Македонската ракометна репрезентација оствари победа од осум гола разлика во првиот натпревар против Романија во рамките на квалификациите за пласман на Светското првенство во 2023 година.
Нашите ракометари дојдоа до високата предност во последните 15 минути. Осумте гола треба да се одбранат в сабота во Букурешт каде ќе се игра реваншот.
„Благодарност до сите, после ковид пандемијата прекрасно беше да се игра пред публика која ни ја даде потребната поддршка. Романија е одличен противник, јас две-три ноќи не спиев мирно. Мислам дека резултатот не е реален, во последните 15 минути бевме подобри ривали. Многу пати сме биле подобри 40-45 минути, на крајот ги губевме натпреварите. За разлика од Европското првенство, сега имавме поширока ротација, со Никола Маркоски, неколку помлади играчи, и тоа беше клучот што победивме. Треба да бидеме претпазливи на реваншот, добро го познавам селекторот Чави Пасквал, го почитувам и верувам дека тој нема да се предаде до крај во овој двомеч“, изјави селекторот и капитен Кирил Лазаров по натпреварот, пренесува sportclub.mk