Поранешниот пратеник и политичар, Амди Бајрам ненадејно почина на 64-годишна возраст, објави Канал 5.

Од неговата партија Сојуз на Ромите од Македонија (СРМ) за Канал 5 потврдиле дека Бајрам починал во клиниката „Жан Митрев“ поради проблеми со срцето.

Пред само неколку дена, на 18-ти октомври Амди Бајрам направи свадба за внуката Перихан во Истанбул.

Политичарот пред неколку дена беше актуелен во јавноста поради свадбата која ја направи за внуката Перјан, истата се одржа на брод во Турција на 18 октомври а на неа присуствуваа голем број на гости од Македонија но и од Турција.

Неодамна, Бајрам изјави дека изминатиов период за него е многу тежок со оглед на тоа дека му била извршена ампутација на едната нога.

„Имав ампутација на едната нога, ама ќе ставам протеза. Во политиката мислам дека ќе се вратам. Сега ми треба малку време да закрепнам, но ќе се вратам. “ – кратко изјави Амди Бајрам во април годинава.

Последната негова фотографија е токму од свадбената веселба на внуката Перјан заедно со нејзиниот сопруг.

Министерот за здравство Венко Филипче денеска изјави дека лидерот на Сојузот на Роми, Амди Бајрам, кој утрово почина, имал комплексна здравствена состојба со многу други хронични болести.

На новинарското прашање во однос на тоа дали смртта има некаква поврзаност со свадбата на внуката на Бајрам што се одржа во Турција, Филипче одговори дека се уште нема подетални информации за тоа.

– Тој имаше навистина комплексна здравствена состојба со многу други хронични болести, меѓутоа во однос на она што денеска се случува навистина немам други информации, изјави Филипче во Струмица.

Лидерот на Сојузот на Роми, Амди Бајрам утрово почина на 64-годишна возраст. Бајрам имаше проблеми со срцето, а дел од медиумите, јавија дека посмртно ќе му биде направен и тест за Ковид. Неодамна, тој направи свадба за внуката во Турција.