Министерката за енергетика, рударство и минерални суровини, Сања Божиновска, денеска оствари конструктивна средба со амбасадорката на САД, Н.Е. г-ѓа Ангела Агелер.

Во рамки на средбата, беше потенцирана заедничката посветеност кон унапредување на соработката меѓу двете земји во клучни области како енергетската безбедност и одржливиот развој. Разговорите се насочија кон:

🔹 Енергетска безбедност – зајакнување на инфраструктурата и обезбедување стабилност на енергетскиот систем.

🔹 Одржлив развој – реализација на зелени проекти и поттикнување на енергетски иновации.

Божиновска ја истакна важноста на партнерството со САД како клучен фактор во градењето на одржлива и енергетски стабилна иднина. Таа изрази благодарност за континуираната поддршка која ја добива државата, со цел обезбедување на подобар животен стандард за сите граѓани.

„Силната соработка со САД претставува значајна поддршка за нашите амбициозни цели во зелената транзиција и енергетскиот развој,“ истакна Божиновска по средбата.

СВР Охрид поднесе кривична пријава против А.Б.Ш.(31) од Република Ирска, со привремен престој во Охрид, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.

На 16.01.2025, при претрес во неговото патничко возило и во станот каде привремено претстојува, извршен со судска наредба, полициските службеници од Одделението за недозволена трговија со дрога при СВР Охрид пронајдоа и одзедоа марихуана, бела прашкаста материја, дробилка и повеќе други предмети со остатоци од марихуана и бела прашкаста материја.

На него му е одредена мерка куќен притвор во траење од 30 дена.

На 21 јануари 2025 година, во 09:15 часот, во СВР Охрид било пријавено дека на магистралниот пат А2, во близина на селото Врбјани, општина Дебрца, се случила тешка сообраќајна несреќа.

Во несреќата учествувале две патнички возила: фолксваген бора со кичевски регистарски ознаки, управувано од Х.И. (39) од село Стрелци, кичевско, и фолксваген пасат со скопски регистарски ознаки, управувано од И.Д. (72) од Скопје.

Како резултат на судирот, со тешки телесни повреди се здобиле сопатникот во фолксваген бора – Ф.И., возачот на фолксваген пасат – И.Д., и неговата сопатничка В.Д. Телесни повреди, пак, се констатирани кај возачот на фолксваген бора – Х.И. и другите сопатници И.Л. и Л.И.

Повредените биле пренесени во Специјалната болница „Св. Еразмо“ во Охрид, каде што им била укажана медицинска помош.

Увид на местото на несреќата извршила увидна екипа на СВР Охрид, а истрагата за утврдување на причините за несреќата е во тек.