Во гостување на националната телевизија БНТ Захариева вели дека „за жал, не е изненадена од тоа“.

„Македонизмот сам по себе е геополитичка идеја создадена од Белград и Москва. За жал, не сум изненадена од ваквата одлука на македонските власти. Враќањето на српскиот јазик значи дека сите партии во РС Македонија, без оглед на нивните политички разлики, се едногласни за ова прашање, како и за темата за односите со Бугарија. Тие се исклучително блиски со Белград“, изјави Захариева.

За отворањето српски културен центар таа не сака да коментира, бидејќи како што вели, РСМ е суверена држава и може да си одлучува сама, но тоа го смета за провокација против Бугарија, а „ваквите постапки се доказ за приближувањето кон Србија“.

Овој коментар на Захариева следува по изјавата на македонскиот премиер Зоран Заев дека наставата по српски јазик ќе биде вратена во основните училишта во РС Македонија.

КАЛЕНДАР НА МПЦ: Денеска е Св. апостол Петар
Според календарот на МПЦ (Јулијанскиот календар) денеска е 16 јануари.

Денеска е Св. апостол Петар.

На овој ден се спомнува апостол Петар заради оковите во кои беше ставен во времето на Ирод и од кои беше ослободен на чудесен начин. Христијаните ги чуваа овие окови заради чудата што се случуваа преку нив. Во петтиот век царицата Евдокија еден дел од оковите испрати во Цариград, во црквата на Светите Апостоли, а другиот дел го прати во Рим на Евдоксија, жената на западниот римски цар Валентинијан Трети. Евдоксија изгради црква и во неа ги положи оковите.

ОД КАТОЛИЧКИОТ КАЛЕНДАР: Денеска е Блажен Јулијан Маунор.

На денешен ден умрел мисионерот Јулијан Маунор. Тој околу 43 години патувал низ Бретања проповедувајќи го Евангелието Христово. За бретонскиот народ, Јулијан бил добар татко. Бил познат по својата понизност, молитва и христијански морал. Им помагал на болните и ги ослободувал опседнатите. Исцрпен од работата, бил прогласен од народот за светец и апостол, а црквата во времето на папата Пио Дванаесетти тоа го потврдила. Бретања и денеска во верски поглед, е една од најдобрите француски покраини.

Групата „Јавна соба“ во која над 6.500 членови споделуваа фотографии, профили од социјални мрежи, лични податоци, адреси и броеви од девојки, синоќа е избришана на социјалната мрежа Телеграм.

Во меѓувреме, продолжува истрагата за креаторите на групата, а веќе се приведени четири лица, од кои две од Битола, едно од Велес и едно од Штип. Надлежните апелираат на внимателност бидејќи на Телеграм има и друга слична група за која исто така се постапува.

Премиерот Зоран Заев и министерот за внатрешни работи Оливер Спасовски го поздравија чекорот на платформата Телеграм и порачаа дека оние што го прекршиле законот ќе бидат казнети.

Заев и Спасовски, претходно, се заканија дека е можно блокирање на Телеграм во земјава ако платформата и натаму остане глува на барањата на полицијата и обвинителството за бришење на „Јавна соба“.

– Телеграм или ќе ја затвори групата, или земјата ќе ја блокира оваа социјална мрежа, најави вчера премиерот Зоран Заев.

Истакна дека до социјалната мрежа Телеграм се испратени категорични барања да ја избрише групата „Јавна соба“. Ако не го сторат тоа, Заев најави дека е можно да се блокира апликацијата.

Скандалозната група „Јавна соба” е затворена, односно беше избриша од социјалната мрежа Телеграм, заради порнографска содржина.

МВР засега не знае дали апликацијата Телеграм или креаторите и администраторите стојат зад затворањето.

Две лица, едно во Битола и едно во Велес се веќе приведени во врска со случајот Јавна соба, а се преземаат мерки и активности и кон други лица, јави МВР.

Но, во јавноста се појавија фотографии дека има нова група каде се објавува порнографска содржина.

„Пријателе Заев, помогни ми да се сетам кој го зголемува српското влијание во Македонија? Ние ви испративме вакцина против КОВИД-19, но нема вакцина или лек за Стокхолмскиот синдром “, напиша вицепремиерот и лидер на ВМРО, бугарскиот министер Красимир Каракачанов на својот Фејсбук профил.

Имено Стокхолмски синдром претставува необична психолошка состојба во која жртвата од киднапирање, полов напад или пак жртва на насилство, емотивно се зближува и сочувствува со напаѓачот, односно сторителот. Поврзувањето настанува во оној временски период во кој двете страни се заедно. Имено, колку повеќе време поминуваат заедно жртвата и напаѓачот, толку се поголеми шансите за овој синдром.

Каракачанов сега е лут, откако Заев рече дека ќе ја врати наставата на српски јазик во училиштата и отворање на српски културен центар, во вчерашната честитка по повод српскиот празник – Денот на Свети Сава.

Дали со отворањето на српскиот културен центар, ќе се памети окупацијата на тогашна Вардарска Македонија од страна на Кралството Србија во 1913 година? Затоа што ние, Бугарите, сме уморни од слушање глупости за т.н. „Бугарска окупација“? – праша Каракачанов.

„Долго време, скопската дипломатија ја обвинуваше мојата земја и мене лично за можно одложување од Бугарија за одредување датум за преговори со ЕУ и дека тоа ќе доведе до зголемување на српското влијание. Сега кој точно е виновен за зголемувањето на српското влијание? – вели тој.

Каракачанов праша кој точно го зголемува српското влијание во Македонија со враќање на наставните програми на српски јазик и отворање на српски културен центар?

Пријател Заев, помогни ми да се сетам кој го зголемува српското влијание во Македонија? – праша тој.

Тој исто така прашува дали со отворањето на српскиот културен центар, дали ќе се памети окупацијата во 1913 година на тогашна Вардарска Македонија од страна на Кралството Србија?

Дополнително прашува „дали ќе бидат почестени двете востанија против Србите во 1913 година – востанијата во Тиквеш и Охрид-Дебар – што избувнаа во Вардарска Македонија, која српската влада ја преименува во Јужна Србија и српска Бановина?“

Бугарскиот министер за одбрана побара јавно, освен националниот празник на Србите, да се слави националниот празник на Бугарија – 3 март.

„За жал, сегашната политичка елита во Скопје претпочита да ги слави џелатите на својот народ. Колку е чудна балканска варијанта на Стокхолмскиот синдром. Ние ви испративме вакцина против КОВИД, но нема вакцина или лек за Стокхолмскиот синдром “, напиша Каракачанов на својот официјален профил.

Целосниот пост можете да го погледнете на следниов линк: https://www.facebook.com/KrasimirKarakachanovVMRO/posts/3894426727236254