Ниските пензии вратија на работа најмалку 180.000 бугарски пензионери. Во Бугарија  има околу 340.000 вработени стари лица, кои едноставно немаат доволно пари за живот. Останатите продолжуваат да работат, водени од други мотиви – дел од нив поради љубов кон професијата, други затоа што сакаат да продолжат да бидат активни и интегрирани во општеството.

Официјалните податоци на Евростат покажуваат дека приближно еден од шест пензионери во Бугарија продолжува да работи. Студијата на Европскиот завод за статистика од 2023 година, покажува дека уделот на работниците пензионери во земјата е 16,7 отсто, објави “Телеграф.бг“. 

Нема официјална статистика која покажува колку постари луѓе ја дополнуваат пензијата работејќи на хонорарна основа или давајќи услуги, без да имаат договор. Според податоците за уделот на работниците пензионери, земјата е во остра контраст со соседните Романија и Грција. Таму уделот на лица кои примаат стаж и старосна пензија, а сепак одат на работа, е само 1,7 и 4,2 отсто.

Инаку Бугарија не се разликува многу од просечното европско ниво. Генерално, уделот на работниците пензионери во ЕУ е 13 проценти. Сепак, вкупната бројка е многу повисока од податоците за нордиските и балтичките земји. Во овие земји речиси секој втор возрасен избрал да продолжи да работи.

Но, главната причина за нив, за разлика од Бугарија, не е финансиска. Повеќето жители таму сакаат само да останат активни или премногу ја сакаат својата професија. Ова целосно се однесува на над 60% од вработените пензионери во Норвешка. Данците, Холанѓаните и Италијанците исто така премногу ја сакаат својата работа за да ја напуштат по пензионирањето.

На 2 јануари 2025 година е реализирана голема меѓународна истрага координирана од ЕУРОПОЛ, македонската и српската полиција, а под раководство на надлежните јавни обвинителства. Во акцијата е сузбиена организирана криминална група инволвирана во фалсификување и пуштање во оптек на лажни пари на териториите на повеќе држави.

Истрагата утврдила дека од крајот на 2023 година до февруари 2025 година групата, составена од македонски и српски државјани, изработувала фалсификувани пари во специјално опремен стан во Скопје. Со помош на машини со гравирани плочи, кои имитирале сигурносни знаци на банкноти, биле произведувани лажни пари во различни апоени. Тие биле пуштани во оптек во Северна Македонија и Србија, а значителен дел од нив завршувал во Австрија, Германија, Романија, Словенија, Хрватска и Косово.

Во акцијата на територијата на Северна Македонија биле извршени претреси во Скопје, Велес и Прилеп, при што се уапсени 10 лица – девет од Скопје и едно од Велес. Запленети се околу 500.000 евра, 25.000 американски долари, 500 швајцарски франци, 1.800 израелски шекели, 500 хрватски куни, 10.000 албански леки, 1.000 шведски круни и 25.000 руски рубљи. Исто така, откриени се CNC машина за изработка на калапи, калапи, жигови, валјаци за печатење, копии од банкноти, три пиштоли, една пушка, 140 куршуми, кесе со непозната прашкаста материја, мобилни телефони, СИМ картички, УСБ уреди и лаптопи.

Во истовремена акција во Србија се уапсени шест лица, членови на истата група, при што се запленети дополнителни 153.700 евра.

Истражните активности продолжуваат, а Одделот за сузбивање на организиран и сериозен криминал во текот на денот ќе поднесе кривична пријава против шест македонски и двајца српски државјани.

Но и покрај добрата заработувачка, во Германија ова речиси никој не сака да го работи

Многу наши граѓани заминуваат да го бараат своето подобро утре во поразвиените земји од Европа, а најголемиот дел од нив нема никогаш да се врати во Македонија.

Нивните животи едноставно продолжуваат таму, а Македонија секојдневно се празни, посебно низ помалите градови.

Една од земјите во кои најчесто заминуваат луѓето од нашата земја е Германија, каде не морате секогаш да сте на некоја висока позиција за да заработите неверојатна сума на пари гледано од наша перспектива. Имено, во оваа развиена европска држава многу работни позиции кои кај нас се гледаат со потценување, но и кои во нашата земја најчесто се мизерно платени, таму не само што се заработува пристојно, туку и се поплатени од многу други.

Станува збор за работни позиции за кои не ви треба академска титула, но кои во исто време и не се баш популарни во Германија.

Еве некои од нив:

Гробар

Како што може да се прочита во германските медиуми, денес ретко кој од младите во Германија прифаќа да се занимава со оваа работа. И бидејќи нема многу заинтересирани, а истовремено станува збор и за дејност во која тешко некој може да останете без работа, за оваа позиција платата е далеку од лоша. Па така, според статистиката преку 25 % од гробарите заработуваат и повеќе од 3.762 евра бруто месечно, а оние што ќе го научат занаетот и многу повеќе.

Но секако не треба да се заборави дека станува збор за поприлично тешка работа, посебно ментално, наведуваат германските медиуми.

Пастор

Покрај гробарите, во Германија добро се платени и свештените лица, а исто така и оваа работа не е премногу популарна. Според порталот „Gehalt.de“, еден пастор во Германија има просечна бруто месечна плата од околу 6230 евра, но за да станете свештено лице во Католичка црква потреби се околу седум години, додека за протестантите се бара дури и нешто повеќе, па така овие работни позиции не се популарни кај младите, иако свештените лица најчесто добиваат и службен стан така што вкупните трошоци им се помали.

Извор: glamur.mk