Во вчерашната престрелка во Врачар ранет е 21 годишен македонски државјанин.
Како што соопшти српската поилиција најпрвин бил ранет А.П. (26), а потоа со два куршуми во грбот бил ранет македонскиот државјанин Д.Л. (21).
Како што информираат српските медиуми повикувајќи се на информации од српското МВР, другарот на ранетиот Македонец го пренел на безбедно и повикал полиција и брза помош.
Тргна да пука наизменично, во рацете држеше два шаржери, легнав преку моите двајца другари кои ги уби за да помисли дека сум мртва, сведочи ученичка во училиштето „Владислав Рибникар“ на Врачар, Белград, каде што утринава 14-годишен ученик кој го посетувал седмото одделение пукаше и уби најмалку шест лица.
Вооружениот ученик почнал да пука на часот по историја.
Прво почна да пука во наставничката по историја, а потоа продолжи да пука во училницата. Излезе од училницата, се слушаа пукотници, сведочи ученичката.
Ученикот по пукањето се обидел да побегне, но полицијата брзо го привела.
По утринската драма во Врачар, полицијата веднаш го приведе осомничениот.
Со лисици на рацете и јакна на лицето беше изнесен од училиштето.
Како што дознава „Информер“, Коста К. бил мирен, не покажувал никакви емоции и не давал отпор при апсењето.
Полицајците му рекле да го спушти оружјето и да ги стави рацете на главата и да легне на подот. Тој ги послушал нивните наредби без отпор. При апсењето изговорил една реченица:
„Пукав затоа што сум психопат“, рече тој.
