Поевтините модели на клима уреди без инвертер можат да го загреваат просторот само кога надворешната температура е над 0°C. Клима уредите се омилен избор за брзо и практично загревање, но многумина ги користат само повремено за да заштедат електрична енергија. Ова, сепак, е заблуда – поекономично е да го оставите уредот вклучен цел ден отколку да го вклучувате на кратки интервали.

Со примена на неколку мали трикови, можете да ја оптимизирате работата на клима уредот и да ги намалите сметките за струја во грејната сезона.

Енергетска класа на уредот

Современите климатизери со инвертер компресор трошат помалку енергија, бидејќи не работат постојано со целосна моќност. На пример, клима уред со капацитет од 3,5 kW троши околу 1,2 kW на максимална моќност, додека за одржување на температурата троши помеѓу 200 и 500 W. Изборот на уред со повисока енергетска класа (А+++, А++, А+, А или B) може значително да го намали трошокот на долг рок.

Оптимално користење

Ако престојувате дома цел ден, препорачливо е уредот да го вклучите рано наутро, додека надворешната температура е пониска, и да го оставите вклучен. Кога просторот ќе ја достигне саканата температура, уредот ќе премине на намалена потрошувачка на енергија. Ако пак сте надвор цел ден, добро е да го вклучите уредот еден час пред да се вратите, доколку уредот поддржува WiFi контрола.

Инвертер технологија

Инвертер уредите можат да работат и на екстремно ниски температури до -25°C, што е предност за зимската сезона. Овие уреди трошат до 30% помалку енергија од стандардните модели и се поеколошки.

Некои модели имаат летви и сензори за топлина кои овозможуваат рамномерно распределување на топлиот воздух, а некои имаат и сензори за движење што ја насочуваат воздушната струја во спротивен правец од луѓето во собата.

Вентилатори и дополнителни совети

Употребата на вентилатори може да создаде чувство на свежина, иако не ја намалуваат температурата во просторијата. Важно е вентилаторот да биде исклучен кога нема никој во просторијата за да се избегне непотребна потрошувачка на енергија.

Со избор на соодветен уред и оптимално користење, можете значително да ја намалите потрошувачката на електрична енергија во вашиот дом и да постигнете поголеми заштеди на годишно ниво.

Анализите направени во повеќе училишта во земјава покажуваат дека загадувањето на воздухот е исто толку опасно и во затворените простории

Додека Скопје е рангирана меѓу градовите со најзагаден воздух во светот, големо присуство на отровни честички во воздухот е забележано во речиси сите градови во земјава. Ризикот од загадениот воздух е голем и во отворени и во затворени средини, изјави ректорот на штипскиот универзитет „Гоце Делчев“, Дејан Мираковски, презентирајќи ги резултатите од анализата за квалитетот на воздухот во затворените простории во училиштата и градинките.

Министерката за образование Весна Јаневска порача дека државата мора да направи се за да обезбедат подобри услови во училиштата за да се заштити здравјето на учениците и вработените во образованието.

Најголеми загадувачи во текот на зимата продолжуваат да биде согорувањето на дрва, отпад, како и согорувањето на нафта и мазут кој најмногу се користи за затоплување на јавните установи

Извор: Алсат.мк

Во текот на нашата анализа на цените на Битолско млеко (2.8% масленост) во повеќе маркети, ги посетивме Веро, Рамстор, Стокомак, Тинекс, Кипер, КАМ и Жито Маркет. Во секој маркет ја забележавме актуелната цена на производот.