Има ли полицијата и инстутициите намера да ги запштити граѓаните со примена на законите и правилата кои се однесуваат на ограничувањата со корона вирусот кој, деновиве, бележи од 150-200 ново заболени секој ден.



Целосната вест прочитајте ја :

https://vecer.mk/node/528523

Според податоците на Агенцијата за вработување на Република Македонија во моментов во државава има над 9000 слободни работни места.

Најголем дел од нив се во Скопје, каде се огласени 5132 слободни работни места, по што следуваат Штип со 485 и Куманово со 398 слободни работни места.

Најмалку огласени слободни работни места за вработување има во Ресен – четири, во Крушево и Кратово по две и во Валандово едно работно место.

Најголем дел од огласените работни места се во преработувачката индустрија 1849, и во трговијата 1638. Во секторот административни и помошни услужни дејности има 9562 работни места, а во транспорт и складирање 1046.

Најмалку работни места има во јавна управа и одбрана, задолжително социјално осигурување каде се слободни 14 работни места, и снабдување со електрична енергија, гас и пареа со огласени четири слободни места.

Според податоците со кои располага Агенцијата, во моментов за овие огласени слободни работни места најбарани занимања се продавачи за кои има 669 и за општи работници 546 места. Се бараат и 349 келнери, 294 возачи на такси и 238 шивачи.

Слободни места има и за 199 програмери и за 99 инженери по информациски технологии, за 91 касиер, 90 готвачи, 84 возачи на автобуси, 84 административни службеници и за 79 техничари за помош на корисниците.

Според овие податоци, се бараат и 221 возач на камион, како и 213 возачи на товарни возила. 

Убави информации ама за 250 евра не работи никој затоа и во преработувачката индустрија има највеќе побарувачка и фалат работници, додека во последните гранки од ИТ индустријата е со помала побарувачка односно ги евалуираат работниците на малце поразличен начин односно ги плаќаат повеќе пластично објаснето.

Граѓанската иницијатива „Доста е“ од Тетово и овој петок со блокада на сообраќај изрази незадоволство од тоа што е зголемена цената на електричната енергија. Вечерва од 18 од 19 часот беше блокиран автопатот од Тетово кон Гостивар.

„Доста е“ организира протести повеќе од два месеца како израз на незадоволство од повисоката цена на електричната енергија.

Граѓаните бараат пониска цена на струјата за 46 отсто, укинување на Регулаторната комисија, да се намали ДДВ од 18 на 5 отсто и да се формира независен арбитрарен орган кој ќе верификува квалитет на услуги и ќе ги адресира поплаките на граѓаните од енергетските компании, велат од иницијативата.

Минатата недела со слична блокада беше стопиран сообраќајот на автопатот од Скопје кон Тетово.

Остануваат уште само три месеци рок до исплата на К-15 за вработените. Најниската сума која што треба да им се исплати на вработените од страна на компаниите се искачи на 10.700 денари. Овој раст се должи на зголемувањето на просечната нето плата во Македонија.

Оваа сума според Колективниот договор за стопанството од приватниот сектор на сметките на работниците кои во иста компанија работеле најмалку шест месеци во текот на оваа календарска година треба да легне најдоцна до 31 декември. Фирмите кои нема да го исплатат регресот ризикуваат да бидат казнети.

Инаку, денеска премиерот на државата Зоран Заев истакна дека и оние компании кои што покажуваат загуба предизвикана од здравствената криза доколку имаат можност да исплатат К-15.

Ние сме Влада за работниците и уште еднаш апелираме секоја компанија која што има можност, дури и оние коишто покажуваат загуба да исплатат регрес за годишен одмор односно познатото К-15 заради тоа што дефинитивно работниците се трајното добро и за компаниите, но и за државата.

Заклучивме дека денеска и утре треба да се направи увид за начинот на трансмисија на вирусот во секоја општина посебно, изјави министерот за здравство, Венко Филипче по состанокот со Комисијата за заштита од заразни болести. 

Филипче потенцира дека до викендот ќе знаа какви мерки и во која општина треба да воведат.

„Ако нешто откриеме, да може да одлучиме какви мерки и каде би се вовеле“, рече Филипче во живо на вестите на Сител, по завршувањето на средбата.

Дали ќе се намали работното време на угостителските објекти или да се намали бројот на маси ќе се знае по епидемиолошките прашалници.

Филипче не исклучува и затворање на градинки и училишта, но вели дека планот за рестрикција вклучува и затоворање градинки и училишта, но и да се вклучат и други ученици во настава од ноември со физичко присуство, ако тоа го дозволува епидемиолошката состојба.

Министерството за труд и социјална политика информира дека од денес 2 октомври 2020 година (петок) започнува исплатата на правата од социјална и детска заштита за месец септември 2020 година:

Гарантиран детски додаток
Посебен додаток за месец 10/2020
ЕПП за новороденче
Родителски додаток за трето дете
Родителски додаток за четврто дете
Образовен додаток – Студирање
Гарантирана минимална помош ГМП
Постојана парична помош – ретроактивна исплата
Туѓа нега
Еднократна парична помош
Мобилност и слепило
Цивилна инвалиднина
Социјано домување
Социјална сигурност- социјална пензија
Азиланти домување
Парична помош за згрижувач
Паричен надоместок за згрижувачко семејство

Со цел да се избегне метеж пред банките и да се овозможи поголема заштита на корисниците на парична помош во услови на опасност од вирусот Ковид-19, исплатата ќе се спроведе во три групи, во филијалите и експозитури на банките, согласно со утврдениот распоред по азбучен ред, според првата буква од презимето и тоа:

– 5 октомври (понеделник) –А, Б, В, Г, Д, Ѓ, Е, Ж, З, Ѕ;
– 6 октомври (вторник) –И, Ј, К, Л, Љ, М, Н, Њ, О;
– 7 октомври (среда) –П, Р С, Т, Ќ, У, Ф, Х, Ц, Ч, Џ, Ш;

Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство, од денеска – 2 октомври.

Министерството за труд и социјална политика потсетува на обврската за носење маска и одржување физичко растојание од два метра.