Математичарот Алексиј Тасиќ на 14 години освои златен медал на Меѓународната иранска геометриска олимпијада. Тој учи во Основното училиште „Ѓорѓија Пулевски“ во скопската населба Аеродром и е деветто одделение.

Откако почнал да се натпреварува, има освоено многу награди на општинските, регионалните и на државните натпревари по математика во земјава.

– Се натпреварувам веќе пет години. Во шесто и во осмо одделение покрај првата награда, на државниот натпревар бев и на прво место. Имам освоено две бронзи на Јуниорската македонска математичка олимпијада (како седмоодделенец и осмоодделенец). Сега, во деветто одделение освоив златен медал на меѓународната олимпијада Финален математички куп 2020 (категорија јуниори), на која учествуваа 10 земји и над 180 натпреварувачи. Во јануари освоив и сребрен медал на Меморијалниот математички натпревар „Александар Блажевски-Цане“ – посочува Алексиј.

Прочитајте повеќе на Деца.мк