ВО АМЕРИКА НОВ ЗАКОН: НЕМА ВЕЌЕ МАШКИ НЕМА ЖЕНСКИ ПОЛ

Токму кога човек ќе помисли дека бесмисленоста го достигнала својот врв, редикалната левица го докажува спротивното и, за жал, теоремата дека само човечката глупост нема крај, беше потврдена пред неколку дена.Имено, Претставничкиот дом на САД го одобри законот според кој се дава официјална поддршка на ЛГБТИ+ заедницата т.е. сексуалната определба и флуидноста на полот/родот стануваат заштитени со закон и никој не смее да врши „дискриминација“ врз основа на овие категории [1].

Доколку овој закон е одобрен и од Сенатот, Претседателот Бајден веќе најави дека дефинитивно ќе го одобри и тој [2], со што истиот ќе биде наметнат како дефинитивен закон што ги обврзува сите граѓани да го почитуваат.Што значи ова?Ова значи дека досегашната дефиниција за пол / род ќе биде поништена. Наместо биолошкиот факт дека постојат само два пола – машки и женски, дефиницијата ќе биде скроена според родовата идеологија, која тврди дека полот / родот е неутрален и флуиден и може да се менува [3].

Врз основа на тоа ќе биде направена измена на сите закони и официјални документи. Со тоа, се разбира, се заштитуваат правата на малцинството од 5,6% што се идентификуваат како ЛГБТИ [4] – дел и од самите нив се против родовата идеологија, а се поништуваат и газат правата на мнозинството.
Во предлог законот се вели дека ЛГБТИ лицата не смеат да бидат „дискриминирани“ по никој основ: мора да им биде дозволен слободен пристап до апсолутно сите установи и бенефиции, како и можност да се вработаат каде сакаат [5]. Транссексуалци или едноставно мажи што ќе се самоидентификуваат како „жени“ ќе имаат слободен пристап во женски тоалети, како и потполнa слобода да се натпреваруваат во спортски категории со биолошки жени [6].

Голем број на конзервативци и религиозни организации јавно го искажаа своето негодување за последиците што овој закон ќе ги донесе. Односно, според горе објаснетото, верските заедници нема да смеат да ги одбијат ЛГБТИ лицата доколку аплицираат за работа во црква или друга верска институција (да станат свештеници, пастори, оџи итн), нема да смеат да ја негираат новата дефиниција за флуидноста на полот и нема да смеат да проповедаат дека, според нивните верски убедувања, Бог создал два пола – маж и жена. Доколку го сторат тоа, ќе одговараат за „дискриминација“ и ќе бидат казнети со парична или затворска казна [7].

Според она што е кажано во законот, јасно е дека државата ќе има целосно право над малолетните деца во случај родителите да не им одобрат да си го сменат полот, бидејќи токму тоа се смета за дискриминација и ќе биде казниво по закон. Да не заборавиме дека голем број од македонската дијаспора се наоѓа токму во САД и дека овие закони ќе ги погодат директно оние кои се наши браќа, сестри, роднини и пријатели, а сакаат своите деца да си ги воспитуваат според традиционални вредности.

Се поставува прашањето зошто успеваат да се протуркаат вакви радикални закони со кои се заштитува малцинството, а се укинуваат правата на мнозинството?Еден од факторите е тоа што бројот на лицата што се изјаснуваат како ЛГБТИ+ и оние што не се ЛГБТИ+ , но ја поддржуваат ЛГБТИ+ заедницата, во Америка е во пораст. Порастот е од 3.4% ЛГБТИ+ во 2012 година [8] на 5.6% во 2020 година и најголемиот број на лица што се изјасниле како ЛГБТИ+, секој 1 од 6 лица, се на возраст од 18 до 23 години. Најголемиот процент на трансџендер лица спаѓа, исто така, во таа возрасна група – од 18 до 23 години [4].Тука, да направиме една математичка пресметка. Оние што биле на возраст помеѓу 18 и 23 години во 2020 година се родени во периодот 1997-2002 година.

Во периодот 2012-2013 година има големо туркање на ЛГБТИ+ инклузивно сексуално образование по училиштата [9], пропагандата е веќе навлезена во сите сегменти на општествениот живот, за да кулминира со легализација на истополовите бракови во 2015 год [10]. Ако се земе 2014 како средна година (помеѓу кулминирачките настани во периодот 2013-2015), тие лица биле на возраст помеѓу 12 и 17 години. Токму оној период во пубертетот кога се развива човечкиот идентитет и секое дете си го бара своето место во општеството. Овој податок докажува една битна страна на она што денеска се наметнува со „Сеопфатното“ сексуално образование.

Имено, кога децата се постојано изложени од сите страни на индоктринација дека ЛГБТИ+ идеологијата е нормална, морална и позитивна, дел од нив со тек на време тоа го прифаќаат, почнуваат да експериментираат, да стануваат дел од таа заедница и да ја промовираат, и на крај да се борат за наметнување на нивните барања врз мнозинството. Да внимаваме нашите деца да не стекнат такви размислувања, бидејќи од училишните клупи можат да излезат или како здрави и морални личности или како либерални ексцентрици!

(линк до текстот: shorturl.at/vD048)

Стои во текстот на граѓанската заедница на Фејсбук „Преземи одговорност“, чијашто цел не е за сеопфатно сексуално образование според теркот на непознати вредности за нашата култура и поднебје.

https://www.facebook.com/prezemiodgovornost/posts/116274493804709