Monthly Archives: November 2021

Македонија

Таткото ја силувал, мајката ја подведувала за проституција за 500 денари, на крајот ја продале во Косово за 3000 евра

По претходно донесената Наредба за спроведување на истражна постапка, обезбедени Наредби за приведување на осомничени лица од судијата на претходна постапка при Основниот кривичен суд Скопје, надлежен јавен обвинител од Основното јавно обвинителство за гонење на организиран криминал и корупција даде насоки на Националната единица за сузбивање на криумчарење мигранти и трговија со луѓе при Министерството за внатрешни работи за преземање на дејствија.

Во акцијата се приведени тројцата осомничени за кои постои основано сомнение дека првоосомничениот сторил две продолжени кривични дела и тоа кривично дело – Родосквернавење и кривично дело Трговија со дете, додека останатите двајца осомничени сториле продолжено кривично дело Трговија со дете.

Првоосомничениот, татко на шест деца, од кои на три малолетни девојчиња, искористувајќи исти прилики во подолг временски период извршувал обљуба со една од своите малолетни ќерка. Во исто време второосомничената злоупотребувајќи ја својата положба, како мајка на детето кое не наполнило 14 години, го подведувала девојчето да врши полови дејствија за паричен надомест со третоосомничениот. Таа му го носела девојчето на третоосомничениот, во неговата куќа и за паричен надомест од по 2.000,00 денари, а понекогаш од по 500,00 денари, ја принудувала да се соблекува и да има сексуални односи со него. Доколку детето – одбиело, мајката употребувала физичка сила.

Исто така, првоосомничениот злоупотребувајќи ја својата положба како татко, ја продал својата ќерка, на маж од Косово кој го пронашол преку интернет. Откако бил исплатен паричен надомест од 3.000,00 евра, девојчето било однесено во Косово заради склучување на присилен брак. По два месеци тоа дошло на гости кај нејзините родители, а првоосомничениот со оправдување дека било многу далеку не ја вратил во Косово и продолжил да врши обљуба врз својата малолетна ќерка.

Во текот на денот осомничените се изведени пред судија на претходна постапка кој го прифати предлогот на Основното јавно обвинителство за гонење на организиран криминал и корупција и на сите осомничени со решение им определи мерка – притвор во траење од 30 дена.

По насока на јавниот обвинител малолетничките се згрижени од страна на ЈУ Меѓуопштински центар за социјални работи – Скопје. За кривичните дела за кои се товарат осомничените е предвидена казна затвор во траење од најмалку 10 години, односно 12 години за дејствијата за кои се товари третоосомничениот.​

Забава

Му се ОДМАЗДИЛА на дечкото за НЕВЕРСТВО – АМА НАПРАВИЛА КОБНА ГРЕШКА (ФОТО)

Дека изреката „одмаздата се сервира ладна“ докажува и примерот на оваа девојка која сакала да го повреди дечкото за невеството.

Имено, таа и нејзиното, сега, поранешно момче биле во долгогодишна врска кога дознала дека ја изневерувал неколку пати.

Како што пишуваат странските медиуми, девојката со „жешка“ глава и револтирана отишла пред неговата куќа и му го демолирала автомобилот.

Автомобилот марка „Mitsubishi Outlander“ останал без речиси сите стакла и ретровизори, попатно исчкртан со црн спреј, но девојката направила „мала“ грешка поради тоа кога приказната заврши во медиумите.

Во моментот девојката не забележала дека цело време уништува погрешен автомобил.

Таа направила несреќна една сосема невина жена, која почнала да вреска од агонија кога излегла од куќата и го видела автомобилот на кој пишува „Мајк е прељубник“.

Жената чиј автомобил е уништен се обидува да го реши проблемот со осигурителната компанија и полицијата, а дали девојката ќе ги сноси последиците останува да видиме …

Македонија

Комитова: ПОЖАРОТ, а не патот е главна причина за автобуската несреќа во која загинаа 45 лица

Министерот за регионален развој и јавни работи на Бугарија Виолета Комитова денеска на прес конференција ги презентираше резултатите од увидот на патниот правец Драгичево – Долна Дикања, делница на која се случи автобуската несреќа во која загинаа 45 граѓани на Република Северна Македонија.

Увидот на делницата меѓу Драгичево и Горна Дикања беше спроведен откако беа констатирани проблеми во патната инфраструктура, што можеле да придонесат за кобната несреќа.

Според Комитова историјата на овој патен правец започнува во 2002 година, со одобрен технички проект и градежна дозвола. Во 2006 година има дополнителна дозвола за изградба на патни клучки. Актот е издаден во 2007 година и има ограничување на брзината од 90 километри на час. Поради некоја причина, во 2013 година максимално дозволената брзина е зголемена на 120 километри на час.

– Не можеме да тврдиме дека зголемувањето на максималната брзина од 120 километри на час е главната причина за несреќата. Грубоста на површината на патот е во прилично добра состојба. Во однос на заштитната ограда наречена „рибна опашка“ истата ги исполнува стандардите. Наводно, несреќата не била со голема брзина, но избувнал пожар. Имаме многу чуден настан – пожар, што мислам дека е главната причина за жртвите. Немаме објаснување како точно изгоре овој автобус – додаде таа.

Она што може да го направи Министерството за регионален развој и јавни работи како краткорочни мерки е да ја замени ознаката и да ја намали максималната брзина на 90 км/ч, рече министерката Комитова.

Здравје

„Јас се вакцинирам, ти кркаш 30 денари“: Др Лазаров вели дека мерката на Владата е бесцелна

Комисијата за заштита на населението од заразни болести до Владата предложи нова мерка за зголемување на вакциналниот опфат во државата, на начин што секој матичен лекар кој ќе постигне во својата ординација 70 проценти од пациентите да му бидат вакцинирани против ковид, да добие бонус од 30 денари по пациент.

За матичен лекар со 3 илјади пациенти, бонусот би бил над илјада евра, пренесува Слободен печат.

Нема сила којашто може да го разубеди пациентот што не сака да се вакцинира, да го стори тоа, вели за „Слободен печат“ матичниот лекар и претседател на Асоцијацијата на млади лекари и специјализанти, доктор Ненад Лазаров.

Досега во неговата ординација вакцинирани против ковид се нешто над 40 проценти од прикрепените пациенти, а со сите други што се обидел да разговара, формално или неформално надвор од ординацијата, не сакаат ни да слушнат за тоа.

„Ниеден пациент не сум разубедил, а сум настапувал аргументирано. Ако не сака, не сака.

Повеќе

Здравје

Пановски: Рестриктивни мерки МОРА ДА ИМА, без разлика на ОМИКРОН варијантата

Епидемиолошката состојба со ковид-19 во Северна Македонија е стабилна, засега нема да се воведуваат нови мерки и рестрикции, а внимателно ќе се следи состојбата со ширењето на новиот сој омикрон, најавија здравствените власти. Дали може да се биде спокоен?

„Без разлика на новиот сој омикрон, рестриктивни мерки треба да има“, вели микробиологот д-р Никола Пановски за Дојче веле.

„Омикрон ќе дојде, ама му треба време. За него ќе треба да се обрне внимание пред Нова Година. Но, да не чекаме да се повтори ситуацијата како со делта сојот. Тогаш сметаа дека нема потреба од контрола на границите за граѓани кои доаѓаат од земји со висока трансмисија на делта сојот, а кога воведоа мерки – се однесуваа за излегување од земјава“, потсетува д-р Пановски.

Според него, најдобро е во овој период училиштата да преминат на онлајн настава, или барем на комбиниран модел „пола–пола“.

„Исто така, по 22 или 23 часот не треба да има собирања надвор, а бројката на присутни во угостителски објекти да се редуцира на 30 отсто“, смета д-р Пановски.

Македонија

Македонците во Австралија се кренаа против забраната на сонцето од Кутлеш на ТВ емисија (ВИДЕО)

Македонците во Австралија најостро протестираат поради забраната на телевизиската емисија “Macedonians In The Aussie Land“ (Македонците во Австралија) и логото на Македонската програма на ТВ КАНАЛ-31 од Мелбурн, јавува Светскиот Македонски конгрес.

Логото на емисијата е стилизиран симбол на зраците од Сонцето од Кутлеш и тоа е забрането најверојатно по интервенција на грчката заедница во Австралија која смета дека се работи за ѕвездата од Вергина која Македонците не смеат да ја користат.

Нашинците на седмиот континент потсетуваат дека логото на Македонската програма на ТВ КАНАЛ-31 од Мелбурн се прикажува повеќе од 11 години и никогаш досега не претставувал проблем за рестрикција кон Македонската заедница во Австралија, напротив содржи добри пораки и убави намери.

Македонците во Австралија за неодговорна ја сметаат одлуката на управата на ТВ КАНАЛ-31 од Мелбурн за забрана на логото на Македонската програма на ова австралиска телевизија и очекуваат натамошно продолжување на нејзиното емитување со истото лого како и досега!

Македонската заедница во Австралија упатува силен револт против управата на ТВ КАНАЛ-31 од Мелбурн поради забрана за емитување на емисијата “Македонско сонце“!

Македонците во Австралија и’ порачаа на управата на ТВ КАНАЛ-31 од Мелбурн, доколку не продолжи емитувањето на Македонската програма ќе ги преземат сите мерки пред надлежните институции во Викторија и Австралија за дискриминација и повреда на човековите права и слободи на Австралиските државајани со македонско потекло.

Пораката од Македонците во Австралија е емисијата “Macedonians In The Aussie Land” и нејзиното лого да продолжат слободно да се емитуваат, бидејќи забраната од ТВ КАНАЛ-31 од Мелбурн е единствена во светот и во цела Австралија, се вели во реакцијата на СМК!
_____________________________

WORLD MACEDONIAN CONGRESS – AUSTRALIA: CALL TO ALL MACEDONIAN ORGANIZATIONS TO DO THE SAME

PROTEST TO CHANNEL-31 MANAGER SHANE DUNLOP AFTER HIS CANCELETION OF THE MACDONIAN TV PROGRAM “MACEDONIANS IN THE AUSSIE LAND“!

A copy of the letter sent to Channel 31 Manager Shane Dunlop after his cancelation of the Macedonian TV program ‘Macedonians in the Aussie Land’. WE URGE ALL MACEDONIAN ORGANISATIONS TO DO THE SAME!

Attention Mr Shane Dunlop,

The World Macedonian Congress-Australia (WMC-A) and the Macedonian community at large is furious and mystified at the news that the Macedonian Program ‘Macedonians in the Aussie Land’ had been terminated and will no longer be airing on Channel 31.

We understand from the producer, Mr Zoran Siljanoski, that the show was put under duress for its usage of the 16 ray Macedonian sun in the program.

The 16 ray Macedonian Sun is not subject to any Australian law that prohibits its use or display to represent the Macedonian community. The symbol is NOT a registered trademark in Australia and therefore not subject to any trademark infringements.

Specifically Mr Siljanoski was not attempting to register a brand or logo with his opening credits rather, he was displaying a recognized Macedonian ethnic symbol and what was the official flag of the Republic of Macedonia until 1996, neither of which are subject to any commerciality restraints.

We understand that your email responses to viewers of the program and members of the Macedonian community who have complained about the program being taken off air are at odds with Mr Siljanoski’s understanding of the underlying cause of the programs cancelation which we believe to be racially motivated in contravention of the Racial Discrimination Act 1975

WMC-A also understands that Channel 31 has been subjected to political pressure from a Greek ultranationalist lobby group which has motivated the decision to remove the program.

We are disappointed that the principles of basic human rights are not being adhered to and that Channel 31 has succumbed to supporting racist and discriminatory behavior against the Macedonian program and ethnicity.

Please note that we shall be reporting this matter to the Australian Human Rights Commission and the Federal Minister of Communications.

Ironically, it’s a throwback to the oppression Macedonians suffered causing them to flee their homeland in the 20s, 30s, 40s and 50s to come to a country where multiculturalism, supposedly took pride of place in its inclusionary government policies.

The Macedonian community in Australia is still reeling from the early 20th century paradox they appear to live in as foreign political influence begins to dictate Australia’s censorship policies.

It serves the denial of Greece’s 20th century colonialism, genocidal history and human rights abuses towards the Macedonian people between WW1 and the aftermath of WW2 while using disputed antiquity as a political smokescreen.

Actions such as these have allowed Greece to justify its crimes against humanity for decades without being held to account.

For your information, the Macedonian Language is an approved, internationally ratified and ISO standardized language. It is spoken by people who are ethnically Macedonian, (an ethnic identity officially recognized by the United Nations) and that traditionally reside in the Balkans throughout five different countries that currently occupy the geographic and ethnographic region of Macedonia. It encompasses the entire Republic of Macedonia, northern part of Greece, western Bulgaria and small border regions of Albania and Serbia.

We demand that you reinstate the Macedonian program – ‘Macedonians in the Aussie Land’, that the Channel 31 philosophy of “open access” and “support for diverse communities and multicultural groups” is upheld, and that Channel 31 ceases the blatant discrimination towards the Macedonian people.

We await your response to the above concerns and request!

“Macedonians In The Aussie Land” Melbourne’s TV Channel 31 C31 Melbourne and Geelong Victorian Equal Opportunity and Human Rights Commission ABC Australia SBS Australia Human Rights Watch

Македонија

Уaпceни три лица за лaжни зakaни за тepopистички нaпaд во Скопје

Три лица биле приведени поради објава на два видео-клипа на платформата „Тик Ток“ во кои има лажни закани за можен терористички напад на еден трговски центар во Скопје, соопшти Министерството за внатрешни работи.

Откако биле објавени видеата во акцијата се вклучиле повеќе сектори во МВР, како тој за борба против тероризам и секторот за компјутерски криминал и дигитална форензика, но и Агенцијата за национална безбедност (АНБ).

Трите лица, од кои двајца се татко и син, биле лоцирани, а од јавен обвинител е добиена насока да се направи претрес во нивните домови.

Едно од лицата е 26-годишно момче од селото Студеничани додека таткото и 22-годишниот син се од Скопје. Во домот на таткото и синот биле пронајдени уредите преку кои тие ги објавиле лажните видеа, а синот во разговор со полицијата признал дека тој ги изработил и објавил. Од МВР најавуваат дека ќе поднесат и кривични пријави против тројцата приведени.

Истражување

46 % од граѓаните во Македонија сметаат дека ОД АВИОН се прскаат ВИРУСИ и различни ТОКСИДИ

Речиси 65 отсто од граѓаните сметаат дека Ковид-19 е креиран во лабораторија за да се контролираат луѓето, а 44 отсто се согласни дека бројките на заболените од Ковид-19 се зголемувани, и се плаќало за да се пријавуваат луѓето дека починале од Ковид.

Ова се наодите од истражувањето на јавно мислење „Човек од народот: Анализа на јавното мислење за политичките барања на граѓаните“ спроведено од Институт за демократија „Социетас Цивилис“ (ИДСЦС), во соработка со Претседателскиот центар за политичко образование (ПЦПО).

Миша Поповиќ, раководител на центар и постар истражувач во Институтот за демократија „Социетас цивилис“ на денешното презентирање на наодите птоенцираше дека според одговорите од анкетата, кај граѓаните постои висока дистрибуција на прифатливост на теории на заговор.

Дури 46 отсто од испитаниците сметаат дека од авион се прскаат вируси и различни токсиди.

Како што рече Поповиќ, 72 отсто од граѓаните сметаат дека светот го контролираат неколку моќни семејства, односно дека на некои тајни самити во некои замоци во Европа е одлучено за тоа како ќе тече историја, кој ќе дојде на власт итн..

Исто така, 46 отсто од испитаниците се согласуваат дека климата се контролира со одредени сателити или радари, а од локалните теории на заговор, 44 отсто од испитаниците се согласуваат со тоа дека бројките за Ковид болни се зголемувани, заради тоа што се паќало за да се пријавуваат луѓето дека починале од Ковид, а 46 отсто од граѓаните сметаат дека од авион се прскаат вируси и различни токсиди.

Од малку пониските бројки, во истражувањето се наведува дека 29 отсто од испитаниците сметаат дека не постојат климатски промени, а 57 отсто од испитаниците сметаат дека големите медиуми шират лаги

Македонија

Родителите реагираат: Снимката со „Жена од султана“ е извадена од контекст, имало музичка желботека во градинката

Со реакција се огласија родителите на повеќе деца од групата, кои велат дека снимката е извадена од контекст, бидејќи тој ден во градинката се играле и пееле секакви песни, затоа што била организирана музичка желботека.

„Навистина е жално петгодишни деца, со дел од снимка која не покажува содржина, каков што е насловот на видеото и како што е реакцијата од анонимниот родител, да бидат искористени за погрешни цели. На видеото се гледаат деца како играат, пеат и се забавуваат и тоа на вообичаен детски начин, адекватен на нивната возраст“, велат родителите во реакцијата.

Министерството за труд и социјална политика, по објавувањето на веста, одлучи да спроведе вонреден инспекциски надзор во градинката.

Миа Костова на социјалните мрежи објави статус во кој вели дека снимката од градинка каде учителка на децата им ја пушта песната „Жена од султана“ е извадена од контекст.

„Добив повик од родител чие дете е дел од групата ‘жена од султана’ .

И сега, наместо новинарски некој да настапи како што треба, да ги слушне двете страни, да не биде субјективен како било кој од нас, учителката е сигурно на хелекси додека децата немаат поима што се случува, родителот што ја пласираше снимката смета дека направил добро дело а голем дел од родителите не се сложуваат со снимката или велат ‘извадена е од контекст’ и велат се работи за инзвонредена учителка која е омилена помеѓу децата но и родителите.

Имено, за време на слободни активности се игра игра во која секое дете одбира песна, а учителката му ја исполнува желбата со тоа што сите играат на музичката желба на детето. Во вибер група пристигнале многу снимки од убава музика и две три желби со турбо фолк содржина која сепак била желба на некое од децата. И дали ќе беше дискриминирачки да не се исполнеше желбата на детето на ‘султана’?

Од она мое малку искуство новинарско, сметам дека убаво е секогаш да има објективност во новинарството, во секоја вест и во сѐ она што го коментираме. Вклучувајќи ме и мене.

Не велам дека е исправно ама еве одлучете вие што би направиле на место на учителката?“, стои во објавата.

Македонија

Интервју на сопственикот на Беса турс: Си велев зошто не сум јас во тој автобус, да умрам

Беким Хаџиу рече дека автобусот поминал на технички преглед пред да замине од Турција и се било во ред. Ја исклучува можноста некој од патниците да има увезено запаливи материи. Хаџиу потврди дека и тој и неговото семејство биле дел од патувањето, но патувале во друг автобус. Неговите деца биле во последниот автобус.

Беким Хаџиу рече дека досега не зборувал за медиумите бидејќи е шокиран од тоа што се случило, но на секој начин соработува со истражителите за да се утврдат причините за инцидентот во кој загинаа 45 лица.

Тој рече дека автобусот бил произведен во 2007 година, но бил купен од неговата компанија пред околу три години. Според сопственикот, досега немало технички проблем со автобусот.

На Беким Хаџиу се уште му е тешко да ја прифати трагедијата на автопатот Струма, во која загинаа 45 лица кои патуваа во еден од неговите автобуси.

-Си велев зошто не сум во овој автобус, да умрам во автобус и тоа си го кажав многу пати, вели Беким Хаџиу, сопственик на Беса Транс.

Беким Хаџиу со семејството често учествуваше на екскурзиите што ги организираше неговата туристичка агенција.

Овој пат, од Македонија тргнаа четири автобуси. На враќање од Турција, во автобусот кој се движел прв патувал сопственикот на фирмата и неговата сопруга. Нивните деца биле во еден од автобусите. На граница, на излез од Бугарија, Беким Хаџиу дознал дека автобусот му излетал.

-Им реков да ме испратат на местото да видам со свои очи што се случило таму, додаде Беким Хаџиу.

Сопственикот на „Беса транс” се качил со такси и се вратил на местото на несреќата.

Беким Хаџиу одби да коментира за несреќата бидејќи истрагата се уште е во тек. Сепак, рече дека три недели пред несреќата автобусот поминал на технички преглед. Дополнително, пред секое патување, сите возила поминуваа низ сервисен центар.

-Пред да тргнеме за Турција ги сервисираме, контролираме, па дури и кога ќе стигнеме до Истанбул и таму одиме на сервис да ни проверат, превезуваме патници, да видиме каква е состојбата. Се беше во ред таму и таму и кога бевме на сервис таму, ни кажуваат нешто веднаш да го поправиме, објасни сопственикот на „Беса транс“.

Хаџиу рече дека во автобусот немало цевки со нелегално увезено гориво. Поради темелните проверки на бугарските граници се исклучува можноста патник да внесе пиротехника.

-Во секој автобус има цевчиња, имаат вода, секој автобус мора да ги има за секој случај. Ова е резервна вода. Строги контроли за влез во Бугарија, багаж, возач – се – што се носи, рече Беким Хаџиу.

Одземена е лиценцата на фирмата сопственик на опожарениот автобус.

Сопственикот на Беса Транс ги опиша возачите на автобуси како добри и искусни професионалци кои многупати ја поминале оваа релација. Строго ги почитуваа часовите за паузи. Тој тврди дека автобусот има фабрички ограничувања и не можел да крене повеќе од 100 km/h. На прашањето дали автобусот ги има сите потребни документи, Беким и неговиот адвокат рекоа дека во оваа фаза нема да коментираат бидејќи истрагата е во тек.

-Можеме со сигурност да кажеме дека Беса Транс има дозвола да врши транспортни дејности на територијата на Европа и повторно да врши туристичка дејност на територијата на Република Северна Македонија и надвор од РСМ, изјави адвокатот Лубомир Таков.

Беким рече дека неговата компанија е основана во 2009 година, но веќе четири години е редовен превозник во Истанбул. Во цената од 80 евра е вклучено патување и две ноќевања, а секое патување во рамките на патувањето и услугата се доплаќа.

Беким Хаџиу од несреќата живее во Бугарија. Изнајмил стан за да им биде достапен на истражителите и да помогне колку што може. Тој вели дека е достапен и за жртвите. Неговите роднини се во контакт и со роднините на луѓето во опожарениот автобус.

-Никој не сакаше ова да се случи. Сите го знаат тоа. Не дозволувајте никому да му се случи оваа трагедија, тажна, многу тажна трагедија. Не знам што друго да кажам, изјави за БНТ сопственикот на Беса транс.

Беким Хаџиу рече дека не се чувствувал загрозен од никого.