Вечерва граѓаните на Босна и Херцеговина, Хрватска и Словенија беа сведоци на ретка и спектакуларна појава на небото. На небото се појави необична светлосна спирала која се вртеше брзо и потоа исчезна.

Овој феномен привлекол големо внимание, а бројни корисници на социјалните мрежи споделиле слики и видеа кои навистина го оставиле без здив.

„Беше вистинска чест да се види ова!“ изјави еден од сведоците, додека друг додаде: „Бев во шок. Не знаев што е тоа. Се вртеше и брзо исчезна“.

Според Business Insider, врз основа на описите и слични појави во минатото, многу е веројатно дека се работи за истекување гориво од ракета на SpaceX која неодамна беше лансирана од Флорида.

Ракетата „Falcon 9“ на SpaceX беше лансирана од вселенската база во Калифорнија, а сличен феномен беше забележан и во саботата при лансирањето на друга ракета.

Украинскиот претседател Володимир Зеленски повторно го повика американскиот потпретседател Џеј Ди Ванс да ја посети Украина, но, како што тврди, сè уште не добил одговор.

Во интервју за списанието Тајм (Time), Зеленски изјави дека му предложил на Ванс да ја преиспита својата одлука да не патува во Украина додека трае војната.

– Сè уште ве чекаме, му порача Зеленски на американскиот функционер, но додаде дека досега не добил никаков одговор.

Во истиот разговор, Зеленски изрази надеж дека претседателот на САД, Доналд Трамп, ќе сфати дека рускиот лидер Владимир Путин е „послаб отколку што изгледа“ и дека „не може да му се верува“.

Иако рече дека не верува во апокалиптични сценарија, Зеленски откри дека во еден од неодамнешните разговори со Трамп се обидел да му долови како би изгледал прекин на огнот што постојано би бил нарушуван од руски напади.

– Во такво сценарио, сите градови и населени места долж фронтот во Украина би станале како ‘илјада Берлини’ од времето на Студената војна – ‘мртви зони’ на картата на Европа, рече тој.

За време на напнатите разговори во Белата куќа претходно овој месец, Џеј Ди Ванс изјави дека Украина се потпира на присилна мобилизација.

На тоа, Зеленски одговори со прашање: „Дали некогаш сте биле во Украина за да зборувате за нашите проблеми?“ Зеленски, секако, знаеше дека одговорот е – не.

Игнорирајќи го повикот да ја посети земјата, Ванс му возврати: Всушност, ги следам тие информации и знам дека кога носите луѓе во Украина, ги водите на пропагандна тура, господине претседателе.

Русија изврши ракетен напад врз северниот украински град Суми, потврдија локалните власти. Украинските медиуми известуваат за жртви и повредени лица.

Володимир Артјух, шеф на регионалната управа на Суми, објави видео од местото на нападот, истакнувајќи дека се оштетени неколку станбени згради и едно училиште. Во позадина се слушаат експлозии, а Артјух напомена дека децата не се повредени бидејќи во моментот на нападот биле во засолниште.

На другите снимки објавени од регионалната администрација, видливи се оштетените згради и чад што излегува од зградите.

Погледнете ги видеата: