Согласно Законот за минимална плата, износот на минималната плата се усогласува на почетокот на секоја календарска година.

Тоа значи дека од месец март вработените кои сега добиваат минимална плата, ќе добијат извесно покачување.

Денес, министерот за економија Бесир Дурмиши најави и дека по редовното усогласување на минималната плата, таа најверојатно ќе изнесува 24.400 денари.

Тоа ќе биде за околу 1.800 денари повеќе од актуелната минимална плата која е на износ од 22.567 денари. 

„Конечната сума на минималната плата која ќе важи од март наредната година ќе се знае откако ќе се земат податоците за инфлацијата и за просечната плата во 2024 година, по што ќе се усогласи минималецот “ вели Дурмиши.

Согласно истиот Закон, со корекција на минималната плата, треба да следи усогласување и на сите останти плати.

Бројот на работниците во индустријата во ноември 2024 година, во однос на ноември лани, е помал за четири отсто. Во периодот јануари – ноември 2024 година, пак, во споредба со истиот период од 2023, бележи раст од 0.1 процент, соопшти Државниот завод за статистика.

Бројот на работниците во секторот Рударство и вадење на камен во ноември 2024 година, во однос на ноември 2023 година, бележи пораст од 4.9% и во секторот Снабдување со електрична енергија, гас, пареа и климатизација пораст од 1.1 %, додека опаѓање бележи во секторот Преработувачка индустрија за 4.7 %.

Според главните индустриски групи, бројот на работниците во индустријата во ноември 2024 година, во однос на ноември 2023 година, бележи пораст кај Енергија за 4.5 % и Tрајни производи за широка потрошувачка за 24.6 %, додека опаѓање бележи кај Капитални производи за 1.7%, Интермедијарни производи, освен енергија за 6.4 % и Нетрајни производи за широка потрошувачка за 8.2 %.

Во Министерството за транспорт денеска се одржа редовното Годишно Собрание на акционери на АД МЕПСО, информираат од ресорното министерство.

Во Министерството за транспорт денеска се одржа редовното Годишно Собрание на акционери на АД МЕПСО, информираат од ресорното министерство.

Собранието го разгледуваше Годишниот финансиски извештај и Годишниот извештај за работењето на АД МЕСПО за 2023 година, како и работењето на Управниот и Надзорниот одбор на Друштвото за 2023 година

На Собранието беше истакнато дека приоритет во работењето на компанијата се дава на ефикасно управување на електропреносниот систем преку оптимален и оддржлив развој на компнијата.

Исто така беше нотирано дека Акционерското друштво со своето финансиско работење ги консолидира наследените состојби преку намалување на непродуктивните трошоци и зајакнување на капацитетите на компанијата преку развојни проекти.

На Собранието се информираше за раскинување на Договорот за изградба на 400 киловолтниот далновод меѓу Македонија и Албанија како резултат на многу слабиот прогрес на работа од страна на Изведувачот. Притоа, беше истакнато дека АД МЕПСО работи на постапката на ретендерирање според правилата на Европската банка за обнова и развој како заемодавач за реалиазација на овој капитален проект.

Исто така Собранието беше информирано за капитални проекти што ќе се реализираат во следната година меѓу кои изградба на трафостаницата Охрид, потоа изградба на нова трафостаница Дуброво, модернизација на преносната мрежа Велес-Скопје 4, потоа преносната мрежа Битола 1-Прилеп 1, преносната мрежа од Гостивар до Сопотница, дел од преносниот капацитет во Југоисточна Македонија преку изградба на новата трафостаница во Милетково, како и инсталирање на новиот СКАДА систем во диспечерскиот центар.

Министерството за транспот е единствен акционер во АД МЕПСО во државна сопственост, стои во соопштението на министерството.