Познстата фитнес инструкторка Ана Стојанова, информира дека деновиве е цел на напад, пред се како жена. Имено неименувано лице успеало преку фотошоп да создаде “нејзина гола фотографија”, па сега истата таа лажна готографија се шири на социјалните мрежи и стигна до Стојанова.

“Деновиве добивам пораки дека “се врти” гола фотографија од мене која што е направена со фотошоп и тоа многу лош. Направен е скриншот од видео кое што беше објавено кај мене на стори и истото е злоупотребено.
Јас нема да го коментирам оној кој што се дрзнал на ова и сосема ми е разбирливо затоа што сум јавна личност и не можам да се заштитам до крај. Објавувам јавно за да ја известам Армијата да ја знае вистината- бидејќи само за неа и се грижам”, објави Стојанова на социјалните мрежи

Македонската пејачка и еден од најдобрите вокали во земјата, Андријана Јаневска, оствари значаен успех на меѓународно ниво со потпишување договор со светската филмска и забавна компанија Warner Bros. Јаневска учествуваше како главен вокал на официјалниот саундтрак на новата видео игра Mortal Kombat 1, еден од најпознатите и најпопуларни франшизи во светот на гејмингот.

„Ми претставува огромна чест што имав можност да работам на ваков врвен проект. Оваа соработка со Warner Bros. е важен чекор за мене и неверојатно искуство,“ изјави Јаневска, изразувајќи го своето задоволство од овој значаен успех.

Со своето вокално учество, Андријана Јаневска внесува нова димензија и емоција во саундтракот на играта, дополнувајќи го искуството на играчите со нејзиниот уникатен глас. Овој проект претставува значајно признание за македонскиот музички талент на светската сцена и отвора нови можности за македонските уметници на глобално ниво.

Џони Деп треба да се врати во Холивуд, добивајќи ја својата прва голема кастинг улога по правната битка со поранешната сопруга Амбер Херд.

„Холивуд репортер“ пренесува дека славниот актер е подготвен за својата прва голема холивудска продукција по неколку години, во трилерот „Day Drinker“. Тој ќе глуми мистериозен денски пијаница кој на крстарење запознава шанкерка, која ја игра Пенелопе Круз, а двајцата потоа се вплеткуваат во криминалното подземје.

Филмот ќе го режира Марк Веб. Деп и Круз на тој начин ќе се обединат, откако претходно глумеа во бројни филмови заедно.

Претседателот на Lionsgate Motion Picture Group, Адам Фогелсон, рече дека „’Day Drinker’ комбинира многу комерцијален концепт со неверојатни пресврти и свртувања, сите сместени во неверојатен свет, и нема подобар режисер од Марк или двајца посовршени актери од Џони и Пенелопе“.

Деп неодамна изјави дека „нема лоши чувства кон Холивуд“ и рече дека неговиот живот во последните години е претворен во „сапуница“.