Monthly Archives: April 2022

Македонија

МАКЕДОНИЈА СЕ СЕЌАВА: 21 година од загинувањето на хероите кај Вејце!

Денеска се одбележуваат 21 година од нападот кај тетовското село Вејце во кој осум припадници на специјалните единици на МВР ги положија своите животи во одбрана на татковината.

Загинаа Роберт Петковски (27) од Скопје, Бобан Трајковски (28) од Куманово, Игор Костески (26) од Скопје, Миле Јаневски (30) од Македонска Каменица, Марјан Божиновски (27) од Битола, Илче Стојановски (24) од Битола, Кире Костадиновски (24) од Битола и Бошко Најдовски (24) од Битола.

Осумтемина загинати бранители, заедно со уште шестмина кои преживеаја, беа нападнати од заседа движејќи се меѓу тетовските села Селце и Вејце. Нивните тела беа масакрирани и запалени на планинскиот пат.

Шесттемина преживеани биле во последното возило од колоната. Повредени, успеале да се извлечат и да јават за масакрот.

Свет

Русија употреби ТРЕНИРАНИ ДЕЛФИНИ ЗА БОРБА ПРОТИВ УКРАИНЦИТЕ

Русија донесе обучени, тренирани воени делфини во својата поморска база во Црното Море, веројатно за да ја заштити својата флота од подводни напади.

Американскиот поморски институт (USNI) анализираше сателитски снимки од поморската база во пристаништето Севастопол и заклучи дека две засолништа за делфини биле преместени во базата во февруари, кога Русија ја започна инвазијата на Украина. Поморската база во Севастопол е од клучно значење за руската армија, бидејќи се наоѓа во јужниот дел на Крим, кој Москва го окупираше во 2014 година. до напади на подморници.

И Украина тренирала делфини и во аквариум во близина на Севастопол, во програма која датира од советската ера, но била напуштена во 1990-тите. За време на Студената војна, и Соединетите Американски Држави и Советскиот Сојуз развија употреба на делфини чиишто способности за ехолокација овозможија откривање на подводни објекти како што се мини.

Соединетите држави потрошија најмалку 28 милиони долари за одржување на сопствените трупи на делфини и морски лавови, кои исто така можат да бидат обучени да помагаат во конфликти.

Украинската морнарица ја рестартираше програмата во Севастопол во 2012 година, но делфините паднаа во рацете на Русија по анексијата на Крим во 2014 година. Украина неуспешно бара враќање на животните, а РИА Новости пренесува дека Москва планира да ја прошири шемата.

„Нашите експерти развија нови уреди кои го претвораат откривањето на цели делфини со сонар во сигнал на мониторот на операторот. Украинската морнарица немаше доволно средства за да развие таква програма и некои проекти мораа да бидат затворени“, изјави украинки воен извор за новинската агенција.

Две години подоцна, руската морнарица објави дека планира да купи уште пет делфини и објави тендер за договор вреден 1,75 милиони рубли – околу 21.000 долари – за испорака на делфини во базата во Севастопол до крајот на летото. Не се знае дали делфините за кои се верува дека денеска се во Севастопол се истите за кои беше распишан тендерот.

Сателитските снимки од 2018 година открија дека Русија користела делфини и во својата поморска база во Тартус во Сирија за време на сириската војна.

Делфините не се единствените морски животни обучени од руската војска. Се верува дека китот белуга забележан на брегот на Норвешка во 2019 година исто така бил обучен од руската морнарица. Рибарите пријавиле дека китот белуга носел чудни појаси, на кои можеби имало камери и дека им пречи на чамците влечејќи ги за јажињата.

Македонија

Бунт во СОНК: Незадоволни наставници се собираат пред седиштето на синдикатот

Video

По одлуката за ставање во мирување на штрајкот, незадоволни наставници се собираат пред седиштето на СОНК.

По одлуката на Синдикатот за образование, наука и култура (СОНК) дека штрајкот го става во мирување попладнево пред седиштето на СОНК се собраа членови на синдикатот изразувајќи незадоволство од најновата одлука.

Одлуката на СОНК беше донесена откако до нив стигнало известување од Министерството за труд и социјална политика дека Министерството за образование и наука е подготвено за мирно решавање на спорот.

Од СОНК изјавија дека мора да го почитуваат законот и дека доколку во текот на мирното решавање на спорот не се изнајдат соодветни решенија, повторно ќе го активираат штрајкот.

– Ќе мора да постапиме согласно закон и штрајкот да го ставиме во мирување. Тоа значи дека одлуката за влегување во генерален штрајк ја ставаме во мирување се додека не се реши спорот. Убедени сме дека во периодот на помирување ќе ги најдеме соодветните решенија и дека нема да има потреба да го активираме штрајкот. Доколку не се усогласиме со ставовите со ресорното Министерство за образование и наука, штрајкот повторно ќе биде активиран. Се надевам дека до тоа нема да дојде, рече Неделков.

По одлуката на Синдикатот за образование, наука и култура (СОНК) дека штрајкот го става во мирување попладнево пред седиштето на СОНК се собраа членови на синдикатот изразувајќи незадоволство од најновата одлука.

Одлуката на СОНК беше донесена откако до нив стигнало известување од Министерството за труд и социјална политика дека Министерството за образование и наука е подготвено за мирно решавање на спорот.

Од СОНК изјавија дека мора да го почитуваат законот и дека доколку во текот на мирното решавање на спорот не се изнајдат соодветни решенија, повторно ќе го активираат штрајкот.

– Ќе мора да постапиме согласно закон и штрајкот да го ставиме во мирување. Тоа значи дека одлуката за влегување во генерален штрајк ја ставаме во мирување се додека не се реши спорот. Убедени сме дека во периодот на помирување ќе ги најдеме соодветните решенија и дека нема да има потреба да го активираме штрајкот. Доколку не се усогласиме со ставовите со ресорното Министерство за образование и наука, штрајкот повторно ќе биде активиран. Се надевам дека до тоа нема да дојде, рече Неделков.

Видео:

https://fb.watch/cGyQmR8zo1/

Забава

Анастасија и Бетмен добија син

Пред два дена водителката Анастасија Богдановска објави фотографии од трудничкото стомаче проследена со емотивна порака за бебушот, а веќе денес нејзиниот сопруг Богдан Илиевски или Бетмен Велит објави дека станале родители по втор пат.

„Се роди синко. Пијте по една од мене“, напиша среќниот татко, споделувајќи ја убавата вест со своите пријатели на Фејсбук.

Македонија

Регулаторна донесе одлука: Се намалуваат цените на горивата

Регулаторната комисија за енергетика и водни услуги на РепубликаМакедонија донесе Одлука со која се врши намалување на малопродажните цени на нафтените деривати во просек за 0,39 % во однос на одлуката од 26.04.2022 година.

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) не се менуваат.

Малопродажната цена на Мазутот М-1 НС се намалува за 1,041 ден/кг и сега ќе изнесува 51,784 ден/кг.

Од 29.4.2022 година од 00:01 часот максималните цени на  нафтените деривати ќе изнесуваат:

Моторен бензин      ЕУРОСУПЕР БС – 95  84,00   (денари/литар)

Моторен бензин   ЕУРОСУПЕР БС – 98      86,00  (денари/литар)

Дизел гориво   ЕУРОДИЗЕЛ БС (Д-Е V)   85,50  (денари/литар)

Масло за горење  Екстра лесно 1 (ЕЛ-1) 84,00  (денари/литар)

Мазут М-1 НС  51,784 (денари/килограм)

Референтните цени на нафтените деривати на светскиот пазар во споредба со претходната пресметка бележат зголемување во просек кај бензините  за 0,19 %, кај дизелот има намалување за 1,242%, кај екстра лесното масло намалувањето е за 1,986% и кај мазутот намалување е за 2,305%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,088%.

Напоменуваме дека ова се максималните цени на нафтените деривати од 00:01 часот на 29.4.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, велат од Регулаторна.

Македонија

(Видео) Џафери со панцир ја посети Украина, ја спореди со Косово и Сребреница

На покана на претседателот на Собранието на Украина, Руслан Стефанчук, претседателот на Собранието, Талат Џафери, денеска е во посета на Украина, каде што допатувал со воз преку Полска во раните утрински часови, информира неговиот кабинет. Истовремено, во посета на Украина денес се и претседателите на Парламентите на Романија и Швајцарија.

Џафери ги посети градовите Буча и Ирпин и пистата во Хостомел, кои се разурнати од воените дејствија, по што заедно со другите претседатели на Парламенти дадоа заеднички изјава.

„Секако особено ми е задоволство и ја прифатив поканата и лично да ги посетам Буча и Ирпин за лично да ги согледаме последиците од она што е инвазија на Руската федерација врз Украина. Секако, моето присуство е симбол на лична, институционална и поддршка на граѓаните на Република Северна Македонија за народот на Украина и институциите на Украина. На нас од Западен Балкан ни се свежи сеќавањата од ваквите слики што ги гледавме не подолго од две децении претходно, свеж ни е Речак во Косово, свежа ни е Сребреница во Босна и Херцеговина и секако мислам дека ние најдобро ве разбираме и знаеме што значат овие слики што ги гледаме овде“, рече Џафери.

„Јас оттука можам да порачам дека лично ќе се залагам институциите и граѓаните на Република Северна Македонија да ја пружат сета можна поддршка која што ќе стои на располагање заедно со нашите партнери од Европската унија и меѓународната заедница. Секако, лично ќе се залагам овие слики да го добијат правото име што им следува, а тоа е геноцид и ништо друго.“ Оваа посета на претседателот Џафери е прва од овој вид на висок претставник од регионот и прва посета од сите нивоа на власт во Република Северна Македонија. Во рамките на посетата Претседателот Џафери ќе има и обраќање на Конгресот на локалните и регионални совети под претседателство на Претседателот на Украина, Володимир Зеленски“, додаде спикерот на македонскиот парламент.

Забава

„Од една песна заработив многу, КУПИВ СТАН И АВТОМОБИЛ“

Шериф Коњевиќ денес полни 64 години, а со децении важи за еден од балканските најбаани пејачи.  Неговите песни станаа хитови, а познато е дека првиот недвижен имот го изградил од песната „Бели венчаници“.

-Чесно го заработив и за ова се борев цел живот. Јас сум домаќин, сакам да бидам фин, чист и пријатен. Работам многу и тогаш мојот дом мора да биде таков – изјавил пејачот во една емисија, а потоа се присетил на својот прв заработен недвижен имот, од периодот кога се уште не стекнал голема популарност.

– Заработив многу пари поради песната „Бела венчаница“ која беше продадена во околу 850.000 примероци. Тоа ми беше несфатливо. Но, преку тој успех добив финансии и купив стан и автомобил – откри тој, додавајќи дека на ѕидот од својата вила нацртал мурал кој ја имитира неговата семејна куќа во Саница, каде што израснал.

Инаку, Шериф на една свадба крунисан со златна круна.

– Ова многу ќе го паметат оние кои не се среќни што ова се случи овде вечерва, ви благодарам од се срце – изјави тогаш Коњевиќ.

Македонија

Се јави Заев за 27-ми април: Се обидоа да ја завијат Македонија во црно

„Чест ми да зборувам за европските вредности денес, од мојата Струмица, европска Струмица, на овој случаен и симболичен датум – 27 април 2022 година, 5 години од победата на храброста и демократијата, врз стравот и диктатурата кои на денешен ден во 2017 година во македонскиот парламент се обидуваа тогаш да ја завијат Македонија во црно”, рече Заев по повод петгодишнината од нападот на Парламентот.

Тој рече и дека денешниот датум 27 април, затоа, е и симболичен датум да му ја честита победата на Макрон.

 „Денес, на 27 април, сакам да честитам од тука нов мандат на претседателот Макрон – тој носи нова победа на европските вредности над заканите кои национализмот ги носи врз Европа”, порача Заев.

Македонија

Сојузот на средношколци разочарани: Вчера се израдувавме, денеска повторно штрајк – Ние сакаме да учиме!

Претседателот на Сојузот на средношколци, Лука Павиќевиќ во Дневникот на ТВ Сител го изрази своето разочарување од продолжувањето на штрајкот во образованието.

„Вчера кога дознавме дека е постигнато некакво решение, го поздравивме дека еве возрасните го слушнаа зборот на средношколците и децата и постигнаа компромис. Сакаме да учиме. Две години по ред Сојузот на средношколци бара подобар образовен систем и настава. Сега повторно има штрајк, каде веќе се изгубија 10 важни работни дена и гледаме дека со првомајските празници ќе се изгуби и оваа работна недела“, изјави тој.

Извор: Фокус

Македонија

(Видео) Дурловски – Молчењето е ЗЛОТО: Се најде зад решетки пред Собранието

Video

Оперскиот пејач Игор Дурловски кој не прифати да биде амнестиран за случајот 27 април и воедно беше единствениот кој доби ослободителна пресуда од судот денеска со перформанс пред Собранието на Република Македонија го одбележа 27 април.

Тој порача дека „Молчењето е злото“ имајќи во предвид дека уставобранителите беа осудени на повеќе од 200 години затвор, а ја минуваат веќе петтата година зад решетки.

Погледнете го неговиот перформанс: