Connect with us

Инфо +

Во земјава вратени тepopиcти на ИCИC и членови на нивните семејства од Сирија и Ирак

Published

on

Доцна синоќа, Владата на Република Македонија, успешно го заврши процесот на репатријација на државјани на Република Македонија од Сирија и Ирак за 4 мажи – странски терористички борци, 5 жени и 14 деца.

Процесот е спроведен согласно обврските на Република Македонија кои произлегуваат од меѓународното право, меѓународното право за човекови права, меѓународното хуманитарно право, стандардите и резолуциите на Советот за безбедност при Обединетите нации, информираа владините служби.

„Против четворицата странски терористички борци, по претходно обезбедени докази од страна на Министерството за внатрешни работи – Бирото за јавна безбедност, и во координација со Агенцијата за национална безбедност, поднесени се соодветни кривични пријави во согласност со националното законодавство.
Поради нивна недостапност на органите на прогонот, за истите имаше распишано меѓународни потерници, а во нивно отсуство, определена е мерка притвор, со решение на надлежен суд“, стои во владиното соопштение.

Надлежните соопштија дека репатрираните жени и деца ќе подлежат на четиринаесет дневен здравствен карантин на доброволна основа и неопходни лекарски прегледи, согласно Законот за заштита на населението од заразни болести, со цел заштита на јавното здравје.

Во наредниот период, надлежните служби ќе работат на обезбедување докази за можно учество во инкриминирани дејствија, за секој случај поединечно. Со исклучување на можноста за нивна вклученост во дејствија кои подлежат на казнено – правна одговорност, почитувајќи го во целост начелото на доброволност, ќе отпочне процесот на нивно рехабилитирање, ресоцијализирање и реинтегрирање во заедницата, односно во општеството.

Сите мерки и активности кои се преземаат од страна на институциите се базираат на обврските од Националниот план и процедурите за реинтеграција, ресоцијализација и рехабилитација на повратници од странски војски и членови на нивните семејства, усвоени од страна на Владата на Република Македонија, а за чија координација и имплементација е надлежна Канцеларијата на Националниот координатор за спречување на насилен екстремизам и борба против тероризам.

Република Македонија, како членка на НАТО и Глобалната коалиција за борба против ИСИС, во соработка со нашиот стратешки партнер САД, останува посветена во примената на највисоките стандарди во борбата против насилниот екстремизам и тероризмот, со цел осигурување на безбедност, сигурност, стабилност и просперитет на највисоко ниво за граѓаните на нашата земја и пошироко во регионот, велат од владата.

Европа

Германија се најде во сериозни проблеми, бара помош од Европската унија: Не можеме да…

Published

on

Дали санкциите кон Русија од страна на Европската Унија имаа некакви резултати?

Германија бара помош од ЕУ: Цените на гасот растат со голема брзина.

Германија ја повикува Европската Унија да ги опушти своите регулативи за складирање гас поради зголемената цена на овој енергент, соопшти Министерството за економски прашања и клима на Германија.

Тие цели, кои се воведени како одговор на прекинувањето со снабдувањето на гас предизвикан од војната во Украина, бара од сите земји членки на Европската Унија повторно да ги пополнат своите складишта до 90% од капацитетите до ноември, пренесе Ројтерс.

Германија реагираше откако референтните европски цени на гасот оваа недела пораснаа на највисоко ниво во две години.

“Би поддржале помалку екстремни барања за складирање, бидејќи поголемата флексибилност може да обезбеди притисокот за полнење на сите складишта со гас подеднакво да се намали и да се нормализира кога цените на пазарот ќе се стабилизираат”, изјави портпаролот на германското министерство за економски прашања и клима.

За ова прашање се разговараше и на состанокот на претставниците на земјите од ЕУ и ЕК.

Германија, која има најголеми складишни простори во Европската унија, како и други земји, вклучувајќи ја Франција, изразија загриженост за целите на Европската Унија, кои диктираат задолжително купување на гас по повисока цена.

Складиштата на гас во ЕУ оваа недела паднаа на помалку од половина, после студеното време и намалената руска испорака, покажуваат податоците на организацијата Gas Infrastructure Europe (GIE).

Continue Reading

Свет

Ова не и се свиѓа на Европа: Откриено е кога ќе прекине војната помеѓу Русија и Украина?

Published

on

Специјалниот пратеник на американскиот претседател Доналд Трамп за Украина и Русија Кит Келог изјави дека мировниот план за Украина би можел да биде завршен за неколку дена или недели.

“Морате да ни дадете малку простор и време, но не мислам на шест месеци, туку неколку дена или недели”, изјавил тој во Минхен.

Келог изјавил дека моментално постои двоен пристап кон мировните преговори, со претставници на САД кој се во врска со Русија, и претставници на САД со Украина и сојузните нации, пренесуваат странските медиуми.

Келог напомена дека работи во името на други групи и додаде, спротивно на претходните сугестии на САД, да Украина и Европа мора да бидат дел од тие преговори.

Специјалниот пратеник додаде дека САД се уште не се подготвени да ги изнесат барањата за обезбедување на безбедносните гаранции на Украина во рамките на преговорите.

“Морате да ги поведете сојузниците со себе. Дали тие (Украина и Европа) ќе играат улога? Секако дека да. Не можете тоа да го направите без било кој”, изјави тој.

Келог потоа појаснил дека претставниците од ЕУ можеби физички нема да бидат на масата во текот на мировните преговори, но дека интересите на регионот ќе бидат земени во предвид.

“Сакаме да обезбедиме тоа да биде траен и одржлив мир”, заклучи Келог.

Европските политичари повеќе пати барале да бидат вклучени во преговорите за ситуацијата со Украина.

Германската министерка за надворешни работи Аналена Бербок во четвртокот изјави дека мирното решение на конфликтот мора да ги вклучи и претставниците од Европа.

Кандидатот за канцелар од опозиционата партија Фридрих Мерц, преговорите денес ги нарече неприфатливи доколку се случат без присуство на претставници од ЕУ и Киев.

Италијанскиот министер за надворешни работи и заменик премиерот Антонио Тајани исто така изјави дека Европа не треба да игра споредна улога во моќните преговори.

Претседателите на Русија и САД, Владимир Путин и Доналд Трамп во средата одржаа телефонски разговор кој траеше речиси час и половина.

Според зборовите на прес-секретарот на рускиот претседател Дмитриј Песков, лидерите разговарале за прашања кои се однесуваат на размена на државјани на двете земји, како и решавањето на ситуацијата во Украина. Тој истакна дека Вашингтон е главнната конекција со Москва, кога е во прашање прекинувањето на конфликтот.

Истовремено, после разговорот помеѓу Путин и Трамп, ниту Кремљ, ниту Белата Куќа не спомнаа било каква улога на Европа или Украина во идните преговори.

Лидерите се сложија да го продолжат личниот контакт, вклучувајќи и организирање на личен состанок.

Според зборовите на Песков, Ријад е спомнат како можна локација за состанокот помеѓу Путин и Трамп во текот на нивниот телефонски повик.

Continue Reading

Европа

Првиот човек на НАТО го предизвика Путин, дали рускиот претседател ќе возврати?

Published

on

Марк Руте, генералниот секретар на Алијанската на Минхенската безбедносна конференција изјави дека рускиот претседател Владимир Путин не би се осмелил да нападне земја-членка на НАТО.

Генералниот секретар рече дека е оптимист за односите меѓу Европа и САД. Тој исто така изјави дека не верува оти Русија ќе нападне земја од НАТО, но предупреди дека доколку се осмели да го стори тоа, НАТО ќе одговори со сета своја цврстина и сила. Подвлече и дека САД и Европа остануваат на истите позиции за иднината на Украина.

„Имаме јасен заеднички став дека Украина треба да ја има најдобрата можна почетна позиција во мировните преговори, дека треба да продолжи испораката на оружје и обуката на украинските војници, но и дека исходот од мировните преговори треба да биде дека Украина е суверена држава која никогаш повеќе нема да биде нападната од Русија, од Владимир Путин“, рече генералниот секретар на НАТО.

Во исто време, британскиот министер за надворешни работи Дејвид Лами рече дека ќе ги охрабри американскиот претседател Доналд Трамп и украинскиот претседател Володимир Зеленски да го продлабочат своето партнерство во иднина.

Лами рече дека најдобрата гаранција за безбедноста на Украина од идната руска агресија е вклучувањето на американската индустрија, бизнис и одбранбените капацитети во нејзината иднина.

Continue Reading
Advertisement
Advertisement

Трендинг

Copyright © 2024 Булевар.мк