Во месецот април, и планетата Венера и планетата Меркур ќе поминат низ знакот на Бик: добра вест ги чека сите земјени знаци! А вие во кој знак сте родени? Откријте сега со нас што ви подготвуваат sвездите за месец април!

Овен: Со Сонце во знакот!

Април ќе биде убав месец за вас, со Сонце кое силно свети во вашиот знак! Планетата Венера ќе работи за вас до средината на месецот, а среќата во полето на чувствата ќе биде загарантирана. Понатаму, почнувајќи од 4-от ден, планетата Меркур исто така ќе биде во вашиот знак: ќе имате можности за средба, како во професионалната, така и во личната сфера. Слободните ќе освојуваат! Ако работите на проект може да добиете помош или убави признанија. Марс ќе ви даде многу енергија до 23-тиот ден на месецот.

Бик: Време за одмазда!

2021 година не започна на најдобар начин за вас, но сега конечно можете да се одмаздите! Всушност, почнувајќи од 14-от ден, планетата Венера ќе го напушти знакот на Овен за да влезе во вашиот знак, подготвена да ви донесе многу среќен период во однос на чувствата. Многу парови ќе направат важни планови за иднината. Понатаму, почнувајќи од 19-тиот ден, планетата Меркур исто така ќе биде во знакот: на работа, некои комплицирани ситуации ќе почнат сами од себе да се решаваат, и може да добиете убаво признание, односно да се чувствувате како победник.

Близнаци: Среќен месец!

Месецот април ќе биде многу среќен за вашиот знак! Почнувајќи од 4-тиот ден, планетата Меркур ќе престане да ги попречува вашите проекти и ќе се врати за да ве фаворизира во полето на работата. Неговото позитивно влијание, заедно со влијанието на Јупитер, ќе гарантираат успех и признание. Во љубовта, фокусирајте се на првата половина од месецот, кога може да сметате на убавата Венера во поволен аспект, подготвена да ја зацврсти вашата врска. Марс, ќе биде со вас до 23-тиот ден, и ви гарантира многу сила и енергија!

Рак: Подеми и падови

Месец април има некои подеми и падови за вашиот знак. Сентиментално, ќе можете да уживате во наклонетоста на Венера само во втората половина на месецот. Всушност, до 14-тиот ден, планетата на љубовта ќе има дисонантен аспект и може да има одредена напнатост во вашиот љубовен живот. Дури и од професионална гледна точка, треба да почекате до крајот на април за да дадете предлог или да презентирате проект: почнувајќи од 19 ден, всушност, планетата Меркур ќе престане да ви создава пречки и ќе почне да дејствува во ваша корист .

Лав: Подобро во првиот дел

Вашиот месец април ќе биде многу подобар во својата прва половина, кога ќе може да сметате на помошта на Венера, Марс и Меркур. Планетата на љубовта ќе биде на ваша страна до 14-тиот ден: од тој датум, може да се појават жестоки дискусии со вашиот партнер, а во некои случаи и вистински кавги. На работен план, треба да се фокусирате на периодот помеѓу 4-от и 19-тиот ден, кога Меркур ќе ви помогне да ги пронајдете вистинските сојузници и вистинските можности. Бидете внимателни да не чекорите премногу брзо: со Јупитер во опозиција, потребна е голема претпазливост во бизнисот!

Девица: Обновување на енергијата!

Април започнува за вашиот знак со планетата Меркур во опозиција, но не грижете се: овој неповолен аспект ќе трае само до 4-ти ден, а потоа, малку по малку, ќе можете да најдете малку повеќе спокојство, особено на полето на работа. Последниот дел од месецот ќе биде дефинитивно посреќен од првиот: нови можности би можеле да дојдат од 19 ден натаму, додека на љубовен план можете да сметате на убавата поволна Венера почнувајќи од 14-тиот ден. Дури и планетата Марс ќе се врати да ви се насмевне на крајот на месецот, гарантирајќи ви враќање на енергијата.

Вага: Не баш најдобар месец

За жал, април не започнува на најдобар начин за вашиот знак и ќе мора да почекате до втората половина на месецот за да можете да здивнете! Всушност, до 14-от ден ќе мора да се справувате со спротивставувањето на Венера: во вашиот љубовен живот ќе има вистински моменти на криза, кои за среќа, ќе можат да се решат после тој датум. Од професионална гледна точка, сепак, ќе мора да се судрите со Меркур кој ќе работи против вас особено меѓу 4-тиот ден и 19-тиот ден: подобро е да почекате до крајот на месецот за да почнете нов проект или да преземете деловен чекор.

Шкорпија: Сметајте на Марс!

Обидете се да го искористите најдобриот дел од месецот за да ги решите сите отворени проблеми што влијаат на вашиот приватен и професионален живот. Почнувајќи од 14-тиот ден, всушност, планетата Венера ќе влезе во спротивност со вашиот знак, а неколку дена подоцна и планетата Меркур ќе ви го заврти грбот: во последните недели на април ќе биде покомплицирано да може да се разговара и да се најде договор без разлика дали станува збор за дискусии со вашиот партнер или со шефовите и колегите во канцеларија. За среќа, почнувајќи од 23-тиот ден, Марс ќе се погрижи да ви даде многу повеќе енергија!

Стрелец: Добри можности, но многу стрес!

Месец април ќе носи среќа на вашиот знак, и професионално и емоционално. Планетата Меркур, неповолна до 4-от ден, ќе се врати да ви се насмевне, подготвена да ви даде нови можности за работа и, заедно со прекрасен Јупитер, да ви гарантира успех на вашите деловни активности. Венера, од своја страна, ќе ви даде многу повеќе среќа во убовта, особено во првата половина на месецот. Сепак, ќе мора да се справите со планетата Марс, во спротивност до 23-от ден: до тој датум би можеле да доживеете силни моменти на стрес и пад на енергијата.

Јарец: Недоразбирања

Месец април не започнува на најдобар начин за вашиот знак, кој ќе треба да се справи со Венера во неповолна положба до 14-тиот ден и со подеднакво неповолниот Меркур до 19-тиот ден. Комуникацијата со другите, без разлика дали се работи за роднини или колеги, нема да биде фаворизирана од ѕвездите и може да се појават недоразбирања дома или во канцеларија. Подобро, сепак, ќе биде во втората половина на месецот, кога Венера ќе ви го врати спокојот во љубовниот живот, а Меркур ќе ви помогне да ги решите работните пнроблеми. Марс, во опозиција од 23-тиот ден, ќе ви донесе малку повеќе замор.

Водолија: Не чекајте!

Во првата половина на април ќе можете да сметате на убавата поволна Венера, што ќе и помогне на вашата врска да се зајакне и да се чувствувате поблиски. За жал, почнувајќи од 14-тиот ден, може да се појават уште некои недоразбирања. На работа, искористете го периодот после 19-тиот ден, кога – покрај наклоноста на Јупитер – може да сметате и на планетата Меркур, која ќе ви донесе нови контакти и нови можности. Планетата Марс, поволна до 23-тиот ден, ќе ви даде многу повеќе сила.

Риби: Одлично!

Април ќе биде среќен месец за вашиот знак, особено во втората половина, кога ќе можете да сметате на помошта на Венера и Меркур. Планетата на љубовта е подготвена да ви донесе огромно задоволство почнувајќи од 14-тиот ден: осамените би можеле да направат важни средби, додека паровите ќе сакаат да прават планови за нивната заедничка иднина. На работа, добра потврда или нови можности може да пристигнат почнувајќи од 19-тиот ден. Последниот дел од април ќе биде во знакот на добро закрепнување од физичка гледна точка: Марс ќе се врати да дејствува во ваша корист, носејќи ви здравје и енергија.