обид да се „охрабрат луѓето да ја сменат власта во Белград“ во остатокот од Србија.
Истовремено, таа го толкува како порака до опозицијата во Белград дека меѓународната заедница „нема да помогне да се смени Вучиќ со истите политики на Вучиќ или со луѓето и опозицијата кои му се блиски“.
“Очекувам поддршка од дел од опозицијата и секако зајакнување на опозицијата во Белград“, изјави Трајковиќ, но уште еднаш подвлече дека понекогаш „имаме чувство дека Вучиќ е во широка коалиција со дел од опозицијата“.
Граѓаните незадоволни од одлуката на Приштина за замена на регистарските таблички и понатаму протестираат на северот на Косово, каје административните премини Јариње и Брњак. Таму сè уште се распоредени специјалните сили на косовската полиција РОСУ.
На административните премини Јариње и Брњак ситуацијата е мирна, но тензична.
Граѓаните на северот на Косово ги зајакнаа денес со песок барикадите со кои ги блокираа патиштата кон премините Јариње и Брњак во знак на протест поради указот на косовската влада за реципроцитет со Србија за регистарските таблички.
Портпаролот на косовската полиција Баки Кељани изјави дека ситуацијата на северот на Косово е непроменета и дека нема инциденти.
Ситуацијата е речиси иста. Има барикади од двете страни. Сега е додаден и песок. Ситуацијата е генерално мирна“, кажа Кељани за Радио слободна Европа.
Според најновите информации од преминот Брњак, на медиумите не им е дозволено да им се доближуваат на припадниците на РОСУ.
Екипа на Косово онлајн се обидела од припадник на специјалната полиција да добие изјава за денешниот инцидент, во кој припадници на РОСУ претепале тројца Срби.
Еден од припадниците на специјалните сили ги вратил назад, кажувајќи дека „не е дозволено на припадниците на РОСУ да им се приоѓа на 20 до 30 метри“ и дека фотографирањето е строго забрането.
На прашањето зошто е така бидејќи на преминот Јариње нема таква забрана, полицаецот одговорил: „Тука е поинаква ситуацијата“.
Српската војска е во прв степен на готовност
Министерот за одбрана на Србија Небојша Стефановиќ и началникот на генералштабот на српската војска генералот Милан Мојсиловиќ посетија дел од српските воени сили, кои се во прв степен на готовност.
Министерот за одбрана на Србија порача дека единиците на српската војска се во повишена борбена готовност во гарнизоните Рашка и Нови Пазар, бидејќи на тој начин државата сака да испрати јасна порака дека повеќе нема да се случи погром на српскиот народ.
„Нашата војска не провоцира, но е спремна да го заштити народот доколку се случи што било што ќе го загрози неговиот живот. Важно ми е што гледам дека овие луѓе се расположени и спремни. Опремата и техниката се во вистинските раце на професионалците“, истакна српскиот министер.
Стефановиќ додаде дека очекува реакција од ЕУ и КФОР, но дека во моментов е најважно да се заштитат животите на Србите.
Црногорскиот министер за внатрешни работи Сергеј Секуловиќ повика на смирување на тензиите пред утрешното устоличување на митрополитот на Српската православна црква на Цетиње и протестот на црногорските националисти, кои бараат обредот да се премести на некое друго место.
СПЦ најави дека верскиот чин на устоличување на митрополитот Јоаникие ќе се одржи во Цетињскиот манастир во недела. За смирување на тензиите и избегнување на судир на верниците им порачаа да не доаѓаат на Цетиње, а верскиот обред ќе се одржи исклучиво во присуство на свештениците и патријархот на СПЦ Порфирие, кој денес свечено ќе биде пречекан во Подгорица.
Црногорските националисти намерата на СПЦ да го одржи верскиот обред на устоличување токму во црногорската историска и верска престолнина Цетиње ја гледаат како провокација и омаловажување на Црногорците.
Со видео-порака се обрати и црногорскиот премиер Здравко Кривокапиќ, кој ги повика сите црногорски граѓани да не наседнуваат на провокациите, истакнувајќи дека државата на сите ќе им ја гарантира безбедноста. Кривокапиќ за предизвикување на тензиите обвини одделни, како што кажа, политичко-криминални структури.
„Како премиер на Црна Гора должен сум да ги предупредам сите чесни црногорски граѓани да не наседнуваат на манипулациите на оние кои за личен ќар и привилегии се спремни и родените браќа да ги турнат во конфликт“, кажа Кривокапиќ.
