Смешно е кога се прават теории на заговор за некакви оски во услови кога затекнавме катастрофална состојба во Железницата. Слушавме за бајковити проекти од 300-400 милиони евра, а вработените плата не можеа да им однесат на семејствата. Патнички возови и да немаше а наследивме нула локомотиви и дваесетина композиции кои што чекаа на граница бидејќи немаше како да бидат пренесени. Сега состојбата е сменета, оваа Влада започна со реформирање на Желеницата и до крај на годината ќе покаже позитивни резултати, истакна вицепремиерот и министер за транспорт Александар Николовски на одговор на пратеничко прашање.

Тој потенцира дека сега се оспособени патнички возови за сообраќај како и шест локомотиви, а до крај на годината ќе бидaт функционални вкупно девет локомотиви со што Железница извесно е дека за вторите шест месеци откако се формира Владата, ќе заврши со позитива во работењето.

Во однос на пругата за Коридор 8, вицепремиерот Николоски истакна дека до крај на годината ќе се заврши изградбата на првиот дел од Куманово до Бељаковце, додека за втората фаза рече дека проблемот со слабиот прогрес на работа е во фирмата изведувач.

-За втората фаза изградбата оди многу бавно и основната причина е изборот на изведувач. Избрана е компанија која целосно неодговорно работи и не ги исполнува обврските. Во моментов реализацијата е 27, 3 % а рокот за завршување е октомври 2026 година и би сакал да го повикам Обвинителството да испита како оваа компанија е избрана. Се работи за компанијата Ѓулермак. Во која постапка е избрана и да дадам некои наводи, дали е манипулирано со должината на шините и начинот на монтирање на истите и на тој начин е отфрлена конкуренцијата? За исто ова имам доставено пријави до Обвинителството, но досега ништо не работат, па да ги мотивирам да поработат. Јас не се кријам, кривичните пријави лично сум ги потпишал, истакна вицепремиерот Николовски

Во однос на третата фаза, вицепремиерот Николоски потенцираше дека оваа Влада иако била критикувана од Бугарија постапила домаќински бидејќи заштедени се пари на граѓаните.

-Во однос на аргументи, фудбалски кажано Бугарија ги добивме со 3-0. Трите наши аргументи се прифатени и очекувам да соберат храброст и да се одржи и третиот состанок во Скопје. Еве оваа недела требаше да се одржи во Скопје, но одолговлекуваат. Нека соберат храброст да ја затвориме оваа тема. Нашите аргументе се јасни. Да се направи ревизија на цената, мора да има зеднички проект за потенцијално тунелот кој треба да ги спојува двете држави и трето да си го завршат нивниот дел да се спојат до границата. Поентата на изградба на оваа пруга е да се споиме и да имаме воз од Скопје – Софија – Црното море. Во однос на другата страна на коридор 8, нашиот сосед има некоја железница од времето на Енвер Хоџа која е нефункционална и завршува во местото Лин. Но ако следете медиуми тие почнаа да работат на две железнички линии кои што не се поврзани со Македонија, а тое е Драч -Тирана и другата што сакаат ја да градат е од Валона -Драч – Бар и да се поврзат со проистаниште Бар и целосно го игнориаат потенцијално коридор 8. И да се запрашаме, дали треба да се трошат пари за нешто што нема да не поврзе со никого, па мислам дека подомаќинско мислење од ова нема, изјави Николоски.

Како што истакна вицепроемиерот Николоски, Македонија работи на стратешкиот проект за брза пруга на коридор 10 кој треба да биде крвотокот на македонската економија.

Преку песната „Во бестрага“, поранешниот скопски градоначалник Петре Шилегов реши да ѝ честита на партијата СДСМ за новите кадри кои ги избрала.

Поранешниот градоначалник на Скопје, Петре Шилегов, не го крие незадоволството од новоизбраното раководство на СДСМ.

Преку песната „Во бестрага“ реши да ѝ честита на партијата за новите кадри кои ги избрала.

„Помисли на тоа што сѐ можеме… Можеби е доцна, а може не. Дали крајот вака мириса? Ние двајцата сме за… во бестрага“, гласи рефренот на песната во изведба на Игор Џамбазов и групата „Нокаут“.

Инаку, СДСМ вчеравечер ја одржа првата седница на Централниот одбор. На вчерашната седница за нови потпретседатели беа избрани поранешната министерка за животна средина Каја Шукова, професорката Ана Чупеска, битолчанецот Менде Илиевски од тамошниот Совет и Кристина Костовакоја е активна во рамките на Централниот одбор на СДСМ.

Партијата го избра Александар Димитријевиќ од општинската организација на СДСМ во Гази Баба за генерален секретар, а организациони секретари ги избра Љупчо Фармаковски од СДСМ Центар и Мартин Костовски кој е пратеник во Собранието.

Претходно, на 30-от партиски конгрес одржан во неделата за заменик-претседателка беше избрана Фани Каранфилова-Пановска.

Градоначалникот на општина Битола, Тони Коњановски, денеска ја пречека првата официјална посета на евроамбасадорот Михалис Рокас. Средбата, на која присуствуваа и секретарот на општината Борче Димитровски, како и советниците од Советот на општина Битола.

„Почестен сум што првата официјална посета на евроамбасадорот Рокас е токму во Битола, која со својата богата историја, култура и традиција отсекогаш била европски град,“ истакна Коњановски.

На средбата беа отворени повеќе теми, вклучително проектите „Just Transition Across the Borders“ и „In-Herit,“ кои се во фаза на евалуација и би можеле да започнат во 2025 година. Градоначалникот информираше и за текот на проектот „Smart4you2,“ каде, покрај предизвиците со кофинансирањето, општината веќе ја започнала изградбата на вело-патеки од над 5 километри, кои ќе бидат финализирани во првиот квартал од 2025 година.

Еден од најзначајните проекти што го нагласи Коњановски е изградбата на пречистителна станица, за кој се очекува поддршка од ЕУ и почеток на реализацијата во првата половина на 2025 година.

Градоначалникот ја искористи можноста да побара поддршка за зголемување на соработката со северна Грција, со акцент на туризмот, трговијата и економијата. Тој ја најави и иницијативата за обновување на соработката со градовите Кожани и Воден, како и збратимување со нов град од Република Грција.

„Битола, како град блиску до границата, е спремна проактивно да учествува во подигнување на регионалната соработка,“ додаде Коњановски.

Оваа прва официјална посета на евроамбасадорот Рокас е позитивен чекор кон зацврстување на врските меѓу Битола и Европската унија, со конкретни иницијативи за развој и партнерство.