Футсал А репрезентацијата на Македонија беше минимално поразено со 2:1 од селекцијата на Андора, на гостински терен во натпревар од последното коло од групата 7 во рамките на квалификациите за пласман на Е.П.

Андора преку Регало го отвори резултатот на денешната средба. Избраниците на селекторот Васко Скендеровски брзо се вратија во игра и минута подоцна преку Тодоровски успеаа да го израмнат резултатот.

Голот за победа на Андора го постигна Блат во 37. минута од средбата.

Во групата 7 од квалификациите, Португалија го освои убедливо првото место со 18 освоени бодови.

Македонија заврши на последното место во својата група само со еден освоен бод.

Радиша Илиќ (48), долгогодишниот голман на Партизан и српската репрезентација е пронајден мртов.

Поранешниот српски голман Радиша Илиќ го загуби животот на 48-годишна возраст.

Според Телеграф, Илиќ наводно скокнал од тераса и се самоубил.

Македонската ракометна репрезентација одигра одличен прв дел, но потоа попушти и претрпе пораз од Словенија (26-32) во Скопје, во рамките на третото коло од квалификациите за Европското првенство.

Ова е втор неуспех за нашата селекција во овој циклус, но нема време за одмор – веќе во недела следи нов дуел со Словенија, овој пат во Копер.

Младиот среден бек Марко Митев по натпреварот го сподели своето видување:

„Имавме многу квалитетен старт, но во финишот на првото полувреме пропуштивме шест гола предност. Тоа не смее да се случи против селекција која играше полуфинале на ЛОИ. Словенија е поквалитетна, но ќе се подготвиме и во реваншот ќе одиме на изненадување. Ако сакаме победа, мора да ги исправиме денешните грешки и да ја подобриме одбраната.“

Одлуката за пласманот на Европското првенство ќе падне во мај, кога Македонија ќе гостува во Естонија и ќе ја пречека Литванија во клучниот меч.