На 1 септември ученикот отишол со опавче на училиште, а истиот ден директорката усно наредила на класната да го отстрани опавчето на детето и следниот ден детото да дојде со „средена“ фризура. Комисијата за спречување и заштита од дискриминација утврдила дискриминација, пренесува СДК.мк.

Комисијата за спречување и заштита од дискриминација утврдила дискриминација во Миравци, откако  ученик од основното училиште „Свети Климент Охридски“ сам си ја исекол косата плачејќи поради тоа што фризурата не им се допаднале на класната, педагогот и на директорката, пренесува СДК.мк.

Мајката на момчето за случајот ја известила Комисијата на почетокот на септември. Таа рекла дека претходно од училиштето добила порака дека нејзиниот син требало да дојде „среден“ во косата и навела дека тој немал долга коса.

На 1. септември таа го испратила синот со опавче, а истиот ден директорката на училиштете усно наредила на класната да го отстрани опавчето на детето и следниот ден детото да дојде со „средена“ фризура.

Детето не кажувајќи дома, а по разговор со мајката и со класната, плачејќи земало ножички и само си ја скротило косата над очите. Следниот ден ученикот заминал да ја поправи косата на фризер. Мајката вознемирана побарала разговор со директорката, која ја информирала дека училиштето имало кодекс на облекување.

Мајката била предупредена и од педагогот дека ако не ја средело фризурата, нејзино дете ќе добие укор што е мерка пред бркање од училиште, по што случајот го пријавила и пред Народниот правобранител.

По вчерашното пуштање во употреба на експресниот пат Страцин-Крива Паланка, за кој СДСМ тврдат дека бил нивно дело, аналитичарот Џевдет Хајредини со констатација:

„СДСМ и ДУИ додека беа заедно на власт го изградија патот долг 25,5 километриСтрацин – Крива Паланка, додека двајцата „координатори на ДУИ“, Османи и Артан, не можеа да изградат ниту 2 километри пат кон Косово.

Во духот на верата и почитта кон македонските традиции, премиерот на Република Македонија, Христијан Мицкоски, денес ја посети црквата „Свети Наум Охридски“ на Попова Шапка.

„Традиционално, во духот на верата и почитта кон нашите корени, денес ја посетивме црквата. Нека е за многу години,“ изјави Мицкоски, нагласувајќи ја важноста на верските и културните вредности кои го збогатуваат македонскиот народ.

Посетата беше проследена со молитва и средба со верници, кои ја искористија можноста да се сретнат со премиерот и да разменат мислења за тековните случувања во државата.

Мицкоски истакна дека ваквите моменти ја зацврстуваат заедништвото и ја нагласуваат потребата од зачувување на духовното наследство на Македонија.