Се виде нашето неискуство. Ние имавме предности, но и слабости кои Франција ги откри и ги искористи. Криво ми е за неискористените пенали во првото полувреме, но во секој случај сум задоволен, порача селекторот Кире Лазаров.

Треба да бидеме задоволни, очекував тежок натпревар и мислам дека Французите воопшто не нѐ потценија. Ова го изјави слекеторот на македонската ракометна репрезентација Кирил Лазаров по завршувањето на вечерашниот натпревар против селекцијата на Франција, кој го загубивме со резултат 32:25.

Лазаров рече дека нашите ракометари одиграа квалитетен напревар, со висок ритам, дури и повисок од оној против Холандија.

– Се виде нашето неискуство. Ние имавме предности, но и слабости кои Франција ги откри и ги искористи. Криво ми е за неискористените пенали во првото полувреме, но во секој случај сум задоволен. Сакам само да им честитам на играчите и на стручниот штаб за она што го прикажаа на ова Светско првенство. Можеби можевме повеќе да постигнеме, но за големи резултати треба да се верува, а ние некако како да не бевме убедени – рече Лазаров.

Приватните животни на нашите ракометари кои ја сочинуваат македонската репрезентацијата на Светското првенство оваа година не се многу познати за јавноста.  Факт е дека поголемиот дел од нив се млади и нови имиња.

Како што многумина ги нарекуваат избраниците на Кире Лазаров не се експонираат многу во јавноста.

Експертите велат дека Лазаров вешто ги чуваше се додека не заминаа во Вараждин по стаклено ѕвоно со цел добро да се фокусираат на натпреварите како најважен предизвик за нив периодов.

Непосредно пред мечот со големата Франција, кој ќе се одигра вечерва во 20 и 30 часот, зборуваме за нашиот Филип Кузмановски.

Ракометарот кој се вивна со својата игра на Мундијалот, тој кој направи многу за да стигнеме до резултатот кој сме сега и спаси многу ситуации во досегашните натпревари.

Но дали ја знаете информацијата за тоа дека Кузмановски пред само три месеци се изреализира во улогата на татко. Токму тогаш кога најмногу се подготвувал пред да тргне на првенството животот комплетно му се променил. И сега еден месец додека е во Хрватска не може да си го види синчето и да биде со семејството.

Филип има три месечно бебенце.

Животот на спортистите не е лесен.

Тој и неговата избраничка, преубавата Моника станаа родители на малиот Матијан.

Матијан се роди на 25 октомври 2024 година, пред точно три месеци,

Во ексклузивно интервју за ТРТ Балкан, Омерагиќ  се осврна на неговата визија за унапредување на фудбалот, но и можноста за соработка со фудбалските сојузи во земјите од регионот и идејата за Регионална фудбалска лига.

На 22 декември мината година на вонредното изборно генерално Собрание на Фудбалската федерација на Македонија (ФФМ), Масар Омерагиќ со акламација е избран за претседател на федерацијата.

Во ексклузивно интервју за ТРТ Балкан на македонски јазик, Омерагиќ зборува за неговата визија за унапредување на фудбалот во земјата, неговиот тим составен од поранешни репрезентативци, очекувањата од репрезентацијата, но и можноста за соработка со фудбалските сојузи во земјите од регионот и идејата за Регионална фудбалска лига. Во своето прво обраќање во јавноста во својство на прв човек на ФФМ, Омерагиќ рече дека знае во која насока треба да се развива фудбалот во земјава. Оттаму, логично беше првото прашање, во која насока и како треба да се работи за да се унапреди фудбалот во земјава?

Фокус на инвестирање во младите и инфраструктурата

Омерагиќ нагласува дека тоа го базира на неговото богато искуство во фудбалот, додавајќи дека речиси целиот свој живот, порано како фудбалер, потоа како член на Управниот одбор на ФФМ, а сега и како претседател на федерацијата.

„Основно за развој на фудбалот во секоја држава, па и во нашата е инвестирање во инфрастуктура и инвестирање во младите, постојано едуцирање на тренерскиот кадар, како и произовдство на судии, односно едуцирање на судиите за да имаме што поквалитетно судење. Паралелно со тоа, создавање на регуларни услови за играње е еден од главните предуслови за да имаме квалитетен фудбал. За сето тоа е потребно само време“, вели Омерагиќ.

Пандев, Најдовски и Ибраими дел од тимот на Омерагиќ

Јавноста позитивно ја коментираше неговата одлука во својот тим да ги има некогашните истакнати фудбалски репрезентативци со цел да ги поправи состојбите во македонскиот фудбал, а Омерагиќ уверува дека тоа е исправна одлука, која ќе покаже резултати.

„Во тимот околу мене се, ако одиме по возраст, Илија Најдовски, знаете, нема потреба да го претставуваме. Тоа е фудбалска легенда, која што го има подигнато пехарот на светски првак на Црвена Sвезда кога беа светски прваци во Јапонија. После тоа е Горан Пандев којшто ја има освоено Лигата на шампионите, наш ререзентативец, и нормално тука доаѓа Агим Ибраими. Има и други поранешни фудбалски имиња, како што е Гоце Христов и другите, сега да не ги набројувам. Меѓутоа, сето тоа се познати фудбалски имиња, кои целиот свој живот го поминале во фудбалот, не зависат, тие се реализирани како личности, како луѓе, едноставно имаат желба само да помогнат во развојот на фудбалот со своите идеи и со своето работење и учество во работењето на Фудбалската Федерација на Македонија“, потенцира Омерагиќ.

Целото интервју може да го проследите на ТРТ Балкан