Tag Archives: уапсен

Спорт

Уапсен е пратеник – лажел за сѐ, дури и за верската припадност

Сантос е обвинет за злоупотреба на средства за кампањата, лажење на Конгресот за изворите на неговите приходи и мамење за да добие незаслужени бенефиции за невработеност, објавија денеска обвинителите.

Во обвинението се наведува дека Сантос ги охрабрил своите гласачи да му донираат пари, уверувајќи ги дека парите ќе бидат искористени за поддршка на неговата кампања. Наместо тоа, велат обвинителите, тој го потрошил на себе – купувајќи скапа облека и отплаќајќи кредитни картички и рати за заем за автомобил.

Сантос, исто така, е обвинет дека лажел за неговите финансии на официјалните документи на Конгресот и дека аплицирал за бенефиции за невработеност (кои ги добивал) додека бил регионален директор на инвестициска компанија која државата ја затворила во 2021 година, по обвинувањата дека тоа е т.н. Понзи шема.

Џорџ Сантос (34), кој ги зголемил финансиските приходи и ја разубавил својата биографија, призна дека измислил добар дел од својата биографија.

Овој конгресмен, кој себеси се опишал како „остварување на американскиот сон“,е обвинет и дека лаже за својата верска припадност, тврдејќи дека е „горд на своето еврејско потекло“ иако пораснал во католичко семејство. Против него се водат неколку истраги, во Конгресот, во Њујорк, па дури и во Бразил.

Свет

ОБЈАВЕН ЗАСТРАШУВАЧКИ РАЗГОВОР МЕЃУ НАЈБАРАНИОТ НАРКОБОС И ПОЛИЦИЈАТА: Ова е доказ зошто сè уште не е уапсен

Video

Американската влада нуди 10 милиони долари за информации што би можеле да доведат до негово апсење.

Застрашувачки телефонски разговор меѓу мексиканската полиција и бараниот нарко бос Ел Менч беше објавен на социјалните мрежи откако неговиот брат, водачот на картелот Ел Тони Монтана, беше уапсен кон крајот на минатиот месец.

Ел Менчо (56), кој е познат како „најбараниот човек на светот“, успеал да ја избегне полицијата во Мексико и покрај тоа што е најбараниот криминалец во земјата, пренесува „Унилад“.

Мексиканската влада понуди 30 милиони долари, а американската влада 10 милиони долари за информации што би можеле да доведат до негово апсење.

Тој се бара за трговија со дрога, вмешаност во организиран криминал и поседување огнено оружје без документи.

Аудиото беше обелоденето до мексиканските медиуми во септември 2016 година и покажува колкава моќ поседува Ел Менчо додека им наредува на полицаецот и неговите колеги да се откажат.

Истиот месец мексиканскиот портал Proceso ја објави и ја потврди автентичноста на разговорот со Ел Менчо.

По телефон, Ел Менчо му вели на полицаецот „да се смират твоите е**ни луѓе“ и го нарекува „кучкин син“.

– Менчо е човече, вика по телефон.

– Навтерај ги твоите проклети да се смират и да се повлечат или ќе ти е*ам и тебе и мајка ти и цел твој чопор кучиња.

– Имам 30 од вас идентификувани. Дури и ќе ги убијам твоите проклети кучиња ако не се повлечеш. Што мислиш за тоа?”

Полицаецот одговара: „Се разбираме, господине“. Ќе им кажам да престанат сега“.

Ел Менчо возвраќа: „Не, не, не. Не спуштај телефон. Знам каде си. Во Чапала сме, човече“.

Подоцна во повикот, наркобосот испраќа заканувачки предупредување: „Ќе се отарасиме од сите вас. Сите сте ку*вини синови, бидејќи сите земате пари“.

Телефонскиот повик ненадејно завршува, а полицаецот одговара на барањата на Ел Менчо со едноставно „Се разбира, господине“.

Братот на Ел Менчо, Антонио Осегуера Сервантес, беше уапсен во државата Халиско на 20 декември.

Војската соопшти дека Осегуера бил вклучен во перење пари, купување на голем број оружје и координација на насилни напади врз ривалски банди, како и меѓународна трговија со дрога.

Македонија

Фатен е убиецот на Камер Идризи кој беше застрелан лани на Рамазан Бајрам во Бутел

Фатен е убиецот на скопјанецот Камер Идризи кој беше застрелан лани на Рамазан Бајрам среде раскрсница во Бутел. Во него беа испукани десетици куршуми од автомобил во движење.

Полицијата го пронајде осомничениот во синоќешната голема акција која ја спроведе со единицата Тигри. Приведени се 4 лица осомничени за  различни кривични дела, меѓу нив е и  осомничен за пукањето на бул. „Словенија“ минатиот месец кога беше повредено едно лице.

Кај приведените е пронајден и украден автомобил, таблици од возило, предмети од извршени кражби. Групата била поврзана меѓу себе во извршувањето на кривичните дела. МВР трага по уште две лица од оваа група за кои е распишана и потерница.

Македонија

Уапсен Горан Стојков, поранешниот командант на „Лавови“

Полицијата го уапси Горан Стојков, поранешниот командант на „Лавови“, како и македонски бранител. Тој се гонел за злоупотреба на службената положба и овластување и имал едногодишна затворска казна. Стојков е спроведен во затвор.

На 16.12.2021 во 16:15 часот полициски службеници од Оперативен тим Потраги на бензинска пумпа на бул.”Србија” во Скопје го лишија од слобода Г.С. (51), роден во Струмица, а со адреса на живеење во Скопје, кој бил баран со потерница по наредба од Основен Суд-Скопје 1 вв чл.353 ст.3 од КЗ на РСМ, за казна затвор од една година. Лицето е предадено во КПУ Затвор Скопје-Скопје за издржување на казната, соопштуваат од МВР.

Тој беше пуштен од затвор во 2016 година откако ја одлежа затворската казна за „Шпион“.

Горан Стојков е македонски бранител и поранешен командант на расформираната Единица за брза интервенција „Лавови“. Стојков е роден 1970 година во Струмица. Во МВР засновал работен однос во февруари 2000 година, а во април 2001 година се здобил со чин мајор и бил унапреден во чин потполковник, за по кратко време, вонредно да биде унапреден во чин генерал мајор. Брзото напредување се должеше пред сè на тоа што Стојков за време на конфликтот и по тоа беше Командант на единицата за брзи интервенции „Лавови“. Во текот на војната 2001 година беше на терен во сите воени жаришта во тетовско, кумановско и на Скопска Црна Гора. Од функцијата си поднесе оставка кон крајот на 2002 година, поради како што рече тогаш, усно добиената наредба за намалување на бројот на Лавовите.

Македонија

УАПСЕНО едно лице во Софија – објавувал коментари на Фејсбук поврзани со несреќата

Дваесет и четиригодишен маж е уапсен во Софија поради коментари за трагедијата на автопатот Струма на Фејсбук, се вели во официјалното соопштение од бугарското  МВР.

Младиот човек бил приведен на територијата на Софија од полициските службеници по добиен сигнал. Според податоците, тој досега на Фејсбук објавил коментари поврзани со трагичната несреќа со патничкиот автобус на автопатот Струма, кои не се во согласност со моралните и етичките норми.

Материјалите се пријавени во Окружното обвинителство на Софија за кривично дело од чл. 162 од Кривичниот законик – проповедање на омраза врз основа на националност преку информациски систем.

Дали станува збор за постот кој беше објавен пред два дена нема информации.

Македонија

Уaпceниoт мaкeдoнcки диплoмaт вмeшaн вo epмeнcкaтa aфepa пpaти пиcмo co бapaњa – “Caкaм дa ми ce cyди вo Македонија

Македонскиот дипломат, Миле Миленкоски кој е вмешан во македонско-ерменската афера и кој беше уапсен во Србија кон крајот на август испратил писмо преку своето семејство до редакцијата на „Слободен печат“ во кое бара да биде екстрадиран во Македонија и да му се суди во нашата држава.

-Од страна на Судот ми беа доставени доказите од Ерменија. Во нив нема ништо што би укажувало на моја вина, ниту пак може да има. Копија од доказите е доставена до надлежните институции во РМ. Верувам дека РМ е правна држава и, оттаму, верувам дека надлежните ќе покренат брза постапка, со оглед на фактот дека во доказите за случајот се опфатени 7 лица, од кои 6 се државјани на РМ. Притоа, РМ би побарала од Република Србија да бидам префрлен во РМ. На овој начин правдата би била задоволена и случајот комплетно разрешен, што е моја најголема желба во моментов, пишува Миленкоски.

Според информациите, по барањето за екстрадикција на Миленкоски во Ерменија идната недела треба да одлучува Апелацискиот суд во Ниш, откако овластен адвокат од Врање го обжалил решението на Вишиот суд во Врање од 22 септември, како причина наведувајќи го „погрешното и непотполно утврдување на фактичката состојба“ во пресудата, како и поради битни повреди на кривичната постапка и погрешната примена на материјалното право.

Дополнително, во настојување Миленкоски наместо во Ерменија, како македонски државјанин и наш дипломат, да биде испорачан во Македонија, во текот на вчерашниот ден, овластен адвокат од семејството на Миленкоски до Јавниот обвинител на РМ поднел Предлог за преземање на кривично гонење по службена должност, бидејќи Ерменија го обвинува Миленкоски за „недозволено преминување на државна граница“, што е дело кое е опфатено и со Кривичниот законик на РМ. Адвокатот бара за Миленкоски, кој е странски државјанин за Ерменија, да се води кривична постапка во РМ, тој тука да биде испорачан од Србија, па доколку биде осуден, затворската казна да ја издрежува во неговата матична држава.

Од семејството информираат дека во изминатите неколку дена тие ги доставиле сите документи што ги поседуваат за случајот до „сите надлежни институции во државава“, бидејќи никој од Македонија официјално не пројавил интерес до судските инстанци во Србија да ја добијат документацијата за случајот со Миленкоски.
Тој тврди дека не е виновен и дека тоа ќе го покаже истрагата.

-Жалам што поради тоа што покрај мојот углед, со овој настан беше нарушен и угледот на МНР и на Владата на РМ. За ништо на светот не би наштетил на мојата чест и углед, на семејството, на Министерството кое ми даде се во животот, ниту на Владата на РМ. Бидете уверени дека ни во овој случај нема никаква вина кај мене, ниту прекршок, ни кривично дело, што е случај во целиот мој живот и кариера. Секако, тоа ќе го покаже и истрагата, се вели во писмото на Миленкоски.

Тој беше уапсен во Врање, а македонската јавност тогаш дозна дека тој во 2019 година бил вмешан во извлекување на македонски државјанин од Ерменија кој бил обвинет за кривично дело таму и на кого требало да му се суди. Во меѓувреме тој бил именуван за заменик шеф мисијата на ОБСЕ во Македонија.

Македонија

Кој е контроверзниот македонски дипломат уапсен во Србија?

Министерството за надворешни работи на Република Македонија попладнево ја потврди информацијата објавена пред некој ден дека еден вработен во Министерството, кој во моментов е упатен во нашата Мисија во ОБСЕ во Виена, е притворен во Република Србија на 27 август годинава.

За апсењето МНР е официјално известено од Министерството за надворешни работи на Република Србија преку Амбасадата на Македонија во Белград.

Според известувањето, „надлежниот суд во Србија определил екстрадиционен притвор по основа на меѓународна потерница за дело за кое се товари дека го сторил за време на негово приватно патување во странство“, потврди МНР и од таму додаваат дека, согласно законските надлежности Министерството го стави во мирување работниот однос со притворениот вработен, сѐ додека случајот не биде разрешен.

Според пишувањето на весникот Коха, станува збор за збор за заменик-шефот на македонската мисија на ОБСЕ во Виена, дипломатот Миле Миленкоски (53).

Според сознанијата на Коха, од неофицијални извори, Миленкоски бил баран со меѓународна потерница издадена од австриската полиција, „за стар прекршок што датира од 2018 година, а кој по секоја веројатност вклучува високи безбедносни структури на Македонија“.

– Миле Миленкоски е осомничен дека пред три години организирал патување во Ереван, Ерменија, заедно со уште двајца македонски дипломати (нивниот идентитет познат за редакцијата), за евакуација на висока ерменска личност, осомничен во неговата земја за злоупотреба на милиони евра. Мотивите на оваа акција не се познати, но сомнежите се дека истата е направена со знаење на високите безбедносни структури во Македонија. Имено, уапсениот Миле Миленкоски, заедно со уште двајца дипломати (С.С.) и (В.С.), за оваа спасувачка мисија на контроверзниот Ерменец, позајмиле приватен авион со кој патувале за Ерменија. Претходно, како покритие тие во забрзана постапка регистрираа невладино здружение за лица со посебни потреби, за учество на една конференција на оваа тема, објави Коха.

Весникот пишува дека „оваа нивна мисија во 2018 година била успешна и контроверзниот Ерменец, кој меѓу другото, се сомнева дека бил вмешан во перење пари и присвојување на многу државни имоти во неговата земја, со приватниот авион е доведен на сигурно место“.

Според нивните извори, иако оваа шпионска спасувачка операција е откриена тогаш, со брза дипломатска реакција и на безбедносните структури на земјите вклучени во овој случај, овој случај е замолчен, се до скоро кога повторно го активирале австриските власти.

„Врз основа на нивната потерница, минатата недела – Миле Миленкоски бил уапсен во Врање, Србија, придружуван од неговиот колега (В.С.), кој сега е пензиониран дипломат, но кој бил дел од операцијата во Ерменија во 2018 година“. Иако весникот пишува дека и двајцата се притворени од страна на српските власти, според соопштението на МНР, во притвор е само Миленкоски.

Инаку Миле Миленкоски е познат по своите контроверзни потези уште од почетокот на својата работа во македонската дипломатија. Имено, бил осомничен како вмешан во финансиска измама во македонскиот конзулат во Детроит, од каде потоа бил префрлен во Чикаго во август 2011 година, каде според неговата биографија поминал 10 години и 2 месеци. Таму, тој физички се пресметал со генералниот конзул, и потоа е испратен во Вашингтон, по бидејќи постојано предизвикувал инциденти, на барање на поранешниот амбасадор во Вашингтон, Зоран Јолевски е вратен во Скопје.

Во 2017 година, Миленкоски се приклучил на Македонската мисија на ОБСЕ во Виена, како заменик на тогашниот амбасадор, Кире Илиовски, но темпераментниот дипломат и со него физички се пресметувал, пишува Коха.

Скандалот со ерменскиот политичар за кој деновиве е уапсен во Србија, го извршил додека бил во Мисијата на ОБСЕ во Виена и непознато е како и покрај сите скандали и инциденти кои ги правел како македонски дипломат во САД и Европа, пред неколку месеци повторно е реизбран на конкурсот на МНР за заменик шеф на Мисијата на Македонија во ОБСЕ во Виена.

Неговото назначување наводно било направено без одобрение од раководителот на Дирекцијата за правни и конзуларни услуги при МНР и дека извесни високи безбедносни структури во земјава му дале поддршка повторно да се врати во дипломатијата и покрај тоа што биле запознаени со неговото скандалозно однесување и склоност кон злоупотреби на дипломатската функција.