Првиот вицепремиер Изет Меџити изјави дека од посетата на САД, по повод инаугурацијата на претседателот Доналд Трамп, владината делегација се вратила со „позитивно очекување за интензивирање на евроинтеграцискиот процес“.

„Tоа е Америка. Ние треба да вложиме сѐ за да добиеме влијание таму зашто многу работи таму се решаваат. Оптимист сум дека тоа оди во прилог на одблокирање на евроинтеграцискиот процес“, рече Меџити во емисијата „Само интервју“ на ТВ Канал 5, прашан за очекувањата од американскиот претседател Трамп во решавањето на проблемот со нашето интегрирање во ЕУ.

Меџити рече дека присуствувал на значајни настани и средби за време на престојот во САД, а за обвинувањата од опозицијата во врска со поканата за инаугурацијата, одговори дека поканите не ги потпишува Трамп, туку се од Конгресот на САД и работни групи што ги формирал за таа цел.

„Треба да слушнеме што викаа ДУИ пред шест месеци… Дека оваа влада е проруска, просрпска… И сега кога одиме на инаугурација во САД зборуваат нешто друго и се контрадикторни самите себеси“, рече Меџити.

На прашањето дали коалицијата Вреди стои зад ставот на премиерот Христијан Мицкоски за одложени уставни измени, Меџити одговори дека „премиерот бара гаранции и тука бараме решение“. Посочи дека имаат различни видувања во однос на интензитетот и динамиката за решение, но сето тоа, како што рече, „на крајот на денот ќе се испегла“ во заеднички став на партнерите во Владата.

„Битно е што како политички партии сме европски настроени и сите сакаме и работиме да има решение. Никој не е против Бугарите да бидат во Уставот, но сите да бидат вин-вин во процесот“, рече првиот вицепремиер во интервјуто.

На прашањето дали Вреди ќе стане партија со еден лидер, како што беше најавувано на последните избори, одговори дека и на локалните избори ќе настапи како коалиција, додавајќи притоа „и вака функционираме успешно“.

„Покажавме на парламентарните избори, со заедничка програма и кампања, заедно сме дел од Владата и не гледам проблем и на локалните избори Влен (Вреди) да биде како чадор, со заеднички листи и кандидати, а после изборите најверојатно може да се зборува Влен да биде едно“, додаде Меџити, чија партија Демократско движење е една од четирите во коалицијата Вреди.

Тој смета дека вонредни избори се непотребни зашто Владата има стабилно мнозинство, а изјавите од ДУИ дека ќе има предвремени избори на кои тие ќе победат ги смета за  стратегија на опозициската партија за да го задржи членството кое ѝ бега.

„Не сум против предвремени избори, но се непотребни. Оваа влада има најголемо мнозинство, двотретинска поддршка во Собранието и е неприродно да се оди на вонредни избори… ДУИ долго беа власт и уште не им се верува. Тоа им е стратегија за да не им бегаат луѓе, па ветуваат дека се враќаат за три, за шест месеци, и даваат лажна надеж дека ќе има локални и парламентарни избори. И анкетите и сите анализи покажуваат дека подолго време ќе останат опозиција. Влен (Вреди) пак ќе има убедлива победа во однос на ДУИ“, изјави Меџити.

За неговата поранешна партија ДУИ  рече дека е „жално каде беше и каде се најде“, не гледа дека таму има процес за реформирање и оти таа „ќе остане вака како што е“.

Во врска со Артан Груби и дали смета дека некој му помогнал во бегството, Меџити одговори дека ДУИ долго време била на власт и, како што рече, „сигурно имаат уште луѓе по институциите спремни да ги пречекорат овластувањата“. Додаде дека веќе има постапка во МВР за истрага за одговорните за граничниот премин, а дека Груби „кога-тогаш ќе се врати и ќе се соочи со правдата“.

Тој долги години беше дел и од редакцијата на Канал 5 од 2007 до 2018 година, каде работеше како уредник во информативната редакција . Во новинарската кариера следеше настани од надворешната политика. Колегите ќе го паметат како добар новинар и голем другар.

Сочувство до семејството Томиќ.

Претседателот Трамп го објави она што има намера да го направи, а тоа е да го купи. Ова не е за стекнување земјиште заради стекнување земјиште. Ова е наш национален интерес и треба да се реши, рече американскиот државен секретар Марко Рубио.

Американскиот претседател Доналд Трамп е сериозен во намерата да го купи Гренланд, изјави државниот секретар Марко Рубио, откако Данска беше потресена од неговите закани дека ќе ја преземе автономната данска територија.

Во интервју, Рубио ја омаловажи заканата од САД да користат воена сила против Данска, сојузник на НАТО, но за забелешките на Трамп за Гренланд рече: „Ова не е шега“.

– Претседателот Трамп го објави она што има намера да го направи, а тоа е да го купи. Ова не е за стекнување земјиште заради стекнување земјиште. Ова е наш национален интерес и треба да се реши – рече Рубио.

Осврнувајќи се на гаранциите на НАТО за Данска, Рубио рече:

– Ние имаме договор за одбрана со нив за да го заштитиме Гренланд доколку биде нападнат – изјави Рубио за радиото SiriusXM.