Македонската пејачка и еден од најдобрите вокали во земјата, Андријана Јаневска, оствари значаен успех на меѓународно ниво со потпишување договор со светската филмска и забавна компанија Warner Bros. Јаневска учествуваше како главен вокал на официјалниот саундтрак на новата видео игра Mortal Kombat 1, еден од најпознатите и најпопуларни франшизи во светот на гејмингот.

„Ми претставува огромна чест што имав можност да работам на ваков врвен проект. Оваа соработка со Warner Bros. е важен чекор за мене и неверојатно искуство,“ изјави Јаневска, изразувајќи го своето задоволство од овој значаен успех.

Со своето вокално учество, Андријана Јаневска внесува нова димензија и емоција во саундтракот на играта, дополнувајќи го искуството на играчите со нејзиниот уникатен глас. Овој проект претставува значајно признание за македонскиот музички талент на светската сцена и отвора нови можности за македонските уметници на глобално ниво.

Џони Деп треба да се врати во Холивуд, добивајќи ја својата прва голема кастинг улога по правната битка со поранешната сопруга Амбер Херд.

„Холивуд репортер“ пренесува дека славниот актер е подготвен за својата прва голема холивудска продукција по неколку години, во трилерот „Day Drinker“. Тој ќе глуми мистериозен денски пијаница кој на крстарење запознава шанкерка, која ја игра Пенелопе Круз, а двајцата потоа се вплеткуваат во криминалното подземје.

Филмот ќе го режира Марк Веб. Деп и Круз на тој начин ќе се обединат, откако претходно глумеа во бројни филмови заедно.

Претседателот на Lionsgate Motion Picture Group, Адам Фогелсон, рече дека „’Day Drinker’ комбинира многу комерцијален концепт со неверојатни пресврти и свртувања, сите сместени во неверојатен свет, и нема подобар режисер од Марк или двајца посовршени актери од Џони и Пенелопе“.

Деп неодамна изјави дека „нема лоши чувства кон Холивуд“ и рече дека неговиот живот во последните години е претворен во „сапуница“.

Познатата српска пејачка и миленичка на публиката Марија Шерифовиќ го откажа концертот во Скопје во знак на солидарност со семејствата на загинатите во Нови Сад.

– Толку сум уморна од снимање вакви пораки. Веќе не знам ни што да кажам, ме болат градите, се чувствувам ужасно. Нема доволно голем збор да изразам колку ми е жал за се што се случи во Нови Сад. Срцето ми е со секој член на семејствата на било кој што загинал, или се бори за живот или на кој било начин е загорзен од тоа, рече Марија во своето видео-обраќање на Инстаграм.

– Поради тоа што во мојата земја Србија е Ден на жалост, донесов одлука да не пеам во Скопје. Апелирам до моите фанови да ја разберат мојата одлука, важно е само да сме добро, да сме живи и здрави, секогаш ќе има пеење, порача Шерифовиќ видно тажна и потресена од трагедијата. 

Концертот е презакажан за 10.ноември на истата локација.