Реал Мадрид подготвува летна реконструкција – Алонсо носи нова ера и пет засилувања

По секоја неуспешна сезона, Реал Мадрид знае да одговори бурно – со длабоки промени и големи инвестиции. Така ќе биде и ова лето, каде веќе се најавуваат сериозни потези и трансфери вредни десетици милиони евра.

Клубот ќе доживее промена и на клупата – Карло Анчелоти си заминува, а неговото место ќе го заземе Чаби Алонсо, кој блескаше како тренер на Баер Леверкузен. Алонсо нема да дојде сам – со себе ќе донесе и пет засилувања, од кои две токму од неговиот сегашен клуб.

Најголемиот трансфер ќе биде оној на Флоријан Вирц, блескавиот млад талент од Леверкузен, за кого ќе бидат издвоени преку 100 милиони евра. Но, она што е особено важно за Реал е тоа што заедно со него, на „Сантијаго Бернабе“ ќе пристигне и Џонатан Тах – како слободен агент, со истечен договор.

Мадридистите имаат сериозни намери и да им го расипат пазарниот план на Ливерпул и Арсенал, кои беа во трка за Мартин Зубименди. Станува збор за одличниот играч од средниот ред на Реал Сосиедад, кој веќе неколку сезони наназад е клучен играч во тимот од Сан Себастијан.

Реално се очекуваат промени и на бековските позиции. Двајца дефанзивци од Премиер лигата се на радарот на „кралскиот клуб“ – Трент Александер-Арнолд, кој би дошол како слободен агент, и Милош Керкез, унгарскиот репрезентативец со српско потекло, за кого Мадрид ќе плати околу 50 милиони евра.

Ќе има ли Реал двајца Белингам? Џоби на чекор до трансфер од 40 милиони евра

Фудбалерот на Реал Мадрид, Џуд Белингам (21), зад себе има блескава сезона – со „кралскиот клуб“ ја освои и Ла Лига и Лигата на шампионите, а со 36 голови и 26 асистенции на 90 натпревари за Реал, потврди зошто важи за еден од најдобрите фудбалери на денешницата.

Но, Џуд можеби наскоро нема да биде единствениот Белингам на „Сантијаго Бернабеу“. Како што пишува шпанската Марка, Реал сериозно е заинтересиран за неговиот помлад брат – 19-годишниот Џоби Белингам, играч од средниот ред на Сандерленд.

Џоби сезонава има три гола и четири асистенции на 39 натпревари во Чемпионшип, а минатиот месец беше прогласен за најдобар млад играч во лигата. Сандерленд веќе обезбеди место во плејофот за Премиер лигата, а потенцијалната промоција би им донела над 150 милиони евра приходи.

Вредноста на Џоби моментно е проценета на 22 милиони евра, но се шпекулира дека Сандерленд ќе побара најмалку 40. Тоа значи дека младиот Белингам би можел да му донесе на клубот речиси 200 милиони евра – преку плејофот и потенцијален трансфер.

Џоби веќе е дел од младата англиска репрезентација и важи за играч со исклучителен менталитет и посветеност – квалитети кои многу потсетуваат на неговиот брат Џуд. Поранешниот играч на Сандерленд, Мајкл Бриџис, дури изјави: „Неговата иднина е застрашувачка. Некои велат дека може дури и да го надмине Џуд.“

Реал Мадрид се соочува со сериозни кадровски проблеми откако клубот потврди дека до крајот на сезоната нема да може да смета на тројца важни играчи – Антонио Ридигер, Ферлан Менди и Давид Алаба.

Вчерашниот ден беше вистински кошмар за „кралевите“, со серија повреди и нови суспензии. Потврдено е дека Давид Алаба го скинал менискусот на левото колено и ќе мора да оди на операција. Очекуваната пауза е најмалку два месеци, поради што неговиот настап на Светското клупско првенство останува неизвесен.

Дополнително, Лукас Васкез доби суспензија и ќе биде надвор од составот на Реал на следните два натпревари во Купот на Шпанија.

Во моментов, списокот на повредени играчи е загрижувачки долг: Карвахал, Ридигер, Милитао, Менди, Алаба и Камавинга се сите надвор од терените, што претставува голем предизвик за тренерот и остатокот од тимот во завршницата на сезоната.