Пратеникот Игор Јанушев од ВМРО-ДПМНЕ од собраниската говорница читаше вести, меѓу кои беше и веста дека синот на собранискиот спикер Талат Џафери без правосуден се запишал на Академијата за обвинители.
На ова реагираше Џафери, по што дојде до караница и меѓусебни навреди.
– Игор Јанушев, на синот на Талат Џафери не можеш да му дојдеш ни до малиот прст. Прво до малиот прст не можеш да дојдеш. Слушај сега, на синот на Талат Џафери ни ти ни многу од вас тука не можете да му дојдете до малиот прст. Второ, синот на Талат Џафери не се шета по судници. Синот на Талат Џафери не можеш да го видиш дрогириан – рече Џафери.
На говорницата се врати Јанушев, кој возврати дека читал вести.
– Ти нема да ми кажеш кај ќе идaм – рече Јанушев, откако Џафери му порача да се врати на место.
На крајот, координаторот Никола Мицевски од ВМРО-ДПМНЕ излезе за да го тргне Јанушев од говорницата.
A 6.8-magnitude earthquake hit eastern Tajikistan ,Near China's far western Xinjiang region. The earthquake struck around 5:37 am local time at a depth of about 20.5 km.🙏🙏#Tajikistan#Chinapic.twitter.com/xYx4USTnqA
Епицентарот бил во автономната област Горна Бадакшан, што се граничи со Авганистан и Кина. Таа територија е ретко населена и е опкружена со огромниот планински венец Памир.
Војвотката Кејт Мидлтон пред цела јавност покажа дека не ја бидува за правење палачинки. Таа беше во еден старечки дом каде на присутните се обиде да им приготви палачинки.
Имено, на видеото кое стана вирално се гледа како Кејт се мачеше да го изгребе тестото од тавата, па на шега им порача на вработените да не кажуваат никому колку лошо го направила тоа.
Додека се обидувала да ја одлеши палачинката од тавата, изгледаше како палачинката да се распаѓа на два дела. На крајот принцезата успеала да „ослободи“ дел од палачинката за да се преврти, што предизвика овации од присутните во просторијата.
Во еден момент таа рече: „Видете, тука грешам, секогаш се трудам да ја свртам пребрзо!“. Кралскиот коментатор Ричард Палмер исто така го сподели урнебесниот клип на својот официјален профил на Твитер со натпис: „Како да не се прават палачинки“.
Откако со мака ја направила палачинката, принцезата својот конечен производ го опиша како „дамка“, а потоа се шегуваше: „Дефинитивно немојте да ја јадете мојата палачинка“.
Потоа следуваше извинување од принцезата: „Жал ми е! Навистина не ве испочитував. Ќе сакате ли да им покажете како правилно се прават“, се обрати Кејт на готвачот.
Коментарите од јавноста беа поделени. Некои ја охрабруваа принцезата, додека други истакнуваа дека е „срамота да не знае едни палачинки да направи“.
„Како ги правиш на своите деца и дали некогаш нешто си им направила?“ „Срамота, таа само позира и се појавува на настани, друго не ја ни интересира“, забележаа некои корисници на социјалните мрежи.
Учениците од ООУ “Климент Охридски” и OOУ “Добре Јованоски”, а сега ученици во Медицинското училиште СОУ “Ѓорче Петров”, Марко Јаков и Исидора Николоска, направија одличнo eдукативно видео по повод 21 февруари Меѓународниот ден на мајчиниот јазик.
Водителот и шоумен Богдан Илиевски, познат како „Бетмен велит“ влезе во рап битка со бугарскиот рапер Иван Динев – Устата кој пред неколку дена објави песна со која ја навредува Македонија и македонскиот народ.
„Кај си бе Уста во уста да те гребам, сакаш да влезеш во уста, но можеш ко ќе ти наредам. Сѐ што имам да ти кажам што си ти сам крив, не ти смета мојот јазик, туку што сум жив. Ама јазик имам и на него се ќе ти раскажам, мисли што сакаш, мисли дека те лажам, но не ме боли уво…“ – рапува Бетмен.
Во продолжение слушнете како Бетмен Велит му „ја затна устата“ на Устата, со својата рап верзија како одговор на бугарската вербална агресија:
Интервјуто на јутуберот Стефан Лазаров со новинарот Драган Павловски-Латас предизвика лавина реакции во македонската јавност.
Морничавите детали кои беа раскажани од страна на Латас за неговото прво сексуално искуство, како и реакцијата на водителот, наиде на низа осуди на социјалните мрежи:
-Се што треба Латас и Лазаров да направат за да сфатат колку е одвратно и болно нивното слатко смеење на шамарањето и реденката на девојката во фиќото е да замислат дека девојката е нивната ќерка или сестра.
Дека и таа вистинската девојка била нечија ќерка и сестра нели?
Ако и тогаш не им одвратна нивната реакција, под итно со приоритетен упад нека си закажат термин на Психијатрија … со задолжително болничко лекување.
Хелсиншкиот комитет за човекови права прв се огласи во врска со интервјуто.
„Неодамна објавеното интервју од јутјуберот Стефан Лазаров, каде неговиот гостин Латас споделува дека тој и неколку другари на 15-годишна возраст злоставувале и силувале девојка е колективен, општествен пораз и реален приказ за тоа како ги третираме жените жртви на насилство. Во видеото, кое веќе има над 50 илјади прегледи, за двајцата соговорници силувањето е извор на забава и смеа, со што тие директно праќаат порака кон огромната публика не само дека тоа е нешто нормално, туку и смешно. Ова интервју е само еден јавен и болен показател за тоа како во пракса излгеда нормализирање на културата на насилство и до каде може може да доведе непостапувањето на институциите и немањето јасни ставови и политики кои ги заштитуваат жртвите, наместо насилниците.
Таа култура, им дава ветер во грб на насилниците, кои не само што продолжуваат да живеат нормално, туку и да бидат славени како ‘вистински мажи’ и победници. Истата таа култура ги осудува жртвите, праќајќи им јасна порака дека системите на поддршка се речиси непостоечки. На оваа култура мора да ѝ се стави крај, јасно и гласно, ако јавната осуда е единствено оружје кое го имаме на располагање, соочени со систем кој очигледно не знае и не сака да се справи со родово базираното насилство“, велат од Хелсиншкиот комитет за човекови права.
Во хајката на социјалните мрежи се вклучија пратеник на СДСМ, Форумот на жени на СДСМ како и партискиот експретседател Зоран Заев. Латас одговори на изјавата на Зоран Заев за порталот Мактел на Саше Политоко.
Веднаш да го лоцираме изворот, главниот поддржувач на сорсоидите, негова платена војска кога ќе му затреба. А сега му треба дефокус од многу теми, како аферата во Фондот за здравство, на пример.
Станува збор за Зоран Заев, фронтменот на нивната шарена револуција, заштитникот на Катица Јанева и СЈО, со се што следи во и околу нив.
После сите ботови на нивните социјални мрежи, платени невладини и партиски функцинери од пратеници со женски форум на СДСМ, се јави и шефот. Главата на хајките – Зоран Заев.
Во негова изјава која ја објавува неговиот портал Мактел, партнерот и другарот на Марјан Доказ со години, Зоран Заев изјавува:
(Латас) Многу лош и злобен човек, му помогнав и нему и на неговиот син кој требаше да се лечи во Германија, дојде да ме моли и да плаче во кабинет кога станав премиер, јас простувам и не сум злопамтило особено помагам на оние кои се во невоља без разлика што направиле против мене и моето семејство… Нека му служи на чест што ниту е благодарен па дури и ја манипулира и лаже јавноста дека сум сакал да му наштетам и да му се одмаздам – изјави Заев за Мактел.мк
То е тоа, пријатели. Машина за лаги, спинови, пакувања истраги, прогони, патрон на судството и лидер на обвинителствто… Зоран Заев и неговите соросоиди.
Никогаш, никаде, ни приватно ни службено, ни на улица ни во канцеларија… никаде не сум се сретнал со Зоран Заев освен при неговото гостување во Сител.
Никогаш, ниту телефонски, не сум разговарал со него, и немам негов телефонски број. Заев лаже. Заев лаже. Заев лаже, ама тоа ви е на сите познато. Но, ни јас не сум верувал дека е гнаса до ова ниво.
Да изјави дека “сум плачел кај него во канцеларија за да молам помош да се лекува мојот син во Германија“ е најдолна можна манипулација со трагедија на едно семејство во таква ситуација и со судбина и состојба на, во тоа време, болен млад човек.
Бидејќи никогш не сум се ни сретнал ни слушнал со Зоран Заев ова е лага. И тоа пакувана со злоба и подлост.
Болен од карцином, мојот син се лекувал исклучиво со приватни пари за што постојат фактури, обезбедени со проджба на стан, за што е известено и СЈО за да знае која е целта и намерата за продажба на станот и парите од него.
А Зоран Заев вели „плачеше кај мене во кабинет да му помогнам…“. Па, просудете сами со кого имаме работа. Ова е веќе на граница на неговата ментална состојба, ако не и потаму.
Како би се чувствувал било кој од вас во оваа прилика? Патронот на хајките не издржа да не се појави и сега, и стави тонч на нивната хајка. Политичка. Партиска. Заевистичка, со ова потпишан лично од него, пишува Латас.
Се огласи и Стефан Лазаров, кој повика да се погледне подкастотм во кој Латас во ниту еден момент не кажа дека некоја девојка била силувана. Чувствувам морална одговорност да Ви се обратам на сите по скандалозните обвинувања дека сум подржувач на силување и на малтретирање на жени.
Од старт сакам да кажам и потсетам дека од првиот ден зборувам јавно за еднаквост, поддршка и љубов помеѓу мажите и жените и никогаш не сум дискриминирал ниту пак сум подржувал изживување врз женскиот род.
Многу од вас можеби слушате и првпат за мене денес, па си формирате своја слика на лажни обвинувања. Тие што ме следат постојано точно знаат каков човек сум и за што се залагам!Жално е што се дига лажна хајка и се оцрнува моето име и се она што го работам изминативе години. Не би сакал да навлагам во детали, но кога некој покренува иницијатива со вакви сериозни обвинувања, фер е да се изгледа видеото и да се види дека ситуацијата била сосема поинаква и не станува збор за силување. И јас имам и мајка, сестра, девојка, баба и многу пати пак , ќе повторам , сум зборувал за еднаквост!
Јасно ми е дека живееме во држава во која се чека момент да уништите некого и немам проблем со тоа, но да прифатам дека сум подржувач на силување нема никогаш, пишува Лазаров на ФБ.
Пратеник од СДСМ бара неодложно апсење на Латас, СДСМ бара укинување на Јутјуб каналот Лазаров и повлекување на спонзорите. По порталите се шири фотографија од Лазаров обвиткан со македонското знаме на протести против францускиот предлог за бугарското вето и се алудира на негова политичка припадност.
Мајката на Лазаров, член на СДСМ – ја искина партиската книшка и тоа го објави на Фејсбук:
Клипчето е гадно но важно е да го гледате ако имате дете кое е често на јутјуб.
Латас е Латас но посебен поздрав до мрмутов Стефан Лазаров кој се кези ко удрен кога зборат за шамарање девојки. Тој има многу поголемо влијание кај младите. pic.twitter.com/yqBvXJooNw
Човек не може да забележи колку бугарската музика е преполна со мотиви за секс, ебавање и слично (слично како што неслободни народи пејат за слобода). Еве едни двајца матори рокери, кои изгледаат како ликови што биле елиминирани уште во првиот круг на аудиција за Скорпионс. Нормално, во коментари има викаат дека се „страхотни“. Оф. – пишуваат од ОФФ нет мк.
Мала провинција со големи амбиции, израсната во бугарски традиции, пее Устата. Тој додава дека „Георги Димитров и ја подари оваа земја на Југославија“.
Ова не е земја, туку само територија, пее познатиот бугарски рапер Устата во неговата најнова песна посветена за Македонија
Рап пејачот Иван Динев, попознат по псевдонимот Устата, на својот фејсбук профил поставил можеби дел од својата нова песна посветена на Македонија, каде има околу 200 коментари и речиси 3.000 споделувања од неговите следбеници.
Во описот на видеото, Устата објаснува дека ова е „Лекција по македонска историја“.
Од неговиот рецитатив јасно се гледа дека за него Македонија не е држава, туку само територија.
– Мала провинција со големи амбиции, израсната во бугарски традиции – пее Устата. Тој додава дека „Георги Димитров и ја подари оваа земја на Југославија“.
Непосредно пред да ги нарече Македонците „злобни“, Иван Динев истакна дека македонскиот е бугарски дијалект.
Еве дел од провокативниот текст:
Сите дрвја имаат бугарски корени пред 1945 година.
Таа земја e подарок од Георги Димитров на Југославија.
Вашиот јазик е дури и моделиран – Македонскиот е бугарски дијалект.
Ауу, но колку сте злобни! Извинете што ни е незгодно.
Гоце Делчев го напишаа за свој, уживате да го крадете нашиот херој, а?
Вашиот крал бил Самуил – таратанци, а на оваа глупост се смеат и Албанците.
Сè уште сте отворени дека сте биле први. Зошто не се однесувате така со Србите?
Еј Македонијо! Маке, Маке, Маке, Македонија, наскоро нема да бидеш Европејка. Седи кротко на резервната клупата!
Еј Македонијо! Маке, Маке, Маке, Македонија, биди малку поскромна, таа бугарска крв, тече во вашите вени.
Да не пишуваме било што најдобро е да си ја погледнете последната „Саботажа“ во емисијата „360 степени“, на авторот Среќко Поповски, за да сфатите за што станува збор.
