Скопје

„Нашите миленици се наше семејство, не ги напуштајте!” – „Лајка“ и скопската зоолошка со заедничка кампања

Published

3 years ago

February 8, 2022

ЈП Лајка и ЗОО Скопје со поддршка од Градот Скопје од денес започнуваат заедничка кампања со цел подигање на свеста против напуштање на милениците и одговорно сопствеништво.

Од денот кога ќе земете миленик, тој станува дел од семејството, бара секојдневна грижа, внимание и љубов кои ќе траат со години. Многупати сме биле сведоци на напуштање на милениците или несоодветно вдомување кои резултираат со многу бездомни кучиња и мачки на улиците, но и со многу зајчиња, папагали, желки донесени во ЗОО Скопје.

Преку кампањата „Нашите миленици се наше семејство, не ги напуштајте!” заеднички ќе се обидеме да ги едуцираме граѓаните кои чуваат миленици што значи одговорно сопствеништво, низ колкав стрес поминуваат напуштените животни и зошто е добро децата да растат со миленик кој е дел од семејството. Во кампањата ќе се вклучат и наши познати јавни личности кои се љубители на животните, а во следните фази планираме и часови по емпатија во училиштата каде што како предавачи ќе се вклучат вработени од ЈП Лајка и ЗОО Скопје, како и активисти од здруженијата за заштита на животните.

Related Topics:Кампања миленици

Up Next

ЗА НИВ НЕМА СЕМАФОРИ: Возачот на Бектеши и Бесими поминал на црвен семафор, удрил две возила кои тргнале на зелено

Don't Miss

Во сообраќајката кај Владата учествувало и возилото во кое биле министрите Бесими и Бектеши

Скопје

Делови од Карпош денес без вода

Published

19 hours ago

November 4, 2024

Арлингтон

Од ЈП Водовод и Канализација известуваат дека утре (вторник) поради промена на два затворачи од ф – 150 мм на крстосницата меѓу булеварите Партизански Одреди и 8-ми Септември без вода ќе останат корисниците лоцирани на потегот од бул. 8-ми Септември до ул. Никола Тесла (општина Карпош).

Прекинот ќе биде во периодот од 08.30 часот па се до завршување на работата.

Скопје

Бесплатен скрининг на тироидната жлезда за деветтооделенците во општина Аеродром

Published

20 hours ago

November 4, 2024

Арлингтон

Учениците од деветто одделение од сите основни училишта во Општина Аеродром добиваат можност да извршат бесплатен скрининг на тироидната жлезда.

В. д. градоначалникот на Општина Аеродром, Дејан Митески, и в.д директорот на Здравствената установа „8-ми Септември“, проф. д-р Синиша Стојаноски, денеска потпишаа Меморандум за соработка, со кој се предвидува скрининзите да се реализираат во училиштата по претходно определен датум и по добиена писмена согласност од родител или старател на ученикот.

Митески по потпишувањето на Меморандумот, истакна дека само со меѓусебна грижа за здравјето на децата, можат да се создадат услови за превентивна заштита и правилен раст и развој.

Стојаноски посочи дека се планира овој проект да не биде еднократен, туку тој да се воведе како редовна практика со цел превенција на младата популација.

Општина Аеродром останува отворена за соработка со сите институции со кои можат да се создадат уште подобри услови за безгрижно и здраво детство на нашите најмлади жители, велат од локалната самоуправа.

Скопје

Утре без струја повеќе делови од Скопје

Published

2 days ago

November 3, 2024

Арлингтон

Поради планирани прекини во електродистрибутивната мрежа на ЕВН Македонија утре од 9 до 14 часот без струја ќе бидат корисниците од општина Зелениково во Таор, Ново Село, Градовци, Гумалево, Орешани, Смесница, Тисовица, Дејковци, Добрино и Пакошево.

Како што најави Регионалниот центар за управување со кризи – Скопје, утре ќе има прекини во снабдувањето со струја во периодот од 9 до 13 часот за корисниците од ул. „Исаија Мажовски“ во општина Ѓорче Петров, од 9 до 14 часот на улиците „Копенхагенска“ и „Бриселска“ и дел од улиците „Женевска“ и „Софиска“, како и кај Управата за контраразузнавање, ул „Тодор Александров“ и ул. „Славејко Арсов“ во општините Аеродром и Центар.