На видеото кое го пренесе Си-Ен-Ен, кое вчера е објавено на социјалните мрежи, се гледа како дел од фабриката за тенкови е срамнет со земја по нападот на руските сили.

Си-Ен-Ен пишува дека ја потврдиле автентичноста на видеото кое прво беше објавено на Телеграм.

На видеото се гледаат украински војници како ја проверуваат штетата во фабриката и се чини дека едниот кажува како преживеале, бидејќи многу од фабричките згради биле срамнети со земја. Се гледа и уништената зграда, на земјата куп скршено стакло, метал и бетон.

„Да ви кажам искрено, денеска бевме навистина исплашени“, рече војникот.