Градоначалникот на Битола, Тони Коњановски, од трибините на спортската сала „Боро Чурлевски“ со гордост ја бодреше македонската женска ракометна репрезентација на натпреварот против Полска.

„Битола е спортски град! Денес тоа се докажа по којзнае кој пат! Преполна сала и бодрење со полно срце за нашите хероини. Посебна чест беше да бидеме домаќини после седум години на репрезентативен ракометен натпревар,“ изјави Коњановски, упатувајќи благодарност до Ракометната федерација на Македонија за укажаната доверба.

Македонските ракометарки одиграа борбено, но повторно загубија со минимална разлика од фаворизираната Полска – 21:23, во рамки на баражот за Светското првенство 2025.

Подолго време статусот на Мохамед Салах е една од главните теми во англискиот фудбал. Потпишувањето на новиот договор со Ливерпул стави крај на бројните шпекулации.

Египќанецот ќе остане на „Енфилд“ до 2027 година, стои во писмото од новиот договор. И под условите што тој ги сакаше, со оглед на тоа што големите тимови ретко им даваат на играчите во 30-тите ист или посилен договор отколку што е случајот со претходниот.

Британски Би-Би-Си ги објави деталите од преговорите меѓу Ливерпул и Салах, нагласувајќи дека во март се случил клучен пробив, а се е завршено пред неколку дена.

Салах ќе заработува околу 400.000 фунти неделно (околу 460.000 евра). Ваков луксуз ретко се дава на играчи на таа возраст, но Ливерпул процени дека ќе биде многу тешко да се најде замена на тоа ниво за Египќанецот.

Факт е дека Трент Александер-Арнолд најверојатно на лето ќе премине во Реал Мадрид, што ќе им ја олесни сметката за плати на „црвените“. Како што сега стојат работите, Ливерпул ќе има простор да го задржи Вирџил ван Дајк во клубот, покрај Салах, кој се очекува наскоро да потпише нов договор.

Би-би-си понатаму во истиот текст пишува дека Салах имал далеку подарежлива понуда. Се разбира од Саудиска Арабија.

Про лигата му понуди астрономски 500 милиони фунти (околу 575 милиони евра), а самата идеја еден од најпознатите Арапи да дојде да игра на Блискиот Исток изгледаше како совршена деловна можност за секого. Но, парите очигледно не биле приоритет за Салах.

Салах има спортски мотиви за останување во Ливерпул, сака со овој клуб да ја освои својата 20-та титула во Англија, но и повторно да ја нападне Лигата на шампионите. Египќанецот никогаш не криел дека негова цел е и „Златната топка“, а досега двапати беше петти – во 2019 и 2022 година.

Секако, клучно било и семејството, откако неговата сопруга Меги и ќерките Мака и Кајан, според информациите, уживаат во животот во Ливерпул

Македонските ракометарки загубија од Полска со 21-23 во реваншот од плејофот за пласман на Светското првенство (СП), откако и во првиот меч беа поразени со 18-22.

Полска го отвори мечот со мини-серија од 2-0, по што Македонија го возврати ударот (3-3). Жестоката борба продолжи и во останатиот дел од првото полувреме, а македонските ракометарки успеаја и да поведат со 8-7, по што се играше гол за гол до 10-10.

Гостинските ракометарки постојано го одржуваа водството во второто полувреме од еден гол, додека Македонија успеа да израмни неколку пати, но пропушти шанса повторно да го преземе водството.

Македонија во финишот пропушти неколку шанси, кои знаеше да ги казни Полска и да слави на крајот со 23-21. Најефикасна во македонскиот состав беше Катерина Дамјановска со пет голови, додека Балсам запиша седум погодоци за Полска.

Македонската женска репрезентација последен пат на Мундијал настапи во далечната 2007 година во Франција.

Фото: РФМ