По назначувањето за координатор на Македонското друштво Илинден-Тирана за областа Голо Брдо, Фатри Фетаху упати благодарност до преседателот и до раководството на Македонското друштво Илинден-Тирана.

Во својата порака наведува „изразувам голема благодарност за повторно искажаната доверба, по втор пат, да бидам преставник на Македонското друштво Илинден-Тирана за нашиот регион Голо Брдо. Чест и задоволство ми е да ја извршувам дејноста како кординатор за Голо Брдо и ветувам дека чесно и достоинствено ќе ги застапувам интересите на нашите сограѓани во секој аспект.

Верувам дека заеднички и сплотени ќе се избориме со сите неправди кои нѝ се извршени. Време е да кажеме: Доста е! На сите оние кои ни наштетувале и се обидуват да ни наштетат. Живееме во демократија, во време кога секој поединец може да го изрази свото чувство за нацијата кон која припаѓа, верата кон која припаѓа.

Во 21 век срамно е некому да му се наметнуваат и насилно да се бара да се изјаснува поединецот онака како што бараат други. Верувам и повикувам сите жители на Голо Брдо, не само да се чуствуваате како горди Македонци туку и слободно да се изјасните како горди Македонци. Тоа нѝ е наследство од нашите предци и иднина за нашите потомци. Секој кој што ќе ве убедува дека тоа не е така, дека ќе има последици или закани ако се изразите за Македонци се плаши од нашата богата и долга македонска историја. Да не подлегуваме и да не дозволиме да ни подметнат фалсификат!!! Вистината била и е една, независно од потребата на многумина кои сакале да ја избришат. Ние сме биле и сме горди Македонци! – стои во изјавата на Фатри Фетаху, дипломиран економист, жител на село Требиште, областа Голо Брдо.

Фатри Фетаху е роден во село Требиште, област Голо Брдо, а од 2015 година е член на Mакедонското друштво Илинден-Тирана, активист на македонското национално малцинство во областа Голо Брдо. Од 2019 до 2021 година бил подпретседател на Mакедонското друштво Илинден-Тирана – Огранок Голо Брдо, и од 2021 до 2024 претседател на Mакедонското друштво Илинден-Тирана“ Огранок Голо Брдо и дописник на Македонскиот весник “Илинден“. За својата ангажираност Фетаху, во 2016 година, беше добитник на благодарница “Илинден“ која традиционално се доделува од Mакедонското друштво Илинден-Тирана.

Демократското Движење денес го формираше Форумот на жената, значаен чекор кон зајакнување на улогата на жените како во политиката, така и во општеството. На чело на овој форум е избрана пратеничката Саранда Имери, докажана лидерка и достојна претставничка на визијата на Демократското Движење за еднаквост и напредок.

За Демократското Движење, според претседателот на партијата, Изет Меџити, жената претставува темел на градењето на инклузивна и прогресивна политика.

Формирањето на Форумот на жената, како што изјави Меџити, има за цел да создаде платформа која ќе го засили гласот и ќе го унапреди придонесот на жените во процесите на одлучување, инспирирајќи ги младите генерации кон лидерство.

„Претставувањето на жените во оваа партија го отсликува нејзиниот ангажман за еднаквост и зајакнување: трите пратенички на Демократското Движење во Собранието се жени, што претставува уникатен пример во домашната политика. Исто така, жени раководат и со клучни државни позиции како заменик-министерот и портпаролот на Владата“, изјави претседателот на Демократското Движење, Изет Меџити.

Форумот на жената на Демократското Движење е доказ за непоколебливата посветеност на ова Движење да создаде простори каде што жените можат да водат, да придонесуваат и да носат одржливи промени.

„Затоа што таму каде што жената е зајакната, иднината е изградена“, заклучи Меџити.

Денеска сме на овој проект, на овој пат којшто ќе поврзе две населени места во Општина Петровец, оттука одиме на она место каде што практично се реконструира и се проширува капацитетот на детската градинка и слушнавте од градоначалникот дека повеќе нема да има листа за чекање, рече премиерот Христијан Мицкоски при увидото во реконструкцијата на патот Катланово – Градманци

Така што сите оние проблеми коишто во минатото постоеле се трудиме да ги решаваме, се надева дека не може тоа да биде од еднашка, но чекор по чекор полека но сигурно се завршуваат проекти и се решаваат проблеми, слушнавте од градоначалникот дека сега во следниот повик коишто ќе го објави Владата преку Министерството за локална самоуправа проектите во вредност од 1.200.000, 1.300.000 евра се веќе подготвени, а јас апелирам и до другите градоначалници истото да го сторат. М

ислам дека сега во вторник веќе на следната владина седница ќе донесеме одлука со којашто ќе го распишеме повикот до општините за да конкурираат со проекти и мислам дека барем од тоа што имам како информација, мислам дека ќе биде исклучително успешен овој пат за да не се доведеме во ситуација да го продолжуваме рокот, имале, немале одобрение за градба па имале проект немале проект ќе биде малку подолг рокот до таму некаде крајот на месец април за да можат сите оние што нема да стигнат со одобрение за градба и оние документи кои се потребни да успеат во меѓувреме да ги обезбедат.

Така што јас сум исклучително среќен и задоволен за сето она кое што претставувало претходно проблем за граѓаните, сега се надминува, се решава преку овие средства кои се реалоцирани од буџетот. Се градат улици, се градат патишта, булевари, се градат градинки, училишта, сали, практично капитални инвестиции коишто ќе го подобрат квалитетот на живот на нашите сограѓани.

Уште еднаш му честитам на градоначалникот, на пратеникот кој што доаѓа од Општина Петровец, на советниците, на администрацијата што секогаш буквално работата посветено за да сето ова денеска кое ние го гледаме биде реалност.

Тука исто сакам да ја потенцирам и улогата на Министерството за социјална политика, демографија и млади, Министерството за транспорт кои што исто така учествуваат во овие проекти, бидејќи преку нив практично се фасилитираат средствата. Со други зборови да имаме што е можно повеќе вакви проекти и да се занимаваме со политика за да создаваме. Тоа е она кое што е наша инспирација и мотив.“